Dagur - 17.07.1996, Blaðsíða 4

4 - DAGUR - Miðvikudagur 17. júlí 1996
LEIÐARI
Á tali í umferðinni
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI,
SÍMI: 462 4222
ÁSKRIFT KR. M. VSK. 1600 Á MÁNUÐI
LAUSASÖLUVERÐ M. VSK. KR. 150
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN: AUÐUR INGÓLFSDÓTTIR,
GEIR A. GUÐSTEINSSON, HALLDÓR ARINBJARNARSON,
SIGURÐUR BOGISÆVARSSON, FROSTI EIÐSSON (íþróttir),
BLAÐAMAÐUR HÚSAVIK-GUÐRÚN K. JÓHANNSDÓTTIR
SÍMI Á SKRIFSTOFU 464 1585, FAX 464 2285.
HEIMASÍMI BLAÐAMANNS Á HÚSAVÍK 464 1547
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDl'S FREYJA RÖGNVALDSDÓTTIR, HEIMASÍMI462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 462 7639
SÍNIFAX AUGLÝSINGADEILDAR: 462 2087
íslendingar eru sér í lagi nýjungagjarnir eins
og sjá má á mörgum sviðum, ekki síst þegar
tæki eru annars vegar. Eins og komið hefur
fram í fjölmiðlum að undanförnu hefur orðið
mikil fjölgun í notkun farsíma og GSM-síma,
ekki síst í bílum. Erlendis hafa menn komist að
því að mörg slys í umferðinni megi rekja til
símanotkunar ökumanna enda gefur auga leið
að athygli ökumanna fyrir því sem er að gerast
í kringum þá er ekki eins mikil þegar þeir eru
önnum kafnir í viðræðum í símann. Rannsókn á
þessu atriði hefur ekki verið gerð hér heima en
ef marka má orð framkvæmdastjóra Umferðar-
ráðs í fyrrakvöld bendir margt til að rekja megi
einhver slys í umferðinni hér á landi til farsíma-
notkunar. Þetta er þó ekki alltaf gott að sanna
eftirrá enda ökumenn fljótir að láta símann
hverfa af vettvangi, viti þeir upp á sig skömm-
ina.
Símanotkun í bílum er í fæstum tilfellum
spurning um nauðsynjar. Á það skal þó fallist
að í tilfellum atvinnubílstjóra getur verið um
mikilvægt atvinnutæki að ræða en fróðlegt væri
að fá fram könnun á því til hvers bíla- og far-
símar eru fyrst og fremst notaðir. Ekki þyrfti að
koma á óvart þó greina mætti verulegan hluta
af þessari notkun sem ónauðsynlega, eða í það
minnsta ekki mikilvægari en svo að bílstjórar
gætu ekki beðið með símtalið fram að næsta
áfangastað. Reglan hlýtur að vera sú að öku-
menn eigi skilyrðislaust að stöðva bifreið sína á
meðan þeir afgreiða símtöl í stað þess að halda
áfram á fullri ferð með aðra hönd á stýri.
Að því hlýtur að koma að settar verði ein-
hverjar reglur um notkun farsíma í bifreiðum.
Reglur um bílbeltanotkun voru settar til að
auka öryggið í umferðinni en þær eru til lítils
nema áróður sé rekinn og eftirlit haft með
notkuninni af hálfu löggæslumanna. Eins þarf
að verða með farsímanotkunina í bílum. Það
þarf að setja reglur um að sekta megi öku-
menn fyrir að víkja ekki út í kant á meðan tal-
að er í símann. Ef það yrði gert og reglunum
framfylgt af festu þyrfti ekki að koma á óvart
þó notkunarmynstrið á bílasímum yrði eilítið
öðruvísi.
Línuritið sýnir fjöldra veiddra refa og minka á undanförnum árum.
Bitdýr ekki fleiri
en venjulega
- athugasemdir vid refafrétt í Degi 9. júlí
Ekkert bendir til að bitdýr séu
neitt fleiri nú en venjulega. Bitdýr,
eða þeir refir sem drepa sauðfé,
eru sárafá, en hins vegar fúlsa þeir
ekki við hræjum sem þeir finna.
Það getur svo hugsanlega leitt til
þess að þeir komist á bragðið og
fari að drepa seinna. Þess vegna
var það mjög slæmt ástand sem
skapaðist síðastliðið haust þegar
fjöldi fjár fórst f fönn og nóg var
af hræjum út um allt. Það hefur
örugglega leitt til þess að fleiri
refir lifðu af veturinn en annars
hefðu gert.
Refum á fyrsta ári er hættast og
þá eru afföllin mest. Eftir mildan
vetur og þar að auki óvenjumikið
fæðuframboð má því búast við að
mikið sé af fullorðnum dýrum í
stofninum, þ.e. dýrum eins árs og
eldri. Hins vegar leiðir það ekkert
frekar til að frjósemi eða hvolpa-
fjöldi í hverju greni aukist, jafnvel
öfugt. Það er því mjög eðlilegt að
refaskyttur verði ekki varar við
aukinn fjölda hvolpa.
Ef skoðaðar eru tölur yfir
veidda refi og minka á landinu
undanfarin ár sést að þeim fer
fjölgandi, refunum hægt og síg-
andi en minkaveiðin gengur í
meiri sveiflum. Minka verður sí-
Ásbjörn DagbjarLsson.
Ef skoðaðar eru tölur
yfir veidda refi og
minka á landinu und-
anfarin ár sést að
þeim fer fjölgandi, ref-
unum hægt og sígandi
en minkaveiðin geng-
ur í meiri sveiflum.
fellt vart á nýjum og nýjum stöð-
um, nú síðast fréttist af mink í
Hrísey í fyrsta skipti.
Þetta þarf þó ekki að þýða að
veiðimenn eins og til dæmis Vil-
hjálmur Jónasson á Sílalæk verði
var við fjölgunina. Hann hefur ár-
um saman veitt á sömu svæðunum
með svipuðu veiðiálagi og er því
minkurinn á þeim svæðum klass-
ískt dæmi um stofn í jafnvægi.
Veiðin frá ári til árs er þau dýr
sem hann náði ekki í árið áður,
svo og afkvæmi þeirra.
Það er misskilningur hjá Vil-
hjálmi að veiðistjóri eða ríkisvald-
ið skipti sér á einhvem hátt af
þeim launakjömm sem veiðimenn
njóta. (Utúrsnúningur því hann
veit betur). Þeir taxtar sem gefnir
em út árlega af umhverfisráðherra
eru viðmiðunartölur endur-
greiðslu til sveitarfélaga á
kostnaði við refa- og minkaveið-
ar. Það þýðir að sveitarfélög fá
endurgreiddan helming kostnaðar
við veiðarnar allt að þeim tölum.
Sveitarfélögum er í sjálfsvald sett
hvaða menn þau ráða til verksins
og á hvaða launakjörum.
Ásbjörn Dagbjartsson.
Höfundur er veiðistjóri.
íslenskt ævintýri fyr-
ir erlenda ferðamenn
Dýralífssaga um lítinn lunda á
Vigur á Isafjarðardjúpi er nýkom-
in út hjá Fjölva. Bókin er öll lit-
prentuð með fjölda teikninga og
þó nokkrum ljósmyndum. En það
er til tíðinda að hún er gefin út
samtímis á þrem tungumálum, en
þau em auk íslenskunnar enska og
þýska. Virðist hún eina reglulega
bamabókin á markaðnum á er-
lendum tungumálum og gerir
Fjölvaútgáfan sér vonir um að er-
lendir ferðamenn hér á landi taki
bókina með sér til minningar og
til að gefa börnum sínum og
bamabömum þegar heim kemur
og geti hún þannig orðið lúmsk
landkynning.
Höfundur þessarar nýstárlegu
bókar er svissnesk stúlka sem tek-
ið hefur ástfóstri við ísland. Hún
heitir Kristín Marti og kom hingað
fyrir fimm árum sem skiptinemi,
fyrst á Dalvík og síðan í höfuð-
borginni. Hún hefur og verið leið-
sögumaður fyrir þýskumælandi
ferðamenn, sem höfðu mikinn
áhuga á lundanum. Auk þess hef-
ur hún eignast hér bæði eiginmann
og bam svo hún er orðin nátengd
landinu sem hún heillaðist af.
Kristín hefur frá unga aldri sýnt
mikla teiknihæfni og lagt stund á
þá grein í skóla.
Kristín kallar bók sína á ís-
lensku Lúlli litli lundi og á þýsku
Puff der kleine Papageientaucher.
Enski menntaskólakennarinn
Terry Gunnell hjálpaði til við
ensku útgáfuna sem kallast Peeper
the little Puffin.
Fallegum litskreyttum teikn-
ingum fylgir all áhrifamikil ævin-
týrasaga, þar sem á skiptist bjarg-
arleysi og hörð lífsbarátta. Þegar
litli lundinn er alveg að gefast
upp, leitar hann ásjár hjá álfkonu í
Alfaborginni efst á Vigur, sem er
raunverulegt örnefni og gerist þá
óvænt smákraftaverk.
Kristín hefur m.a. dvalist um
skeið í eynni og er nú að vinna að
annarri indælli bók um æðarvarp-
ið þar.
Auk teikninga hennar birtast
þar nokkrar ljósmyndir er sýna
daglegt líf heimafólksins í Vigur.
Bækurnar á hinum ólíku tungu-
málum eru samhæfðar til að koma
við tækni samprents, sem er alger
nýjung hér á landi. Hver bók er 32
bls. f stóru broti. Filmugerð ann-
aðist PMS Súðarvogi en prentun
og band GBenÆdda Prentsmiðjan
Grafík. Verð bókarinnar er kr.
1,280.
Ný ljóðabók
„í fyörtíu daga“
- eítir Þorgerði Sigurðardóttur
Ný Ijóðabók sem ber titilinn „í
fjörtíu daga“ eftir Þorgerði Sig-
urðardóttur er komin út. Bókin
hefur að geyma 32 ljóð og fjórar
litmyndir hennar.
Ljóðin og myndirnar eru frá
sumri og hausti 1994. Tilurð
verksins er skilnaður eftir 28 ára
hjónaband. Það lýsir reiði, sárs-
auka og ást.
Þetta er fyrsta bók Þorgerðar en
hún hefur haldið fjölda einkasýn-
inga á grafíkverkum sínum heima
og erlendis og tekið þátt í samsýn-
ingum víða um heim. Listvinafé-
lag og Listasafn Hallgrímskirkju
buðu henni að vera sumarlista-
maður 1996 og eru tíu verk henn-
ar frá síðasta ári nú á sýningu í
anddyri kirkjunnar. Fyrirmyndir
að þeim eru sóttar í kirkjulist mið-
alda en þangað hefur Þorgerður
iðulega sótt myndefni undanfarin
ár.
Þorgerður Sigurðardóttir.
Höfundur er sjálf útgefandi að
bókinni og fæst hún í bókaversl-
unum. Bókin er einnig til sölu hjá
Sigurði Guðmundssyni, vígslu-
biskupi, Akurgerði 3f á Akureyri.