Tölvumál - 01.10.1991, Page 14
Október 1 991
Logo-stýringar
Björn Þór Jónsson, tölvunarfræðinemi
Ég ætla að fjalla hér um Logo-
stýringar, og þá sér í lagi
tölvustýrtLego. Fyrsta kynning
mín af því var á tölvusýningunni
Tölvur á tækniöld sem haldin
var síðasta haust f Þjóðar-
bókhlöðunni. Ég held að mér sé
óhætt að segja að Lego-básinn
þar hafi vakið mikla lukku, og
hann fékk reyndar nokkra
umtjöllun í fjölmiðlum.
Lego
Þau sem þekkja venjulegt Lego
vita að kubbaúrvalið er ótrúlegt.
Svo er einnig um Tæknilegoið.
Meðal annars eru til:
- Mótorar
- Ljóskubbar
- Ljósnemar
- Tannhjól
- Öxlar
Á mynd 1 sést hvernig tengingar
eru. Inniítölvunnierlítiðspjald
sem tengibretti er tengt við.
Mótorar og ljósnemar eru svo
tengdir í tengibrettið.
Til að nota Legoið þurfum við
kubbana, Logo og tölvu, og
örlitlar viðbætur við Logoið.
Þessar viðbætur eru þegar til
fyrir PC-tölvur, og mjög lítið
mál er að útfæra þær fyrir BBC
(og þá væntanleg Arkimedes).
Það getur verið að það sé líka
hægt fyrir Macintosh, en það
þarf að skoða betur.
Dæmi um bíl
Tökum nú dæmi og segjum að
nemanda hafi dottið í hug að
byggja bfl. Hann sest niður og
prófar. Það er nokkuð öruggt að
fyrsta tilraun virkar ekki, því
mótorarnir eru mjög kraftlitlir.
Þá kemur kennarinn til skjalanna
og sýnir nemandanum hvernig
má nota misstór tannhjól til að
minnka snúningshraðann og auka
kraftinn. Alveg eins og í alvöru
bílum þá þýðir mikill snún-
ingshraði lítinn kraft og öfugt,
sbr. muninn á fyrsta og Qórða
gír-
Á mynd 2 má sjá hvemig misstór
tannhjól eru notuð til að minnka
snúningshraðann niður í 1/4 af
upphaflegum hraða. Ég veit
ekki hvort kraftformúlan er rétt
hjá mér, en ef krafturinn er u. þ.
b. í réttu hlutfalli við 1/
snúningshraða þá höfúm við
fjórfaldað kraftinn.
Nemandinn heldur glaður í bragði
áfram að byggja og tekst loks að
gíra nóg til að bíllinn komist
áfram. Svo fer hann að byggja
við stýrið og þá þarf að nota
sömu lögmál, auk þess sem útbúa
þarf einhvers konar snúnings-
útbúnað. Allt getur þetta tekið
talsverðan tíma: Að prófa sig
áfram, gera mistök, fá hjálp og
læra af öllu saman.
Svo er að setjast niður og forrita.
í fýrstu þarf að búa til einföld
stef sem setja bílinn af stað,
stöðva hann, bakka, beygja til
instri, o. s. frv. (sjá mynd 3a).
Svo er hægt að gera flóknari stef,
sem keyra ákveðinn tíma, beygja
ákveðinn tíma, o. s. frv. (sjá
mynd 3b).
Þá er líkansgerð í sjálfú sér lokið.
En það er engin þörf á að hætta
hér, því það er margt hægt að
gera við bfl (sjá mynd 3c).
14 - Tölvumál