Þjóðviljinn - 23.12.1988, Blaðsíða 8

ERLENDAR FRETTIR
Þota ferst
Hryðjuverk eður ei?
A daginn er komið aðfyrr íþessum mánuði hringdi maður íbanda-
ríska sendiráðið í Helsinki og hótaði að sprengja Pan Am þotu íloft
upp
Bandarískir embættismenn
skýrðu frá því í gær að haft
hefði verið í hótunum við Pan Am
flugfélagið fyrr í mánuðinum.
Einhver hefði hringt í bandaríska
sendiráðið í Helsinki og fullyrt að
Pan Am þota sem væri í forum á
milli Frankfurt í Vestur-
Þýskalandi og Bandaríkjanna
yrði sprengd í loft upp.
Þotan sem fórst í fyrrakvöld
var í áætlunarflugi 103 sem hófst í
Frankfurt. Hún var á leið til
Bandaríkjanna. Og þótt téðir
embættismenn segi að ekkert
bendi til þess að unnið hefði verið
spellvirki á vélinni þá bendir
sitthvað til þess að þeir fari með
staðlausa stafi.
Flugumferðarstjórar ræddu
við flugmenn þotunnar aðeins ör-
fáum sekúndum áður en hún
fórst, og þá gekk allt að óskum,
en það þykir benda til þess að hún
hafi hrapað á augabragði eða
spryngið. Raunar heyrðu sjónar-
vottar sprengingu og féll þotan til
jarðar í þrem hlutum. Brakið
dreifðist mjög víða og líkams-
hlutar manna lágu útum allt. 275
menn fórust hið minnsta og þar af
a.m.k. 17 íbúar bæjarins Locker-
bie.
Síðla í gær saumuðu frétta-
menn og fleiri mjög hart að for-
ráðamönnum Pan Am og emb-
ættismönnum ríkisins fyrir að
hafa haldið hótuninni leyndri.
Hví í ósköpunum almenningur
hefði ekki verið varaður við því
að hryðjuverkamenn hygðust
granda einni af vélum félagsins
sem flygi frá Frankfurt og vestur
á bóginn?
Hermt er að maðurinn sem
hringdi í bandaríska sendiráðið í
Helsinki hafi talað ensku með
„arabískum hreimi“ og bendlað
sig við glæpaklíku Palestínu-
mannsins Abu Nídals. Markmið
yfirvofandi hermdarverks væri að
hefna fyrir 290 manns sem fórust
með írönsku Airbus þotunni sem
bandarískt herskip skaut niður í
sumar.
Reuter/-ks
Stórslys í lofti
Oft, alltof oft
Króníka verstu flugslysa undanfarinna tveggja áratuga
27. mars, 1977: Mannskæðasta
flugslys sögunnar. Tvær Boeing
747 risaþotur skella saman á að-
albraut flugstöðvarinnar í Santa
Cruz de Tenerife á Kanaríeyjum.
Önnur þotanna var eign KLM
flugfélagsins hollenska en hin var
merkt Pan Am. 583 menn létust.
12. ágúst, 1985: Boeing 747
þota Japanska flugfélagsins
flýgur á hamraveggi Ogurafjalls.
520 menn létust.
3. mars, 1974: DC-10 þota
Tyrkneska flugfélagsins hrapar
niður í skóglendi skamman spöl
norðan Parísar. Allir um borð,
346 menn, farast.
23. júní, 1985: Sprenging verð-
ur í Boeing 747 þotu Indverska
flugfélagsins undan ströndum ír-
lands. 329 menn og brak vélar-
innar hverfa í sæinn.
19. ágúst, 1980: Eldur kviknar í
sádíarabískri L-1011 Lockheed
TriStar þotu á flugvellinum í Rí-
jad. Hún verður alelda á auga-
bragði og 301 maður ferst.
3. júlí, 1988: Fyrir glappaskot
skipstjórans um borð í banda-
ríska herskipinuu Vicennes er íi-
önsk A-300 Airbus þota skotin
niður yfir Persaflóa. 290 manns
láta lífið.
25. maí, 1978: DC-10 þota
Bandaríska flugfélagsins hrapar
til jarðar skömmu eftir flugtak í
Chicago. Allir um borð farast,
273 menn, og tveir á jörðu niðri
að auki.
1. september, 1983: Sovéskur
orrustuflugmaður grandar suður-
kóreskri Boeing 747 þotu sem
villst hafði inní sovéska lofthelgi f
námunda við Sakhalíneyju. 269
manns láta lífið.
12. desember, 1979: DC-10
þota Flugfélags Ný-Sjálendinga
ferst í hlíðum Erebusfjalls í
Suðurskautslandinu. 257 menn
deyja.
12. desember, 1985: DC-8þota
„Arrow air“ flugfélagsins ferst á
Nýfundnalandi. Vélin var í leigu-
fiugi fyrir bandaríska herinn og
þorri farþega hermenn á heim-
leið í jólaleyfi. 256 menn farast.
1. janúar, 1978: Boeing 747
þota Indverska flugfélagsins
springur í loft upp skömmu eftir
flugtak í Bombay. 213 menn láta
lífið.
4. desember, 1974: Hollensk
DC-8 þota ferst í ofviðri á Srí
Lanka og með henni 191 maður.
9. maí, 1987: Pólsk Iljúsín 62
þota ferst yfir skógi vöxnu landi
utan Varsjár. Um borð voru 167
menn og komst enginn lífs af.
15. nóvember, 1978: DC-8
þota ferst skammt frá Kólombó,
höfuðborg Srí Lanka. Potan var
eign Flugleiða en „Garuda Indo-
nesian Airlines" hafði hana á
leigu og notaði í pílagrímaflug.
Um borð voru 259 farþegar og af
þeim fórust 183.
27. nóvember, 1983: Kólomb-
ísk Boeing 747 þota ferst við Bar-
ajas flugvöllinn í Madríd. 183
menn farast.
13. október, 1972: Iljúsín 62
þota sovéska flugfélagsins Aero-
flot hrapar til jarðar, steinsnar frá
Moskvu. 176 menn deyja.
22. janúar, 1973: Boeing 707
þota hefur ekki fyrr lent á Kano
flugvellinum í Nígeríu en eldur
læsir sig um hana og hún brennur
til kaldra kola. Aftur deyja 176
menn.
10. september, 1976: Trident
þota Breska flugfélagsins og júg-
óslavnesk DC-9 þota skella sam-
an í lofti yfir Zagreb í Júgóslavíu.
176 menn farast.
L desember, 1981:DC-9 þota
júgóslavneska flugfélagsins
„Inex-Adría“ rekst utaní hlfðar
fjalls nærri Ajaccio á Korsíku.
Allir um borð, 174 menn, láta
lífið.
17. ágúst, 1979: Árekstur
tveggja flugvéla Aeroflot yfir
Úkrænu. 173 menn deyja.
28. nóvember, 1987: Boeing
747 þota Suðurafríska flugfélags-
ins hverfur í Indlandshaf og með
henni 160 manns.
16. ágúst, 1987: MD-80 þota
„Northwest Airlines“ fellur til
jarðar aðeins örfáum sekúndum
eftir flugtak í Detroit í Bandaríkj-
unum. 154 menn voru um borð
og fórust 153. Aðeins telpukom
nokkurt, fjögurra ára gömul, lifði
ósköpin af. Þrír fórust á jörðu
niðri.
9. júlí, 1982: Boeing 747 þota
Pan Am hrapar niður í íbúahverfi
í New Orleans í Bandaríkjunum.
Alls farast 153 menn, þar af all
nokkrir á jörðu niðri.
Reuter/-ks.
Elst í heimi
Maren Bolette Torp, norsk og
býr í Osló, er elsta manneskja í
heimi, samkvæmt metabók Gu-
iness fyrir árið 1989. í gær, 21.
des., hélt hún upp á 112 ára af-
mæli sitt. Frú Torp er átta barna
móðir og var komin undir sjötugt
er heimsstyrjöldinni síðari lauk.
Hún segist alltaf hafa unnið hörð-
um höndum og gætt hófs í hví-
vetna, og séu þar fundnar skýr-
ingarnar á háum aldri hennar.
Reuter/-dþ.
Valdaránstilraun í Súdan
Tilraun til að steypa stjórn Sú-
dans af stóli var kæfð í fæðing-
unni, að sögn talsmanna stjórnar-
innar. Þeir sem höfðu valdarán í
hyggju voru stuðningsmenn Jaaf-
ars Nimeiri, fyrrum Sú-
dansforseta, sem nú býr í útlegð í
Egyptalandi. Herforingjar
steyptu honum af stóli 1985. En
þótt Súdanstjórn hafi staðið þetta
af sér er hún engu að síður
fallvölt, vegna innbyrðis ósam-
komulags um það hvernig binda
skuli enda á borgarastríðið í
landinu.
Reuter/-dþ.
Sækja um skuldaafslátt
Sjö rómanskamerísk'ríki, öll
skuldum vafin, eru í þann veginn
að fara fram á að sum helstu ríkja
norðurheims gefi þeim eftir
eitthvað af skuldunum. Ríkin
sem fara fram á þetta eru Argent-
ína, Brasilía, Kólombía, Mexíkó,
Perú, Úrúgvæ og Venesúela og
þau ríki sem þau leita til í þessum
nauðum sínum Bandaríkin, Kan-
ada, Japan, Bretland, Vestur-
Þýskaland, Frakkland og Ítalía.
Reuter/-dþ.
Fílar í útrýmingarhættu
Fflar í Tansaníu eru nú um
77.000 talsins og hefur þeim
fækkað um meira en helming á
s.l. tíu árum, einkum af völdum
veiðiþjófa. Fflunum fækkar um
5.5% árlega og verða þeir úr sög-
unni þarlendis um aldamótin, ef
ekki tekst að halda veiðiþjófun-
um frá þeim. Veiðiþjófarnir eru
að vísu ekki einir um hituna, því
að menn með veiðileyfi frá Tans-
aníustjórn skjóta um 100 ffla ár-
lega. Þeir eru flestir ríkir Banda-
ríkjamenn. Tansanía, sem er eitt
af fátækustu ríkjum heims, hefur
talsverðar tekjur af veiðimönn-
unum. *Stjómvöld þar tregðast
því við að banna fflaveiðar eða
draga úr þeim, eins og sum önnur
Afríkuríki hafa gert.
Reuter/-dþ.
Stjórn með harölínusvip
Tveir stærstu stjómmálaflokk-
ar ísraels, Likud og Verkamann-
aflokkurinn, undirrituðu x gær
sáttmála um myndun nýrrar ríkis-
stjórnar. Yitzhak Shamir, leið-
togi Likud, verður áfram forsæt-
isráðherra og Shimon Peres, leið-
togi Verkamannaflokksins, verð-
ur varaforsætisráðherra og tekur
við embætti fjármálaráðherra.
Ljóst er að staða Likuds í stjórn
þessari verður sterkari en í þeirri
næstu á undan. í stefnuskrá sinni
lýsir nýja stjómin því yfir, að hún
taki ekki í mál viðræður við Frels-
issamtök PaJestínu (PLO) og
muni gera sitt ýtrasta til að bæla
niður uppreisnina í Vesturbakk-
ahémðum og Gaza.
Reuter/-dþ.
13 mánuði í klóm mannræningja
Þrír Bandaríkjamenn, Robert
Polhill, Alann Steen og Jesse
Tumer, hafa nú verið í haldi
mannræningja í Lfbanon í 23
mánuði samfleytt. Eiginkonur
þeirra hafa nú fýrir jólin skrifað
þeim bréf, sem vonast er til að
birt verði í blöðum í Vestur-
Beirút, þar sem múslímar búa.
Samtök sem nefnast Heilagt stríð
íslams og munu vera á vegum
sjíta segjast hafa þremenningana
í haidi. I bréfi eiginkvennanna er
heitið á mannræningjana að
sleppa gíslunum. Alls er 17 vest-
urlandamanna, sem talið er að
hafi verið rænt, saknað í Líban-
on.
Reuter/-dþ.
Atta hermenn vegnir
Átta hermenn og sjóliðar vom
drepnir og sjö særðir er vinstri-
sinnaðir skæmliðar gerðu herbát
fyrirsát á Guyaberofljóti um 200
km suðaustur af Bogota, höfuð-
borg Kólombíu. Atburðir sem
þessi eru nauða hversdagslegir í
því landi, þar sem her, lögregla,
dauðasveitir á vegum þessara að-
ila, skæruliðar ýmsir, liðsmenn
kókaínbaróna og stigamenn
eigast við í einum graut.
Reuter/-dþ.
8 SIÐA - NÝTT HELGARBLAÐ Föstudagur 23. desember 1988