Dagblaðið Vísir - DV - 26.06.1997, Blaðsíða 4
4
FIMMTUDAGUR 26. JÚNÍ 1997
Fréttir________________________________________________________________________________dv
Biskupskosningar i ágúst:
Karl og Sigurður virð-
ast hafa mest fylgi
- talið að hvorugur nái meirihluta í fyrri umferð
DV, Akureyri:
Sr. Karl Sigurbjörnsson þykir
liklegastur sem næsti biskup ís-
lands en biskupskosningar fara
fram í ágúst. Þrír eru í kjöri auk
Karls, sr. Auður Eir Viljálmsdóttir,
sr. Gunnar Kristjánsson og Sigurð-
ur Sigurðarson, vígslubiskup í Skál-
holti.
Fulltrúar á prestastefnu, sem DV
ræddi við i gær, voru á einu máli
um að linurnar í framboðsmálunum
væru að skerpast. Ljóst virðist vera
að þeir Karl og Sigurður hafi mest
fylgi frambjóðendanna fjögurra en
talið er að hvorugur þeirra muni ná
meirihluta í fyrri umferð.
Kjörið fer þannig fram að kjör-
menn, sem eru hátt í 200 talsins, fá
senda heim atkvæðaseðla og póst-
senda þá til baka. Auk presta hefur
ákveðinn hópur leikmanna atkvæð-
isrétt auk prófessora við guðfræði-
deild Háskóla íslands. Fái enginn
frambjóðendanna meirihluta í fyrri
umferð verður kosið á sama hátt að
nýju.
„Það er mitt mat að í 2. umferð
verði kosið milli Karls og Sigurðar
og þá muni Karl sigra. Hann hefur
verið að vinna á og ég tel að fylgis-
menn Auðar muni kjósa Karl í 2.
umferð,“ sagði viðmælandi DV á
prestastefnu í gær. Annar bætti við
að líklegast væri að fylgismenn
Gunnars myndu einnig fylkja sér
um Karl og bentu á í því sambandi
að Gunnar hafl tekist á um for-
mennsku í Prestafélagi íslands í
fyrra en tapað fyrir Geir Waage sem
sé mikill stuðningsmaður Sigurðar.
-gk
Páll Pétursson Halldór Blöndal
félagsmálaráöherra. samgönguráöherra.
Tilvísanavíxl:
Halldór en
ekki Páll
Á forsiðu DV í gær urðu þau mistök
að tilvísanir inn í blaðið víxluðust. Und-
ir mynd af Páli Péturssyni félagsmála-
ráðherra átti að standa: - Orð og gerðir
stangast á - og var tilvísun í fréttaljós
um afskipti félagsmálaráðherra af Hús-
næðisstofnun. Þess í stað stóð undir
mynd af félagsmálaráðherra - Ráðherra
skipar bróður sinn - en sú tilvísun átti
við frétt um aö Halldór Blöndal sam-
gönguráðherra hefði skipað Harald
bróður sinn formann sjóslysanefndar.
Beðist er afsökunar á þessum mistök-
um.
Friðsæld og einhugur á milli presta hér
- segir sr. Vigfús Þór Árnason um prestastefnu á Akureyri
Ólafur Skúlason biskup og vígslubiskuparnir Bolli Gústavsson og Siguröur Sigurðarson ganga aft-
astir í prósessíu presta á Akureyri. DV-mynd gk
DV, Akureyri:
„Ef marka má
fréttaflutning af
prestastefnunni er
varla hægt að skilja
annað en að hér logi
allt í illindum og
menn takist á um
hvert mál. Staðreynd-
in er hins vegar sú að
þessi prestastefha er
einstaklega friðsæl og
það er mikill einhug-
ur ríkjandi meðal
manna. Auðvitað eru
menn ekki alltaf á
einu máli en það er
ekki neitt hitamál
uppi á þessari presta-
stefnu," segir sr. Vig-
fús Þór Árnason,
prestur í Grafarvogs-
sókn, um prestastefn-
una sem lýkur á Ak-
ureyri í dag.
Prestar sem DV ræddi við á
Akureyri i gær voru á einu máli
um að yfirstandandi prestastefna
væri hin mesta rólegheitasam-
koma. Þeim var tíðrætt um að svo
virtist af yfirlýsingum sr. Geirs
Waage, formanns Prestafélags ís-
lands, sem þar færu fram einhver
átök en svo væri alls ekki. „Menn
eru ekki allir sammála því sem sr.
Geir segir við fjölmiðla, en hann
talar kjarnyrt mál og kveður fast
að, það er hans stíll,“ sagði einn
viðmælandi DV.
Þreifingar vegna
biskupskjörs
Hafi menn átt von á einhverj-
um umræðum eða
deilum á prestastefn-
unni um störf Ólafs
Skúlasonar, fráfar-
andi biskups, þykir
Ólafur hafa slegið á
allt slíkt með setning-
arræðu sinni. „Prest-
ar eru yfirleitt á einu
máli um að Ólafur
hafi flutt eina sína
allra bestu ræðu og
hafi einhverjir verið í
baráttuhug þá sló
hann á fingur þeirra.
Hið svokallaða Ólafs-
mál er að baki,“ sagði
einn viðmælanda DV.
Ekki ber mikið á
„smölun" á þinginu
vegna biskupskosn-
inga sem fram fara í
ágúst. Þó eru ein-
hverjar þreifingar í
gangi en almennt telja
prestar að ekki komi
til átaka um biskupskjör nema ef
til þess komi að kjósa þurfi
tvisvar, að enginn kandidatanna
íjögurra fái meirihluta í fyrri um-
ferð og kjósa verði á milli tveggja
efstu manna öðru sinni. -gk
Dagfari
Ekki í stjórn í eigin félagi
Fyrr á þessu ári var innanlands-
rekstur Flugleiða skilinn frá milli-
landaflugsrekstrinum og nýtt flug-
félag stofnað fyrir tilstilli Flugleiða
sem hefur hlotið nafnið Flugfélag
íslands. Til málamynda voru
nokkrir aðrir aðilar fengnir til að
leggja fé í hið nýja flugfélag en
Flugleiðir eiga 65% í Flugfélagi ís-
lands og töldu sig því eiga rétt á að
skipa tvo af sínum mönnum í
stjórn nýja flugfélagsins til að gæta
hagsmuna sinna og eigenda Flug-
leiða sem eiga peningana sem lagð-
ir hafa verið í nýja félagið.
Samkeppnisráð hefur bannað
þessa stjómarsetu Flugleiðamanna
og áfrýjunamefnd samkeppnis-
mála hefur staðfest þann úrskurð.
Sem þýðir á mæltu máli að Flug-
leiðamenn mega ekki stjóma því
fyrirtæki sem þeir eiga meirihlut-
ann í og stofnuðu til að geta rekið
það sjálfstætt.
Þetta er auðvitað áhugaverð nið-
urstaða og fordæmisgildandi. í
framtíðinni verður þessi úrskurð-
ur áfrýjunamefndar hafður að leið-
arljósi þegar eigendum fyrirtækja
dettur í hug af hagkvæmnisástæð-
um að stofna ný atvinnufyrirtæki.
Þeir mega jú leggja peningana sína
í nýja fyrirtækið en þeir mega ekki
sitja í stjórn þess né heldur hafa
nein áhrif á rekstur þess. Til þess
skulu kjörnir aðrir menn, óháðir
þeim aðilum sem eiga áhættuféð og
hlutaféð og eiga nýja fyrirtækið,
enda er það mat samkeppnisráðs
að það samrýmist ekki heiðarlegri
samkeppni að þeir menn stjómi
þeim fyrirtækjum sem þeir eiga.
Heiðarleg samkeppni felst í því
að ókunnir menn sem eiga engra
hagsmuna að gæta taki sæti í
stjórnum fyrirtækja sem þeir eiga
ekkert í. Er þá væntanlega gert ráð
fyrir að hinir ókunnu og óviðkom-
andi einstaklingar, sem kosnir eru
í stjórn slíkra fyrirtækja, taki sín-
ar ákvarðanir um rekstur og fjár-
festingar án tillits til arðsemi eða
hagsmuna þeirra sem eiga fyrir-
tækin. Það spillir hins vegar heið-
arlegri samkeppni ef þeir sem eiga
fyrirtækin hafa stöðu og ráð til að
hafa afskipti af því hvernig Ijárfest-
ingum þeirra er háttað.
Þetta eru ný og skemmtileg við-
horf og vissulega í anda þess heið-
arleika sem nú heldur innreið sina
í viðskiptaheiminn. Það hefur
alltof lengi einkennt íslenskt at-
hafnalíf að eigendur fyrirtækja séu
að ráðskast með þau. Það hefur
alltof lengi tíðkast að þeir einstak-
lingar sem hafa lagt í að stofna fyr-
irtæki séu sjálfir með puttana í
rekstri þeirra. Það kann aldrei
góðri lukku að stýra, sérstaklega
fyrir þá sem skipta við slík fyrir-
tæki og vilja að þau séu rekin í
þágu þeirra sem ekkert eiga í þeim.
Sum atvinnufyrirtækjanna hafa
jafnvel grætt fé á kostnað þeirra
sem ekki eiga í fyrirtækjunum.
Það spillir fyrir samkeppninni og
þeim heiðarleika sem á að rikja í
stórum þjónustufyrirtækjum. Það
er allsendis óeðlilegt að heiðarlegri
samkeppni sé settur stóllinn fyrir
dyrnar með þvi að leyfa þeim að
ráða sem eiga.
Samkeppnisráð hefur nú tekið af
skarið með stjórn eigenda og stöðv-
að hana. Flugleiðamenn verða að
hlíta þeirri niðurstöðu og fela
óháðum og óvilhöllum aðilum
stjórn Flugfélags íslands til að eig-
endur spilli ekki rekstri félagsins
með því að hafa afskipti af honum.
Dagfari