Dagur - 14.09.1988, Blaðsíða 16

DACKJEí
Akureyri, miðvikudagur 14. september 1988
TEKJUBREF• KJARABRÉF
QT>
FJÁRMÁL ÞIN - SERGREIN OKKAR
TJARFESTINGARFELAGID
Ráðhústorgi 3, Akureyri
Útgerðarfélag Skagfirðinga:
Langt gengið á
kvóta togaranna
- Skafti SK 3 seldi í Pýskalandi
Togarar Útgerðarfélags Skag-
firðinga eru að verða langt
komnir með kvótann sinn og
eru þeir farnir að sigla með
aflann. Skafti SK 3 seldi í gær
og I fyrradag 150 tonn af karfa
í Bremerhaven að verðmæti
um 10 milljónir króna og 22.
september nk. mun Hegranes
SK 2 selja í Bremerhaven.
Drangey SK 1 kom í gærkvöld
til hafnar á Sauðárkróki með
tæp 140 tonn af frystum karfa
að verðmæti um 15,2 milljónir
króna.
Allir togararnir eru á sóknar-
marki, þannig að þeir geta ekki
keypt kvóta þegar hann klárast.
Þegar lengra líður á haustið er
því séð að ekki verður mikil vinna
í frystihúsunum á Sauðárkróki
og Hofsósi. Ef litið er á hvað tog-
ararnir eiga eftir af kvóta í dag þá
á Drangey eftir 459 tonn af
þorski og 150 tonn af karfa.
Hegranesið á eftir 251 tonn af
þorski og 500 tonn af karfa og
Skafti 150 tonn af þorski og 420
tonn af karfa. Pað sem togararnir
eiga því eftir samtals eru 860
tonn af þorski og 1070 tonn af
karfa.
Að sögn Ágústs Guðmunds-
sonar framkvæmdastjóra ÚS þá
mun Hegranesið fara í slipp í
Þýskalandi eftir siglinguna þar
sem skipið verður málað og púss-
að og gert við skrúfubúnað.
„Drangey mun klára karfakvót-
ann hjá sér og síðan veiða þorsk
fyrir frystihúsin hérna í héraðinu.
Það verður síðan ekki mikið um
fisk í húsin,“ sagði Ágúst að
lokum.
Það er því ljóst að þegar kvóti
togaranna klárast hjá ÚS verður
ekki hægt að kaupa kvóta, þar
sem skipin eru á sóknarmarki.
Það eru aðeins skip á aflamarki
sem geta keypt meiri kvóta, en í
upphafi fengu þau skip mun
minni kvóta heldur en þau sem
fóru á sóknarmark. -bjb
Byggðastofnun á Akureyri:
Miðstöðin tekur
senn til starfa
Miðstöð Byggðastofnunar
Islands á Akureyri verður
formlega tekin í notkun 1.
október næstkomandi. Mið-
stöðin er til húsa á þriðju hæð
í húsi Búnaðarbankans við
Gcislagötu 5. Forstöðumaður
Byggðastofnunar á Akureyri
er Valtýr Sigurbjarnarson,
fyrrverandi bæjarstjóri í Ólafs-
firði.
Aðspurður sagði Valtýr að
þessi miðstöð væri hugsuð sem
hluti af Byggðastofnun, frekar en
útibú, og hún tæki að sér hluta af
verkefnum Byggðastofnunar.
Hann sagði að verkefnin yrðu
ekki eingöngu bundin við
Norðurland, þótt vissulega mætti
búast við því að atvinnulíf á
Norðurlandi yrði ofarlega á
baugi.
Þessa dagana er unnið við
lokafrágang á húsnæðinu en
Byggðastofnun tók hluta af
þriðju hæð í húsi Búnaðarbank-
ans á leigu. Valtýr sagði að starfs-
menn miðstöðvarinnar yrðu þrír
til að byrja með, en reynslan
myndi síðan skera úr um það
hvort þörf væri fyrir fleiri
starfsmenn. SS
Fokker 50 vélin er ein þeirra sem Flugleiðir eru að íhuga með kaup á. Vélin myndi leysa Fokker 27 af hólmi, en
félagið ætlar að endurbæta flugflota sinni og reiknað er með að nýju vélarnar verði teknar í notkun árið 1992.
Mynd: TLV
Innanlandsflug Flugleiða:
Endumýjim flug-
flotans framundan
- þrjár flugvélategundir til skoðunar hjá félaginu
Nú stendur fyrir dyrum endur-
nýjun á öllum flugvélaflota
Flugleiöa og í vetur verður tek-
in ákvörðun um það hvaða vél-
ar leysa af hólmi Fokker F-27
vélarnar sem félagið hefur not-
að í innanlandsfluginu undan-
farin ár. Eftir ítarlega skoðun
hafa Flugleiðir nú í athugum
þrjár flugvélategundir, Dch-8-
300 frá Kanada, ATR-42 sem
er frönsk/ítölsk og Fokker 50
frá Hollandi.
Fulltrúar frá Fokker verk-
smiðjunum í Hollandi eru staddir
hér á landi með Fokker 50 vél og
í gær var blaðamönnum og fleir-
um boðið í útsýnisflug frá Akur-
eyri, þar sem þessi nýja vél var
kynnt.
Skrokkur nýju vélarinnar,
vængur og stél byggir að mestu á
hliðstæðum hlutum F-27-500
flugvélanna. Hins vegar eru nú
notaðir nýir og sparneytnir
hreyflar, nýjar 6 blaða skrúfur og
allur búnaður og kerfi eru af
nýrri og fullkomnari gerð. Sér-
stök áhersla hefur verið lögð á
góðan aðbúnað farþega. Glugg-
um hefur verið fjölgað og eru nú
samtals 42, eða helmingi fleiri en
í F-27-500. Hljóðeinangrun er
það góð að hávaði í farþegaklefa
mælist minni en í algengum gerð-
um farþegaþotna. Yfirleitt er
gert ráð fyrir 50 sætum en hægt er
að fjölga þeim í allt að 58.
Flughraði Fokker 50 er um 5%
meiri en hjá F-27. Flugdrægið er
hins vegar um 60% meira, aðal-
lega vegna þess hversu hreyflarn-
ir eru sparneytnir miðað við eidri
gerðir. Þá hefur verið lögð sér-
stök áhersla á að minnka viðhalds-
kostnað á Fokker 50 vélinni og
er áætlað að hann verði um 30%
minni en á F-27 vélunum.
Flugleiðir fljúga nú til tíu áætl-
unarstaða innanlands og síðan
eru tengisamgöngur með fiugvél-
um og bifreiðum til nærliggjandi
þéttbýlisstaða. Félagið hefur
áhuga á að auka ferðatíðnina,
einkum til þeirra staða sem nú
hafa fæstar vikulegar ferðir en
einnig til staða á borð við Vest-
mannaeyjar. Þá kemur jafnvel til
greina að félagið eignist eitthvað
af smærri vélum sem gætu haldið
uppi tíðara flugi á smærri staði.
Flugleiðir stefna að lokaúttekt
á því í vetur hvaða vél verður fyr-
ir valinu til þess að leysa F-27 vél-
arnar af hólmi, svo unnt sé að
taka ákvörðun um pöntun nýrra
flugvéla næsta sumar. Þær myndu
síðan koma í gagnið vorið 1992.
-KK
Samanburður á orkukostnaði heimila:
Orkukostnaðuriiin minni á Akureyri
á orkuveitusvæðum RARIK og Orkubús Vestljarða
- en
Stjórn veitustofnana á Akur-
eyri hefur látið gera saman-
burð á orkukostnaði heimila á
Akureyri og orkuveitusvæðum
RARIK og Orkubús Vest-
fjarða. Á þessum þremur
svæðum eru um 9-10.000
heimili og í samanburðinum
var gert ráð fyrir hitanýtingu á
40 gráðu heitu vatni. Miðað
við þær forsendur sem gefnar
voru, kemur í Ijós að heildar-
orkukostnaður heimila á
Akureyri er heldur minni en á
hinum tveimur svæðunum.
„Við vorum með þessu að
reyna að gera okkur grein fyrir
því hver orkukostnaður heimila á
Akureyri væri í dag miðað við
orkuverð á hinum orkuveitu-
svæðum tveimur, þar sem að
íbúar búa við niðurgreidda
raforku," sagði Sigurður J. Sig-
urðsson formaður stjórnar veitu-
stofnana í samtali við blaðið.
„Raforka til húshitunar er
greidd niður um 31 eyri frá
Landsvirkjun og um 63 aura úr
ríkissjóði. Eftir að þessi viðbót-
arniðurgreiðsla frá Landsvirkjun
kom í vor, vöknuðu um það
spurningar hvort orkukaupendur
á Akureyri væru farnir að greiða
hærra orkuverð en notendur á
þessum niðurgreiddu svæðum en
svo reyndist ekki vera.“
Miðað við þær tölur sem not-
aðaðar voru í þessum saman-
burði, kemur í ljós að það kostar
79.656.- á ári að hita slíkt hús á
svæði RARIK, 79.186,- á svæði
Orkubús Vestfjarða en á Akur-
eyri er kostnaðurinn 76.817.- hjá
rafveitunni og 76.570,- hjá hita-
veitunni.
„Þess ber þó einnig að geta að
þessar niðurgreiðslur á svæðum
RARIK og OV, ná ekki til
atvinnulífsins og séu notaðar
fleiri en 40.000 kwst á ári til hús-
hitunar, er sá hluti ekki niður-
greiddur. Þannig að þeir aðilar
eru að borga 94 aurum meira á
hverja kwst en hér á Akureyri er
sama verð fyrir alla.
Það sem við vorum einnig að
gera með þessu, var að reyna að
átta okkur á því hvort íbúar á
Akureyri sem búa við rafhitun,
eins í Gerðahverfi 2, borguðu
ekki svipað verð og þeir sem eru
með hitaveitu. Niðurstaðan varð
sú miðað við þær forsendur sem
lagðar voru til grundvallar fyrir
ári, að kostnaður væri sá sami og
það var einmitt markmið okkar
í upphafi,“ sagði Sigurður enn-
fremur. -KK
Framkvæmdastjóri ÚA:
Enn óráðið
í stöðuna
Á stjórnarfundi hjá Útgerð-
arfélagi Akureyringa hf.
seni haldinn var í gær var
ekki tekin ákvörðun um
hver hlýtur framkvæmda-
stjórastólinn eftirsótta.
Farið var yfir umsóknirnar
fjórtán, en hluti umsækjenda
hefur verið dæmdur óhæfur til
að gegna stöðunni. Við nánari
rýni í umsóknir heltust flciri úr
lestinni og er. nú verið að
skoða þær sem eftir eru.
Reiknað er með að ráðið verði
í stöðuna síðar í vikunni.
mþþ