Þjóðviljinn - 01.09.1990, Blaðsíða 2

FRETTIR
Stéttarsamband bœnda
Kvótasala verði leyfð
Aðalfundur Stéttarsambands
bænda á Reykjum lagði til í
gær að bændur gætu verslað með
fullvirðisrétt tU mjólkurfram-
leiðslu með ákveðnum takmörk-
unum. Viðskipti fari ekki beint
fram milli bænda, heldur gegnum
búnaðarsambönd eða Fram-
leiðsluráð Iandbúnaðarins . og
20% kvótans fari til nýliða í bú-
skap og ættliðaskipta innan bú-
markssvæðisins. Stéttarsamb-
andið gerði í gær í fyrsta sinn
ályktanir sem miðast við hvernig
mæta eigi hugsanlegum innflutn-
ingi á búvörum.
Stéttarsambandið telur hægt
að auka sveigjanleika í kvótamál-
um, fyrst jafnvægi hafi náðst í
mjólkurframleiðslunni, en flutn-
ingur kvóta milli landshluta eigi
ekki að gerast meðan hann sé
seljanlegur innan viðkomandi
búmarkssvæðis.
í ályktun sem snertir GATT-
viðræður, EB og EFTA varaði
fundurinn við rýmkun á heimild
til innflutnings matvæla og lagðist
eindregið gegn innflutningi á
hráu kjöti, en tekur undir nauð-
syn þess að fastari skipan komist
á alþjóðaviðskipti með búvörur.
Varðandi innflutning vilja bænd-
ur að sömu kröfur verði gerðar til
innfluttra matvæla og íslenskrá
varðandi aðbúnað á framleiðslu-
stigi, notkun lyfja, hormóna og
eiturefna og að með jöfnunar-
gjöldum verði tryggt að sam-
keppni við innfluttar búvörur
verði fyrst og fremst á grundvelli
gæða.
Aðalfundurinn taldi loðdýra-
ræktina ekki vonlausa enn og
hvatti til vissra aðgerða „fyrir þá
fáu bændur sem eftir eru“. Fund-
urinn lagði til að sauðfjárbændur
sem draga saman framleiðslu og
hafa hentugt land til skógræktar
eigi kost á launaðri vinnu við
hana. Stéttarsambandið vill að
Jarðasjóður verði stórefldur og
gerist einnig lána- og styrktar-
sjóður fyrir sveitarfélög til að
auðvelda þeim forkauDsrétt á
jörðum. mhg/ÓHT
Brunabótafélagið
Heiðurslaun
aflient
Heiðurslaun Brunabótafélags
íslands voru afhent í gær.
Heiðurslaunin hafa verið veitt ár-
lega frá 1982 og hlutu fimm ein-
staklingar heiðurslaunin að þessu
sinni. Aðeins einn heiðurslauna-
hafinn gat verið viðstaddur af-
hendinguna þar sem hinir fjórir
voru allir að sinna verkefnum
sem heiðurslaunin voru veitt
fyrir.
Elsa Waage, söngkona úr
Reykjavík og Jón Geir Ágústs-
son byggingarfulltrúi á Akureyri
hlutu heiðurslaun í 3 mánuði.
Kristín Jónsdóttir myndlistar-
maður, Þórhallur Höskuldsson
sóknarprestur á Akureyri og
Þröstur Þórhallsson alþjóðlegur
skákmeistari hlutu heiðurslaun í
2 mánuði. el
Stjórn BÍ ásamt heiðurslaunahöfum eða fulltrúum þeirra við veitingu heiðurslauna Bl í gær. Mynd: Kristinn.
Arnarflug
Tveggja
mánaða
biðtími
Forráðamenn Arnarflugs
skiluðu starfsleyfi sínu til sam-
gönguráðuneytisins í gær að
beiðni samgönguráðherra eftir
mikil fundahöld. Arnarflugs-
menn vildu að ísflug, dótturfyrir-
tæki Arnarflugs yrði veitt leyfi til
áætlunarflugs, en að sögn Arna
Þórs Sigurðssonar deildarstjóra í
samgönguráðuneytinu hefur Is-
flug ekki fjárhagslegt bolmagn til
þeirrar starfsemi.
Arnarflugsmenn höfðu safnað
50 miljónum í hlutafé fyrir ísflug
og voru með loforð um 70 miljón-
ir í viðbót. „Þótt við hefðum
tekið þessa upphæð þá er hún
meira en helmingi lægri en sú sem
til þarf að fá áætlunarleyfi undir
venjulegum kringumstæðum.
Einungis á þessum forsendum
var ísflug ekki inní myndinni.
Þessi ákvörðun um að Isflug fái
ekki leyfið er síst af öllu vegna
óvildar í garð fyrirtækisins,“ segir
Árni.
Samkvæmt heimildum Þjóð-
viljans var mikill þrýstingur á
samgönguráðherra um að reglur
sem gilda um leyfi til áætlunar-
flugs væru ekki látnar gilda um
ísflug. Hins vegar strandaði mál-
ið á peningum.
Flugleiðir fær starfsleyfi Arn-
arflugs í tvo mánuði, en því leyfi
fylgir engin trygging um áfram-
haldandi leyfi. Að þeim tíma
liðnum verður Arnarflug að sýna
fram á að fyrirtækið sé komið á
þann grunn sem samsvarar þeim
kröfum sem gerðar eru til áætlun-
arflugfélaga.
Biskupinn
Aldrei minnst
á „Jákvætt átak“
Sr. Ólafur Skúlason biskup
hefur beðið presta landsins um að
sérstaklega verði beðið fyrir friði
í heiminum í guðsþjónustum á
sunnudag. Biskup hefur einnig
snúið sér til annarra kirkjudeilda
og beðið um stuðning við bænar-
ákallið.
Ólafur sagðist í samtali við
Þjóðviljann vilja taka það skýrt
fram vegna umfjöllunar í blöðum
um bænastundina að ekki væri
um að ræða samvinnu við hópinn
„Jákvætt átak“. í Pressunni er
birt mynd af biskupi með tals-
mönnum hópsins og segir einn
þeirra að tilgangurinn sé að
„virkja jákvæða orku“.
„Þetta fólk kom að tali við mig
en það var aldrei minnst á „Já-
kvætt átak“ við mig. Sama máli
gegnir um tveggja tíma viðtal við
ritara minn á Áðalstöðinni. Ég
tók á móti þeim bara eins og fjöl-
miðlafólki sem vildi vinna í kirkj-
unni sinni og sagði já takk,“ sagði
Ólafur. „Þessi uppsetning kom
mér mjög á óvart. Það er kristin
kirkja sem biður fyrir friði í
heiminum á morgun en útkoman
var því miður slík að það er eins
og „Jákvætt átak“ eigi frum-
kvæðið og hafi fengið kirkjuna í
lið með sér.“ _v,l*
BHMR
Bráðabirgðalögin fyrir dómstóla
Ef við vinnum þetta mál fyrir
innlendum dómstólum mun-
um við ekki fara í neinar utan-
stefnur. Ef ekki munum við skoða
alla þá möguleika sem fyrir hendi
eru til að knýja fram réttlæti fyrir
félagsmenn í þessu máli, sagði
Birgir Björn Sigurjónsson fram-
kvæmdastjóri BHMR í samtali
við Þjóðviljann í gær. Launamál-
aráð BHMR hefur samþykkt að
veita stjórn heimild til að leita
réttar félagsmanna í framhaldi af
setningu bráðabirgðalaga 3. ág-
úst sl.
„Nú fer í hönd tæknilegui
undirbúningur og vinna með lög-
fræðingum,“ sagði Birgir Björn.
„Það er ljóst að það á að leita
réttar fyrir dómstólum í þessu
máli. Lög sem stangast á við
stjórnarskrána hljóta að varða
dómstólana. Það má t.d. nefna
mál manns á Akureyri sem taldi
ekki eðlilegt að sýslumaður færi
bæði með lögreglu- og dómsvald.
Honum gekk illa að vinna það
mál fyrir innlendum dómstólum
en vann það hins vegar fyrir
Mannréttindadómstóli Evrópu
og það varð til þess að sett voru
bráðabirgðalög um héraðsdóm-
ara á íslandi."
Aðspurður um hvort BHMR
myndi hugsanlega leita réttar síns
hjá Mannréttindadómstólnum
svaraði Birgir Björn, því til að ef
ekki væri hægt að vinna málið
innanlands yrðu allir möguleikar
skoðaðir. _vd.
Norðlendingar
Umlweifismál efst á baugi
Það ríkir ófremdarástand í um-
hverflsmálum, ekki síst sorp-
hirðu og þessi mál verða í brenni-
depli hjá okkur á þinginu. Auk
þess eru atvinnumálin ofarlega á
baugi og ég geri ráð fyrir að álver
og orkumál blandist í þá um-
ræðu. En við getum ekki einblínt
á þessa þætti í atvinnuuppbygg-
ingu, segir Björn Sigurbjörnsson,
formaður Fjórðungssambands
Norðlendinga, sem heldur sitt 32.
þing um helgina.
Búist er við að 70-80 fulltrúar
sæki þingið sem hófst á Sauðár-
króki í gær. Auk þess sækir fjöldi
gesta þingið, þar á meðal þing-
menn og ráðherrar.
Rætt verður um ýmsar hliðar
umhverfismála á þinginu, stjóm-
sýslu, gróðurvernd, sorphirðu og
fleira. Á þinginu mun koma fram
tillaga um að halda ráðstefnu í
lok norræns umhverfisárs, næsta
sumar, til þess að meta árangur af
átaki í umhverfismálum.
Verðlagsstofnun
Rætt við fasteignasala
Verðlagsráð hefur ákveðið að
fela verðlagsstofnun að ræða
við Félag fasteignasala um hækk-
anir á gjaldskrá félagsins. í fram-
haldi af viðræðunum tekur ráðið
ákvörðun um viðbrögð við hækk-
ununum.
Hækkun á gjaldskrá fasteigna-
sala var fyrst ákveðin í ársbyrjun,
en tók ekki gildi fyrr en fyrsta júlí
síðast liðinn. Samkvæmt nýrri
gjaldskrá lækkar afsláttur sem
veittur hefur verið af söluþóknun
og jafngildir það um 13 prósent
hækkun á þóknuninni. Auk þess
felur nýja gjaldskráin í sér veru-
legar hækkanir á gjaldi fyrir ýmsa
þjónustu. Algengasta hækkunin
nemur 22 af hundraði, en dæmi
eru um mun meiri hækkanir.
-8g
Bjöm er formaður bæjarráðs
Sauðárkróks og viðurkennir fús-
lega að ófremdarástand ríkir þar í
sorpmálum. Sorpi hefur verið
brennt við opinn eld, en af því
hlýst talsverð loftmengun. Gert
er ráð fyrir að sorp Króksara
verði urðað í framtíðinni.
„Það er gífurlega kostnaðar-
samt að koma sorphirðu í viðun-
andi horf. Það er þess vegna mín
skoðun að sveitarfélög verði að
vinna sameiginlega að þessum
málum þar sem það er hægt.
Möguleikar á samvinnu Sauðár-
króks, Hvammstanga, Blöndu-
óss og Skagastrandar voru athug-
aðir á sínum tíma, en menn
hmkku í kút þegar þeir sáu kostn-
aðartölur," segir Björn við Þjóð-
viljann.
Á þingi fjórðungssambandsins
verður rætt um atvinnumál undir
yfirskriftinni Snúum vörn í sókn -
Norðurland á tímamótum. Búast
má við að álver verði áberandi í
umræðunni. _gg
2 SÍÐA — ÞJÓÐVILJINN Laugardagur 1. september 1990
Heimavarnarliðið
Mótmæli
við Sunda
höfn
„Við ætlum okkur að vera með
táknræn mótmæli við herskipin
niðri við Sundahöfn um helgina.
Jafnframt munum við gefa út
dreifibréf til almennings til upp-
lýsingar um það hver sé tilgangur
og markmið þeirra,“ segir Soffía
Sigurðardóttir hjá Heimavarn-
arliðinu.
Heimavarnarlið herstöðvar-
andstæðinga mun standa fyrir
kynnisferð og mótmælaaðgerð-
um við Sundahöfn í dag og á
morgun klukkan 14. Með að-
gerðum sínum vilja herstöðvar-
andstæðingar mótmæla komu sjö
herskipa NATO-ríkja hingað til
lands og þeirri gífurlegu vígvæð-
ingu í hafinu kringum lsland.
-grh