Dagblaðið Vísir - DV - 21.03.1992, Blaðsíða 18

18
LAUGARDAGUR 21. MARS 1992.
Veiðivon
Kíkt inn á flugukastæfingu hjá Ármönnum:
„Það er feiknarlega
gaman að veiða fiska"
- sagði flugukastarinn ungi, Þormóður Ingi Heimisson
Kolbeinn Grímsson segir áhugasömum nemendum til um fluguveiði.
Þormóður Ingi Heimisson sveiflar flugustönginni fimlega á kastæfingu hjá
Ármönnum síðustu helgi. DV-myndir G.Bender
„Það er ekki langt fyrir mig að fara
og veiða, í Hamarsána á Vatnsnesi,
og þar veiöist bæði lax og silungur,"
sagði Þormóður Ingi Heimisson, 12
ára, en hann var sá yngsti sem mætti
á kastæfingu hjá Ármönnum í Kenn-
araháskólanum síðustu helgi. En
Þormóður býr úti á Vatnsnesi í Vest-
ur-Húnavatnssýslu. Þó Þormóður sé
aðeins 12 ára sveiflaöi hann flugu-
stönginni listavel.
„Hann er feikna kastari," sögðu
kennararnir sem sögðu honum til
hjá Ármönnum þennan morguninn.
„Ég veiddi fimm laxa síðasta sumar
í Hamarsá og töluvert af bleikjum
en þær voru margar smáar. Stærsti
laxinn, sem ég hef veitt, var fimm
pund. Mér fmnst líka gaman að veiða
fisk á maðk. Bændur hafa ræktað
ána upp hjá okkur og það er farið
að skila árangri. Mér finnst feiknar-
lega gaman að veiða fiska,“ sagði
Þormóður og hélt áfram að æfa sig.
Það er greinilega komin spenna í
veiðimenn, það er ekki langt í að
veiðitíminn byrji fyrir alvöru. Fullt
er á námskeiöin hjá Ármönnum
þessa dagana. Enda ekki nema fáir
dagar þangað til sjóbirtingsveiðin
byrjar fyrir alvöru, þá verða veiði-
vötnin opnuð og síðan laxveiðiárnar.
-G.Bender
Kastaó, kastað og kastaö.
Þjóðar-
spaug DV
Nær-
sýnin
Hraölyginn bóndi í Skagafirði
komst eitt sinn svo aö oröi um
sveitunga sinn:
„Hann Sigursteinn er svo
nærsýnn að hann verður að
sofa með gleraugu til að geta
þekkt mennina sem hann
dreymir um.“
Gaman
aðjarða
í dag
Bræður tveir á Vesturlandi
misstu fóður sinn. Þegar jarðar-
fórin fór ff am var úrhellisrign-
ing og slæmt veður. Nokkrum
dögum síðar voru bræðumir
við túnslátt og var veður þá
mjög gott Þegar komið var
fram undir hádegi strýkur ann-
ar þeirra svitann af enni sínu
og segir:
„Það er nú meiri bliðan í dag. “
„Segðu það nú,“ gall við í hin-
um. „Það hefði verið virkilega
gaman að jarða hann pabba í
dag.“
Maturinn
Símon vinnumaður lýsti svo
vistinni á sveitabæ einum:
„Fijótlega eftir að ég hóf störf
á Ytra-Fjalli drapst gömul
hryssa og þá átum við hana.
Viku síöar drapst gömul gylta
og þá átum við hana. Mánuði
síðar dó mamma bóndans í
hárri elli og.. .þá fór ég úr vist-
inni.“
Finnur þú fimm breytingai? 147
Og þetta er uppáhaldsstóllinn minn... Nafn:.........
Heimilisfang:
Myndirnar tvær virðast við
fyrstu sýn eins en þegar betur
er að gáð kemur í ljós að á
myndinni til hægri hefur
fimm atriðum verið breytt.
Finnir þú þessi fimm atriði
skaltu merkja við þau með
krossi á hægri myndinni og
senda okkur hana ásamt nafni
þínu og heimilisfangi. Að
tveimur vikum hðnum birtum
við nöfn sigurvegara.
1. verðlaun: SHARP stereo
ferðaútvarpstæki með kas-
settu að verðmæti kr. 6.380 frá
Hljómbæ, Hverfisg. 103.
2. verðlaun: Fimm Úr-
valsbækur að verðmæti kr.
3.941.
Bækumar, sem eru í verðlaun,
heita: Á elleftu stundu, Falin
markmið, Flugan á veggnum, Leik-
reglur, Sporlaust. Bækurnar eru
gefnar út af Frjálsri fjölmiðlun.
Merkið umslagið með lausninni:
Finnur þú fimm breytingar? 147
c/o DV, pósthólf 5380,
125 Reykjavík
Vinningshafar fyrir hundrað
fertugustu og fimmtu getraun
reyndust vera:
1. GuðnýHilmarsdóttir,
Vesturási 51,110 Reykjavík
2. Sigurgeir Már,
Fannafold 115, Reykjavík
Vinningarnir verða sendir
heim.