Dagblaðið Vísir - DV - 24.07.1987, Blaðsíða 8

30
FÖSTUDAGUR 24. JÚLÍ 1987.
----------r\
Mynd-
bönd
Umsjón:
Sigurður Már
Jónsson
\v —
Morðþrillerinn FX heldur sig enn
í forystusætinu og hefur dvalið þar
um tíma. Hryllirinn um geimmann-
æturnar, Critters, fylgir fast á eftir
og er greinilegt að fólk kann að
meta léttmeti af þessu tagi yfir
sumartímann.
„íslenska" myndin Einkarann-
sóknin þeytist upp listann en sú
mynd er sem kunnugt er framleidd
af Sigurjóni Sighvatssyni og var
sýnd í Laugarásbíói seinni hluta
vetrar.
Kyrrstaða er á þáttalistanum en
lítið sem ekkert hefur verið um
nýja þætti það sem af er sumri.
Að þessu sinni birtum við leigu-
listann frá Englandi en þar er ekki
mikið um rótta^kar breytingar.
-SMJ
DV-LISTINN
MYNDIR
1. (1) FX Murder by lllusion
2. (6) Critters
3. (10) Einkarannsóknin
4. (2) Color Purple
5. (3) Soul Man
6. (7) Pirates
7. (5) 8MillionWaystoDie
8. (8) Papillion
9. (4) Target
10.(-) Psycko III
ÞÆTTIR
1. (1) l’ll Take Manhattan
2. (2) Anna í Grænuhlíð
3. (3) Anastasía
4. (4) Casanova
5. (5) Pirates
BRETLAND
1. (1) Big Troubie in Little
China
2. (5) Wanted Dead or Alive
3. (3) Color Purple
4. (2) Aliens
5. (4) FX Murder By lllusion
6. (8) Ruthless People
7. (7) Poltergeist 2
8. (10) Nightmare on
Elm. St. II
9. (6) Soul Man
10.(9) Móna Lisa
ick-

Skrautlegir sjóræningjar
PIRATES
Útgefandi: Háskólabió/Cannon
Leikstjóri og handritshöfundur: Roman
Polanski.
Aðalhlutverk: Walter Matthau, Cris
Campion, Damen Thomas og Charlotte
Lewis
Bandarísk 1986. Bönnuð yngri en 16 ára
Roman Polanski hafði að sögn
alið lengi með sér þann draum að
gera sjóræningjamynd - mynd sem
átti að innihalda þá skemmtun og
ævintýraþörf sem sjóræningja-
myndir æsku hans gerðu. Niður-
staðan er síðan nokkuð langt frá
upprunalega draumnum enda virð-
ist ekki mikil þörf fyrir þessa gerð
mynda í dag.
Polanski endaði því á því að gera
farsa með Walter Matthau í hlut-
verki Rauðs skipstjóra. Á farsanum
eru verulegar brotalamir en það
væri dauður maður sem hefði ekki
gaman af Matthau í hlutverki
hans. I upphafi stóð til að Jack
Nicholson tæki að sér hlutverkið
en sem betur fer hafði hann ekki
áhuga og því kom Mathau til sög-
unar. Matthau hefur yfirleitt þótt
heldur mistækur í hlutverkum sín-
um enda hættir honum stundum til
að láta andlitsgrettur sínar stjórna
leiknum. Hér er andlit hans þó
kirfilega hulið í gríðarlegu skegg-
hafi.
I upphafi sjáum við Rauð skip-
stjóra þar sem hann rekur um opið
úthaf á fleka og dreymir hann helst
um að éta léttadrenginn. í þann
mund er hann ætlar að láta verða
af því birtist spönsk skonnorta og
bjargast þeir um borð í skipið.
Rauður skipstjóri er maður ráða-
góður og fljótlega tekst honum að
æsa til uppreisnar. Allt er það þó
gert vegna gullgræðgi hans og er
fróðlegt að sjá hvernig honum tekst
til að næla sér í fjársjóð allra tíma.
En þrátt fyrir marga góða punkta
í myndinni, sem flesta má rekja til
fallegrar myndatöku, eru margir
lausir endar. Fyrir það fyrsta er
erfitt að átta sig á því hvað Pol-
anski ætlar sér með þessari mynd.
Hann stígur ekki skrefið til fulls
og gerir hana að algerum farsa og
fyrir vikið situr hann uppi með
heldur langdregin atriði þar sem
verið er að eltast við einhvern fjár-
sjóð. Inn á milli detta þó alltaf
gu'llkom sem halda vöku áhorfand-
ans. -SMJ
hvern?
POLICE PLAZA
★★
Lögreglan að störfum
Útgefandi: Steinar/CBS.
Leikstjóri: Jerry Jameson.
Handrit: Paul King.
Aðalhlutverk: Robert Conrad, Antony Zerbe og
George Dzundza.
Bandarisk sjónvarpsmynd, 1986. 92 min. Bönnuð
yngri en 16 ára.
Það er alltaf nóg af morðum í New York
og dag einn er kona að nafni Sara Eisinger
fómarlambið. Hún finnst ein og yfirgefin í
íbúð sinni eftir að hafa verið myrt á hroða-
legan hátt. Lögregluforinginn, sem annast
rannsókn málsins, sér að eitthvað er grugg-
ugt við morðið og hellir sér út í rannsókn
þess ásamt dyggum aðstoðarmönnum sín-
um. Fljótlega kemur í ljós að valdamiklir
menn vilja ekki að hrist sé upp í málinu.
Það er ekki hægt að segja annað en að
þetta sé gamalkunnugt þema sem hér birtist
- myndir um lögreglu birtast eins og á færi-
bandi í Bandaríkjunum.
Það er eins og gengur og gerist, sumar
em góðar og aðrar slæmar. Þessi sjónvarps-
mynd verður að teljast í betri kantinum
enda býður hún upp á töluverða spennu
lengst af þó að ruglingslegur endir spilli
dálítið fyrir. Leikur er hin ágætasti og
myndin snyrtilega unnin. Það ætti því að
vera hægt að benda á þessa mynd sem
þokkalega kvöldskemmtun.
-SMJ
Stríö fyrir
LATINOS
Útgefandi: Steinar/CBS.
Leikstjórn og handrit: Haskell Wexler.
Framleiðandi: Benjamin Berg.
Titillag: Jackson Brown.
Aðalhlutverk: Robert Beltran, Annette Cardona,
Tony Plana, Richard Lopez, Julio Medina og Luiz
Torrentes.
Bönnuð yngri en 16 ára.
Hér segir frá bandarískum hermanni af
mexíkönskum ættum sem sendur er til
Honduras til að taka þátt í hernaðaraðgerð-
um Bandaríkjamanna með kontraskærulið-
um. Fljótlega fara efasemdir um gagnsemi
þessara aðgerða að sækja á hermanninn.
Hann á bágt með að trúa áróðri yfirboðara
sinna og finnst í raun að hann sé staddur
í öðru Víetnam. Tengsl hans við konu frá
Nicaragua gera málin enn flóknari.
Dálítið erfitt er að henda reiður á uppruna
þessarar myndar. Innihald hennar og boð-
skapur er þannig að hann er varla líklegur
til að falla ráðamönnum í Bandaríkjunum
í geð. Nicaragua er geysilega viðkvæmt mál
í Bandaríkjunum og hér er tekin mjög
ákveðin afstaða gegn umsvifum Kana þar.
Myndin er einlæg og leitast við að túlka
aðstæður þarna fyrir áhorfandanum. Hins
vegar er ákveðinn viðvaningsblær yfir
henni sem spillir fyrir þó hún sé vissulega
þess virði að horft sé á hana.
-SMJ
★★★★
Gömul perla:
Líður hægt aö hádegi
HIGH NOON
Leikstjóri: Fred Zinnemann.
Framleiðandi: Stanley Kramer.
Handrit: Carl Foreman.
Myndataka: Floyd Crosby.
Tónlist: Dimitri Tomkin.
Aðalhlutverk: Gary Cooper, Grace Kelly,
Thomas Mitchell, Lloyd Bridges og Lee
Van Cleef.
Bandarísk, 1952. 85 min. Svart/hvit.
Framleitt af United Artist.
Hér er um að ræða eitt af meist-
araverkum kvikmyndasögunnar og
verður því kynnt fyrir kvik-
myndaáhugafólki sem slíkt en
þessa mynd má finna á nokkrum
kvikmyndaleigum en líklega þarf
þó að leita vel að henni. Þegar
vestraaðdáendur vilja rökstyðja
aðdáun sína á vestrum tína þeir
gjarnan til þessa 35 ára gömlu
mynd gerða af Fred Zinnemann.
Er það ekki að furða því hér er um
að ræða, óvenju heilsteypt kvik-
myndaverk hvernig sem á myndina
er litið.
Segir hér frá Will. Kane (Gary
Cooper) sem er lögreglustjóri í
smábæ einum. Hann hefur verið
farsæll í starfi og er að gifta sig
kl. 10.45 að morgni. Þá fær hann
upplýsingar um að glæpagengi eitt,
sem á honum grátt að gjalda, sé á
leiðinni til bæjarins og komi með
hádegislestinni. Eftir miklar
vangaveltur kemst Cooper að því
að honum verði ekki undankomu
auðið og hann verði,að mæta örlög-
um sínum. Að þeirri ákvörðun
stendur hann einn gegn bæjarbú-
um og eiginkonu sinni. Hann er
svikinn af öllum, einn og yfirgef-
inn, og 75 mínútna píslarganga
hans um bæinn hefur allt að því
kristilega skírskotun.
Það er alveg stórkostlegt í þess-
ari mynd hvernig hver mínúta
nýtist til fullnustu en hún gerist á
85 mínútum nákvæmlega. Hjálpast
Cooper giftist Crace Kelly í High Noon.
þar að handrit Carl Foremans, sem
reyndar upplifði ofsóknir McCart-
hys skömmu síðar, myndataka
Floyd Crosby og síðast en ekki síst
leikstjórn Zinnemann.
Þessi mynd hefur notið varan-
legra vinsælda og er sýnd með
reglulegu millibili i sjónvarpi í
Bandaríkjunum. Þar nýtur hún
þeirrar sérstöðu að vera ekki bútuð
niður með auglýsingum enda
myndi allt slíkt slátra viðkvæmri
og nákvæmri tímauppbygginu
myndarinnar.
High Noon eldist ákaflega vel og
til dæmis mun betur en Shane,
annar klassískur vestri, sem reynd-
ar var sýndur í sjónvarpinu í vetur.
Þá fékk myndin og Cooper óskar-
inn eftirsótta á sínum tíma. -SMJ