Dagblaðið Vísir - DV - 06.05.1991, Blaðsíða 2
2
MÁNUDAGUR 6. MAÍ 1991.
Fréttir
Jón Baldvin eftir fund ríkisstjómarinnar í gærkvöldi:
Mikill léttir að f ull sam-
staða er í ríkisstjórninni
- fékk fullt umboð til að ljúka samningum um evrópska efnahagssvæðið
„Innan ríkisstjórnarinnar var full
samstaöa um þaö hvernig standa
skuli aö endasprettinum í samning-
um um evrópska efnahagssvæöið.
Fyrir mér er það mikill léttir. Og ég
efa stórlega að slík samstaöa heföi
náðst í ríkisstjórn sem skipuð væri
efasemdamönnum í Alþýöubanda-
lagi,“ sagöi Jón Baldvin Hannibals-
son utanríkisráðherra eftir fund rík-
isstjómarinnar í gærkvöldi.
Á fundi ríkisstjórnarinnar var
samþykkt að aöalsamningamaður
íslands, Hannes Hafstein sendiherra,
setjist aö nýju viö samningaborð
EFTA og EB. í samþykkt, sem gerö
var á fundinum, er ítrekað það sjón-
armiö íslendinga að endanlegur
samningur geti ekki talist viðunandi,
né í jafnvægi, nema tollar verði felld-
ir niður af íslenskum sjávarafurðum
til jafnvægis við opnun íslensks
markaðar fyrir iðnvarning, þjón-
ustustarfsemi og vissar tegundir
suðrænna landbúnaðarafurða.
Skýrt er tekið fram í samþykkt rík-
isstjórnarinnar að ekki komi til álita
aö heimila ríkjum EB aðgang að ís-
lenskri fiskveiðilögsögu í stað tolla-
lækanna á sjávarafurðum. í þessu
sambandi er bent á að fiskistofnar
viö strendur íslands séu þegar full-
nýttir og því þurfi íslenskir sjómenn
þegar að sæta ströngum aflatak-
mörkunum til að koma í veg fyrir
hrun á fiskistofnum. Loks er minnt
á þá skyldu strandríkja, samkvæmt
alþjóðalögum, að sjá til þess að ekki
sé sé gengið of nærri auðlindum sjáv-
ar.
Aö sögn Jóns Baldvins hefur hann
tröllatrú á að samningar náist á
næstunni milli EB og EFTA um
myndun evrópsks efnahagssvæðis.
Hins vegar muni það ráðast á ráð-
herrafundi, sem haldinn verður í
Brussel þann 13. maí næstkomandi,
hvort hægt verði að ganga frá samn-
ingsdrögunum í lok næsta mánaðar
eins og stefnt sé að.
Jón Baldvin segir að innan EB sé
aukinn skilningur á sérstööu íslands
í sjávarútvegsmálum. Þannig hafi til
dæmis ítalski utanríkisráðherrann
lýst því yfir nú um helgina að hann
áliti rök íslendinga réttmæt og heitið
milligöngu um lausn gagnvart Spán-
verjum í þessu máli. Jón Baldvin
segir þennan stuðning mikilvægan,
ekki síst í ljósi náinna og góðra sam-
skipta Ítalíu og Spánar.
Jón Baldvin kvaðst ekki trúaður á
að íslendingar yrðu neyddir til mik-
illa Qárútláta vegna þess sjóðs sem
EB hefur óskað eftir að EFTA-ríkin
stofni til stuðnings vanþróaðri ríkj-
um bandalagsins.
„Við lítum svo á, rétt eins og önnur
EFTA-ríki, að þessi sjóður eigi að
vera afgangsstærð sem beri að meta
þegar endanlegur samningur liggur
fyrir. Öll framlög í hann hljóta að
verða metin á grundvelli jafnvægis-
hugtaksins. Okkar framlag mun því
ráðast af þeim kjörum sem við fáum
fyrir sjávarafurðir okkar. Innan
EFTA er sérstaða okkar mikil hvað
varðar tollfrelsis- og fríverslunarkjör
innan EB vegna þess hversu háðir
við erum útflutningi á sjávarafurð-
um. Innan EFTA erum við því á svip-
uðum báti og Spánverjar innan EB
og ættum því að fá einhverja uppbót
til að ná jafnvægi rétt eins og þeir.“
Jón Baldvin segir þá afstöðu EB
að veita EFTA-ríkjunum ekki íhlut-
unarrétt í ákvörðunarferli EB ekki
torvelda samninginn um evrópska
efnahagssvæðið. í því sambandi
bendir hann á að ekki standi til að
veita Evrópubandalaginu íhlutunar-
rétt í ákvarðanaferli EFTA-ríkjanna.
Jón Baldvin segir hið sameiginlega
efnahagssvæði verða stjórnað af
EES-ráðinu, sem í eigi sæti ráðherrar
EFTA-ríkjanna ásamt fulltrúm fram-
kvæmdastjórnar EB og aðildarríkj-
anna, og að þar verði engin ákvörðun
tekin nema á grundvelli samstöð-
unnar. -kaa
Þau björguðu skólabróður sínum
Þessi þrjú börn björguðu skóiabróður sínum sem var hætt kominn í sundlauginni á Höfn t Hornafirði siðastliðinn
fimmtudag. Krakkarnir voru að leika sér í dýpri enda laugarinnar þegar drengurinn saup skyndilega vatn og byrj-
aði að sökkva. Krökkunum tókst að ná t drenginn og koma honum að bakkanum þar sem sundkennari tók viö
honum. Þá var hann nánast hættur að anda. Drengurinn náöi sér þó skömmu síðar. Börnin eru öll nemendur í
Nesjaskóla. Frá vinstri: Einar Páll Benediktsson frá Seljavöllum í Nesjum, Guðrún Arna Kristjánsdóttir, sem á
heima á Hæðargarði 1 í Nesjum, og Ásmundur Sigfússon frá Fornustekkum i Nesjum.
DV-mynd Ragnar Imsland
Kvartað undan gæsaskyttum
Margir hafa gert lögreglunni á
Egilsstöðum viðvart um ólöglega
gæsaveiði á undanförnum dögum.
Þrátt fyrir tíðar eftirlitsferðir lög-
reglunnar um nágrannasveitirnar
hafa þó engar gæsaskyttur enn
náöst.
Þaö eru einkum bændur sem hafa
kvartað undan ágangi skotveiði-
manna. Munu þeir ósjaldan hafa sko-
tið rollur og annað kvikt á túnum í
stað þeirra fugla sem þeir sækjast
eftir. Enn hefur lögreglunni á Egils-
stöðum þó ekki verið tilkynnt um
slík slysaskot á þessu vori.
-kaa
íslandsmót í parakeppni í bridge:
Dröf n og Ásgeir sigruðu
á góðum endaspretti
Dröfn Guðmundsdóttir og Ásgeir
Ásbjörnsson náðu að tryggja sér sig-
ur á íslandsmótinu í parakeppni í
bridge sem fram fór um helgina.
Kristjana Steingrímsdóttir og Sig-
urður B. Þorsteinsson urðu í öðru
sæti en Jacqui McGreal og Þorlákur
Jónsson í því þriðja. Alls tóku 36 pör
þátt í mótinu sem er nokkur fækkun
frá fyrra ári.
Mótið var spilað 4. og 5. maí í húsi
Bridgesambandsins. Eftir að fyrri
keppnisdeginum lauk voru Dröfn og
Ásgeir rétt fyrir ofan miðjan hóp
keppenda með 23 stig í plús. Mótið
leiddu þá Þorlákur Jónsson og Jac-
qui McGreal. Síðari keppnisdaginn
skoruðu Dröfn og Ásgeir látlaust,
samtals 200 stig, og enduðu meö 223
stig í plús. Kristjana og Sigurður B.
enduðu með 206 stig og Jacqui og
Þorlákur með 204 stig. Fyrirfram var
búist við því að pörin Esther Jakobs-
dóttir-Hrólfur Hjaltason og Hjördís
Eyþórsdóttir-Ásmundur Pálsson
myndu blanda sér í toppbaráttuna,
en þeim gekk ekki sem skyldi. Esther
og Hrólfur höfnuðu í 6. sæti og Hjör-
dís og Ásmundur í 9. sæti.
Mótinu stjórnaði Agnar Jörgens-
son af röggsemi að vanda en Júlíus
Snorrason sá um tölvuútreikning að
þessu sinni.
ÍS
Vllhjálmur Þ. Vilhjálmsson um næsta borgarstjóra Reykjavíkur:
Enginn treður sér í stól Davíðs
„Ég tel það fráleitt að næsti borgar-
stjóri verði sóttur út fyrir hóp borg-
arfulltrúa Sjálfstæðisflokksins. Með-
al borgarfulltrúanna eru margir
hæfir menn sem valdiö gætu starf-
inu. Það er hins vegar mjög mikil-
vægt að það náist eining um þann
sem valinn verður í embættið. Það
væri því óæskilegt ef greidd væru
atkvæöi milli manna. Slíkt myndi
óhjákvæmilega draga dilk á eftir
sér,“ segir Magnús L. Sveinsson, for-
seti borgarstjórnar.
Borgarstjórnarflokkur Sjálfstæðis-
flokks mun í vikunni taka ákvörðun
um eftirmann Davíðs Oddssonar í
stól borgarstjóra. Þeir borgarfulltrú-
ar sem einkum eru nefndir sem lík-
legir arftakar eru þau Magnús L.
Sveinsson, Katrín Fjeldsted, Vil-
hjálmur Þ. Vilhjálmsson og Árni
Sigfússon.
Meirihluti með Vilhjálmi?
Samkvæmt heimildum DV eru
mjög skiptar skoðanir innan borgar-
stjórnarflokksins um hver eigi að
hljóta embættið. Þó mun Vilhjálmur
Þ. Vilhjálmsson njóta stuðnings
flestra. Einnig nýtur hann töluverðs
stuönings meðal embættismanna
Reykjavíkurborgar. Hins vegar mun
það vera vilji Davíðs og þeirra borg-
arfulltrúa sem honum eru nánastir
að fá Árna Sigfússon í embættið.
Katrín Fjeldsted þykir mun umdeild-
ari kandídat en þeir Árni og Vil-
hjálmur en nýtur þó stuðnings þeirra
sem vílja sjá áherslubreytingar við
stjórn borgarinnar. Innan borgar-
stjórnarflokksins nýtur hún lítils
fylgis. Stuðninginn sækir hún fyrst
og fremst til kvenna og frjálslyndra
manna innan Sjálfstæðisflokksins.
Að sögn þeirra borgarfulltrúa
Sjálfstæðisflokks sem DV hefur rætt
við heyrir þaö til undantekninga að
greidd séu atkvæði innan borgar-
stjórnarflokksins. Yfirleitt sé leitað
málamiðlana til að koma í veg fyrir
ágreining. Verði þessi leið farin við
val á næsta borgarstjóra telja margir
líklegast að Magnús L. Sveinsson
verði fyrir valinu.
Ekki létt að setjast
í stól Davíðs
„Ég sækist ekki eftir því að verða
borgarstjóri. Hins vegar neita ég því
ekki að margir hafa orðað það við
mig að þeir vilji fá mig sem næsta
borgarstjóra. Það er hins vegar mjög
mikilvægt að það náist eining um
þetta og því verður að leita allra ráða
til að tryggja þaö. Það hafa allir
skyldur í þeim efnum. Þetta er um-
fangsmikið starf og út af fyrir sig
verður það ekki létt að setjast í stól
Davíðs Oddssonar. Hins vegar skilur
hann við mjög gott bú,“ segir Magnús
L. Sveinsson.
Vilhjálmur Þ. Vilhjálmsson vildi í
samtali við DV í gær sem minnst tjá
sig um baráttuna um borgarstjóra-
sætið. „Það hafa ýmsir varaborgar-
fulltrúar og aðalfulltrúar rætt þessi
mál viö mig. Annars væri ég ekki að
velta þessu fyrir mér. Ég vil hins
vegar ekki nafngreina þá né tiltaka
einhvern fjölda. Það treður sér eng-
inn inn í þetta embætti. Menn verða
að njóta stuönings og trausts. Það
verða því einhverjir aðrir en ég að
meta mína möguleika í þessu sam-
bandi,“ sagði hann.
Árni Sigfússon segir það skipta
miklu fyrir bæði borgarbúa og Sjálf-
stæöisflokkinn aö það verði tekin
lýðræðisleg ákvörðun um næsta
borgarstjóra. Á þeim grundvelli seg-
ist hann tilbúinn til aö sætta sig við
niöurstööuna, hver sem hún verður.
Aöspurður kvaðst hann ekki sjá neitt
því til fyrirstöðu að greidd verði at-
kvæði innan borgarstjórnarflokks-
ins við val á næsta borgarstjóra
„Ég hef fundið fyrir mjög mikíum
og sterkum stuðningi innan borgar-
stjórnarflokksins og meðal flokks-
manna. Hins vegar er mér nokkuð
ljóst að aðrir einstaklingar hafa aöra
drauma en að ég verði næsti borgar-
stjóri. Ég tel mig hins vegar ekki
vera í neinni kosningabaráttu og
hefði ekki talið að þetta gerðist þann-
ig innan þessa hóps sem myndar
borgarstjórnarflokkinn,“ segir Árni.
Þrátt fyrir ítrekaðar tilraunir náð-
ist ekki í Katrínu Fjeldsted.
-kaa