Þjóðviljinn - 09.11.1985, Blaðsíða 4

LEIÐARI
Afnám vinnuþrælkunar
Nýleg könnun á húsnæðiskjörum á höfuð-
borgarsvæðinu gefur óhugnanalega vísbend-
ingu um alvarlegt ástand á húsnæðismarkaði.
Til að komast í tryggt húsnæði þarf fólk að
leggja á sig gífurlega vinnu.
Húsnæðiskaupendur vinna að jafnaði 12%
lengri vinnutíma en verkamenn almennt og
22% lengri vinnutíma en skrifstofumenn. Þetta
þýðir að vinnutími húsbyggjenda er að jafnaði
55 klukkustundir á viku miðað við 49 stundir hjá
verkamönnum og 45 klukkustundum hjá skrif-
stofumönnum.
Nú má leiða að því gild rök að vinnutími sem
fer yfir 40 stundir sé hreinasta vinnuþrælkun.
Það er einnig umhugsunarvert að húsnæðis-
kaupendur eru að meirihluta til fólk undir 35 ára
aldri sem þýðir einsog allir vita að á blómaskeiði
ævi sinnar er fólk pínt til að leggja á sig svo mikla
vinnu að eðlilegt fjölskyldulíf og þátttaka í fé-
lagslífi er útilokuð. Þessi vinnuþrælkun bitnar
því alvarlega á börnum og fjölskyldulífi og er
þjóðfélagslegt vandamál.
Illar grundsemdir hafa vaknað um að vinnu-
tími lengist á Islandi í tíð núverandi ríkisstjórnar.
Ekki er loku fyrir |Dað skotið að þessi aukna
vinnuþrælkun komi ekki fram á skýrslum nema
að litlu leyti, þar sem fjöldi launafólks neyðist til
að vinna aukavinu sem hvergi kemur fram.
Það er engin ástæða til að íslensk þjóð sætti
sig við þetta ástand. Það er einfaldlega óþol-
andi.
Á landsfundi Alþýðubandalagsins sem nú
stendur yfir hafa verið miklar umræður hvernig
hægt er að auka kaupmátt launanna. Þar þarf
margt að koma til, þar þurfa margir að leggja
hönd á plóg. Það þarf að breyta skiptingu þjóð-
artekna, það þarf að auka þjóðartekjur.
í setningarræðu sinni á landsfundinum rakti
Svavar Gestsson formaður Alþýðubandalags-
ins þá gífurlegu möguleika sem felast í þeirri
nýju sókn í atvinnulífinu sem AB hefur verið að
hamra á að þyrfti að koma til. Með henni er
hægt að stöðva leiftursóknina og landflóttann.
Með henni er hægt að skapa tugþúsundir at-
vinnutækifæra, - með henni er hægt að auka
kaupmáttinn mjög verulega.
Svavar sagði í ræðu sinni: „Það er hægt að
hækka kaup fyrir unna vinnustund verulega
með aukinni þjóðarframleiðslu og það er hægt
að stytta vinnutímann þannig, að fólk fái
mannsæmandi laun fyrir eðlilegt vinnuframlag.
Að mínu mati ætti það að vera forgangs-
verkefni verkalýðshreyfingarinnar að knýja
fram samninga um raunverulega styttingu
vinnutímans: lífskjaramunurinn á íslandi og
grannlöndum okkar er hvergi eins himinhróp-
andi og í vinnutímanum. Atvinnuleysi viljum við
ekki hafa, en við viljum að þeir sem vinna geti
haft mannsæmandi laun þannig að
launaþrældómur og óvissa verði ekki til þess að
eyðileggja fjölskyldu- og félagslíf einsog raun
hefur orðið á m.a. í verkalýðsfélögunum. Og
hefur nokkuð verið kannað hvað vinnuþræld-
ómurinn kostar í alls konar félagslegum vand-
amálum barna, unglinga og fullorðins fólks?
Það hefur auðvitað aldrei verið reiknað út - og
það er sennilega ekki hægt að reikna út frekar
en annað það sem okkur er hjartfólgnast og
skiptir í raun mestu máli“.
-óg
Ó-ÁUT
MQÐVIUINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufélag Þjóðviljans.
Ritstjórar: Árni Bergman, Össur Skarphéðinsson.
Ritstjórnarfulltrúi: Oskar Guðmundsson.
Fréttastjóri: Valþór Hlöðversson.
Blaðamenn: Aðalbjörg Óskarsdóttir, Álfheiður Ingadóttir, Garðar
Guðjónsson, Ingólfur Hjörleifsson, Lúðvík Geirsson, Magnús H. Gísla-
son, Mörður Árnason, Sigurdór Sigurdórsson, Víðir Sigurðsson, Þór-
unn Sigurðardóttir, Þröstur Haraldsson.
Handrita- og prófarkalestur: Andrea Jónsdóttir, Elías Mar.
Ljósmyndir: Einar ólason, Sigurður Mar Halldórsson.
Utllt: Sævar Guðbjörnsson, Garðar Sigvaldason.
Símvarsla: Siaríður Kristjánsdóttir.
Húsmæður: Ágústa Þórisdóttir, Ólöf Húnfjörð.
Bílstjóri: Jóna Sigurdórsdóttir.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Utbreiðslustjóri: Sigríður Pétursdóttir.
Auglýsingastjóri: Ragnheiður Óladóttir.
Auglýsingar: Ásdís Kristinsdóttir, Guðbergur Þorvaldsson,
Olga Clausen.
Afgreiðslustjóri: Baldur Jónasson.
Afgreiðslo: Bára Sigurðardóttir, Kristín Pótursdóttir.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, auglýsingar, ritstjórn:
Siðumúla 6, Reykjavík, sími 81333.
Umbrot og setning: Prontsmiðja Þjóðviljans hf.
Prentun: Blaðaprent hf.
Verð í lausasölu: 35 kr.
Sunnudagsblað: 40 kr.
Áskrlft á mánuði: 400 kr.
4 SÍÐA - ÞJÓÐVILJINN Laugardagur 2. nóvember 1985