Vísir - 29.07.1968, Blaðsíða 3
VlSIR . Mánudagur 29. júlí 1968.
3
* ' Æ
Læknirinn, öick Hardy, var ánægður með verkefnaleysi sitt,
og sagðist aðeins hafa fengið þrjá sjúkiinga síðustu daga.
Eftir svipnum á þessum sjúklingi að dæma, virðist hann ekki
vera sérstaklega þungt haldinn.
Flugbjörgunarsveitin tók þátt í æfingunum með Bretunum á laugardag, og þarna er „her-
ráðsfundur“ við Hvítá.
„Ágætar aðstæður—gætu ekki verið erfiðari
Fylgzt með æfingum brezkra hermanna
T Tm helgina brá Myndsjáin und
ir sig betri fætinum og
heimsótti bækistöðvar brezkra
fallhlífahermanna nálægt Gull-
fossi, en þar í grenndinni stóöu
yfir umfangsmiklar heræfingar,
eins og áður hefur veriö sagt frá
hér í blaðinu.
Á Ieiðinni austur rákum viö
augun í nokkra hermenn, og
þegar betur var að gáö voru
nokkur lítil tjöld í námunda við
þá. Hermennirnir voru átta sam
an, fjórir þeirra héldu kyrru fyr
ir i tjöldunum, en hinir voru á
verði, vandlega faldir í hæðun-
um kring. Þeir gegndu því hlut-
verki að reyna að handsama
„árásarliðiö“, félaga sína, sem
höföu fengið það hlutverk aö
komast óséðir aö brúnni yfir
Hvítá til að sprengja hana upp,
eins og þeir kölluöu þaö. Her-
mennirnir voru hinir kátustu, og
sögðust hafa gaman af æfingun-
um, þótt tíðin væri óþarflega
rigningasöm.
Og Myndsjáin kvaddi her-
mennina með virktum og ósk-
aði þeim góðrar veiði.
Á Hvítárbrúnni skammt frá
Gullfossi voru nokkrar brezkar
herbifreiðir og vagnar Flugbjörg
unarsveitarinnar, en á laugar-
dag tóku flugbjörgunarsveitar-
menn þátt í æfingunum meö
Bretunum.
Welch ofursti, yfirmaður
brezku hermannanna, tók vin-
samlega á móti blaðamönnun-
um, og bauð þeim til aðalstööv-
anna, sem settar höfðu verið
upp í Einholti, þar sem hann út-
skýröi æfingarnar.
Þaö kom upp úr kafinu, að
ofurstinn hefur ríkt hugmynda-
flug, því r i til þess að gera æf-
ingarnar raunverulegri fyrir
menn sína, hafði hann samið
heila ævintýrasögu: Hópar her-
liðs áttu að hafa komið til is-
lands, og miðuöu að því að
sprengja upp Búrfellsvirkjunina
og brýr á Hvítá og Þjórsá. Tii
þess að koma í veg fyrir þetta
■áttu hópar fallhlífahermanna að
leita árásarmannanna og taka
þá til fanga, áður en þeir gætu
hrundið fyrirætlunum sínum í
framkvæmd.
Welch ofursti var ákaflega á-
nægður með æfingaaðstöðuna
hér. „Hún gæti ekki veriö erf-
iöari“, sagði hann. „Mennirnir
verða að feröast yfir ókunnug
og erfið landssvæði, 70—80
mílna vegalengd. Þeir bera 80
til 120 pund á bakinu, svo að
þetta reynir á líkamsþjálfun
þeirra, ratvísi og hæfileika til
að bjarga sér. Ýmsir óvæntir
öröugleikar hafa gert strik í
reikninginn, t.d. árnar, sem hafa
reynzt ákaflega erfiðar yfirferö-
ar. En mennirnir eru yfirleitt
ákaflega ráöagóðir, áöan var ég
aö fá óljósar fréttir um, aö flokk
ur sem á að sprengja upp Búr-
fellsvirkjunina, hefði með klók-
indum fengið einhverja bifreið
til að flytja sig góöan spöl af
leiðinni.
Annar af yfirforingjunum Rog
er Jones majór sýndi blaöamönn
um, þaö sem markverðast var að
sjá í aðalbækistöðvunum. í einu
tjaldinu voru loftskeytamenn
önnum kafnir við að taka við
skilaboöum frá hinum ýjnsu
flokkum, en hver þeirra um sig
hefur senditæki meöferðis. Maj-
órinn sagöi, aö skógleysi íslands
heföi skapað óvænt vandamál í
fjarskiptunum, því að venjan
væri að koma loftneti fyrir uppi
í einhverju háu tré til þess að
auka langdrægni sendistöðvar-
innar. Þessi tré gátu hermenn-
irnir hvergi fundið, svo að viö
sjálft lá, að hin mesta ringul-
reið kæmist á fjarskiptin.
Aö sjálfsögðu var læknir meö
í ferðinni, snaggaralegur ungur
maður, Dick Hardy, að nafni.
Hann sagðist hafa haft blessun-
arlega lítiö aö gera, þótt hann
væri vel undir það búinn að
taka á móti viðskiptavinum. „Ég
er reyndar með öll þau tæki við
höndina, sem þarf til aö fram-
kvæma hjartaígræðslu", sagði
hann. Hlutverk sitt sagði hann
vera fólgið í því, aö veita fyrstu
hjálp, ef einhver særðist eða
slasaðist, en meiri háttar aögerð
ir mundi hann ekki framkvæma,
því að yfirleitt væri ráð fyrir
því gert, að hinum slösuðu yrði
komið á sjúkrahús innan fjög-
urra kiukkustunda i mesta lagi.
Læknirinn lét vel yfir líf-
inu í hernum. „Kjörin eru á-
gæt“, sagði hann, „og starfsað-
staðan. Það er náttúrulega eitt
og annað, sem mætti lagfæra,
og það verður lagfært f framtíð-
inni.“
Það var margt fleira að skoöa
f'herbúðunum, sem of iangt mál
yrði upp að telja, en að skoð-
unarferðinni lokinni komu blaða
menn aftur að máli viö Welch
ofursta. Hann sagði, að æfing-
unum mundi iíklega ljúka um
hádegi á sunnudag. En á mánu
dagskvöld, ef veöur leyfir, er
ætlunin, að brezkir hermenn
keppi viö íslendinga f fallhlífa-
stökki á Sandskeiði, kl. 7, nánar
tiltekiö. Ennfremur er ætlunin
á þriöjudag, að knattspyrnukapp
leikur fari fram milli hermann-
anna og reykvísks liðs.
Og Welch ofursti og foringjar
hans þökkuðu blaðamönnum fyr
ir komuna, og kváðust hlakka
til þess, eftir helgina að geta
Þessa tvo hermenn hitti Myndsjáin á leiðinni. Þeir sögðu
undanfarna daga hafa verið óþarflega votviðrasama.
gert almenningi eitthvað til
skemmtunar til aö launa þetta
ágæta tækifæri, sem þeir hefðu
hlotið hér til æfinga.
Welch ofursti stendur á brúnni yfir Hvítá, sem árásaraðilarnir áttu að sprengja upp.