Dagblaðið Vísir - DV - 04.11.1997, Blaðsíða 10

10
ÞRIÐJUDAGUR 4. NÓVEMBER 1997
Spurningin
Lesendur
Ætlaröu á Kvikmynda-
hátíö í Reykjavík?
Gunnar Vagnsson og Hreinn
Fannar: Nei, ég hef engan áhuga á
þessu.
Svava Birgisdóttir nemi: Það held
ég ekki.
Eyrún Sigmundsdóttir nemi: Nei.
Margrét Snorradóttir húsmóðir:
Nei, ég bý úti á landi.
Þórir Ágústsson öryggisvörður:
Nei, ég hef bara engan tíma til þess.
Guðrún Ibsen móðir: Já, það kann
vel að vera að ég skelli mér á hátíð-
ina.
Bý ég þá í ban-
analýðveldi?
Fordómar í gangi gagnvart bifhjólafólkinu? spyr bréf-
ritari.
Albert V. Kristjánss.
skrifar:
Föstudaginn 26. sept. sl.
lenti ég í því óhappi að aka
helst til hratt á leiðinni
heim til mín og var stöðv-
aður af lögreglu sem sagði
mig hafa ekið á 110 km
hraða upp Grensásveg. Þar
sem ég ók ekki svo hratt,
heldur á um 90-95 km
hraða við hlið vinar míns,
sem var á öðru bifhjóli og
vottaði það með mér, þá
sögðust lögregluþjónarnir
vera að gera okkur greiða
með því að segja okkur
vera á aðeins 110 km hraða
því radarmælirinn hjá
þeim hefði „flöktaö" upp í
117-119 km hraða.
Þessum niðurstöðum
mótmælti ég og var þá til-
kynnt að ég væri handtek-
inn og yrði færður á lög-
reglustöð til yfirheyrslu.
Var það gert og næstu 3
klukkustundir fóru í það að
biða eftir því að fá að gefa
skýrslu um atburðinn. Að
því loknu var ég færður til
varðstjóra og sviptur öku-
réttindum til bráðabirgða.
Ég hef ekkert við það að at-
huga að vera sviptur ökuréttindum
en margt annað hef ég við málið að
athuga.
Fyrst; framkvæmd hraðamæling-
arinnar. - Mælingin er gerð í mik-
illi rigningu. Oftsinnis er búið að
sanna að Doppler-radar, eins og þeir
er lögreglan notar, virkar ekki sem
skyldi við þær aðstæður. - Doppler-
radar er viökvæmur fyrir utanað-
komandi áhrifum og hefur komið í
ljós að rafkerfi bilanna hafa oft
valdið truflunum á starfsemi rad-
arsins. Það er t.d. engin nýlunda að
snúningshraði í miðstöðvarmótor-
um bílanna hefur lagst við þann
hraða sem ökutæki eru mæld á. -
Miðað við staðsetningu mína er
mælingin var gerð er ómögulegt fyr-
ir mig að ná þessum hraða á þeirri
vegalengd sem er frá umferðarljós-
um við Grensásveg/Miklubraut og
yflr gatnamótin þar sem ég var
mældur.
Þá er það framkvæmd
málsins: Þegar ég sótti
ökuskírteinið mitt að mán-
uði liðnum beið mín plagg
sem ég átti að undirrita til
að fá skírteinið aftur. Þar
átti ég að gangast við því
að hafa ekið á 110 km
hraða sem ég gerði ekki. -
Vildi ég ekki gangast við
þessu broti, þá færi málið
fyrir dóm og við hraðasekt-
ina bættist sakarkostnað-
ur!
Eftir að búið var að
knýja mig til að skrifa
undir með þessum rökum
og viðurkenna allar sakar-
giftir var mér bent á að
fara í afgreiðslu og sækja
skírteinið mitt. Ekki tók
betra við þar því mér var
neitað um skírteinið nema
greiða 24.000 kr. sekt sem
fylgdi ökuleyfissvipting-
unni. Eftir stapp við að
koma þeim í skilning um
að ég væri með leyfi til að
sækja skírteinið þá var
mér vísað, fýluferð, inn í
innheimtudeild og til
baka. Þetta stapp kostaði 2
klukkustundir! - Er af-
greiðslufólk þama að sýna
manni eitthvert vald? Eða er bara
verið að gefa í skyn að mér hefði
verið nær að missa ökuréttindin?
Voru það upphaflega fordómar
gagnvart bifhjólafólki að ég var
stöðvaður og sakaður um það sem
ég gerði ekki? Það er líka kannski
bara minn misskilingur að telja að
ég væri saklaus þar til sekt mín
væri sönnuð. En mér líður samt
eins og fórnarlambi bananalýðveld-
is eftir útreiðina hjá lögreglunni.
Vanhæfir ráðherrar
Ólafur Einarsson hringdi:
Marga er farið að undra hve
grunnt er á dómgreindinni hjá ís-
lenskum ráðherrum. Marga þeirra
skortir líka þekkingu og reynslu,
t.d. af störfum úti í þjóðlífinu. - Á ég
þá ekki við almenn skrifstofustörf,
heldur af rekstri fyrirtækja eða
ábyrgðarstörfum í atvinnulífinu.
Það kemur nú æ oftar fyrir að ráð-
herra er vændur um afglöp í emb-
ættisfærslu, að vísu byggðum á upp-
lýsingum annarra embættismanna,
t.d. úr ráðuneytum eða annars stað-
ar.
Hefðum við ekki sannkallaðan
heiðursmann í stóli forsætisráð-
herra, mann sem hefur ágæta dóm-
greind og reynslu, ekki síst frá borg-
arstjómarárum sínum, mann sem
tekur á málunum strax í stað þess
að leyfa vandanum að vaxa þjóðinni
yfir höfuð, værum við illa sett.
Gleði- og verslunarborg?
Borgin hefur breyst til hins verra, segir bréfritari - og vill nýjan borgarstjórn-
armeirihluta.
J. Jóhannsson skrifar:
Gleði- og verslunarborgin Reykja-
vík; hrein torg, fogur borg - laus við
glæpi, og til fyrirmyndar á öllum
sviðum. Ekki er þetta nú sú mynd
sem við íbúar Reykjavíkur höfum af
borginni um þessar mundir. Þetta er
vissulega sú mynd sem við höfðum
og viljum hafa af Reykjavík. Staö-
reyndin er hins vegar sú að þetta er
ágætis byrjun á öfugmælavísum um
Reykjavík nú um stundir.
Með skipulögðum hætti hefúr R-
listinn smám saman gert verslun-
um ólíft i miðbæ Reykjavíkur. Sóða-
búllur með vínveitingaleyfi, útrunn-
ið eða ekki, við göngugötu eða hálf-
göngugötu, virðast vera það sem nú-
verandi meirihluti í borgarstjóm
telur farsælast fyrir miðbæinn.
Það hefur sýnt sig á þessum næst-
um 4 árum sem R-listinn hefur ver-
ið í forsvari meirihluta í borginni,
að sá viðbrenndi flokkagrautur er
orðinn gjörsamlega bragðlaus. -
Með borgarstjórann, Ingibjörgu Sól-
rúnu, i broddi fylkingar líður R-list-
inn áfram að sínum feigðarósi.
Talandi um borgarstjórann, þá
finnst mér lítið leggjast fyrir for-
ingjann að „velja“ sér sæti á listan-
um fyrir komandi kosningar. Mín
skoðun er sú að ákvörðun hennar
um að velja sér 8. sætið, sé úthugs-
uð flóttaleið af sökkvandi skipinu. -
Ég skora á borgarbúa að kynná sér
afrek R- listans í framkvæmdum og
ráðningum í borginni og í fram-
haldi af því að velja sér stjórn sem
þeir geta treyst.
Jóla-Bónus
og Ikea
Margrét Jóhannsd. skrifar
Það var einkar ánægjuleg send-
ing sem ég fékk inn um dyralúg-
una þann 29. október frá Bónusi
og Ikea í Holtagörðum. Dýrindis
auglýsingablað um að jólin væm
að koma. Ég er Bónusi og Ikea
einkar þakklát. Ég vissi ekki að
jólin væru að koma. Hélt þau
kæmu ekki fyrr en í lok desem-
ber. Það er því ekki seinna vænna
en að drífa sig í Bónus og Ikea og
ljúka jðlainnkaupunum svo mað-
ur geti hætt að hafa áhyggjur af
jólunum. Reyndar er ég hissa á
Bónusi og Ikea að hafa ekki bent
á það í ágúst að jólin væru að
koma! Vonandi verða kaupmenn-
irnir í Holtagörðum fyrr á ferð-
inni að ári.
Seilingin hjá
krötum
Bjöm skrifar:
„Á ferð til framtiðar" skrifar
Guðmundur Árni Stefánsson í
blaðið Dag (ekki Dagblaðið) sl.
föstudag. - Hann segir margt
benda til þess að innan seilingar
séu að verða einhveijar mestu
breytingar í íslenskri pólitík sem
átt hafa sér stað á lýðveldistíman-
um. Aumingja Guðmundur Ámi,
hann er að vísu bjartsýnn sem
betur fer, en hann á að vita að
þessi Grósku-herferð er þegar fall-
in um sjálfa sig. Fáir eða engir
mæta á fundina hjá Gróskufélög-
unum á landsbyggðinni. Og sífellt
lengist í seilinguna hjá krötum
um samfylkingu félagshyggju-
flokkanna eða hvaö þessi garða-
gróður heitir sem vaxið hefur
villtur í íslenskum stjómmálum
og verður seint upprættur.
Nýju rökin
sjávarútvegs-
ráðherra
Ingólfur hringdi:
í glænýrri frétt í Mbl. em tekin
orðrétt ummæli sjávarútvegsráð-
herra: „Lífskjör færð aftur um 10
- 15 ár“. Þetta eru nýju rökin hjá
sjávarútvegsráðherra. Því hefur
hann aldrei haldið þessu á lofti
fyrr? Er hann fyrst núna að sjá
þetta? Það þykir mér klént hjá
æðsta postula í sjávarútvegsmál-
um. Og svo segir hann líka að
veiðUeyfagjaldið muni rýra kjör
sjómanna! Ég er undrandi á að
þessi rök skuli vera að koma fyrst
fram núna. En Morgunblaðið er
kannski bara að slá þessum um-
mælum sjávarútvegsráðherra upp
sem gi'íni. - Enda bara grín.
P&S sækir að
Stöð 2
Helgi Þ. skrifar:
Nú sést best hvaö Póstur og
sími er að bralla með breiðrás-
inni sem bjóða skal áskrifendum
á kostakjörum - til að byrja með
a.m.k. Póstur og sími er gagngert
að sækja með tangarsókn að Stöð
2 sem í dag býður prýðilega þjón-
ustu og þúsundir fiölskyldna era
hæstánægðar með. En Póstur og
sími ætlar ekki aö láta af þeirri
iðju að hrella íslenskan almenn-
ing. Fyrst með einokun, síðan
með handayfirlagningu í formi
einkarekstrar - og allt í plati.
Þingmenn
á þroska-
þjálfalaun
Drífa hringdi:
Ég hef lengi undrast hve al-
þingismenn hafa lítið haft sig í
frami sjálfir vegna allra þeirra
kjaradeilna sem nú hafa verið í
umræðunni. Það er eins og þeir
skilji ekki hvað málið snýst um.
Nefnilega of lág laun í landinu.
Mér þætti ekki ósanngjamt að
þingmenn væra látnir búa við t.d.
þroskaþjálfalaun í svo sem hálft
ár. Þeir myndu þá hugsanlega sjá
lífið í kringum sig í öðra ljósi.