Dagblaðið Vísir - DV - 21.09.2002, Síða 14

14
LAUGARDAGUR 21. SEPTEMBER 2002
Fréttir
DV
Fasteignaverð myndi hækka austan Eyjafjarðar með Vaðlaheiðargöngum:
Vaðlaheiðargöngin aðeins
draumur heimamanna
Rannsóknastofnun Háskólans
á Akureyri hefur unnið skýrslu
fyrir Byggðastofnun um áhrif
samgöngubóta á byggöaþróun.
Meðal annars voru skoðuð áhrif
af þrennum jarðgöngum sem
rætt hefur verið um. Þetta eru
göng milli Arnarfjarðar og Dýra-
fjarðar, göng undir Vaðlaheiði
og göng milli Vopnafjarðar og
Héraðs. Þessir jarðgangakostir
hafa þau sameiginlegu meginein-
kenni að stytta vegalengdir milli
byggðakjarna, veita heilsársör-
yggi í samgöngum og stækka
þjónustu- og/eða atvinnusvæði.
Ferðaþjónusta ykist fyrir
vestan
Skýrsluhöfundar segja að
göngin á Vestfjörðum myndu
spara tíma á ferðalögum milli
sunnan- og norðanverðra Vest-
fjarða og lækka þar með ferða-
kostnað og auka öryggi vegfar-
enda. Ferðamennska myndi
aukast og líkur væru á að ýmis
þjónusta sem fólk á sunnanverð-
um fjörðunum hefur sótt tU höf-
uðborgarsvæðisins yrði sótt til
ísafjaröar. Ekki er þó fyrirsjáan-
legt að slík framkvæmd myndi
hafa mikil áhrif á stærð atvinnu-
svæða, fasteignaverð eða á rekst-
ur sveitarfélaganna á svæðinu,
né heldur þá þjónustu sem ríkið
sér um. Áhrifasvæði ganganna
er fámennt.
Stærra þjónustusvæði
Jarðgöng undir Vaðlaheiði
hafa hins vegar stærra áhrifa-
svæði þótt áhrif fyrir hvern veg-
faranda/íbúa kunni að verða
minni. Vaðlaheiðargöng verða til
þess að stækka þjónustusvæði
Akureyrar til austurs, þar sem
leiðin verður styttri og mun ör-
uggari/auðfarnari en nú er um
Víkurskarð. Stækkað atvinnu-
svæði i austur frá Akureyri er
ekki fjölmennt (um 500 íbúar).
Fastlega má gera ráð fyrir auk-
inni sókn Eyfirðinga í búsetu
austan heiðarinnar, annaðhvort
heilsársbúsetu eða sumarhúsa-
byggð. Göngin munu færa Húsa-
vík enn frekar inn á þjónustu-
svæði Akureyrar og kann það að
valda því að þjónustufyrirtæki á
Húsavík fá harðari samkeppni
vestan að en áður. Fasteignaverð
austan Vaðlaheiðar kann að
Mnspjöld
...i einiiin
oTæmiin!
* STAFRÆNÁ
PRENTSTOFAN
LETURPRENT
Síðumúla 22 - Sími: 533 3600
Netfang: stafprentöstafprent.is • Veffang: www.stafprent.is
segir aðstoöarmadur samgönguráðherra
Göng undir Vaðlaheiði eru Akureyringum mikið áhugamál. Ahrifin yrðu margvísleg en hugmyndin er þó aöeins á byrj-
unarstigi. Á myndinni er horft norður frá Akureyri til Vaölaheiðar aö vestan.
hækka eitthvað í kjölfar ganga-
gerðar, ekki síst hvað varðar
sumarhús. Gera má ráð fyrir að
skilyrði skapist til hagræðingar í
rekstri sveitarfélaga vegna ná-
lægðar þeirra sveitarfélaga sem
næst liggja Vaðlaheiði að austan-
verðu við hið fjölmenna svæði.
Ekki er hægt að sjá að áhrif
ganganna á þjónustu eða stjórn-
sýslu ríkis muni verða nein.
Einangrun rofin
Jarðgöng milli Vopnafjarðar
og Héraðs myndu valda þvi að
Vopnafjörður yrði ekki lengur sú
endastöð sem hann hefur verið
yfir veturinn og mun staðurinn
verða innan viðunandi vega-
lengdar frá Egilsstöðum allan
ársins hring. Enda þótt notendur
sem hafa ávinning af göngunum
séu ekki margir mun tímasparn-
aður og þar með lækkun ferða-
kostnaðar verða veruleg. Auk
þess verður ekki lengur um fjall-
vegi að fara og öryggi því veru-
lega bætt í vetrarferðum.
Vopnafjörður og Bakkafjörður
myndu tilheyra þjónustusvæði
Egilsstaða í ríkari mæli sem
myndi valda aukinni samkeppni
við heimaþjónustu þar. Svæðið
norðan Hellisheiðar eystri mun
eflaust færast frekar inn á ferða-
mannasvæði Austurlands en of
langt er þó á milli Vopnafjarðar
og Egilsstaða til þess að staðirn-
ir nái saman sem atvinnusvæði.
Göng um Hellisheiði myndu
bæta þjónustustig og ýmis lífs-
skilyrði í hreppunum norðan
Hellisheiðar.
Fjögurra milljarða fram-
kvæmd
Jarðgöng undir Vaðlaheiði
hafa mjög verið í umræðu og at-
hugun hjá norðanmönnum og
gerði Vegagerðin úttekt á þess-
um möguleika fyrir rúmum ára-
tug. Jarðfræðilegar aðstæður
hafa ekki verið skoðaðar að fullu
en búist er við að þær séu svip-
aðar og í Ólafsfjarðarmúla.
Meðalumferð ársins um Vikur-
skarð er um 730 bílar og sumar-
umferð um 1240 bílar sem þýðir
að umferðarmagnið krefst tví-
breiðra ganga. Miðað var við
munna í u.þ.b. 70 m y.s. við nú-
verandi veg nálægt Hallandsnesi
gegnt Akureyri og 160 m y.s. í
Fnjóskadal, ofan gömlu
Fnjóskárbrúarinnar við Vagla-
skóg. Gangalengdin yrði um 7,2
km og heildarkostnaður á núver-
andi verðlagi er áætlaður um 4
milljarðar. Stytting vegalengda
frá Eyjafirði til austurs yrði um
15 km.
Árin 1994-1998 var vegurinn
um Víkurskarð lokaður að með-
altali 1-2 daga á ári og moksturs-
dagar að jafnaði um 80. Snjó-
vandamál eru einkum á tiltölu-
lega stuttum kafla, eða rúmum
einum km, og hefur Vegagerðin
að undanförnu látið skoða mögu-
legar úrbætur þar.
Stytting vegalengda austur frá
Akureyri er um 15 km sem þýðir
að Vaglaskógur yrði í 19 km fjar-
lægð í stað 34 nú: styttingin nem-
ur 44%. 76 km yrðu milli Húsvík-
inga og Akureyringa í stað 91
(16%) og 84 km yrðu til Reykja-
hlíðar í stað 99 nú, svo dæmi séu
nefnd.
Bara framtíðarmúsík
í skýrslunni segir að ofan-
greind þrenn göng hafi verið til
umræðu og sé þau að finna í
Jarðgangaáætlun. Jakob Falur
Garðarsson, aðstoðarmaður sam-
gönguráðherra, segir það hins
vegar ranga staðhæfingu. Engin
göng séu á
slíkri áætlun
nema annars
vegar göngin
milli Fáskrúðs-
fjarðar og Reyð-
arQarðar og
hins vegar
Siglufjarðar-
göngin. Hins
vegar horfi
menn í fram-
haldinu til Arn-
arfjarðar og Dýrafjarðar og
stefnt skuli að rannsóknum bæði
vestan og austan lands á meðan
tvenn fyrstnefndu göngin verða
grafin.
Jakob Falur segir að Vaðla-
heiðar-, Vopnafjarðar- og Arnar-
fjarðargöng séu aðeins framtíð-
armúsík á þessum tímapunkti og
Vaðlaheiðargöng í raun lítið
meira en „draumur heima-
manna“. Það rnál sé engan veg-
inn komið í neinar áætlanir en
vilji heimamanna standi til þess
að ríkið komi til móts við einka-
aðila til að niðurgreiða gjaldið í
gegnum göngin. Talið er að
300-500 krónur séu hámarks-
gjaldtaka undir Vaðlaheiöi og að
óbreyttu þyrfti ríkið að leggja
fram um 75% framkvæmdafjár,
að sögn aðstoðarmanns sam-
gönguráðherra.
Engin göng til Eyja
Vestmannaeyingar eru í hópi
þeirra sem telja brýnt að fá sam-
göngubætur sem fyrst og voru
göng milli lands og Eyja skoðuð
á sínum tíma, eftir að Árni John-
sen, fyrrverandi þingmaður,
hafði hreyft við málinu. Hins
vegar reyndust berglög óhentug
til slíkrar framkvæmdar vegna
misgengis og er sá draumur
heimamanna því úr sögunni.
Jakob Falur
Garöarsson.
Stríðsástand í Áslands-
skóla
Stríðsástand hefur verið í Ás-
landsskóla i Hafnarfirði í vikunni.
Hafnarfjarðarbær sagði upp samn-
ingi við íslensku menntasamtökin
um rekstur skólans og um tíma
voru tveir skólastjórar mættir til
starfa við hann. í gær var sagt að
Skarphéðinn Gunnarsson, sem var
skólastjóri íslensku menntasam-
takanna, hefði samþykkt að halda
áfram kennslu við skólann sem
starfsmaöur Hafnarfjarðarbæjar,
undir skólastjóm Erlu Guðjóns-
dóttur. Enn er deilt um uppsögn
samningsins um rekstur skólans.
Lauk göngum fótbrotinn
Guðmundur Valtýsson gangna-
maður komst í hann krappan þegar
hann fótbrotnaði við upphaf gangna
á sunnudag. „Þetta var erfiður dag-
ur, því verður ekki neitað. Ég vildi
samt ljúka minu dagsverki, annað
kom ekki til greina," sagði Guð-
mundur sem leitaöi ekki læknis fyrr
en síðdegis. Var eftir því tekið að
göngum loknum að annað stígvél
Guðmundar var sverara en hitt.
Guðmundur harkaði af sér og neit-
aði að snerta gangnapela, hvorki
sinn né annarra sem buðu honum.
Óvenjulegt Skaftárhlaup
Hlaup var í Skaftá í vikunni og
náði það hámarki aðfaranótt
fimmtudags. Er hlaupið talið um
margt óvenjulegt. Hámarks-rennsl-
ið var um 700 rúmmetrar á sek-
úndu, svipað og í hlaupinu í sum-
ar, en heildarvatnsmagnið var tals-
vert meira. Talið er að hlaupið hafi
komið úr eystri sigkatlinum undir
Skaftárjökli en hlaupið í sumar
var úr þeim vestari.
Ákærum fjölgar
Ákærum ríkissaksóknara vegna
kynferðisbrota gegn bömum fjölg-
aði mikið á síðasta ári miðað við
árin á undan. 10 slíkar ákærur
voru lagðar fram 1998, árið 1999
voru þær 15, árið 2000 voru þær 11
en 28 í fyrra. 10 kærur hafa verið
lagðar fram á þessu ári. I hverri
ákæru getur verið um fleiri en eitt
brot að ræða gegn sama brotaþola.
Athygli vekur þó hversu fá brot af
þeim málum sem fara til skýrslu-
töku fyrir dómi í Barnahúsi eða
héraösdómi leiða til ákæru.
Geir stefnir á sæti Björns
Geir H.
Haarde fjármála-
ráðherra lýsti því
yfir í DV í gær að
hann sæktist eftir
öðru sæti í próf-
kjöri sjálfstæðis-
manna í Reykja-
vik. Er þar um að
ræða sæti Bjöms Bjarnasonar sem
segist stefna á eitt af efstu sætun-
um. Sem varaformanni flokksins
finnst Geir eðlilegt að hann skipi
næsta sæti á eftir formanninum og
leiði flokkinn í öðru kjördæmanna
í borginni. Björn segist stefna að
sem mestum stuðningi í prófkjör-
inu og af því má ráða að hér sé
ekki um beinan yfirlýstan slag að
ræða.