Þjóðviljinn - 18.03.1967, Blaðsíða 4
4 SÍÐA — ÞJÓÐVTLJINN — laugardagur 18. marz 1967.
Otgeíandi: Sameiningarflokkur alþýdn — Sósíalistaflokk-
urinn.
Ritstjórar: Ivar H- Jónsson (áb). Magnús Kjartansson,
Siguröur Guðmundsson.
Fréttaritstjóri: Sigurður V, Friðþjófsson-
Auglýsingastj.: Sigurður T. Sigurðsson.
EYamkvstj-: Eiður Bergmann.
Ritstjóm, afgreiðsla, auglýsingar. prentsmiðja Skólavörðust- 19.
Siml 17500 (5 linur) — Áskriftarverð kr. 105.00 á mánuði. —
Lausasöluverð kr. '7.00-
r
Itrekun
r 1
A stæða er til að ítreka það sjónarmið sem lögð
var áherzla á hér í blaðinu fyrir skömmu, að
stórbruninn.í Reykjavík í síðustu viku verður að
verða mönnum víti til varnaðar. Augljóst er að
stórhýsi Iðnaðarbankans varð eyðileggingunni að
bráð vegna þess að gildandi reglur um eldvarnir
voru þverbrotnar, og virðast þar bæði koma til
undanþágur byggingarnefndar og hirðuleysi for-
ráðamanna bankans. Af þeirri ráðsmennsku. hef-
ur hlotizt tjón sem reikna má í tugum miljóna
króna og bitnar að sjálfsögðu á þjóðarheildinni. Er
óhjákvæmilegt að framkvæmd verði réttarrann-
sókn til þess að sannreyna að fullu hvar og hvers-
vegna reglurnar voru brotnar og gera jafnframt
ráðstafanir til þess að tryggja að þvílíkir atburðir
endurtaki sig ekki. Jafnframt ber að kanna gaum-
gæfilega hvar veilur eru víðar í brunavamakerf-
inu og láta bæta úr þeim án tafar.
¥^að er oft háttur íslendinga að hafa uppi stór orð
* þegar að höndum ber ótíðindi sem unnt- hefði
verið að koma í veg fyrir með nægri fyrirhyggju.
En allt of oft er látið sitja við orðin ein, síðan
fennir gleymskan yfir þau, en vanrækslur og veil-
ur halda velli. Sú má ekki verða raunin að þessu
sinni. *
íþróttahátíð stúdenta:
Mismunun
TJramtaksleysi borgarstjórnarmeirihlutans í hita-
veitumálum er mikið og vaxandi vandamál fyr-
ir Reykvíkinga. Borgin heldur áfram að þenjast
út, og í áætlunum er að sjálfsögðu til þess ætlazt
að ný hverfi verði aðnjótandi hitaveitu þegar í
upphafi. En fólk sem treyst hefúr slíkum fyrir-
heitum íhaldsins verður í senn fyrir vonbrigðum
og stórfelldum kostnaðarauka í einu hverfinu af
öðru.
i r
k borgarstjómarfundi í fyrradag flufti Guðmund-
ur Vigfússon tillögur Alþýðubandalagsins þess
efnis að hitaveita Reykjavíkur annaðist fjarhit-
un í nýjú hverfunum í Fossvogi og Breiðholts-
hverfi, tengdi þær kyndistöðvar við hitaveituna
þegar loksins væri búið að anna nauðsynlegum
framkvæmdum, og seldi íbúunum í nýju hverf-
unum þjónustu sína á sama verði og aðra fjarhit-
un. Hér er um að ræða framkvæmdatilhögun sem
ein er í samræmi við eðlileg og skynsamleg vinnu-
brögð, auk þess sem það er sjálfsagt réftlætismál
að fólk hvarvetna í höfuðborginni njóti sörnu
þjónustu á sama verði.
ipulltrúar Alþýðuflokksins og Framsóknarflokks-
* ins féllust á þessar röksemdir Alþýðubanda-
lagsins og greiddu tillögunum atkvæði. Fulltrúar
Sjálfstæðisflokksins slógu hins vegar allir sem
einn skjaldborg um framtaksleysi sitt í hitaveitu-
málum og sívaxandi mismunun borgaranna. — m.
Stúdentar báru sigur af hólmi í
öllum greinum sem í var kepptl
> afmæli sínu efndi Iþróttafé- g?Sdu™íIini?;rðS5“ SfSÍÆ™
úllar íbróttahátíðar í íþrótta- TTvT-ir "Rpvkiavik konntn: 67t53
■ í tilefni af 40 ára afmæli sínu efndi íþróttafé-
lag stúdenta til mikillar íþróttahátíðar í íþrótta-
höllinni á fimmtudagskvöld. Var keppt þar í
knattspymu inni, handknattleik, boðhlaupi og
körfuknattleik. Verður ekki annað sagt en að
stúdentar hafi haldið eftinminnilega upp á þessi
tímamót við þetta tækifæri þar sem þeir unnu
með yfirburðum í öllum þeim greinum, sem
keppt var í.
Áður en keppnin hófst gengu
allir keppehdur fylktu liði inn
á gólfið undir íslenzkum fán-
um, og þar var og fáni stúd-
entanna. Göngu þessari stjórn-
aði Benedikt Jakobsson, og
setti þessi ganga svip á byrjun
hátíðarinnar.
Þá ’utti háskólarektor stutt
og snjallt ávarp, þar sem hann
ræddi um hlutverk íþróttafé-
lags Háskólans, sem hann nefdi
merkilegt hlutverk sem væri í
því fólgið að leiða félagana til
heilbrigðara lífs. Það hefði
unnið að heilsurækt, og rekt-
or sagðist álíta að iðkun íþrótta
horfði til mannræktar og mann-
bóta. Þá gat rektor þess að
síðustu árin hefði íþróttalífið
í skólanum aukizt og að sér
virtist sem félaginu fertugu
væri allt fært.
Hann sagði að það væri ekki
aðalatriðið að sigra í leikjum
og mótum, aðalatriðið væri að
iðkendurnir næðu þeirri fé-
lagslegu samstöðu sem einstak-
lingunum væri svo nauðsynleg
í öllu starfi.
Þá gat rektor þess að nú
væru til athugunar ýmsar
breytingar í starfi Háskólans,
og í því sambandi minntist
hann á að þá yrði einnig at-
hugað á hvern hátt yæri hægt
að efla starfsemi íþróttafélags
Háskólans, sem svo miðaði að
því að örva menn til meiri
þátttöku í íþróttum innan þess.
í ávarpi sínu þakkaði hann
Benedikt Jakobssyni fyrir störf
hans í þágu skólans, sem mið-
uðu að líkamlegri velferð stúd-
enta. Hann nefndi Benedikt
höfuðsmann íþróttanna í Há-
skólanum þar sem hann væri
þar sverð þeirra og skjöldur,^
ávallt lifandi í starfinu og full-
ur áhuga. Rektor gat þess enn-
fremur að Benedikt ætti tvö-
falt afmæli ,í ár þar i skólan-
um, því hann hefði verið þar
í 35 ár og fastráðinn í 25 ár
við Háskólann.
Að lokum hvatti rektor stúd-
enta til að efla íþróttafélag
sitt, Háskólanum til sæmdar,
félaginu sjálfu til góða og
þeim sjálfum til gagns og gleði.
Var tekið undir ræðu rektors
með dynjandi lófataki. Því mið-
ur voru áhorfendur allt of fá-
ir. Hinir akademisku borgarar
hefðu átt að fjölmenna á þetta
skemmtilega íþróttakvöld —
Afmælishátíð íþróttafélags Há-
skólans.
Unnu Val — íslandsmeist-
arana í knattspyrnu, 7:5
Fyrsta keppnin þetta kvöld
var í knattspyrnu þar sem lið
frá Í.S. keppti við Val. Var
þetta nokkuð skemmtilegur
leikur, og sízt ver leikinn en
leikir þeir sem við fengum að
sjá í vetur, þarna á sama stað.
Það kom líka fljótt fram að ÍS
átti liðtæka menn, og hafa
margir þeirra sézt í kappleikj-
um knattspyrnufélaganna, eins
og t.d. Magnús Torfason úr
Keflavík. Þórður Jónsson KR,
Guðmundur Þórðarson Breiða-
bliki og Sigurður Friðriksson
úr Fram. Þeir náðu strax vel
saman og komust í 2:0 áður en
Valur fékk skorað, og í hálfleik
stóðu leikar 4:2 fyrir ÍS. Val
tókst aldrei að ná undirtökun-
um í leiknum, þó síðari hálf-
leikur væri jafn að mörkum,
en úrslitin urðu 7:5.
10x200 m boðhlaup vann
ÍS með yfirburðum
Tíminn: ÍS 3,34,0, Úrvalslið
Reykjavikur 3.40,2.
Stúdentar höfðu fengið til
keppni við sig í þessari nýstár-
legu grein úrval úr Reykjavík
og sá íþróttaráð Reykjavíkur
um valið. Því miður komu ekki
nema 8 til leiks þó lofað væri
10 mönnum, og má segja að
það lofi ekki verulega góðu að
ekki skyldi fást fullt lið til
keppni frá félögunum í Reykja-
vik. Þetta varð til þess að stúd-
entar sem mættu með fullt lið
urðu að fækka um tvo, svo
aðeins átta menn kepptu frá
hvorum.
Hlaupið var í heild skemmti-
legt og dálítið gaman að sjá
tækni hlauparanna í beygjun-
um, sem voru erfiðar fyrir
margan. Ólafur Guðmundsson
hljóp fyrsta sprettinn fyrir
stúdenta, og gaf hann mjög gott
forskot sem hélzt mikið til
óbreytt allt hlaupið þar til
Höskuldur á endaspretti jók
verulega bilið.
Þótt gaman væri að horfa á
hlaupið var aldrei veruleg
spenna í því, til þess var bilið
of mikið allan tímann.
Þeir sem kepptu fyrir Há-
skólann voru:
Ólafur Guðmundsson, Þórarinn
Arnórsson, Gunnar Gunnars-
son, Páll Eiriksson, Páll Ragn-
arsson, Valtýr Sigurðsson og
Höskuldur Þráinsson.
Fyrir Reykjavík kepptu:
Úlfar . Teitsson, Þórarinn
Ragnarss., Jón Ö. Arness., Hall-
dór Guðbjartsson, Þórarinn
Sigurðsson, Einar Thoroddsen,
Agnar Levy og Kjartan Guð-
jónsson.
Stúdentar höfðu yfirburði
yfir KR og unnu 17:12
' Þegar litið var yfir nöfn
stúdentanna í handknattleiks-
liðinu, voru þar margir sem
standa mjög framarlega í hand-
knattleik félaganna í dag og
nokkrir hafa leikið í landslið-
um unglinga og eldri. Má þar
nefna Loga Kristjánsson í
marki, Pál Eiríksson FH, Tóm-
as Tómasson Fram, Berg
Guðnason Val, • Jón Gest, F.H.
og Sigurð Einarsson Fram.
Spurningin var aðeins hvern-
ig þetta lið félli saman. Til að
byrja með voru liðin jöfn, og
mátti ekki á milli sjá. ÍS byrj-
ar að skora, en um skeið geng-
ur það svo að þeir skora fyrst
en KR-ingar jafna 1:1, 2:2, 3:3,
4:4, 5:5. og nú kemst KR i
fyrsta skipti yfir 6:5, en ÍS
jafna aftur og taka forustuna
og halda henni það sem eftir
var leiksins og í hálfleik stóðu
leikar 10:8. Var greinilegt að
þegar líða tók á hálfleikinn
voru ÍS menn farnir að finna
hver annan með góðum ár-
angri, sem þó kopi miklu betur
fram í síðari hálfleik, og þó
átti KR heldur góðan leik.
Það má því fullyrða að lið
ÍS eins og það var skipað þetta
kvöld mundi verða ofarlega í
fyrstu deild í dag. Þetta voru
allt léttir og leikandi menn og
Magnús Torfason frá Keflavík,
Sigurður Friðriksson og Stefán
Svavarsson voru sannarlega lið-
tækir leikmenn.
Þeir sem skoruðu fyrir ÍS
vorui Bergur 5, Páll 4, Sig.
Einarsson 3, Tómas og Jón
Gestur 2 hvor og Stefán 1.
Fyrir KR skoruðu: Hilmar
og Gísli 4 hvor, Karl 3 og 'Ævar
Sigurðsson 1. Dómari var Björn
Kristjánsson.
Körfukeppnina vann ÍS
einnig með yfirbnrðum
67fc53
Stúdentar tóku þegar í upp-
hafi leikinn i sinar hendur cg
komst úrval landsliðsnefndar
nærri því að komast yfir í stig-
um eða ógna liði stúdenta, og
þó voru það menn sem sannar-
lega eru ekki af lakari endan-
um i körfuknattleik, og má þar
nefna íþróttamann ársins Kol-
bein Pálsson, sem að vanda átti
góðan leik, Gunnar Gunnars-
son og Birgir Öm Birgis, svo
einhverjir séu nefndir. En það
var eins og mönnum landsliðs-
nefndar tækist aldrei að hindra
þá Einar Bollason og Hjört
Hansson í að skora, því þeir
tveir skoruðu 33 stig, eða sama
og stigafjöldi úrvalsliðsins var,
Var leikur þessi oft fjörlega
leikinn og töluverður hraði á
köflum þó sendingar væru
stundum dálítið ónákvæmar,
en hvað um það, stúdentar gáfu
aldrei eftir, í þessari síðustu
keppni var aldrei ógnað. Unnu
ÍS menn því allt sem unnið
varð á þessari hátíð, og þeir
unnu vafalaust hug áhorfenda,
sem hefðu sannarlega mátt
vera fleiri, með virðingu’fyrir
ágætu iþróttastarfi í háskóla
sínum.
Þeir sem skoruðu stigin fyr-
ir ÍS yoru Einar Bollason 29,
Hjörtur Hansson 24, Guttormur
Ólafsson og Hólmsteinn Sig-
urðsson 4 hvor, og Agnar Frið-
riksson, Hjörtur Hansson og
Björn Ásmundsson 2 hver.
Sérstök leikskrá var gefin út
við þetta tækifæri, og var
þar stutt ávarp og sögð saga
ÍS í stuttu máli, og vil ég eð
lokum takæ upp smákafla úr á-
varpinu og gera það að mínum
orðum: — „íþróttamenn þurfa
að setja sér ákveðið takmark
og keppa að því. En þeir þurfa
líka að temja sér hinn bróður-
Iega anda íþróttanna, læra að
hafa hemil á skapi sínu, og
kunna að taka ósigri, en gef-
ast samt ekki upp þótt á móti
blási, og stefna ótrauðir að
meiri fullkomnun í íþrótt
sinni.
Reykjavíkurmeistaramótið
í badminton hefst í daa
1 dag, kl. 2, hefst Reykja-
víkurmeistaramót í badminton
í íþróttahúsi Vals. Þátttakend-
nr eru úr Tennis- og badmin-
tonfélagi Reykjavíkur, Badmin-
tondcild KR, Knattspyrnufélag-
inu Val og Skandinavisk Bold-
klub. Er þátttaka mjög góð, og
mun óhætt að fullyrða, að þessi
skemmtilega og holla íþrótt
eigl sívaxandi vinsældum að
fagna hér á landi.
Að þessu sinni er keppnistil-
högun með nokkuð öðrum
hætti en á undanfömum árum,
þar sem I. fl. og meistaraflokk-
ur karla hafa keppt í einum
flokki fyrir sig. Nú er hins
vegar keppt til úrslita í hvorum
filokki fyrir sig. Eykur þetta
spennuna um úrslit í I. flokki,
sem að þessu sinni eru mjög
tvísýn, en með hinu eldrafyr-
irkomulagi voru I. fl. keppend-
umir alla jafna ofurliði bomir
af meistaraflokksmönnum.
1 meistaraflokki kvenna verð-
ur keppt í tvíliða- og einliða-
leik og má búast við jafnri og
harðri keppni, því ekki lætur
kvenfóilkið sinn hlut fyrr en í
fulla hnefana. 1 tvenndar-
keppni eru skráð til þátttöku
þrjú lið.
1 meistarafl. karla, tvíiiða-
leik, má telja líklegasta sigur-
vegara þá Jón Ámason ogVið-
ar Guðjónsson, báða úr TBR.
í einliðaleik karla í meist-
araflokki hafa þeir Jón Áma-
son og Óskar Guðmundsson úr
KR marga hildi háð á liðnum
árum. Hefur Jón nú að undan-
fömu reynzt sterkari, en ef-
laust mun Óskar hafa fullan
hug á að rétta sinn hlut,
í I. fl. er keppt í tvíliðaleik
og einliðaleik karla. Eins og
áður segir eru allar horfur á,
að keppnin þar verði mjög jöfn
og tvísýn. I einiliðaleik er lík-
legt, að keppnin verði hörðust
milli þeirra Gunnars Felixson-
ar, Friðleifs Stefánssonar og
Kolbeins Kristinssonar. Eru
hinir tveir fyrstnefndu úr KR,
en Kolbeinn úr TBR. Hafa ali-
ir þessir menn talsverða keppn-
isreynslu að baki. Aðrir geta
þó hæglega komið til með að
blanda sér í úrslitaátökin, svo
að erfitt er að spá nokkru þar
um.
1 I. fl., tvíliðaleik, eru sigur-
stranglegastir þeir Gunnar Fet-
ixson og Friðleifur Stefánsson
úr KR og Bjöm Finnbjörnsson
og Haraldur Komelíusson úr
TBR. Má geta þess, að Harald-
ur er yngstur þátttakenda, að-
eins 16 ára gamall, en áhuga-
samur og tekur örum framför-
um í íþróttinni.
Úrslitaleikirnir verða háðir í
Valsheimilinu á sunnudag, og
hefst sú keppni einnig kl. 2.
Til nýlundu má telja, að
komið verður fyrir hátalarakerfi
í húsinu og ætti það að verða
til mikils hagræðis fyrir móts-
stjóm og áhorfendur.
Áhugamenn um badminton
og aðrir, sem áhuga hafa á að
kynnast þessari vinsælu fþrótt,
eru hvattir t'l að sækja mót
þetta.