Dagblaðið Vísir - DV - 27.09.2001, Blaðsíða 9
FIMMTUDAGUR 27. SEPTEMBER 2001
Fréttlr
Árni Mathiesen segir hagræöingarkröfu
aukast með auðlindagjaldi:
Höfum ekki
afskrifað einn
eða neinn
- erum að reyna að bregðast
við fyrirsjáanlegum breytingum
- Nú liggur fyrir niðurstaða
meirihluta endurskoðunar-
nefndarinnar og af ummælum
þínum hefur mátt skilja að
þetta meirihlutaálit verði
keyrt í gegnum þingið í formi
endurskoðaðra laga um fisk-
veiðistjórnun...
„Nei, það er ekki hugmyndin
að keyra þetta mál í gegn, eins og
þú orðar það, og ég vona að
menn skilji mig ekki þannig að
það standi til að fara í þetta með
einhverju offorsi. Nefndarálitið
er auðvitað sá grunnur sem við
þurfum að byggja á en þetta er
mál sem þarf að ræða bæði í rík-
isstjórn og í þingflokkunum, ekki
síst í þingflokkum stjórnarflokk-
anna. Ég vil líka undirstrika að
meirihlutaálitið er i samræmi við
skýrslu auðlindanefndar sem er
grundvallarplagg í þessari um-
ræðu líka. En ég undirstrika að
þetta er mál sem er nauðsynlegt
að fá góðan samhljóm um.“
Byggðaáhrif
- Ef menn viðurkenna þetta
sem grundvöll sjávarútvegs-
stefnunnar felst ekki í því mik-
ilvæg yfirlýsing í byggðamál-
um. Það er ekki hægt að skilja
tillögur meirihlutans öðruvísi
en svo að stefht sé að aukinni
hagræðingu og samþjöppun í
sjávarútvegi, en síðan séu sjáv-
arbyggðimar í raiui afskrifað-
ar sem byggðir sem byggja á
sjávarútvegi...
mrnmm.
Birgir Guðmundsson
fréttastjóri
„Nei, það er ekki hægt að orða
það sem svo að verið sé að af-
skrifa einn eða neinn.“
- En er ekki verið að tala um
að styrkja sjávarbyggðir til að
breyta úr sjávarútvegi yfir í
eitthvað annað og setja í þær
breytingat' þetta á milli 350 og
500 milljónir á ári?
„Þetta er villandi framsetning.
Menn eru að tala um að það hafi
þegar orðið víðtækar breytingar í
sjávarútvegi, með tilheyrandi
samþjöppun og framleiðniaukn-
ingu. Þær breytingar hafa leitt til
þess að störfum úti á landi - í
sjávarbyggðunum - hefur verið
að fækka, enda byggir lands-
byggðin í ríkari mæli á sjávarút-
vegi en aðrir. Þessi þróun mun
óhjákvæmilega halda áfram og
hún mun verða enn þá hraðari,
ekki síst vegna þess að við erum
að setja auðlindagjald á sjávarút-
veginn. Aðgerðimar, meirihlutaá-
litið gerir ráð fyrir og þú vísar
tO, eru þá til að bregðast við
þessari framtiðarþróun."
Hert á hagræðingu
- En eru menn ekki einmitt
að herða enn frekar á þessari
samþjöppun og byggðaröskun
með tillögum meirihlutans t.d.
með því að rýmka heimildir til
framsals og lyfta þakinu á há-
markinu sem hver útgerð má
eiga af heildarkvóta?
„Það er ekki verið að lyfta
heildarþakinu heldur breyta því.
Þakinu í einstaka tegundum er
lyft og það er ekki lengur gerður
greinarmunur á almennings-
hlutafélögum og öðrum. En þess-
ar breytingar eru frekar afleiðing
af þeirri þróun sem er þegar haf-
in og menn sjá fýrir sér að eigi
eftir að verða með auknum kröf-
um sem við erum að gera til sjáv-
arútvegsins um hagræðingu með
því að leggja á hann þessi gjöld.
Þú verður að athuga það, að af-
komutengda gjaldið er ekki bund-
ið við framlegð einstakra fyrir-
tækja heldur framlegð sjávarút-
vegsins í heild. Ekki bara við
framlegð í fiskveiðum heldur líka
í vinnsu, svo það verður ekkert
hægt að „fiffa“ neitt með því að
færa á milli veiða og vinnslu.
Þannig að þau fyrirtæki sem eru
með minni framlegð verða fyrir
gríðarlegum þrýstingi á meðan
þau fyrirtæki sem hafa góða
framlegð verða fyrir minni þrýst-
ingi af þessum sökum. Hagræð-
ingarkrafan sem auðlindagjaldið
setur á greinina er því mjög mik-
il. Miðað við gjöldin sem greinin
greiðir í dag, þá er margfeldið
sem aukningin nemur á bilinu
2,5-3, miðað við að í framtíðinni
náist að jafnaði sama framlegð og
var í greininni á fyrri hluta árs-
ins í ár.“
- Að álögur á sjávarútveg
tvö- til þrefaldist?
„Já, þegar þetta verður að fullu
komið til framkvæmda. Og það
er að mínu mati mjög mikið.
Mjög mikið.“
Færri í sjávarútvegi
- En ertu þá ekki í raun að
segja að menn séu að viður-
kenna að sjávarþorpin muni í
framtíðinni ekki koma til með
að lifa á fiski?
„Ja, miðað við þetta þá er ljóst
að það munu ekki eins margir
vinna við sjávarútveg og áður.
Það verða færri störf í sjávarút-
vegi, en hluta af þeim peningum,
sem falla til úr greininni, á að
nota til að vega á móti byggða-
röskuninni. En það er alls ekki
búið að afskrifa þessar byggðir
og það er ekki búið að afskrifa
það að sjávarútvegurinn verði
mikilvægur hluti atvinnulífsins í
þessum byggðum áfram. Það er
ekki gert ráð fyrir því að tekjurn-
ar í sjávarútveginum minnki og
það er heldur ekki gert ráð fyrir
því að sjávarútvegsfyrirtækin
flytji af landsbyggðinni til
Reykjavíkur - þvert á móti. Ef
það verður tilflutningur eða sam-
þjöppun á ég von á að það verði
þá frekar á milli staða á lands-
byggðinni. Það er með öðrum
orðum ekki verið að afskrifa eitt
eða neitt.“
- En menn eru að tala um
gjörbreytt landslag í atvinnu-
starfsemi í sjávarbyggðum...
„Það verða breytingar og það
hafa orðið breytingar. Við erum
að reyna að sjá þær fyrir og við
erum að reyna að bregðast við
þeim, þannig að þær komi okkur
ekki í opna skjöldu síðar.“
Nafn: Árni Mathiesen Staöa: Sjávarútvegsráöherra
Efni: Endurskoöun fiskveiöistefnu
Þannig að þau fyrírtœki
sem eru með minni fram-
legð verða fyrir gríðarleg-
um þrýstingi á meðan
þau fyrirtæki sem hafa
góða framlegð verða fyrír
minni þrýstingi af þess-
um sökum. Hagrœðingar-
krafan sem auðlinda-
gjaldið setur á greinina
er því mjög mikil. Miðað
við gjöldin sem greinin
greiðir í dag, þá er marg-
feldið sem aukningin
nemur á milinu 2,5-3,
miðað við að í framtíð-
inni náist að jafnaði
sama framlegð og var í
greininni á fyrri hluta
ársins í ár. “
Óskaleiö LÍÚ?
- Minnihlutamenn í endur-
skoðunamefndinni hafa bent á
að í tillögum meirihlutans
felist ekki miklar breytingar
og sumir þeirra, eins og t.d. Jó-
hann Ársælsson, tala um óska-
tillögur fyrir LÍU og stórút-
gerðina. Er þetta ekki óskaleið
LÍÚ?
„Ég held að það geti engin at-
vinnugrein óskað sér þess að
álögur á hana verði auknar með
þeim hætti sem hér er verið að
gera.“
- Fer það ekki eftir því við
hvað er miðað. Hefur ekki um-
ræðan snúist um aö ganga enn
lengra og þetta sé því það lág-
mark sem menn komast upp
með að leggja á?
„Augnablik! Vissulega hafa
sumir verið með hugmyndir um
meiri álögur og þar á meðal Jó-
hann Ársælsson sem hefur verið
með hugmyndir sem eru út úr
öllu korti. Það er einfaldlega ekki
hægt að tala um það í fullri al-
vöru að það sé óskastaða ein-
hverra að álögur á þá verði þre-
faldaðar."
Vönduð álit
- Ertu sáttur við vinnubrögð-
in í endurskoðunarnefndinni og
þau álit sem komið hafa fram?
„Ég tel að meirihlutaálitið sé
mjög vel unnið og Friðrik Már
Baldursson, formaður nefndar-
innar, er flinkur maður sem unn-
ið hefur gott verk við að stýra
þessu starfi. Ég get líka sagt að
mér finnst álit Kristins H. Gunn-
arssonar vera ágætlega unnið þó
ég sé ósammála þeim tillögum
sem hann kemur með. Það er
greinilegt að hann hefur ekki
kastað til þess höndunum og
hann er raunverulega að leita
sáttaleiöa. Sama má að mörgu
leyti segja um álit Árna Steinars.
Það er líka vel unnið og þar er
að finna flóknar tillögur og út-
reikninga sem augljóslega er út-
pælt og skipulega unnið. Það
hlýtur maður að virða þó maður
sé ekki tilbúinn að skrifa upp á
það. Hins vegar veldur álit Jó-
hanns Ársælssonar vonbrigðum
því þar þykir mér skina í gegn
að Samfylkingin hafi ákveðið að
fara með ófriði. Ég held að það sé
alveg klárt að Samfylkingin sé
ekki með þessu plaggi að reyna
að leita sátta í málnu. Það kemur
fátt nýtt fram þar og flokkurinn
virðist ætla að standa fast á sín-
um gömlu tillögum.“
Jeep Grand Cherokee LTD,
árg. 1999,4,7 I.
Verð kr. 4.250.000.
Dodge Durango sport,
árg. 1999,5,21, meö öllu.
Verð kr. 4.190.000.
Jeep Grand Cherokee LTD,
árg. 1996, ek. 68 þús. km.
Verð kr. 2.190.000.
Peugeot 406 st.,
7 manna, árg. 2001, ek. 8 þús. km.
Verð kr. 1.780.000.
Volvo V-40, árg. 1998,
ek. 53 þús km. 100% lán.
Verð kr. 1.490.000
Nissan Terrano II,
árg. 1996, ek. 85 þús. km.
Verð kr. 1.380.000.
MMC Space Wagon,
árg. 1998, sjálfsk., ek. 68 þús. km.
Verð kr. 1.380.000.
Subaru Legacy st.,
árg. 1998,5 gíra, ek. 75 þús. km.
Verð kr. 1.350.000.
Kia Sportage,
árg. 1996, sjálfsk., ek. 100 þús. km.
Verð kr. 890.000.
Lán„ajðÍa/lra hæfi
&>
BÍLASALA
AKUREYRAR HF
FREYJUNESI 2 • 603 AKUREYRI
SÍMI 461 2533 • FAX 461 2543