Dagblaðið Vísir - DV - 16.05.1995, Blaðsíða 10
10
ÞRIÐJUDAGUR 16. MAÍ 1995
Fréttir
Kaupmannasamtökin:
Nýir formenn koma
af landsbyggðinni
„Þetta er málefni sem við erum að
velta okkur upp úr. Við vitum að
stórverslanir fá afslætti frá heildsöl-
um og íslenskum framleiöendum.
Smærri verslanir fá ekki þennan
sama afslátt og þess vegna eru neyt-
endur á landsbyggðinni látnir greiða
niður vöruverð á höfuðborgarsvæð-
inu. Þetta er óeðlilegt og þessu er
hægt að breyta. Það ætlum við að
gera þó að það taki tvö til þnú ár,“
segir Viöar Magnússon, nýkjörinn
formaður Kaupmannasamtakanna.
Aðalfundur Kaupmannasamtak-
anna var haldinn um helgina. Á
fundinum var kosið í stjóm Kaup-
mannasamtakanna og var Viðar
Magnússon, kaupmaður á Akranesi,
kjörinn formaður og Benedikt Kristj-
ánsson, kaupmaður á ísafirði, kjör-
inn varaformaður. Ekki er búist við
að stefnubreyting verði hjá Kaup-
mannasamtökunum í kjölfar þess að
tveir landsbyggðarkaupmenn hafi
komist í forsæti en Viðar segir að
landsbyggðarverslun fái sjálfsagt
meiri athygli en áður.
„Við ræddum samþjöppun í smá-
söluverslun og beindum því til al-
þingismanna að endurskoða löggjöf
um samkeppni. Kaupmenn óttast að
dreifing og verðlagning sé komin á
fárra manna hendur. Kaupmenn á
landsbyggðinni telja líka að neytend-
ur á landsbyggðinni greiði niður
vöruverð á höfuðborgarsvæðinu,"
segir Magnús Finnsson, fram-.
kvæmdastjóri Kaupmannasamtak-
anna.
Kaupmannasamtökin hafa ítrekað
óskir sínar um að Áfengis- og tóbaks-
verslun ríkisins, ÁTVR, veiti versl-
unum leyfi til að selja léttvín og bjór
þar sem þess eru dæmi aö verslanir
úti á landi hafi heimild til að selja
slíka vöru.
„Við teljum að það eigi að stíga
skrefið til fulls þvi að það er óþarfi
að ríkisvaldið hafi smásöluverslun
með höndum," segir Magnús.
-GHS
Vestur-Húnvetningar:
Hagnaður
sparisjóðsins
Þóri»Hur Asmundsson, DV, Sauöárkróki;
Sparisjóður Vestur-Húnvetn-
inga á Hvammstanga skilaði 14,6
railljóna hagnaði á síðasta ári og
er þetta besta útkoma sjóðsins
síðan hann var stofnaður árið
1917. Segja má aö Ingólfur Guðna-
son sparisjóðsstjóri kveðji vel, en
hann lætur af störfum í lok júlí
næstkomandi eftir farsælt starf í
þrjátíu og fimm og hálft ár. Við
starfi hans tekur Páll Sigurðsson,
skrifstofustjóri í sjóðnum, en Ing-
ólfur tók einmitt við sparisjóðs-
starfinu af fóður hans, Siguröi
Tryggvasyni, á sínum tíma.
Góða afkomu síðasta árs þakk-
ar sparisjóðsstjórinn hagstæöum
ytri skilyrðum og aðhaldi í
rekstri.
Stjórn Sparisjóös Vestur-Hún-
vetninga var endurkjörin. Sfjórn-
arformaður er Jóhannes Björns-
son á Laugarbakka.
Viðskipti HafnarQarðar og Hagvirkis-Kletts:
Málinu er lokið
Bæjarfulltrúarnir Magnús Jón
Árnason, bæjarstjóri í Hafnarfirði,
og Magnús Gunnarsson, formaöur
bæjarráðs, hafa sent frá sér fréttatil-
kynningu þar sem þeir lýsa þeirri
skoðun sinni að íslenskt stjómvald
sé vanmegnugt að gæta hagsmuna
almennings gagnvart gjöröum póli-
tískt kjörinna fulltrúa við meðferð á
almannafé. Bæjarfulltrúarnir segj-
ast hafa gert það sem þeim hafi verið
rétt og skylt og aðhafist því ekkert
frekar varðandi fjármálaleg viöskipti
Hafnarfjarðarbæjar og verktakafyr-
irtækisins Hagvirkis-Kletts.
Bæjarfulltrúarnir sendu fyrr á
þessu ári erindi til ríkissaksóknara
vegna meints lagabrots í viöskiptum
Hafnarfjarðar og Hagvirkis-Kletts.
Bæjarfulltrúarnir töldu að bæjar-
sjóður hefði tapað verulegum fjár-
munum á viðskiptunum vegna emb-
ættisvanrækslu. Áður hafði settur
félagsmálaráðherra vísað erindinu
frá sér þar sem ávirðingar bæjarfuU-
trúanna gætu varðað við refsilög.
í fréttatilkynningu lýsa bæjarfull-
trúarnir því yfir aö synjun ríkissak-
sóknara byggist á því að póhtiskt
kjörnum embættismönnum beri ekki
skylda til að gæta þeirra almanna-
hagsmuna sem vikið sé að í hegning-
arlögum og segja að saksóknari telji
að félagsmálaráöherra hafi átt aö
úrskurða í málinu þó að hann hafi
ekki gert það. Málinu sé því lokið af
þeirra hálfu.
„Þetta sýnir að ákærur á Alþýðu-
flokkinn voru tilefnislausar og út í
hött. Þeir hafa haldið þvi fram að
eitthvaö óeðlilegt hafi veriö á ferð-
inni í þessum viðskiptum en ég held
aö þeir eigi að líta í eigin barm. Ef
eitthvaö orkar tvímælis er það þeirra
eigin fyrirgreiðsla við Hagvirki-
Klett,“ segir Tryggvi Harðarson,
bæjarfulltrúi í Hafnarfirði.
-GHS
Þorsteinn Pálsson sjávarútvegsráðherra:
Bind vonir við að
stof ninn sé fremur
sterkari en veikari
- togararall aðeins hluti gagnagrunns
„Það er kjami málsins að togara-
ralUð er aðeins hluti af gagna-
grunni fiskveiðiráðgjafarinnar og
hún hefur aldrei veriö byggð á tog-
ararallinu einu. Við getum þvi ekk-
ert sagt um ástand þorskstofnsins
fyrr en skýrsla Hafrannsókna-
stofnunar Uggur fyrir og hefur far-
ið í gegnum hreinsunareld Alþjóða
hafrannsóknaráðsins," segir Þor-
steinn Pálsson sjávarútvegsráð-
herra vegna endanlegra niður-
staðna úr togararallinu sem sýna
batamerki á þorskstofninum.
„Ég hef ekki sérstaka ástæðu til
að ætla að það veröi miklar breyt-
ingar en heldur bindur maður þó
vonir við að stofninn sé fremur
sterkari en veikari en við bjugg-
umst við. Það er þó alveg ljóst að
ætlum við okkur að byggja stofn-
inn hratt upp þá verðum við að
fara mjög varlega í veiðar á næstu
árum,“ segir Þorsteinn. -rt
Kjaradeila sjómanna og útvegsmanna:
Lagasetning kem-
ur ekki til greina
- segir Þorsteinn Pálsson
„Viö fylgjumst með framgangi við-
ræðna mUli sjómanna og útvegs-
manna. Því miður hafa þær ekki ver-
iö miklar fram að þessu,“ segir Þor-
steinn Pálsson sjávarútvegsráðherra
um yfirvofandi sjómannaverkfaU.
- Síðast þegar sjómenn og útvegs-
menn deUdu voru sett lög á verkfaU
sjómanna. Kemur til greina að leysa
þessa deUu með lögum?
„Ég tel það ekki koma tíl greina,"
segirÞorsteinn. -rt
Síldveiöar úr norsk-íslenska sildarstofninum hafa gengið glatt undanfarnar vikur. Síldin hefur að mestu verið tekin
í færeysku lögsögunni, samkvæmt samningi íslendinga og Færeyinga. Hér er Börkur NK með gott kast á síð-
unni. Sigfinnur Jónsson er ásamt félögum sínum að gera klárt til að dæla um borð. -rt/DV-mynd Hjörvar
Álverssamningar snúast um orkuverð og skattamál:
Vilja af nema þak
og gólf orkuverðs
- einnig rætt um breytingar á skattlagningu álversins
„Þaö má segja að þessar viðræður
hafi gengið vel þó auðvitaö sé ekki
búið að klára málið. Þetta er áfangi
sem skilað hefur verulegum ár-
angri,“ segir Jóhannes Nordal,
stjórnarformaður Landsvirkjunar,
um samninga við Alusuisse-Lonza
og ísal vegna stækkunar álversins í
Straumsvík.
Fulltrúar Landsvirkjunar og iðn-
aðarráðuneytið funduðu fyrir helg-
ina með fuUtrúum fyrirtækjanna.
Áætlanir eru um aö stækka álverið
í Straumsvík um 60 prósent frá því
sem nú er og snúast samningamir
um að breyta skattlagningu frá gfid-
andi samningi og viðmiðunum á
orkuverði frá Landsvirkjun.
„Það sem er aöaUega til skoðunar
eru þær breytingar sem orðið hafa á
íslensku skattakerfi frá því núgUd-
andi skattasamningur var gerður
fyrir 11 árum. Þá verður gerður nýr
orkusölusamningur sem verður eitt-
hvaö öðruvísi en sá sem fyrir er,“
segir Jóhannes.
I viðræðum um orkusölusamning-
inn er nú rætt að hverfa frá lág-
marksverði og hámarksveröi, sem
er í gamla samningnum, og taka upp
eitt verð sem þá fylgdi markaðsverði
á framleiðslu fyrirtækisins.
„Að okkar dómi er eðlUegra þegar
um langan samning er að ræða að
þar sé hvorki hámark né lágmark,"
segir Jóhannes.
Hefur jafnast út
Halldór Jónatansson, fram-
kvæmdastjóri Landsvirkjunar, segir
reynsluna af orkukaupasamningi
ÍSALS og Landsvirkjunar vera þá að
hin síðari ár hafi verðið legið uppi
undir þakinu en áður hafi það um
tíma legið við botninn.
„í gegnum tíðina hefur Landsvirkj-
un hagnast álíka mikið á lágmarks-
verðinu og fyrirtækið hefur tapað á
hámarksverðinu. Þetta hefur því
jafnast út. Verðmiöanir þessar eru
hins vegar óverðtryggðar og með
tímanum eykst því hættan á því aö
það halli á Landsvirkjun. Við förum
að reka okkur fyrr undir þakið en
ef þetta væri verðtryggt og gólfið eða
lágmarksverðið rýmar að raun-
gfidi," segir HaUdór.
Ekki er enn ákveðið hvenær næsti
fundur verði haldinn en það verður
væntanlega eftir næstu mánaðamót.
-rt