Dagur - 19.01.1993, Blaðsíða 2

2 - DAGUR - Þriðjudagur 19. janúar 1993
Fréttir
Aðilar frá Hrísey og Hauganesi hyggja á ígulkeravinnslu:
Áhugaverðustu miðin eru vestur af Hrísey
í byrjun desembermánaðar sl.
komu fjórir Bandaríkjamenn
frá Maine til Hríseyjar og
skömmu síðar fjórir Islending-
ar vegna fyrirhugaðrar ígul-
keravinnslu og var áætlað að
þeir dveldu þar í a.m.k. tvo
mánuði. Leitað var eftir fyrir-
greiðslu af hálfu Hríseyjar-
hrepps og var orðið við því og
þeim útvegað leiguhúsnæði og
bátur til að fara á miðin og
ferja kafara fram og til baka en
ígulkerunum er safnað saman
af köfurum.
„Ameríkanarnir komu í mý-
flugumynd og voru horfnir eftir
örfáa daga og þegar íslending-
arnir komu höfðu þeir á orði að
það væri lítið vit í þessum
Ameríkönum en raunin varð sú
að þeir höfðu ekki miklu lengri
viðdvöl en þeir en taka verður þó
tillit til þess að þeir lentu í vond-
um veðrum,“ sagði Jónas Vigfús-
son sveitarstjóri í Hrísey. „Tveir
Hríseyingar, Jan Murtoma og
Bjarni Ármannsson, höfðu tekið
sýni rétt utan hafnarmynnisins í
Hrísey áður en Bandaríkja-
mennirnir komu norður. Þeir
fóru víða, tíndu víða um Eyja-
fjörð og á Siglufirði auk þess sem
svæðið kringum Flatey var kann-
að en íslendingarnir fóru ekki
eins víða en höfðu stutta við-
komu og munu ekki vera væntan-
legir aftur. Leigður var 5 tonna
bátur af Garðari Sigurpálssyni,
Hallur EA-260 fyrir Bandaríicja-
mennina, en fslendingarnir
leigðu bát frá Dalvík. Tekið var á
leigu íbúðarhúsnæði og tryggður
aðgangur að rafmagni til að hlaða
kúta auk aðstöðu fyrir köfunar-
búnað o.fl. en hreppurinn hefur
ekki enn fengið greitt fyrir leigu á
húsnæði eða afnot af rafmagni en
öll þessi starfsemi var heldur
snubbótt. Hríeyjarhreppur vildi
greiða götu þessara manna og
kynnast þessari starfsemi því
ígulkeravinnsla getur vissulega
verið ábatasöm," segir Jónas
Vigfússon.
„Við gerðum kannanir við
Grenivíkurhöfðann og eins inn
með Svalbarðsströndinni og það
er það mikið af ígulkerum hér að
full ástæða er til að huga að nýt-
ingu þeirra og stunda útflutning á
hrognunum. Þeim er pakkað í
plastumbúðir og sett í einhvern
lög til að viðhalda ferskleika
þeirra en þau má ekki frysta.
Kaupendur eru nær eingögu
japanskir. Það svæði sem þó hef-
ur vakið mesta athygli hjá útlend-
ingunum er um 400 metra vestur
af eyjunni og þar eru miklir
straumar sem eru hagkvæmir fyr-
ir ígulkerin. Það hefur aðili frá
Hauganesi haft samband við mig
og vill athuga frekar um vinnslu á
þessu nú í vetur,“ segir Bjarni
Ármannsson. „Það er hægt að
tína ígulkerin frá því í nóvember
og fram í apríl þ.e. á meðan á
hrygningu stendur og ég vil flytja
þetta út héðan úr Eyjafirði þann-
ig að allar útflutningstekjurnar
komi inn á þetta svæði. Vinnslan,
bæði til sjós og lands, gæti verið
atvinnuskapandi og því gott inn-
legg til að minnka atvinnuleysið
hér á Eyjafjarðarsvæðinu.“
AKUREYRARB/ÍR
Útboð
Akureyrarbær áformar að gefa starfsfólki
sínu kost á hádegisverði á vinnustað og leitar
eftir tilboðum í matseld og flutninga matarins
til vinnustaða.
Bæjarritari afhendir útboðsgögn og veitir nánari
upplýsingar um verkið og skilmála.
Tilboðum skal skila á bæjarskrifstofuna til bæjar-
ritara í síðasta lagi 29. janúar 1993.
Akureyri, 15. janúar 1993.
Bæjarstjóri.
i J
Guðmundur Valgerður Jóhannes Geir
Þingmenn Framsóknarflokksins
Fundir og viðtalstímar
Dalvík. Þriðjudagur 19. janúar: Viðtalstími í Bergþórshvoli kl.
17.00-19.00.
Fundur með trúnaðarmönnum á Dalvík og nágrenni kl. 20.30
í Bergþórshvoli.
Mývatnssveit. Miðvikudagur 20. janúar: Almennur stjórn-
málafundur kl. 21 í Hótel Reynihlíð.
Stórutjarnaskóli. Fimmtudagur 21. janúar: Almennur stjórn-
málafundur í Stórutjarnaskóla kl. 21.
Akureyri. Laugardagur 23. janúar: Viðtalstími kl. 10-12 í
Hafnarstræti 90. Athugið breyttan tíma. Hægt er að panta
viðtalstíma í síma 21180.
Gunnar J. Ágústsson var einn
þeirra sem kom norður í desem-
bermánuði og hann segir að þeir
muni ekki fara aftur norður til
ígulkeravinnslu. Gunnar segir að
fyrstu rannsóknir bendi til að nóg
sé af ígulkerum á Eyjafjarðar-
svæðinu en veður hafi sett stórt
strik í reikninginn hjá þeim og
eins hafi verið óákveðið hversu
lengi þeir yrðu hér. Nokkuð
fékkst þó af ígulkerum þann
stutta tíma sem þeir höfðu við-
dvöl í Hrísey og var allt það
magn sent vestur í Stykkishólm
j til vinnslu. GG
Skagaijörður:
Fyrsta folald ársins?
Gunnlaugur Þórarinsson frá
Ríp í Hegranesi hlaut óvæntan
glaðning nú í byrjun janúar.
Hryssan hans, hún Kolbrún,
kastaði þessu fallega folaldi sem
sést hér á myndinni. Það mun
fremur óalgengt að hryssur kasti
á þessum árstíma, og má því vel
ímynda sér að þetta sé fyrsta fol-
aldið sem fæðist á nýju ári. Þegar
ljósmyndarann bar að var það
hið roggnasta að rölta um með
móður sinni þrátt fyrir snjó og
kulda, en staldraði þó við til að fá
sér að drekka. sþ
VMA féll úr M0RFÍS en MA í undanúrslit:
„ÓskaandstæðiMurmn er
Menntaskólinn í Reykjavík“
- sagði frummælandi Menntaskólans á Akureyri
Verkmenntaskólinn á Akur-
eyri tapaði fyrir Mennta-
skólanum í Reykjavík í
mælsku- og rökræðukeppni
framhaldsskólanna, MORFIS,
er skólarnir leiddu saman
hesta sína sl. föstudag og var
útvarpað beint frá keppninni á
Rás-2. Keppnin var í 8 liða
úrslitum.
Rætt var um hvort skattur á
bókum ætti rétt á sér og hvort
hann hefði lamandi áhrif á bóka-
útgáfu í landinu. Ræðusnillingar
Verkmenntaskólans vildi afnema
skattinn en rökfimi þeirra hefur
greinilega ekki verið nægjanleg
því þeir töpuðu fyrir Sunnlend-
ingunum með rúmlega 60 stiga
mun.
Frummælandi liðs Verkmennta-
skólans var Bragi Guðmundsson,
meðmælandi Ingvar Már Gísla-
son og Gestur Þórisson stuðn-
ingsmaður. Liðsstjórnandi var
Pétur Maack Þorsteinsson.
í fjögurra liða úrslitum eru lið
Menntaskólans á Akureyri,
Menntaskólans í Reykjavík,
Verslunarskólans og Kvenna-
skólans en ekki hefur enn verið
dregið. Lið MA vann lið Flens-
borgarskóla í Hafnarfirði í 8 liða
úrslitum en lið þeirra skipa Svan-
hildur Hólm Valsdóttir sem er
frummælandi, meðmælandi er
Steinþór Heiðarsson og stuðn-
ingsmaður Jón Óskar Birgisson.
Liðsstjóri er Ásbjörn Jónsson.
Dregið verður í undanúrslit 11.
febrúar nk. og fer keppnin fram
föstudaginn 19. febrúar. Svan-
hildur sagði aðspurð um óska-
andstæðing vilja helst fá MR, því
þeir væru svo góðir en ekki ósigr-
anlegir. „Úrslitakeppnin fer fram
í mars og það væri gaman að vera
þar í úrslitum t.d. á móti Versl-
unarskólanum sem hefur sigrað í
þrjú skipti á síðustu fjórum
árum. Skólameistari hefur lofað
okkur stuðningi ef við komumst í
úrslit svo ef það tekst verður fjöl-
mennt lið MA-inga í Háskóla-
bíói,“sagði Svanhildur Valsdótt-
ir. GG
Happdrætti SÍBS:
Hæsti vinnmguriim
til Akureyrar
Dregið var í 1. flokki Happ
drættis SÍBS laust fyrir síðustu
helgi, en drætti hafði þá verið
frestað í nokkra daga vegna
þeirrar ótíðar sem var um
land allt. Hæsti vinningurinn,
ein milljón króna, kom á miða
nr. 2644 sem seldur var í
umboði SÍBS að Strandgötu 17
á Akureyri.
Á síðasta ári komu tveir af
hæstu vinningunum í happdrætt-
inu til aðila sem keypt höfðu
miða í umboðinu á Akureyri, en
það var í 6. flokki í júní og 11.
flokki í nóvember. Umboðsmað-
ur SÍBS á Akureyri er Björg
Kristjánsdóttir. GG
Akureyri:
Bæjarmála-
punktar
■ Bæjarráð hefur samþykkt
að öll sumarstörf hjá deildum
og stofnunum bæjarins verði
auglýst af starfsmannadeild og
ráðningar fari fram í samráði
við deiidina. Sviðsstjórum er
falið að kynna sjónarmið
bæjarráðs fyrir deildarstjórum
og forstöðumönnum stofnana.
■ Bæjargjaldkeri kom á fund
bæjarráðs í síðasta mánuði og
lagði fram lista yfir bæjargjöld
gjaldþrota fyrirtækja og ein-
staklinga sem hann lagði til að
felld verði niður, samtals að
upphæð kr. 15.547.543 og var
það samþykkt.
■ Bæjarráð hefur ákveðið að
áfrýja ekki dómi Héraðsdóms
Norðurlands í máli KEA gegn
bæjarstjóranum á Akureyri
f.h. Bæjarsjóðs vegna Norður-
götu 55. Niðurstaða dómsins
er að Bæjarsjóði er dæmt skylt
að greiða stefnanda skaðabæt-
ur kr. 960.000, auk dráttar-
vaxta frá 1. des. 1990 til
greiðsludags og kr. 250.000 í
málskostnað.
■ Bæjarráð hefur að tillögu
bæjarstjóra samþykkt að
hækka fjárveitingu til stofn-
kostnaðar Menntaskólans á
Akureyri um kr. 1.110.000 á
árinu 1992 til þess að mæta
uppsafríaðri fjárveitingu
Ríkissjóðs.
■ Bæjarráð hefur samþykkt
bókun áfengisvarnanefndar,
þar sem erindi frá Aðalbjörgu
Guðmundsdóttur um leyfi til
að selja áfengan bjór í veit-
ingastofunni Flugkaffi á Akur-
eyrarflugvelli er synjað. Sýslu-
maðurinn á Akureyri hafði
óskað eftir umsögn um málið.
■ Félagsmálastjóri kynnti
bæjarráði nýlega kostnaðar-
áætlun um breytingar á dag-
vistinni Klöppum, sem krafist
er í sambandi við undanþágu-
heimild Vinnueftirlits ríkisins.
Kostnaðaráætlunin hljóðar
upp á kr. 975.000.
■ Byggingadeild hefur lagt
fyrir bæjarráð, uppgjör við
breytingar á kjallara í Víði-
lundi 24 vegna geymslurýmis
fyrir héraðsskjalasafn. Heild-
arkostnaður var kr. 1.402.609.
■ Bæjarráð hefur samþykkt
fjárhagsátlun rekstrarnefndar
húsnæðisskrifstofunnar fyrir
árið 1993, sem lögð var fyrir
ráðið í síðasta mánuði. Tekjur
eru áætlaðar kr. 15.000.000 en
rekstargjöld 14.767.000.
■ Bæjarráð samþykkti á
sama fundi að veita aukafjár-
veitingu til fjárhagsaðstoðar
kr. 1.200.000, í framhaldi af
bréfi frá deildarstjóra ráðgjaf-
ardeildar, þar sem óskað var
eftir slíkri fjárveitingu.
■ Bæjarráð hefur samþykkt
nýja gjaldskrá fyrir Strætis-
vagna Ákureyrar. Einstök far-
gjöld fullorðinna hækka úr kr.
70 í kr. 75 og einstök fargjöld
barna úr kr. 27 í kr. 28.
■ Hafnarstjórn hefur sam-
þykkt að þjónustugjaldskrá
Akureyrarhafnar hækki um
3% frá og með 1. janúar sl. Þá
hefur borist staðfesting frá
Samgönguráðuneytingu á 3%
hækkun samræmdrar gjald-
skrár fyrir hafnir og tók hún
gildi frá sama tíma.