Dagblaðið Vísir - DV - 07.01.1989, Blaðsíða 3

LAUGARDAGUR 7. JANÚAR 1989.
3
Fréttir
w Halldór Ásgrímsson sjávarútvegsráöherra:
Utgerðin kallar yfir
sig auðlindaskatt
- hafni útgeröarmenn tilraimum til aö fækka fiskiskipum
„Útvegsraenn og sjómenn standa
frammi fyrir því að fiskiskipaflotinn
er rekinn með 9 prósent halla sam-
kvæmt mati Þjóðhagsstofnunar.
Þessi halli verður ekki lagfærður til
skamms tíma með fækkun fiski-
skipa. Mér er það ljóst. En til lengri
tíma er'hægt að gera fiskiskipaflot-
ann arðbærari méð því að fækka
fiskiskipum. Það er skylda mín að
benda á leiðir til þess aö gera flotann
arðbærari. Þetta er ekki einkamál
sjómanna og útvegsmanna. Þetta er
hagsmunamál allrar þjóðarinnar,"
sagði Halldór Ásgrímsson sjávarút-
vegsráðherra um tillögur sínar um
úreldingu tíunda hluta fiskiskipa-.
flotans.
- Hvaðertilráðatilaðmætaþessum
hallarekstri ef fækkun fiskiskipa
skilar ekki árangri nema þegar til
lengri tíma er litið?
„Aö sjálfsögðu snýst það um tekju-
skiptingu innan sjávarútvegsins.
Fiskverð verður að endurspegla það
sem það kostar að ná í fiskinn. Þaö
er vonlaust mál að leysa rekstrar-
vanda útgerðarinnar ávallt meö því
að sækja haröar í fiskistofnana. Þeg-
ar upp er staöið er það sú leið sem
- útgerðarmenn vilja fara. En með því
er verið að eyðileggja framtíðar-
hagsmuni og ég mun ekki standa að
því.“
- Útgerðarmenn hafa sagt að þessar
tillögur séu fyrstu skrefm í átt að
auðlindaskatti.
„Það munu standa eftir rúm 98
prósent af öllum veiðiheimildum
þrátt fyrir þann kvóta sem úrelding-
arsjóðurinn fær. Ég hafna því algjör-
lega að þetta sé einhver vísir að auð-
lindaskatti. En ef menn þverskallast
við tilraunum til þess að fækka fiski-
skipum eru menn að kalla yfir sig
slíkan skatt.“
- Það hefur einnig verið bent á að
úreldingin kæmi af sjálfu sér ef
kvótakerfið hefði lengri gildistíma.
„Gott og vel. í fyrsta lagi getur ekki
orðið af því fyrr en eftir tvö ár. í
öðru lagi er engin trygging fyrir því
að meirihluti Alþingis samþykki
það,“ sagði Halldór.
-gse
KARATEFÉLAG
VESTURBÆJAR
Byrjenda- og
framhaldsnámskeiö
hefjast 9. janúar.
Innritun hafin.
Uppl. í síma 12335
og 12815.
SHOIOKÁtf
KtiHWÍK
Setti sölumet
í fyrshi
veiðiferð sem
skipstjóri
Emil Thorarensen, DV, Eskifirði:
Togararnir Hólmanes SU 1 og Hól-
matindur SU 220 frá Eskifirði gerðu
feikna góðar sölur erlendis á nýja
árinu. Hólmanes seldi 117 tonn í Bre-
merhaven 2. janúar fyrir 11 milljónir
og 570 þúsund krónur. Meðalverð
reyndist krónur 98,95 fyrir kílóið.
Aflinn var að mestu upsi og karfi.
Að sögn Vilhjálms Vilhjálmssonar
hjá LÍÚ er þetta hæsta meðalverð í
íslenskum krónum sem fengist hefur
fyrir ísfisk á þýska markaðnum til
þessa. Skipstjóri í þessari eftirminni-
legu veiðiferð var Már Hólm og er
þetta fyrsta veiðiferð hans sem skip-
stjóri í siglingu.
Hólmatindur landaði 100 tonnum í
Hull 4. janúar. Þar voru seld 80 tonn
fyrir 8,7 milljónir króna. Meðalverð
109 krónur kílóið. 20 tonn voru send
til Bremerhaven, upsi og karfi, sem
seldust fyrir 1900 þúsund krónur eða
um 94 krónur kílóið. Heildarverð hjá
Hólmatindi fyrir þessi 100 tonn er því
10 milljónir og 600 þúsund krónur
eða 106 krónur kílóið sem er afargott
verð. Þess má að lokum geta að báð-
ir þessir togarar seldu á fyrsta sölu-
degi í viðkomandi löndum á þessu
nýbyrjaða ári.
Veruleg aukning á
útgerð línubáta
Jóhann Jónsson, DV, Seyöisfiröi:
Veruleg aukning hefur að undan-
fórnu átt sér stað á útgerð línubáta
frá Seyðisfirði. Vélsmiðja Seyðis-
fjarðar hefur byggt fimm báta frá
sumrinu 1978 til ársins 1988 og er
með tvo í smíðum til viðbótar. Annan
þeirra á að afhenda í janúar á þessu
ári. Fjórir af þessum bátum eru hér
og einn hefur farið til Bolungarvíkur.
Góð reynsla er af þessum bátum
sem eru 9,9 tonn hver. Þeir hafa
ásamt allmörgum opnum trillum og
eldri bátum, sem róið hafa með línu
og handfæri, lagt upp á árinu 1400
til 1500 tonn bæði á Seyðisfirði og
annars staðar.
Nokkur áhugi hefur verið hjá ungu
fólki á skólaaldri að læra beitningu
en skortur á vinnuafli hefur háð
línuútgerð mikið. Virðist þarna vera
um hugarfarsbreytingu aö ræða
varðandi þessa atvinnugrein og hef-
ur fólki meðal annars verið leiðbeint
við beitningu í sumar.
í fyrsta lagi lendir Arnarflugs- mg
vélin á hádegi þannig að þú átt kostw
á fjölmörgum tengiflugum með KLM.
í öðru lagi er allt undir einu þaki á
Schiphol og því mjög auðvelt og fljótlegt
að fara á milli véla.
Síðast en ekki síst, meðan þú bíður
eftir tengifluginu getur þú gert
góð kaup í stærstu og ódýr-
ustu fríhöfn Evrópu. Við
köllum það 100.001 tollfrjálst
tilboð.
Traust flusfélas KLM
Royal Dutch Airlines