Þjóðviljinn - 09.12.1983, Blaðsíða 2

2 SÍÐA - ÞJÓÐVILJINN Föstudagur 9. desember 1983
Starfsmenn RARIK um fjöldauppsagnirnar
Ingólfur Pétursson: Óvissan nagar menn. Mynd: Magnús.
Skuggaleg tíðindi
„Þetta eru frekar skuggaleg tíð-
indi. Eg átti ekki von á þessari
dembu, þótt fjármáiaráðherra
væri búinn að gera því skóna að
skera ætti niður“, sagði Ingólfur
Pétursson starfsmaður á vélaverk-
stæði RARIKS.
„Annars átta ég mig ekki al-
mennilega á þessum fréttum. í þaö
minnsta virðist þeim ekki bera
saman um þessi mál, rafmagns-
veitustjóra og iðnaðarráðherra.
Starfsfélagar mínir eru auðvitað
óttaslegnir yfir þessu eins og ég.
Þetta var ekki sújólagjöf sem við
vonuðumst eftir. Eg sá það hérna á
einu verkstæðinu að það var búið
að klippa út frétt Morgunblaðsins
um uppsagnirnar og skrifa undir
hana „Jólagjöf ríkisstjórnarinnar".
Hvað fáist þið við hér á verk-
stæðinu?
„Hérna er gert við dísilvélarnar
og unnið að annarri þjónustu fyrir
veiturnar. Við sendum menn oft út
á land til að gera við og sinna dísil-
vélunum en þær eru ennþá keyrðar
víða um land. Ég get ekki séð að
menn fari svo auðveldlega að því
að leggja þetta verkstæði niður. í
það minnsta er búið að margreikna
út hagkvæmni þessa verkstæðis."
Þessar uppsagnafréttir koma illa
við ykkur?
»Já, vissulega. Óvissan nagar
menn. Ég get ekki séð að atvinnu-
ástandið sé glæsilegt annars stað-
ar,“ sagði Ingólfur.
-•g-
Fólk lamað ejttr
þessar frétttr
„Iig held að fólk hafi verið lamað
eftir þessar fréttir. Við vissum að
það var verið að endurskipuleggja
fyrirtækið en við áttum ekki von á
þessari gusu. Er nokkur hrifinn af
því að missá vinnuna? Ég bara
spyr!, sagði Guðmundur Jónasson
verkstjóri á trésmíðaverkstæði
RARIK.
„Þetta er víst jólagjöfin sem
menn hérna eiga að fá frá iðnaðar-
ráðherra. Er þetta ekki líka ein-
hver landsbyggðarpólitík í
leiðinni? Um ieið og segja á upp
mönnum hér þá verður annað eins
ráðið úti á landi.“
Sérð þú fram á að hægt sé að
leggja niður þá deild sem þú starfar
í?
„Það er látið að því liggja að
hægt sé að kaupa alla vinnu út. En
hvernig mönnum dettur í hug að
hægt sé að fá hana ódýrari en frá
okkur, miðað við þau laun sem við
erum á, það get ég ekki skilið."
Þessar uppsagnafréttir hafa
komið illa við þig?
„Já, þærhafa komið mjögilla við
fólk, í það minnsta mig og ég get
ekki séð að það sé gott fyrir fullorð-
ið fólk að fá vinnu eins og ástandið
er í þjóðfélaginu í dag,“ sagði Guð-
mundur. _ ig.
Guðmundur Jónasson: Hver er hrifinn af því að missa vinnuna?
- Mynd: Magnús.
Skafti Jónsson blaðamaður í viðtali
, ,1 .ögreglan kemur á
kreik sögusögnum“
„Mér sýnist fréttatilkynning
RLR vera með þeim hætti að full
ástæða sé fyrir rannsóknarlög-
reglustjóra að fara að athuga sinn
gang. Beiðist hann ekki afsökunar
á þeim stórkostlegu rangtúlkunum
sem þarna eru settar fram, þá hlýt
ég að íhuga kæru á hendur honum.
Mann grunaði ekki að svo skipu-
lögð samtrygging ætti sér stað inn-
an lögreglunnar. Eðli málsins
vegna ætti að taka málið úr hönd-
um RLR og fela það einhverjum
hlutlausum rannsóknaraðila“,
sagði Skafti Jónasson blaðamaður
þegar Þjóðviljinn hafði samband
við hann í gær.
„Það kemur m.a. fram í yfirlýs-
ingu frá Ástu Svavarsdóttur sem
var vitni að atburðunum í
Þjóðleikhúskjallaranum að fram-
burður hennar allur er afbakaður
og orð hennar túlkuð þannig að all-
ar áherslur voru úr skorðum færðar
og þá á þann veg að styðja fram-
burð lögreglumanna í málinu. í
yfirlýsingunni kemur fram að ég
hafi ráðist á dyravörð Kjallarans í
upphafi, en því vísa ég algerlega á
bug, dyravörðurinn átti upptökin
að stimpingunum. Alvarlegasti
hluturinn í "þessari tilkynningu er
þó sennilegast sá að framburður
þeirra aðila sem hlutlausir geta ta-
list og urðu vitni að atburðunum er
að engu gerður. Hinsvegar er of-
urkapp lagt á að ýta undir málflutn-
ing starfsfólks Kjallarans, þ.m.t.
tveggja dyravarða sem ég hygg að
hafi ekki veriö á staönum og svo
lögregluþjónanna. Ég hlýt að
benda á mikilvægi þeirra sem stóðu
fyrir utan rás atburðanna.
Hér á ég við tvær stúlkur sem
gáfu vitnisburð eftir að málið var
gert opinbert, hjóna sem ég þekkti
ekkert til og fylgdust með því sem
gerðist, ungs manns sem fylgdi mér
á Lögreglustöðina og Ástu Svav-
arsdóttur. Vitnisburður þessara
aðila er máli mínu eindregið til
framdráttar.“
Hef ekki haft neinar
slíkar hótanir í frammi
Þjóðviljanum hefur borist sú
hlið á málinu frá aðilum innan lög-
reglunnar að Skafti hafi áður lent í
svipuðum útistöðum við lögregl-
una og þá haft í frammi hótanir um
að rifja upp í blaði sínu, Tímanum,
tiltekin mál sem kæmu lögreglunni
illa. Aðspurður um þetta atriði
sagði Skafti: „Þessi framsetning er
reyndar eftir öðru sem komið hefur
frá lögreglunni. Sannleikurinn er
sá að ég hef aldrei áður lent í úti-
stöðum við lögregluna og man
varla eftir að hafa lent í slagsmálum
um dagana. Slíkum sögum er kom-
ið á kreik í því skyni einu að varpa
rýrðámig," sagði Skafti.
Skafti vildi að það kæmi fram að
ekki teldi hann lögregluþjón þann
sem svo harkalega hefði lagt hend-
ur á sig umrætt kvöld ofstopamann
að eðlisfari. Hann hefði hinsvegar
misst stjórn á skapi sínu á úrslita-
stundu og gæti því vart talist hæfur
til að gegna starfi sem lögreglu-
þjónn. - hól.
Matthías
makar
krókinn
Nokkur urgur er í þingmönnum
annarra kjördæma en Vestfirð-
ingafjórðungs vegna sérstakrar
fyrirgreiðslu sem heilbrigðisþjón-
usta og samgöngumál í því kjör-
dæmi hafa fengið í meðförum fjár-
veitinganefndar. Þannig mun lagt
til að Fjórðungssjúkrahúsið á ísa-
firði fái 18 milljónir króna á næsta
ári, meðan sjúkrahúsbyggingar í
Reykjavík fá litla úrlausn.
Þessi upphæð mun vera svipuð
og fer í öll sjúkrahús og heilsu-
gæslustöðvar á Norðurlandi eystra
og meira en fer til þessara verkefna
í Austfirðingafjórðungi öllum.
-óg.
Álmálið á alþingi
Ráðherrar í nauðvörn
Steingrímur Ilermannsson for-
sætisráðherra og Sverrir
Hermannsson iðnaðarráðherra
áttu erfitt í nauðvörninni á alþingi í
gær, er Svavar Gestsson og Olafur
Ragnar Grímsson gerðu harða hríð
að stefnu þeirra og flokka þeirra
vegna frammistöðunnar í deilunum
við Alusuisse-hringinn. Ráðherr-
arnir misstu einnig út úr sér yfirlýs-
ingar sem varla eru til þess líklegar
að styrkja samningsstöðu Islands
gagnvart Alusuisse.
Þeir Svavar og Ólafur Ragnar
sögðu Framsóknarflokkinn hafa
holgrafið víglínu síðustu ríkis-
stjórnar í deilunum við Alusuisse.
Fyrst hefði einn Framsóknarþing-
maður hlaupið út úr álviðræðu-
nefnd á viðkvæmu augnabliki. Síð-
an hefði formaður Framsóknar-
flokksins verið á leynifundi með
forstjórum auðhringsins. Varafor-
maður Framsóknarflokksins hefði
svo gert bandalag við þáverandi
stj órnarandstöðu.
Þá röktu þeir félagar ósamræmi í
yfirlýsingum iðnaðarráðherra um
það hvenær hann fékk nýjustu
skýrslu Coopers og Lybrand í
hendur. Ráðherrann sagðist hafa
fengist skýrsluna í hendur 14. sept-
ember sl. Honur var bent á að í
viðtali við Þjóðviljann þann 13.
september hafi hann sagst hafa
fengð skýrsluna, en ekki gefið sér
tíma til að lesa hana. Þá var honum
á það bent að ítrekað hefði Þjóð-
viljinn skýrt frá því að skýrslan
hefði borist í ágústmánuði til ráð-
herrans - og því hefði aldrei verið
mótmælt. Sverrir Hermannsson
sagði að skýrslan hefði alls ekkert
verið merkileg og hefði verið hægt
að semja hana fyrirfram. Hefði
ekki þurft að stinga henni undir
stól. Þá var hann spurður hvers
vegna hún hefði þá ekki verið birt
strax í september úr því að innihald
hennar skipti engu máli. Varð fátt
um svör.
Stjórnarandstæðingar bentu á að
í tvo mánuði hefði ekkert verið
skýrt frá innihaldi skýrslunnar —og
hún hefði ekki verið notuð í samn-
ingunum í byrjun september, þó
svo að innihaldið væri stöðu Is-
lands til styrktar.
-óg.