Dagur - 12.03.1999, Blaðsíða 1

Föstudagur 12. mars 1999
Skagameim vilj a suður í
samstarfi sveitarfélaga
Uppi eru raddir uin að
Akranes eigi meira
sameiginlegt með
stærri sveitarfélögum
smman Hvalfjarðar en
smáum sveitarfélög-
um norðan fjarðar.
I bæjarstjórn Akraness kom fram
tillaga um að skipa nefnd til að
skoða kosti og galla núverandi
fyrirkomulags á samstarfi sveitar-
félaga á Vesturlandi. Nefndinni
er sérstaklega ætlað að skoða
hvort núverandi fyrirkomulag
þjóni hagsmunum íbúa á Akra-
nesi og hvort einhverjir aðrir
kostir á samstarfi við sveitarfélög
henti betur.
Það var Kristján Sveinsson sem
flutti tillöguna og í greinargerð
með henni benti hann m.a. á að
Samtök sveitarfélaga á Vestur-
landi byggðust á kjördæmaskipan
sem komið var á árið 1959 en
ýmislegt benti til að breytingar
gætu orðið þar á. „Komið hafa
fram athugasemdir við starfs-
hætti í samstarfinu í bæjarstjórn
Akraness og er rétt að þeir verði
skoðaðir með hagsmuni íbúa á
Akranesi að leiðarljósi. Akranes
er stærsta sveitarfélagið á Vestur-
landi og hefur á ýmsum sviðum
meira sameiginlegt með stærri
sveitarfélögum á Suð-Vesturlandi
en með smærri sveitarfélögum á
Vesturlandi. í því sambandi er
rétt að skoða samstarf við sveitar-
félög af svipaðri stærð þó ekki
liggi þau landfræðilega saman,“
segir í greinargerðinni.
Gísli Gíslason bæjarstjóri segir
að um langan tíma hafi verið um-
ræða um samstarf Akraneskaup-
staðar við sveitarfélögin bæði
sunnan Skarðsheiðar og á vett-
vangi Samtaka sveitarfélaga á
Vesturlandi.
„Menn hafa um margra ára
skeið viljað sjá breytingar á starf-
semi SSV, en enginn vilji hefur
verið til þess að breyta því formi
sem þar er,“ segir Gísli um leið
og hann bendir á að staðsetning
Akraness gefi færi á víðtækara
samstarfi en á Vesturlandi.
Hann segir samstarfið \dð önn-
ur sveitarfélög sunnan Skarðs-
heiðar almennt hafa verið gott,
en nokkuð oft komi upp umræða
um endurgjald sveitarfélaganna
fyrir þá samstarfssamninga sem
gerðir hafa verið. Þá sé ljóst að
hreppsnefndirnar hafi ekki
áhuga á sameiningu og þess
vegna sé eðlilegt að móta stefnu
til framtíðar varðandi þau sam-
starfsverkefni sem menn væru
tilbúnir að hafa samstarf um.
„Þetta er einungis eðlileg skoð-
un með hagsmuni íbúa á Akra-
nesi í huga. Meðan ekki er ætl-
unin að huga að frekari samein-
ingu þá er ekki sjálfgefið að þjón-
ustan sem byggð verður upp fyrir
Akurnesinga nái til íbúa annarra
sveitarfélaga. Allt er þetta gert
án nokkurs urgs eða óánægju
Skagamanna heldur fyrst og
fremst eðlileg skoðun í Ijósi þess
umhverfis sem við búum við.
Tillagan felur alls ekki í sér að
samstarfi verði hætt, en skoðun á
verkefnunum getur Ieitt til breyt-
inga og menn eiga ekki að vera
hræddir við breytingar," segir
Gísli. Bæjarráð bætti við tillög-
una vilja til að bjóða sveitarfélög-
um í Mýra- og Borgarljarðarsýslu
til viðræðna um sameiningu allra
sveitarfélaganna í eitt öflugt
sveitarfélag. „Það er svona til
áhersluauka um að þó svo að
samstarfsfletir séu skoðaðir þá
eru menn alls ekki að hafna sam-
starfi heldur ekki síður að leggja
áherslu á að það sé nauðsynlegt í
ljósi breyttra aðstæðna að skoða
alla hluti, þ.m.t. víðtæka samein-
ingu sveitarfélaga, til þess að
svæðið verði eins sterkt og kostur
er,“ segir Gísli.
Viðræður uin kortagerð
Mikilvægar sanminga-
viðræður standa nú
yfir hjá Landmæling-
iini íslands (LMÍ) á
Akranesi inilli íiill
trúa íslenskra stjóm-
valda og handarísku
herkortastofnunar-
innar (NIMA) um gerð
stafrænna korta.
Niðurstaða viðræðnanna ræður
miklu um kostnað Islendinga af
því að ljúka við gerð stafrænna
korta af Islandi í mælikvarðanum
1:50.000.
„Island er eina landið í Vestur-
Evrópu sem ekki hefur yfir að
ráða nothæfum grunnkortum
(stafrænum kortum) í mæli-
kvarða 1:50.000, en slík gögn eru
forsenda margvíslegrar skráning-
ar, skipulags og vinnslu Iand-
fræðilegra upplýsinga. Að mati
LMI er þessi staða óviðunandi og
ekki sæmandi þjóð sem kennir
sig við tækni og framfarir á flest-
um sviðum,“ segir Magnús Guð-
mundsson, forstjóri Landmæl-
inga Islands.
Frá árinu 1976 hefur verið í
gildi samstarfssamningur milli
LMÍ og NIMA um kortagerð í
mælikvarða 1:50.000 af Iandinu
öllu. Samningurinn byggir á eldri
samningi frá 1959 sem tengdist
m.a. varnarsamningi Islands og
Bandaríkjanna. Um helmingi
kortanna er lokið eða 102 en 200
kort þarf til að þekja allt landið.
Austurland og Vesturland eru
Iandshlutarnir sem enn er ólokið.
Vinna við kortin hefur legið niðri
undanfarin fjögur ár vegna nið-
urskurðar hjá NIMA en vinnan
er misjafnlega á veg komin.
Kostnaður \að að Ijúka verkinu er
talinn nema um 300 milljónum
króna.
Náist ekki samningar er ljóst
að LMI þurfa að vinna þau kort
sem eftir eru frá grunni alfarið á
kostnað Islendinga.
Vinnulagið við gerð þessara
korta hefur verið á þá leið að
Landmælingar Islands hafa tekið
loftmyndir og safnað upplýsing-
um m.a. um byggingar, raflínur,
vegi og örnefni. Bandaríkjamenn
hafa séð um myndmælingar eftir
loftmyndum, útlitshönnun og
prentun kortanna en þeir þættir
eru mjög kostnaðarsamir. Þrátt
fyrir að þau kort sem hér um
ræðir séu gerð samkvæmt stöðl-
um NATO hafa þau nýst íslend-
ingum mjög vel og eru nákvæm-
ustu kort sem til eru af mjög stór-
um svæðum á landinu.
A sama tíma og þessar samn-
ingaviðræður standa yfir eru
gestir frá dönsku kortastofnun-
inni (KMS) í heimsókn hjá Land-
mælingum Islands.
Danska kortastofnunin hefur
tekið að sér að vinna kort á staf-
rænu formi af Islandi í mæli-
kvarðanum 1:250.000. Ástæða
þessa er sú að nú stendur yfir
verkefni sem miðar að því að
kortleggja öll Iönd heimsins í
þessum mælikvarða samkvæmt
samræmdum stöðlum og vinnu-
reglum. Verkefnið sem kallast V-
MAP er unnið að frumvæði
NATO ríkjanna þar sem talin var
þörf á að samræma ólík korta-
gögn sem í notkun eru. Land-
mælingar Islands eru aðilar að
þessu með þeim hætti að stofn-
unin leggur til gögn og upplýs-
ingar. Verkefninu er stýrt af
bandarísku kortastofnuninni
NIMA og því sáu Danir gott
tækifæri að hitta bæði fulltrúa
þeirra og Landmælinga íslands
hér á Akranesi í sömu vikunni.
Eins og kunnugt er unnu Dan-
ir að kortagerð af íslandi á árun-
um 1901-1944 og luku gerð
glæsilegra korta sem enn í dag
eru á markaði. Þessi kortagerð
var einmitt aðdragandinn að
stofnun Landmælinga íslands á
sínum tíma.
Heimsóknirnar eru skipulagð-
ar í samvinnu við Akraneskaup-
stað.