Dagur - 14.04.1977, Blaðsíða 8
DAGUR
Akureyri, fimnitudaginn 14. aprfl 1977
ÞJONUSTA
FYRIR
HÁÞRÝSTISLÖNGUR
OLÍUSLÖNGUR og BARKA
PRESSUM
TENGiN Á
FULLKOMIN TÆKI
VÖNDUÐ VINNA
Oft eru biðraðir við skíðalyftuna í Hlíðarfjalli.
(Ljósm. E. D.)
Kýrnar taka við stjórninni
Stórutungu 2. aprfl. Mikill snjór
er í dalnum og loftkuldi. En
þessi snjór kom seint og er því
ekki gaddur. Féð er algerlega í
húsi og rúningi er lokið. Þegar
þenna snjó setti niður varð færð
slæm og heflar komu til hjálpar
vegna mjólkurflutninganna. —
Aðrar greinar flutningaþarfar
nutu svo góðs af. Misjafnlega
hefur verið gert við menn og
býli, enda kýr ráðið þar nokkru
um. Mjólkursamlagið stuðlar að
snjómokstri vegna mjólkur-
flutninga til Húsavíkur og var
því heflaður vegur fram í Ból-
stað vestan Fljótsins, því þar er
nokkur mjólkurframleiðsla og
mjólkurtankur, og að Víðikeri
austan fljóts. Frá Svartárkoti
er mjólkin flutt í venjulegum
brúsum, sem og frá Víðikeri. Nú
var nánast öllum tækjum ófært
frá Svartárkoti nema vélsleða,
og auðvitað var gripið til hans,
þegar stjórn kúa og mjólkur
brást. Einn er þó enn sá bær,
sem úr alfaraleið er, sem kall-
Mikill afli hjá togurunum
Afli togaranna hefur verið mjög
mikill að undanförnu, svo kalla
má aflahrotu. Síðustu landanir:
Gott félagslíf
Þann 20. f. m. var kirkjukvöld
í Lundarbrekku og brugðið út
af 'hefðbundnu messuformi. Þar
komu fram fjórir nemendur frá
Tónlistarskóla Akureyrar, tveir
piltar og tvær stúlkur. Og þar
söng kór kirkjunnar undir
stjórn Friðriks Jónssonar. Gunn
ar Rafn Jónsson flutti ræðu. —
Sóknarpresturinn, séra Jón
Baldvinsson stjórnaði þessari
samkomu, sem endaði með al-
mennum söng og bæn. Fullskip-
að var í hvert sæti kirkjunnar.
Það líður að 100 ára afmæli
þessarar kirkju og orgelið er að
verða 77 ára. Þ. J.
Jötunn
f viðtali við Dagbjart, borstjóra
Jötuns, í gær kom þetta fram.
Borun er að hefjast á ný í dag
eftir páskaleyfi starfsmanna. —
Borinn var kominn á 1100 metra
dýpi. Hiti er allmikill, en vatn
að heita má ekki neitt.
f borholu þeirri, sem næst
er, kom heita vatnið á 1300
metra dýpi, og ef borun gengur
vel næstu daga, verður borinn
kominn á það dýpi um næstu
helgi. En bergið er hart og sein-
unnið D
Kaldbakur landaði 4. apríl
290 tonnum. Aflaverðmæti 20,2
millj. kr. Sléttbakur landaði 11.
apríl 216 tonnum, aflaverðmæti
13,9 millj. kr. Svalbakur landaði
31. mars 240 tonnum, aflaverð-
mæti 19,4 millj. kr. Harðbakur
landaði 6. apríl 267 tonnum,
aflaverðmæti 20 millj. kr. Sól-
bakur var að landa í gær ca
160 tonnum.
Atvinna hefur verið mjög
mikil hjá Utgerðarfélagi Akur-
eyringa, og þegar allt er í gangi
vinna mikið á þriðja hundrað
manns við ýmsa þætti fiskverk-
unarinnar í landi. □
Skrifar handbók
um ísland
Inn á skrifstofur blaðsins kom
fyrir nokkrum dögum Herbert
Czosche, þjóðverji, sem er hér
staddur á vegum þýska útgáfu-
félagsins Intertours. Hann er
hér að safna efni og auglýsing-
um í væntanlega handbók um
ísland, sem Intertours hyggst
gefa út í Þýskalandi. Ferða-
handbók þessari verður dreift í
allar ferðaskrifstofur í þýsku-
mælandi löndum og hjá flug-
félögum. Áður hefur fyrirtækið
gefið út ferðahandbækur um
önnur lönd, þar á meðal Finn-
land, sem líkað hafa mjög vel.
Þau fyrirtæki sem ekki hafa
þegar ákveðið að auglýsa í
handbókinni geta fengið verð-
lista á afgreiðslu Dags. □
að er, þ. e. Stóratunga. Þangað
var ófært öllum tækjum nema
vélsleða. Þaðan var að vísu
enga mjólk að flytja og þess
vegna komu kýrnar ekki við
stjórnun. En svo léleg brú er á
lækjarsitru, að heflum er bann-
að að fara yfir hana, þótt á öðr-
um tímum fari þar yfir þungir
bílar og stórir. Þessi leið hef-
ur því verið lokuð að heita má,
þótt nú sé raunar klöngrast þar
um í djúpum slóðum á dráttar-
vél og jeppum. Þegar opin var
leiðin að Víðikeri, var farið með
síðustu kýrnar og þeim fargað
á heiðarlegan hátt. Eftir þetta
má segja, að stjórnarkreppa sé
hjá kúnum á þessu svæði, hvern
ig sem hún leysist. En fleira
þarf að flytja en mjólk frá heim-
ilunum. Enn varð vegur ófær
og var þá heflaður dalurinn og
alla leið í Svartárkot og er sú
leið farin síðan. Neðan áður-
nefndrar brúar situr við það
sama. Þar er dráttarvél ráðandi,
eða sleðinn, þegar annað þrýtur.
Þ. J.
'X TT? n iji
lii < > .lU JÚ
• Merkilegur
staður.
Vart fer það á milli mála, að
Hlíðarfjall sé merkilegur
staður vegna þess fyrst og
fremst, sem þar fer fram. —
Hundruð og jafnvel þúsund-
ir fólks, sem þangað sækir
um hverja helgi, hefur hlot-
ið af því nokkra reynslu, að
þangað er gott að fara með
skiði sín. Aðstaðan í Hlíðar-
fjalli er á margan hátt mjög
góð og jafnvel framúrskar-
andi. Og hvað sem líður
„toppum“ og „stjömum“ í
skíðaiþróttinni, sem þó ber
ekki að vanmeta, hefur f jöldi
manns, ungra og eldri, náð
mikliun árangri og átt marg-
ar heilsusamlegar ánægju-
stundir á þessum stað nú í
vetur og undanfarna vetur.
Á föstudaginn langa vom
300 bílar við Skíðahótelið í
Hlíðarfjalli. Þá var glamp-
andi sólskin, 10 stiga hiti og
skíðafæri eins og best verð-
ur kosið.
• Tvö
áhyggjuefni.
Um þessar mundir gleður
vorið og langdegið, þótt enn
sé vetur og hret og hafís-
fregnir kunni að eiga eftir að
setja hroll að mönnum. En
tvö eru þau áhyggjuefnin,
sem hvorki sól né sunnan-
vindur fá unnið bug á í bráð.
Hið fyrra eru dulbúnar hót-
anir Efnahagsbandalagsins
um viðskiptakúgun, ef ekki
takast samningar þess um
fiskveiðiheimildir við íslensk
stjórnvöld. Hið síðara eru
kjarasamningar þeir, sem nú
er hafinn undirbúningur að.
Þeir eru að öllu innlendir og
snúast þeir að venju um
það, hversu skipta beri þjóð-
artekjunum milli þegnanna
og það hefur ætíð verið
vandasamt. — Væntanlega
verður það staðföst stefna
stjómvalda, að þar sem ekk-
ert er til að semja um á ís-
landsmiðum, eins og nú er
ástatt um fiskistofna, verði
um ekkert samið. Og væntan
lega bera aðilar vinnumark-
aðarins gæfu til að ljúka
samningum áður en til verk-
falla kemur, og er annað
raunar stórvítavert.
• Að gefnu
tilefni.
í Akureyrarþætti sjónvarps
á dögunum kom það fram,
að Dagur væri elst vikublaða
á staðnum. Af marggefnu til-
efni yil ég taka fram, að
hvorki minntist ég á aldur
vikublaðanna í höfuðstað
Norðurlands í þeim þætti, né
gaf stjómanda þáttarins upp-
lýsingar um þetta atriði. Er
rétt að taka þetta fram vegna
umtals og beinna fyrir-
spuma um þetta atriði. Hið
rétt er, að íslendingur hóf
fyrr göngu sína en Dagur, en
hefur stundum dáið og einn-
ig skipt um nafn. Getur það
auðvitað ruglað menn í rím-
inu þegar talað er um aldur
blaða. — Ritstj.
• Tjaldurinn
kominn.
Hinn 6. aprfl mátti sjá fyrstu
vængjuðu vorboðana á Leir-
unum og skörtuðu þeir í
svörtu og hvítu eins og þeirra
er vani. Þetta vom fjórir
tjaldar og fundu þeir sér
æti í sandinum þegar lág-
sjávað var.
Ekki líður á löngu þar til
fleiri kærkomnir sumargest-
ir heimsækja okkur, og ef
snjór Iiggur þá yfir landinu,
velja þeir flestir Leimmar
eða auðar fjömmar til dval-
ar fyrst í sað. Þá ættu for-
eldrar að kenna böraum sín-
um að þekkja fuglana og
kynnast lifnaðarháttum
þeirra.
Komu, sungu og sigruðu
Sauðárkróki 12. aprfl. Togar-
arnir hafa aflað mjög vel og
'hefur verið! ,unnið alla d'aga
tíu klukkustundir á dag, nema
föstudaginn langa og páskadag.
Togararnir lönduðu síðustu
viku 260 tonnum. í gær land-
aði Drangey 180 tonnum og þar
áður kom hún með 200 tonn.
Gott veður var bænadaga, en
í gær gekk í norðan élaveður
og seinkaði þá flugi. Farþegar
biðu flugfars á vellinum. til kl.
tvö í nótt, en þá komu tvær
flugvélar. Nokkrir urðu þó enn
eftir og bæða næstu ferðar.
Karlakórinn Goði úr Suður-
Þingeyjarsýslu kom í gær og
Hagkvæmar Spánarferðir
Nýlega opnaði Ferðamiðstöðin
hf. skrifstofu á Akureyri að
Hafnarstræti 100. Forstöðumenn
skrifstofunnar eru Haraldur M.
Sigurðsson og Ólafur Stefáns-
son. Skrifstofan verður opin kl.
16.00—18.00 og mun veita Ak-
ureyringum og nærsveitungum
alhliða ferðaþjónustu. Síma-
númer skrifstofunnar er 19970.
Farðamiðstöðin hf. er með
ferðir' til Benidorm á Spáni og
býður fólki. sem býr utan hö/
uðborgarsvæðisins ókeypis flug
að og frá Reykjavík, þegar það
fer í Spánarferð á þeirra veg-
um.
Auk Spánarferðanna er
Ferðamiðstöðin hf. með ódýrar
Norðurlandaferðir og skipulegg-
ur einstaklingsferðir út um all-
an heim, Ferðamiðstöðin hf. hef-
ur sérhæft sig í ferðum á vöru-
sýningar erlendis og er um-
boðsaðili fyrir flestar stærstu
vörusvningar f Evrópu
söng bæði á Sauðárkróki og í
Miðgarði. Söngstjóri er Robert
Besdek, tékkneskur hljómsveit-
arstjóri. Fullt hús var á báðum
stöðum og undirtektir frábærar.
Varð kórinn að endurtaka
mörg lögin, en á söngskránni
voru 17 lög. Á söngskemmtun-
inni var einsöngur, tvísöngur og
kvartett. Um kór þennan má
segja að hann kom, sá og sigraði.
Kórfélagar eru 36, flest bænd-
ur í fjórum hreppum sýslunnar
og eiga margir langt að sækja á
æfingar, sem haldnar eru tvisv-
ar í viku í Stórutjarnarskóla,
sumir allt að 30 km leið. Goði
var stofnaður 1972 og hefur
ávallt notið þessa sama söng-
stjóra, sem skilað hefur kórn-
um svo eftirminnilega vel á
listabrautinni, sem hinir mörgu
áheyrendur urðu vitni að á
söngskemmtunum á Sauðár-
króki og í Miðgarði í gær. G. Ó.