Vísir - 13.06.1968, Qupperneq 3

'OGREIDDIR l
REIKNINGAR
LÁTIÐ OKKUR INNHEIMTA...
Það sparar yður t'ima og óþægindi
INNHEIMT USKRÍFSTOFAN
Tjarnargótu 10 — 111 hæð —Vonarstrætismegin — Simi 13175 (3Tinur)
Nýorpin gröf í Arlington-kirkjugarði
ROBERT FRANCIS KENNEDY (20. NÓV., 1925 - 6. JÚNI, 1968)
ROBERT FRANCIS KENNEDY
hvílir nú i gröf sinni í Arling-
ton, þjóðargrafreiti Bandaríkj-
anna. Á leiðinu fábrotinn hvít-
ur kross og í námunda við það
stendur þyrping japanskra
magnoliatrjáa hjá minnisvarð-
anum um bróður hans, forset-
ann, sem Bandaríkjamenn líkja
helzt við Abraham Lincoln.
Robert Kennedy var grafinn
á laugardagskvöld, en lík hans
var flutt frá New York-borg
þar sem fó!k hafði vottað hin-
um látna þingmanni sínum
hinztu virðingu, en Kennedy
átti sæti í öldungadeild þjóö-
þingsins fyrir New York-búa.
Lestin, sem flutti lík hans til
Washington var fjórum og
hálfri klukkustund á eftir áætl-
un, vegna þess aö á öllum braut
arstöðvum var samankominn
fjöldi fólks til að láta í ljósi
söknuð sinn og eftirsjá eftir
hinum fallna foringja á þessari
siðustu ferð hans um Bandarík-
in.
í New York var haldin minn-
ingarguðsþjónusta í kirkju heil-
ags Patreks. Þar mælti Edward
Kennedy, sem nú er höfuö
Kennedy-fjölskyldunnar, nokk-
ur minningarorð um bróður
sinn. Hann bað heiininn um, að
minnast hans „einfaldlega sem
góðs og réttsýns manns, sem
kom auga á ranglætiö og reyndi
að bæta úr því“.
„Það barf ekki að gera bróður
minn að goðsögn eða gera hann
stærri í dauöanum heldur en
hann var í lifanda lifi. Hann
elskaði lífið heitt og lifði því
út í yztu æsar.“
Það var húmað að, þegar lest-
in með lík Roberts Kennedys
kom til Washington-borgar. Lík-
fylgdin ók síðan hægt í gegnum
borgina, og staðnæmdist fyrst
um stund við minnismerkið um
Abraham Lincoln, en skammt
frá því höfðu þátttakendur i
„Göngu hinna snauðu“ búið um
sig, en meðal þeirra átti Robert
Kennedy marga aðdáendur, sem
sáu í honum nýja von um frið
og réttlæti. Sjálf greftrunin tók
aðeins fjórðung stundar. Kistan
stóð við gröfina meðan fjöl-
skylda og vinir hins látna gengu
fram til þess að krjúpa viö kist-
una í síðasta sinn. Síðan voru
ljósin í kirkjugarðinum slökkt
eitt af öðru og viðstaddir tínd-
ust burt. Meðan síðustu ljósin
dóu út var kista Roberts
Kennedy látin síga til moldar
í hetjukirkjugarðinum, Arling-'
ton, þar sem hann hvílir nú
undir hvítum krossi, eins og
147.000 af beztu sonum og
dætrum bandarísku þjóðarinn-
ar.
Edward Kennedy flytur minningarorð um bróður sinn í kirkju heilags Patreks. Fremst til hægri á myndinni er Johnson
forseti og að baki honum lífvörður hans, Rufus Youngblood, en fyrir aftan hann er forseti hæstaréttar Bandaríkjanna, Earl
Warren. r.lilli kertastjakanna vinstra megin á myndinni má sjá John Lindsay borgarstjóra New York, en fyrir aftan hann
er forsetaframbjóðandinn McCarthy öldungadcildarþingmaður.
VlSIR . Fimmtudagur 13. júní 1968.
....................... ........................................................................................ ’ :■
Robert F. Kennedy yngri, sem er 14 ára að aldri, tárfellir
við kistu föður síns. Við hliðina á honum stendur frændi hans
Christopher Lawford.
Ethel Kennedy, ekkja Roberts, og bróðir hans, Edward, fylgdust að eftir kistunni.

nsmmaar- toiw*
r’" j . t w.-t