Dagblaðið Vísir - DV - 21.06.1999, Blaðsíða 19
MÁNUDAGUR 21. JÚNÍ 1999
19
Fréttir
i
/
Uppsagnir grunnskólakennara:
Kennarar hætta
7 / . ' • )
við að hætta
- hefur boriö á því, segir Fræðslumiðstöð borgarinnar
Kennarar í Reykjavík, sem sagt
hafa upp störfum sínum, eru í tölu-
verðum mæli farnir að draga upp-
sagnir sínar til baka. Ólafur Darri
Andrason, deildarstjóri hjá
Fræðslumiðstöð Reykjavíkurborg-
ar, staðfesti þetta í samtali við DV
en sagði að nákvæmar tölur lægju
ekki fyrir enn.
„Það hefur eitthvað borið á því
Kennarar sögðu upp vegna óánægju en eru nú að draga uppsagnir sínar til
baka.
Eiríkur
Jónsson.
nú eftir síðustu
mánaðamót að
kennarar hafi dreg-
ið uppsagnir sínar
til baka,“ sagði
Ólafur Darri.
Hann sagði að
rúmlega 200 kenn-
arar hefðu fyrir
mánaðamótin sið-
ustu sagt upp störf-
um og gefið upp
sem ástæðu óánægju með launa-
kjör. Samtals höfðu þá um 250 kenn-
arar í heild verið að hverfa úr starfi
að meðtöldum þeim sem hætta
vegna aldurs, eða af öðrum ástæð-
um en beinnar óánægju með launa-
kjör. Alls starfa um 1400 kennarar í
gi’unnskólum borgarinnar. Því telst,
að sögn Ólafs Darra, vart óeðlilegt
þótt nokkur hópur fari á eftirlaun
eða breyti um starf.
Eiríkur Jónsson, formaður Kenn-
arasambandsins, sagðist í samtali við
DV ekki hafa heyrt um að kennarar
hefðu verið að hætta við að hætta.
Hann sagðist hins vegar vita um
nokkra þeirra sem sagt hafa upp hjá
Reykjavíkurborg og verið að ráða sig
annars staðar, m.a. til kennslu í
grannsveitarfélögum sem bjóða betri
kjör en Reykjavíkurborg gerir. -SÁ
^ Gisting í gistiheimilum í Eyjafirði:
Odýrara að gista
utan Akureyrar
DV, Akureyri:
í niðurstöðum verðkönnunar
Neytendasamtakanna um verð á
gistingu á gistiheimilum í Eyjafirði
og á Akureyri kemur fram að í öll-
um tilvikum nema einu er ódýrara
að gista utan Akureyrar. Könnunin
náði til 26 gistiheimila, og er helm-
ingur þeirra á Akureyri en hin
dreifð um allan Eyjafiörð og út í
Hrísey og Grímsey.
í könnuninni var spurt um verð á
gistingu í herbergjum með baði og i
herbergjum án baðs og um verð á
svefnpokaplássi og morgunverði.
Um beinan verðsamanburð var að
ræða og ekki lagt mat á þjónustu-
stig og aðbúnað sem er mismun-
andi. Gististaðirnir eru mismun-
andi hvað varðar húsnæði og innan-
stokksmuni. Sums staðar er t.d.
sjónvarp á öllum herbergjum eða
sameiginleg setustofa með sjón-
varpi, nokkrir staðir selja hádegis-
verð, kvöldverð og nesti, á mörgum
stöðum er aðgangur að eldhúsi og
þá er mjög mismunandi hver útiað-
staða er við gistiheimilin.
Af öðrum helstu niðurstöðum má
nefna að aðeins 6 staðir bjóða upp á
herbergi með baði og uppbúið rúm
fyrir einn, en 7 staðir bjóða upp á
slíka þjónustu í tveggja manna her-
bergi. Mesti verðmunur er á gist-
•ingu fyrir einn í uppbúnu rúmi í
herbergi án baðs, en sá munur var
133%. Minnsti verðmunur var hins
vegar á gistingu fyrir einn í upp-
búnu rúmi í herbergi með baði eða
12,8%.
í eins manns herbergi með baði
og uppbúnu rúmi er ódýrast að
gista á Öngulsstöðum III en dýrast á
Sveitahótelinu Sveinbjarnargerði
og munaði 11,4%. í tveggja manna
herbergi með baði og uppbúnu er
ódýrast að gista í Brekkuseli á Ak-
ureyri en dýrast á Gistiheimili Ak-
ureyrar þar sem fylgdi morgunverð-
ur og var verðmunur 32,1%. í upp-
búnu rúmi fyrir einn er ódýrast að
gista í Syðri-Haga í nágrenni Dal-
víkur en dýrast í Árgerði á Dalvík
og munaði 133,3% sem var mesti
verðmunur i könnuninni. í upp-
húnu rúmi í tveggja manna her-
bergi var ódýrast í Smáratúni á
Svalbarðseyri en dýrast í Gistiheim-
ili Akureyrar þar sem fylgdi morg-
unverður og munaði 68,6%.
í svefnpokaplássi var ódýrast í
Miðgörðum á Grenivík en dýrast á
Súlum, Akureyri, og munaði 58,3%.
í svefnpokaplássi fyrir tvo var
einnig ódýrast í Miðgörðum, Greni-
vík, en dýrast á Brekku í Hrísey og
munaði 50%.
-gk
Samningar um kortagerð
DV, Akranesi:
Grunnkortagerð af íslandi í
mælikvarða 1:50.000 hefur staðið
yfir frá 1959 á vegum Landmælinga
íslands (LMÍ) í samvinnu við
bandarísku kortastofnunina NIMA
(National Imagery and Mapping
Agency). Undanfarna mánuði hef-
ur varnarmálaskrifstofa utanríkis-
ráðuneytisins unnið að því í sam-
vinnu við umhverfisráðuneytið og
LMÍ að koma á viðræðum um
framhald samstarfs við NIMA um
kortagerð en það hefur legið niðri
um árabil. Dagana 4.-7. júní voru
fundir fulltrúa íslenskra stjórn-
valda með fulltrúum NIMA í Was-
hington.
Þeir voru haldnir í framhaldi af
viðræðum 9.-11. mars sl. á Akranesi
og í sendiráði íslands í Washington
19. nóvember 1998. Á síðasta fundi
var lokið við gerö rammasamnings
um kortagerð á milli NIMA og varn-
armálaskrifstofu utanríkisráðuneyt-
isins með beinni tilvísun í varnar-
samning íslands og Bandaríkjanna
frá 1951. Rammasamningurinn kem-
ur í stað samnings frá 1976 en þó í
breyttu formi vegna breyttrar tækni
og vinnuaðferða við kortagerð.
Samkvæmt nýja samningnum
bera LMÍ ábyrgð á framkvæmdinni
en í eldri samningi var gert ráð fyr-
ir að NIMA annaðist kortagerðina
án þess að settur væri tímarammi
eða tryggðar fjárveitingar til verks-
ins af hálfu Bandaríkjastjórnar.
Auk ofanritaðs kveður nýi samning-
urinn meðal annars á að LMÍ og
NIMA skiptast á gögnum og sér-
fræðiþekkingu við uppbyggingu
stafræns kortagrunns af íslandi.
Samkomulag um fjárframlag NIMA
til verkefnisins, aðstoð NIMA við
þjálfun starfsmanna LMÍ heima og í
Bandaríkjunum, aðgang og heimild
LMÍ til notkunar að prentuðum
kortum af íslandi sem varðveitt eru
hjá NIMA. -DVÓ
EPSON Microsoft COMPAtl
UTSALA
í DIGITALHÚSINU
VATNAGÖRÐUM 14
HEFST MÁNUDAGINN 21.6.
OPIÐ FRÁ KL.10 - 17
Mikill afsláttur af öllum tölvutengdum
vörum meðan birgðir endast.
Tölvur
Netþjónor
Skjáir
Pre ntaror
Örgjörvar
Minniskubbar
HarSir diskar
Myndskannar
o.fl. o.fl. o.fl.
Tæknival
♦MYUWnm FUIÍTSU TOSHIBA