Þjóðviljinn - 24.08.1988, Blaðsíða 2
________________________FRÉTTIR____________
Grandi hf.
ísbjöminn endurlífgaður?
Gamla œttarveldið í Sjálfstœðisflokknum komið á kreik
Borgarráð: Hvalur, Venus, Hampiðjan og Sjóvá vilja kaupa
hlutabréfborgarinnar í Granda hf. fyrir 500 miljónir króna.
Fyrirtækin Hvalur hf., Venus
hf., Hampiðjan hf. og Sjóvá
hf. vilja kaupa hlutabréf borgar-
innar í Granda hf. fyrir 500 milj-
ónir króna. Tilboð fyrirtækjanna
var lagt fram á borgarráðsfundi í
gær til kynningar en engin af-
staða var tekin þess.
Grandi hf. var á sínum tíma
stofnaður upp úr Bæjarútgerð
Reykjavíkurogísbirninum hf. og
töldu margir að með því hefði fs-
birninum verið forðað frá gjald-
þroti. Lykilaðilar í þeim fyrir-
tækjum, sem nú vilja fá Granda,
eru af Engeyjarættinni svonefn-
du.
Reykjavíkurborg á nú um 2/3
af hlutabréfum Granda hf. og er
nafnverð þeirra um 242 miljónir
króna en eigið fé fyrirtækisins er
um 500 miljónir, eins og tilboðið
hljóðar upp á. Tilboðið miðast
við vaxtalaust lán til 8 ára.
Sigurjón Pétursson borgarfull-
trúi Alþýðubandalagsins sagði
við Þjóðviljann að hann væri al-
gjörlega mótfallinn því að borgin
seldi sinn hlut og hefði sú afstaða
sérstaklega verið tekin fram þeg-
ar ísbjörninn og Bæjarútgerðin
voru sameinuð á sínum tíma. En
sú sameining var harðlega
gagnrýnd af þáverandi borgar-
fulltrúum Alþýðubandalagsins.
Sigurjón sagði það vera skoðun
flokksins að borgin ætti að standa
í ábyrgð fyrir rekstri fyrirtækis í
undirstöðuatvinnugrein þjóðar-
innar en ekki einkafyrirtæki úti í
bæ.
Sigurjón Pétursson sagði jafn-
framt að tilboð fyrirtækjanna
fjögurra væri allt of lágt með tilliti
til þess að ef það yrði samþykkt
fengju þau aðgang að fiskimiðum
landsins því að verulegur kvóti
fylgdi skipunum. Hann væri ekki
færður til verðs í reikningum en
engu að síður væri unnt að selja
hann fyrir stórfé.
-grh/ÓP
Ávöxtun sf.
Hvað er eitt fyrirtæki milli vina?
Ármann Reynisson:„Hughönnun? Ég var nú búinn að gleymaþví. “
Hugbúnaðarfyrirtækið Hug-
hönnun hf. er eitt þeirra fyrir-
tækja sem Avöxtun sf. hcfur
keypt á ferli sínum. Fyrirtækið
var áður sameignarfélag þeirra
Sigurðar Hjálmarssonar og
Elfars Steins Þorkelssonar og var
stofnað í ágúst 1985. Þeir Ár-
mann Reynisson, Pétur Björns-
son og Ávöxtun sf. keyptu hins
vegar meirihluta fyrirtækisins
þann 15. febrúar í ár og er Ár-
mann Reynisson núverandi for-
maður stjórnar. Stofnfé var 4
miljónir króna.
Armann Reynisson, annar
eigandi Ávöxtunar sf., sagði hins
vegar í viðtali við Þjóðviljann að
Ávöxtun sf. hefði ekki keypt nein
fyrirtæki, síðan Ragnarsbakarí
var keypt, þann 4. desember á
síðasta ári. „Enda er nú meira en
nóg að vinna slíkt fyrirtæki upp á
átta mánuðum," sagði Ármann.
- En hvað segir þú mér af Hug-
hönnun?
„Hughönnun? Það er skal ég
segja þér, tölvufyrirtæki."
- En þið keyptuð það 15. fe-
brúar og þú ert formaður stjórn-
ar.
„Já, ég var nú satt að segja bú-
inn að gleyma því fyrirtæki, það
er nú ósköp lítið fyrirtæki."
- Nú hefur þú eflaust heyrt það
sem talað er, að þið hafið lánað
fyrirtækjum og tekið svo rekstur-
inn yfir, þegar þau ekki hafa stað-
ið í skilum.
„Já, en það er hinn stóri mis-
skilningur. Við þekktum t.d.
ekkert til þeirra aðila sem voru
með Ragnarsbakarí. En við frétt-
um aftur á móti eftir á, að allar
kröfur hefðu farið beint í Spari-
sjóðinn í Keflavík og þaðan í
Kaupþing. Svo var því öllu skellt
á okkur, svo þetta er allt jafn
ruglað og ruglingslegt."
- En af hverju eruð þið að
kaupa fyrirtæki eins og Hug-
hönnun?
„Þeir hafa unnið að hugbúnaði
fyrir okkur og séð um viðgerðir.
Þú verður að athuga að hugbún-
aður er svo mikils virði fyrir fyrir-
tæki.“
- Það hefur einnig verið um
það talað að þið hafið keypt
mikið af íbúðum, gert upp og
selt.
„Þú verður að athuga að fast-
eignakröfur eru einna bestu
kröfurnar sem við kaupum. Fyr-
irtæki verða líka að tryggja að
þau geti keypt góðar kröfur fyrir
þá fjármuni sem þau eru með,
þannig að það er bara viss pólitík
í því. Við höfum keypt nokkrar
íbúðir, gert þær upp og selt, það
eru einna bestu kröfurnar sem
eru á markaðnum. Það hefur ver-
ið meira til að tryggja kröfu-
kaup.“
- Tíðkast þetta hjá öðrum
fjármögnunarfyrirtækjum?
„Ég veit það ekki, ég velti öðr-
um fyrirtækjum ákaflega lítið
fyrir mér og allra síst kollegum.
Ég er bara ánægður þegar gengur
vel,“ sagði Ármann Reynisson.
-phh
Flugleiðir
Grunnskólar
Gæsluvellir
67% hækkun
á gjaldskra
Sigurjón Pétursson:
Aukin skattheimta á
barnafjölskyldur.
Á fundi borgarráðs í gær var
samþykkt með þremur at-
kvæðum gegn einu að hækka
gjald á gæsluvöllum borgarinnar
úr 30 krónum í 50 fyrir hvert
skipti. Þetta er um 67% hækkun.
Jafnframt samþykkti mcirihluti
borgarráðs að hækka aðgangs-
kort á gæsluvellina úr 600 krón-
um í 1000.
Að sögn Sigurjóns Péturssonar
borgarfulltrúa Alþýðubandalags-
ins, sem sæti á í borgarráði,
greiddi hann atkvæði gegn þess-
ari hækkun og mótmælti henni
harðlega og lét bóka að hér væri
um að ræða stóraukna skatt-
heimtu á barnafjölskyldur. „Hér
er um ómengaða uppfærslu að
ræða á þjónustugjaldi á vegum
borgarinnar á meðan Sjálfstæðis-
menn í ríkisstjórn ræða um
niðurfærslur“, sagði Sigurjón
Pétursson.
Hann sagði jafnframt að í
borgarráði hefði enginn rök-
stuðningur komið fram fyrir þess-
ari hækkun annar en sá að
nauðsyniegt væri að hækka gjald-
ið!
Sigurjón lét þess jafnframt get-
ið að á sínum tíma, þegar íyrst
hefði verið tekið upp á því að
taka sérstakt gjald á gæsluvelli
borgarinnar, hefði rökstuðningur
Sjálfstæðismeirihlutans fyrir
gjaldtökunni verið sá að með
henni væri hægt að sjá hversu
margir notfærðu sér þjónustuna;
nokkursskonar skoðanakönnun.
En með samþykktinni í borgarr-
áði í gær hefði það hinsvegar
komið á daginn grímulaust að hér
væri um ósvífna skattheimtu að
ræða sem bitnaði fyrst og fremst á
barnafjölskyldum.
-grh
Lífseig
prentvilla
Námsmannaafsláttur
gildir enn til 26 ára aldurs
í byrjun júní var endurútgefin
hjá Flugleiðum bók með reglum
um fargjöld og afslætti og segir
þar að 25% námsmannaafsláttur
innanlands gilti frá 12 ára aldri til
21 árs. Áður fékk námsfólk þenn-
an afslátt til 26 ára aldurs og í gær
upplýstist loks að þessa lækkun á
aldurstakmörkum mátti rekja til
prentvillupúkans.
Þessa síðbúnu leiðréttingu má
þakka ungri konu, sem ámálgaði
þessa lækkun í fyrirspurnatíma
dægurmálaútvarpsins í gærmorg-
un. Vildi hún fá skýringu á því hví
Flugleiðir hefðu klipið af afslætt-
inum til námsmanna.
Hjá farskrárdeild Flugleiða
fékk Þóðviljinn þær upplýsingar
að reglunum hefði verið breytt 1.
júní og aldursmörkin lækkuð um
5 ár. Sömu upplýsingar fengust
hjá Ferðaskrifstofu stúdenta.
Enginn vissi hins vegar hvaða
ástæður lægju þar að baki, uns
lausnin kom frá Sveini Sæmunds-
syni. Prentvillupúkinn hafði gert
þeim Flugleiðamönnum, og
væntanleg einhverjum náms-
mönnum, þann grikk að í stað 26
stendur talan 21 í endurútgefnum
reglum.
Reglunum hafði semsagt ekki
verið breytt, en enginn uppgötv-
aði mistökin fyrr en fórnarlamb
mistakanna útvarpaði sinni sögu.
mj
Vetrarstarfið að hefjast
14.500 nemendur ígrunnskólum íReykjavík næsta vetur. Stœrri
árgangar og straumur utan af landi
Skólastarf í öllum grunnskólum
í Reykjavík hefst 1. septemb-
er, en úti á landi er það nokkuð
mismunandi hvenær skólarnir
taka til starfa.
Nemendur eiga þó ekki að
mæta í skólann fyrr en 6. sept-
ember því fram að þeim tíma
munu kennarar funda og skipu-
leggja starf komandi vetrar.
Um 14.500 börn munu stunda
nám í grunnskólum í borginni
næsta vetur og hefur heildarfjöldi
nemenda vaxið um u.þ.b. 300 á
ári undanfarin ár. Að sögn Ragn-
ars Georgssonar hjá Skólaskrif-
stofu Reykjavíkurborgar má
rekja fjölgun nemenda bæði til
stærri árganga og aðflutnings
fólks til Reykjavíkur utan af
landi.
Hátt í 1500 grunnskólanem-
endur eru að hefja sína skóla-
göngu, sem er stærsti árgangur 6
ára barna í mörg ár.
Ragnar sagði að nægiiegt fram-
boð af kennurum hefði verið í vor
þegar ráðið var í stöðurnar en
hins vegar væri alltaf eithvað um
það að stöður losnuðu yfir
sumartímann eða að kennarar
flyttu sig á milli skóla, en útlit
væri fyrir að takast myndi að fylla
þau skörð áður en skólastarf hæf-
ist.
Ný skólabygging verður tekin í
notkun í Vesturbænum þegar
Vesturbæjarskóli flytur í nýtt
húsnæði og bæði við Foldaskóla
og Selásskóla verður tekinn í
notkun nýr áfangi í haust.
'Þ
Alþýðubandalagið
Framtíð
sjávarútvegs
Umrœðufundur um
stöðu sjávarútvegsins
ÍA. Hansen í
Hafnarfirði á
fimmtudagskvöld.
Alþýðubandalagið hefur boð-
að til opins umræðufundar um
framtíð íslensks sjávarútvegs í
veitingahúsinu A. Hansen í Hafn-
arfirði á fimmtudagskvöld kl.
20.30.
Svanfríður Jónasdóttir vara-
formaður AB hefur framsögu á
fundinum sem ber yfirskriftina:
Kerfisbreyting eða ný kollsteypa,
tillögur um aðgerðir.
Pallborðsumræður verða að
lokinni framsögu Svanfríðar og
taka þátt í umræðunni auk henn-
ar þau: Árni Benediktsson fram-
kvæmdastjóri sjávarafurðadeild-
ar SÍS, Logi Þormóðsson fisk-
verkandi og stjórnarformaður
Fiskmarkaðs Suðurnesja, Óskar
Vigfússon formaður Sjómanna-
sambands íslands og Sólveig Að-
alsteinsdóttir fiskverkunarkona í
Ólafsvík. -lg.
2 SÍÐA - ÞJÓÐVILJINN Miðvikudagur 24. ágúst 1988