Dagur - 28.04.1987, Blaðsíða 1
70. árgangur Akureyri, þriðjudagur 28. apríl 1987 79. tölublað
Peysur
ítölsk gæði.
Fjölbreytt úrval,
margir litir.
HERRAÖEILD
Gránufélagsgötu 4
Akureyri ■ Sími 23599
Jökull hf. Raufarhöfn:
„Rekstrarafgangur tæpar
40 milljónir í fyrra“
- segir Hólmsteinn Björnsson framkvæmdastjóri
„Ég get ekki sagt annað en að
við getum verið ánægðir með
rekstrarafkomuna í fyrra.
Samkvæmt ársreikningum er
rekstrarhagnaður fyrir fjár-
magnsliði og óreglulegar tekj-
ur 39,7 milljónir króna,“ sagði
Hólmsteinn Björnsson, fram-
kvæmdastjóri Jökuls hf. á
Raufarhöfn, þegar hann var
spurður um afkomu fyrirtækis-
ins í fyrra.
Vaxtagjöld Jökuls hf. voru
18,1 milljón kr. en verðbreyt-
ingatekjur voru 21,7 milljónir.
„Afkoma fyrirtækisins er betri en
Bændur:
Vorverk að hefjast
- sauðburði seinkað vegna samdráttar
í framieiðslu
Núna strax eftir mánaðamótin
má búast við að hin almennu
Kaupskip hf:
Combi
Alfa selt
„Það er ósköp lítið að frétta,
Combi Alfa hefur verið selt og
við tókum annað skip á leigu í
staðinn,“ sagði Jón Steindórs-
son hjá Kaupskipum hf. á
Akureyri, þegar hann var
spurður um breytingar á
skipastól félagsins.
Kaupskip hf. voru með Combi
Alfa á leigu í nokkra mánuði en
eigendur skipsins seldu það græn-
lenskum aðilum fyrir skömmu.
Jón Steindórsson tók þá norskt
flutningaskip á leigu fyrir hönd
Kaupskipa hf. Combi Alfa hefur
verið afhent hinum grænlensku
aðilum en norska skipið er ekki
komið í gagnið ennþá.
Að sögn Jóns Steindórssonar
verður norska skipið aðallega í
flutningum milli hafna erlendis
og horfurnar í útgerð leiguskipa
eru ekki slæmar um þessar
inundir. Áhöfnin á skipinu verð-
ur mestmegnis erlend. EHB
vorverk hefjist hjá bændum
landsins. Þetta er þó auðvitað
misjafnt eftir héruðum og mið-
ast þá við veður, snjóalög og
fleira.
í byrjun mánaðarins má búast
við að áburðardreifing á tún hefj-
ist víðast hvar í Eyjafirði að
minnsta kosti. Nokkrir bændur
hafa að vísu þegar borið á
kúahaga og aðra smáskika sem
eru orðnir nægilega þurrir en tún
eru flest of blaut ennþá. Sums
staðar má svo búast við að áburð-
ardreifing dragist lengur og í
Svarfaðardal er til dæmis tals-
verður snjór á túnum ennþá.
Sauðburður hefur yfirleitt haf-
ist í byrjun maí í Eyjafirði og víð-
ar en annars staðar nokkru
seinna, allt undir mánaðamótin
maí-júní. Að sögn Guðmundar
Steindórssonar ráðunauts hjá
Búnaðarfélagi Eyjafjarðar er lík-
legt að vegna samdráttar í fram-
leiðslu hafi nienn seinkað sauð-
burði um vikutíma eða svo þann-
ig að hann muni almennt hefjast
10.-15. maí.
Jarðvinna svo sem vinnsla
kartöflugarða er fyrst og fremst
bundin því að jarðvegurinn þorni
nokkuð og klaki fari úr jörðu og
á sama hátt er það algjörlega háð
veðri hvenær kýrnar fá að hlaupa
út um víðan völl. ET
við áttum von á. I fyrra var meira
jafnvægi en áður milli afkomu
útgerðar og frystingar hjá okkur.
Framleiðslan í fyrra gekk vel því
við höfðum mikinn og góðan
fisk. Hér áður var oft talað um að
afkoma frystingarinnar væri góð
en tap á útgerðinni. Þetta snerist
að hluta við á síðasta ári. Við
seldum hlut okkar í Stakfellinu í
fyrra og söluhagnaðurinn varð
11,3 milljónir. Við gerum Rauða-
núp út eftir sem áður en Fiskiðja
Raufarhafnar sér um rekstur
frystihússins,“ sagði Hólmsteinn.
Að sögn Hólmsteins er hluti af
afla Stakfellsins frá Þórshöfn
fluttur til Raufarhafnar með
vörubifreiðum, en 70 km eru
milli Raufarhafnar og Þórshafn-
ar. Næsta haust verður nýtt
frystihús tekið í notkun á Raufar-
höfn en byrjað var á byggingunni
fyrir tveimur árum. Gamla frysti-
húsið verður notað áfram undir
saltfiskverkun o.fl. Milli 60 og 80
manns vinna í frystihúsinu á
Raufarhöfn. EHB
Siglt heim að kvöldi.
Mynd: RÞB
Vandi Hitaveitu Akureyrar:
Vilja baktryggingu
frá ríkissjóði
Þessa dagana fjalla Bæjarráð
Akureyrar og stjórn veitu-
stofnana bæjarins um drög að
samningi milli Hitaveitu Akur-
eyrar og fjármálaráðuneytis-
ins. Stjórnskipuð nefnd um
vanda hitaveitna lagði til fyrr í
vetur að Hitaveita Akureyrar
lækkaði orkuverð um 20% en
forráðamönnum Hitaveitunn-
ar þótti sú lcið ekki álitleg
nema einhver trygging kæmi á
móti af hálfu ríkissjóðs.
Þegar hin stjórnskipaða nefnd
hóf viðræður við fulltrúa Hita-
veitu Akureyrar kom til álita
hvaða aðferð skyldi hafa við að
gera reiknilíkön fyrir hitaveiturn-
ar til 25 ára. I einu reiknilíkaninu
var gert ráð fyrir lágum vöxtum
og 2% „heimsverðbólgu", og
samkvæmt því verða skuldir
H.A. fullgreiddar árið 2013.
Hugmynd nefndarinnar var sú að
samkvæmt þessu líkani væri
H.A. fært að lækka orkuverð um
20% í áföngum. Ekki var gert
ráð fyrir því að Hitaveitan yrði
fyrir neinum orkulegum eða fjár-
hagslegum áföllum næstu 28 ár.
Lánveitingar Byggðastofnunar á síðasta ári:
Norðurland fékk 302 milljónir
- í 114 lánveitingum - stærsta iánið til laxeldisstöðvar Miklalax hf. 30 milljónir
Á síöasta ári voru útborguð lán
og styrkir Byggðastofnunar
samtals 1.049 milljónir króna.
Þar af voru um 816 milljónir
svokölluð almenn lán, 217
milljónir lán til aukningar
verkefna innlendra skipa-
smíðastöðva, 11,8 milljónir í
lán til að bæta aðbúnað holl-
ustuhætti og öryggi á vinnu-
stöðvum og 3,7 milljónir í
styrki.
Á Norðurlandi vestra námu
almennar lánveitingar alls um
132 milljónum á síðasta ári. Lán-
veitingarnar voru 56 talsins.
Stærsta lánið var veitt til upp-
byggingar á fiskeldisstöð Mikla-
lax hf. eða 30 milljónir. Til fjár-
hagslegrar endurskipulagningar
Útgerðarfélags Skagfirðinga voru
lánaðar 15,3 milljónir og 9 millj-
ónir til nýbyggingar fóðurstöðvar
Melrakka hf. á Sauðárkróki. Af
öðrum lánveitingum má nefna að
sex aðilum voru lánaðar um 14,6
milljónir vegna hlutafjáraukning-
ar í Útgerðarfélagi Skagfirðinga.
Á Norðurlandi eystra voru lán-
veitingar 49 talsins samtals að
upphæð 136,4 milljónir. Stærsta
lánið var veitt Fiskiðjusamlagi
Húsavíkur til endurkaupa á tog-
aranum Kolbeinsey, 15 milljónir.
í>á voru veitt tvö 13 milljón króna
lán, til Þorsteins Más Aðalsteins-
sonar vegna loðdýrabúsins að
Ytra-Holti við Dalvík og til fjár-
hagslegrar endurskipulagningar
Kaldbaks hf. á Grenivík. 10
milljónir voru lánaðar til fiskeld-
isstöðvar Óslax hf. í Ólafsfirði.
Á Norðurlandi voru veitt 7 lán
til aukningar verkefna skipa-
smíðastöðva samtals að upphæð
30,8 milljónir. Hæsta lánið var 15
milljónir til Höfða hf. á Húsavík
vegna togarans Júlíusar Hav-
steen.
Til að bæta aðbúnað á vinnu-
stöðum fékk Möl og sandur hf. á
Akureyri eina milljón og Hrað-
frystistöð Þórshafnar 1,8 milljón.
Eini styrkurinn sem var veittur
til Norðurlands fór til endurbóta
á Gamla læknishúsinu á Sauðár-
króki og nam styrkurinn 250 þús-
und krónum. ET
Þessari hugmynd var mótmælt
bæði af bæjarráði og stjórn veitu-
stofnana á þeim grundvelli að
ótryggt væri að 2% alheimsverð-
bólga sæi um að borga niður
skuldir Hitaveitunnar. Ljóst þyk-
ir að verðbólga í þeim löndum
sem hitaveitan skuldar mest rýrir
höfuðstól skuldarinnar. En það
er líka óvíst hvernig verðbólga í
viðskiptalöndunum verkar á tekj-
ur og gjöld H.A. því íslensk
gengisskráning kemur þar inn í
dæmið. Þá eru 28 ár langur tími
og óhjákvæmilegt er að fara út í
verulegar framkvæmdir á vegum
hitaveitunnar á því tímabili.
Þannig varð sú hugmynd til að
gerður væri e.k. baktryggingar-
samningur, sem skuldbindi ríkis-
sjóð til að taka á sig hugsanleg
skakkaföll vegna fráviks frá 2%
heimsverðbólgu gegn því að
orkuverðið yrði lækkað um
20%.“ EHB