Dagblaðið Vísir - DV - 13.06.1986, Blaðsíða 7
DV. FÖSTUDAGUR 13. JÚNÍ 1986.
7.
Fréttir Fréttir
Hreint bull
að kröfúr
hafi minnkað
- segir IngóHrir A. Þorkelsson
„Það er hreint bull í lagaprófessom-
um að kröfur í menntaskólum hafi
minnkað,“ sagði Ingólfur A. Þorkels-
son, skólameistari Menntaskólans í
Kópavogi, í samtali við DV er gagn:
rýni Sigurðar Líndal á framhaldsskól-
ana var borin undir hann. Sigurður
kenndi slælegum undirbúningi í
menntaskólunum um hríðversnandi
námsárangur í háskólanum, m.a. um
80% fall í almennri lögfræði í vor.
„Sigurður hélt þessu fyrst fram í
blaðagrein 1979 og þá eins og nú gat
hann ekki fært nein gild rök fyrir
máli sínu. Tengslanefnd Háskóla Is-
lands kannaði þetta mál í upphafi
áttunda áratugarins og komst að þeirri
niðurstöðu að námskröfur framhalds-
skólanna hefðu ekki minnkað.
Nemendum sem taka stúdentspróf hef-
ur hins vegar fjölgað mjög mikið og
nú taka 30% nemenda í hverjum ár-
gangi stúdentspróf.
Lélegum einkunnum hefur fjölgað
gríðarlega mikið og það tel ég vera
dæmi um að það eru gerðar talsverðar
kröfur. Ég tel að prófessor Sigurður
Líndal fari með fleipur er hann segir
að kröfumar hafi verið minnkaðar og
skora á hann að sýna fram á með rök-
um að svo sé.
Ég er hins vegar sammála Sigurði
Líndal að lífsgæðakapphlaupið glepur
stúdenta og ógnar námsárangri. Ég
minni á að í könnun sem birt var í
vetur kom í ljós að mjög stór hluti
menntaskólanema vinnur með námi.
Ég leyfi mér að fullyrða að fáir vinna
af knýjandi nauðsyn.
Það eru aðeins mjög fáir harðdug-
legir og greindir nemendur sem geta
unnið með námi án þess að það komi
verulega niður á námsárangri.
Ég ræð af samtölum við nemendur
mína að sumarhýra langflestra dugar
vel fyrir skólabókum og nauðsynleg-
um fötum og skemmtunum. Af hverju
vinna þá svo margir með námi? Þvi
er til að svara að ef nemendur ætla
að kaupa glæsigræjumar og stæl-
klæðnaðinn sem auglýst er í sjón-
varpinu, og jafhvel koma í skólann á
eigin bíl, þá hrekkur sumarhýran
skammt. Það er eldri kynslóðin sem
hefur sýkt þá yngri, með því lífsvið-
horfi að allt sé vættkis virði nema
veraldleg gæði. Einhverjum finnst það
sjálfsagður réttur unglingarma að
taka lífsgæðakapphlaupið fram yfir
nám en andleg verðmæti em svo miklu
mikilvægari en veraldleg og námið
hefur meira gildi en glansmyndin í
sjónvarpinu. Því miður fjölgar þeim
sem sætta sig við lélega einkmm á
stúdentsprófi. Vinnan spillir fyrir ár-
angri og slugs er siðspillandi. Ég tel
því nauðsynlegt að menn vakni til
vitundar um hvað er að gerast.Og þar
er að miklu leyti að sakast við verald-
arhyggju sem eldri kynslóðin hefur
smitað krakkana af.
Ég er andvígur inntökuprófi í há-
skólann, hann má ekki girða sig
slíkum múrum. Ég tel í sjálfu sér eðli-
legt að hann geri kröfur til að greina
hafra frá sauðum. Stúdentsprófið er
að mínu mati í fullu gildi og samræm-
ing það mikil milli framhaldsskóla að
það er ágætur mælikvarði. Þeir í laga-
deild hafa komið upp numerus clausus,
án þess að vilja viðurkenna það, með
því að hafa lágmarkseinkunn 7. Ég
ætla ekki að deila á það í sjálfu sér
en vara við því að víkka þettá út.
Fjölgun lágra einkunna í framhalds-
skólunum er hins vegar alvarlegt
umhugsimarefni og það er alveg ljóst
að nemandi sem fær þriðju einkunn
er illa undirbúinn undir háskólanám.
En ég tel að það þurfi að skoða málin
miklu betur en prófessor Sigurður
Líndal gerir til að útskýra versnandi
námsárangur i háskóla," sagði Ingólf-
ur Þorkelsson að lokum. ás.
1 jS'
o
Páll Þórsson, 8 ára Akureyrarsnáði, þykir sýna góða takta við taflborðið.
DV-mynd JGH
Akureyri:
Efhilegur skákmaður
Jón G. Haukssan, DV, Akureyii;
Jóhann Hjartarson stórmeistari við-
hafði þau orð í fjölteflinu sem hann
tefldi á Akureyri sl. laugardag að einn
þátttakenda, 8 ára snáði, Páll Þórsson,
væri sérlega efnilegur skákmaður.
Páll gerði jafntefli við Jóhann og hef-
ur áður vakið athygli við skákborðið,
þrátt fyrir ungan aldur.
„Jú, þetta var erfið skák við Jóhann.
Ég var kominn í rosahættu í miðská-
kinni, en svo jafhaðist taflið og hann
bauð mér jafntefli," sagði Páll við DV.
Páll segist lítið hafa lesið skákbækur
og kunna nánast ekkert í byijunum.
„En ég hef stundum farið í gegnum
skákir í skáktímaritum með pabba.“
Faðir hans, Þór Valtýsson kennari,
er þekktur skákmaður á Akureyri.
A skákþingi Akureyrar í vetur, í
drengjaflokki 12 ára og yngri, náði
Páll fimmta sætinu og vakti óskipta
athygli manna fyrir skemmtilega tafl-
mennsku.
Jóhann Hjartarson stórmeistari er
uppáhaldsskákmaður Páls. „Hann var
orðinn það löngu áður en ég náði jafh-
teflinu. Af útlendingum held ég mest
upp á Karpov, fyrrum heimsmeist-
ara,“ sagði Páll Þórsson.
FÖSTUDAGSKVÖLD
I Jl! HUSINU11JIS HUSINU
OPIÐ i ÖLLUM DEILDUM TIL KL. 20 í KVÖLD
____Barnahornið opið í dag kl. 14-20._
LOKAÐ LAUGARDAGA I SUMAR
NÝJAR VÖRUR
ÖLLUM DEILDUMl
Nýkomið
Leðursandalar m/gúmmísól-
um, stærðir 36-41, litir: hvítt,
gult. Verð 990 kr.
Gataðir leðurskór á gúmmísól-
um, stærðir 36-41, litir: hvítt,
drappað. Verð 900 kr.
Leðurmokkasíur á leðursól-
um, stærðir 40-46, litir: svart,
hvítt, grátt. Verð 2050 kr.
Mikið úrval af léttum ítölskum sumarskóm á alla
íjölskylduna
Leðurskór á gúmmísólum,
stærðir 41-46, litur: hvítt. Verð
2270 kr.
Leðurskór á gúmmísólum,
stærðir 41-46, litir: hvítt, fagur-
blátt. Verð 1990 kr.
Leðurskór á gúmmísólum,
stærðir 41-46, litir: hvitt, dökk-
blátt, drapplitað. Verð 1300 kr.
Leðurskór á gúmmísólum,
stærðir 41-46, litir: hvítt, drapp.
Verð 1450 kr.
Gataðir leðurskór m/gúmmí-
sólum, stærðir 36-41, litir:
hvítt, grænt, gult. Stærðir 27-
35, litir: hvítt, gult. Verð:
kvenskór 900 kr., karlaskór 800
kr.
Eitt
besta
verð
á landinu
Póstsendum
Skóbúðin, Borgartúni 23.
Áður Lipurtá, Keflavík, simi 29350.
Skóbúðin, Snorrabraut 38.
Sími 14190.