Skólablaðið - 01.11.1913, Blaðsíða 3

SKOLABLAÐIÐ
163
að kenna börnum biflíusöguna eftir sérstakri bók, útdrætti eða
ágripi, og svo trúfræði og siðfræði eftir annari bók. Og eitt er
víst: ný-guðfræðingar geta ekki notað Helgakver fyrir kristindóms-
kenslubók, fyrir þá sök að í því eru villulærdómar, að skoðun
þeirra; og svo má segja um hin »kverin«.
Útgefendur barnabiflíunnar ætlast til að hún eigi að vera
kenslubók í kristinfræðum, og biskup telur rétt að hún komi í
stað »kvers« og biflíusögu. Þetta er stór breyting. Eflaust breyt-
ing til blessunar af því að hún er rothögg á andlausan og
deyðandi þululærdóm. Það verða þá Lúthers fræðin, sem utan-
að þarf að Iæra, ef það er lagaskylda.
En hvenær verður þetta reynt í verki? Er nauðsynlegt að
fá Barnabiflíuna staðfesta sem barnanámsbók í kristinfræðum, og
hver gengst fyrir því? Biskup? eða hvað?
Það hefur verið kölluð kensla í kristinfræðum að hlýða yfir
kverið, og á því bygð sú trú að heimilin gætu mætavel kent
þau fræði. Nú vita allir að það er engin kensla að hlusta á
börn þylja kenslubók upp úr sér. Verði Barnabiflían lögð til
grundvallar fyrir kenslu í kristinfræðum, einvörðungu, verður
þetta vð breytast, og kemur þá að líkindum í ljós, að heimilin
eru ekki alment fær um að hafa þessa kenslu á hendi;húnmun
því að mestu Ieyti lenda á prestinum, og skólunum þar sem
þeir eru til.
Hér í blaðinu hefur áður verið lítilsháttar minst á það (1.
okt. 1910) hver ætti að kenna kristinfræði. Var þar bent á hvort
prestarnir mundu ekki geta annast hana að mestu Ieyti, meðal
anuars með því, að halda kristiiegan sunnudagaskóla, tala við
börnin eftir messu á sunnudögum. Kristindómsfræðsla eftir Barna-
biflíunni einni, mun reynast erfiðari en eftir gainla laginu, en sú
fræðsla ætti þá líka að vera frjórri. Þar sem prestur hefur marg-
ar kirkjur að þjóna, svo að kirkjusókn hvers barns yrði strjál,
mætti bæta úr því með því að presturinn kendi kristiníræði
heima hjá sér fermingarbörnum, svo langan tímá sem nauðsyn-
legt væri, til viðbótar við sunnudagakensluna.
Gott væri að heyra álit presta urn þessi mál.