Dagblaðið Vísir - DV - 30.08.2003, Blaðsíða 31

LAUGARDAGUR 30. ÁGÚST2003 DV HELGARBLAÐ 35
breiðband, ætli að dreifa henni þar. Breið-
bandið er aðeins annað form á ríkissjónvarpi.
Þetta er einfaldlega samkeppni sem við
munum mæta."
- Nú segja margir að ekki sé pláss fyrir tvær
áskriftarstöðvar á íslenskum markaði og
sameining Stöðvar 2 og Skjás eins sé óumflýj-
anleg. Er þetta svo?
„Sjónvarpsheimili á fslandi eru nú um 102
þúsund og þeim fjölgar um 1-2% á ári. Það er
áreiðanlega hægt að reka fleiri en eina
áskriftarsjónvarpsstöð ef Ríkisútvarpið fer af
þessum markaði eins
og það er í dag.
Samkeppnisum-
hverfi einkastöðvanna
við Ríkisútvarpið er
auðvitað absúrd, án
þess að ég geti kennt
RÚV um fjárhagsvanda
Norðurljósa. Ég þreyt-
ist aldrei á að benda á
að það getur ekki verið
að ríkið geti tryggt RÚV
áskrifendur og leyft stofnuninni að selja aug-
lýsingar án þess að skylda þá til þess að
stunda ekki undirboð á auglýsingamarkaði.
Meðan samkeppnin er svona skökk þá
hlýtur ástandið vissulega að kalla á hagræð-
ingu hjá einkafyrirtækjum."
Norðurljós til sölu?
- Eru Norðurljós þá til sölu?
„Þú verður að ræða það við eigendurna."
- En ert þú ekki einn þeirra?
„Ég á örlítinn hlut."
- Er hann til sölu?
„Það er allt til sölu ef verðið er rétt."
- En er ekki mjög líklegt að þeir sem koma
inn með nýtt hlutafé vilji samruna stöðvanna
til þess að losna við samkeppnina?
„Það er alltaf gott að losna við samkeppn-
ina en það er alveg sama hvað menn kaupa
margar stöðvar - alltaf verður pláss fyrir nýj-
ar stöðvar. Þótt sjónvarpstíðnir séu ekki
margar í boði í augnablikinu þá eru margvís-
legir möguleikar á því sviði á næsta leiti. Það
er alltaf verið að boða tilkomu nýrrar stöðvar
sem heitir Stöð eitt en ekkert gerist. Síðasti
bjartsýnismaðurinn er vonandi ekki fæddur í
þessum bransa."
Að kaupa samkeppnina
- Nú hafa Norðurljós oft stundað það að
kaupa upp samkeppnina og nægir að benda
á Stöð 3, Sýn og Fínan miðil sem dæmi. Mun-
uð þið ekki gera þetta enn einu sinni?
„Stöð 3 var ónýt og komin að fótum fram
og þar skiptu menn aðeins á hlutabréfum og
það fóru engir peningar út í því dæmi fyrr en
Norðurljós voru stofnuð. Fínn miðill var seld-
ur okkur árið 2000 eftir tveggja ára barning og
verðið lækkaði stöðugt allan tímann. Sýn var
aldrei komin í neina samkeppni við Stöð 2
þegar hún var keypt," segir Sigurður og er
augljóslega ekki sáttur við þá söguskoðun að
Norðurljós hafi stundað uppkaup á sam-
keppni.
Það er ekkert upp á hann að klaga
- Síðasta uppsögnin á Stöð 2, þegar Árna
Snævarr fréttamanni var sagt upp, hefur vak-
ið nokkra athygli. Líklega tengja flestir upp-
sögn hans við upphlaup sem varð á frétta-
stofu Stöðvar 2 þegar uppskátt varð að einn
eigandi Norðurljósa, Sigurjón Sighvatsson,
hafði reynt að stöðva útsendingu fréttar um
að Kaupþing Búnaðarbanki hefði boðið Geir
Haarde fjármálaráðherra í lax. í framhaldinu
lýsti Sigurður þvi yfir að sá sem lekið hefði
þeim atburðum til netmiðla yrði látinn fara
samstundis. Var Árni Snævarr sá sem kjaft-
aði?
„Þetta eru algerlega óskyldir atburðir. Það
var þannig að í vor, þegar menn fóru að
skoða tillögur um breytt vaktafyrirkomulag
sem myndi leiða til fækkunar fréttamanna,
þá lá fýrir að segja þyrfti upp 6-7 fréttamönn-
um. í vor var sagt upp Olöfu Rún, Huldu
Gunnarsdóttur, Margréti Stefáns og Bryndísi
Hólm. Þá var engum karlmanni sagt upp en
tveir karlmenn voru þá að fara í leyfi. Sumar-
afleysingar í íslandi í dag gengu ekki upp og
við ákváðum að biðja Árna Snævarr að taka
það mál að sér, sem hann gerði og leysti það
með prýði.
- Miðað við tímasetninguna þá er þetta
ekki mjög sannfærandi og því trúa áreiðan-
lega fáir að þessir atburðir séu ekki tengdir.
„Þetta er nú samt sannleikurinn, hvort sem
það er trúverðugt eða ekki. Uppsögn hans
hafði ekkert með þetta upphlaup á fréttastof-
unni að gera. Ég hef ekkert upp á Árna Snæv-
arr að klaga.
Ég sagði á fundi með starfsmönnum að sá
sem hefði lekið myndi fara út á stundinni, án
launa á uppsagnarfresti, en Árni Snævarr
verður á fullum launum hjá okkur út sinn
uppsagnarfrest."
Skoruðu sjálfsmark
- En var þá uppivaðandi ritskoðun eigenda
á fréttastofimni?
„Mér er það vel ljóst hve mikilvægt er að
fréttastofan haldi sjálfstæði sínu og hef ekki
lagt það í vana minn að fylgjast með því hvað
er í fréttum. Það sem ergði mig var að þegar
þetta gerðist var eðlilegt að fréttastofan
ræddi þessi mál við yflrmenn og innan fyrir-
tækisins áður en því væri lekið í netmiðla.
Það vissu engir um þetta nema þröngur hóp-
ur inni á fréttastofunni og þaðan kemur lek-
inn um efni þeirrar fréttar sem málið snerist
um. Fréttamennirnir sjálfir kusu að skora
þarna sjálfsmark. Þarna voru gerð mistök,
bæði hjá fréttamönnunum og þeirh stjórnar-
manni sem hringdi í fréttastjórann til að
stöðva fréttina. Það er ekki rétt boðleið innah
fýrirtækisins og þannig á ekki að fara að hlut-
unum og það em ekki eðlileg vinnubrögð í
neinu fyrirtæki.
Það er enginn sigurvegari í svona leik, þar
sem menn skora sjálfsmörk í stað þess að
leysa málin í samningaviðræðum."
- Varð einhver skaði hvað varðar trúverð-
ugleika fréttastofunnar þegar upp er staðið?
„Fréttin fór í loftið óbreytt svo ég tel að
skaðinn sé enginn. Ég held að menn ættu
bara að koma fram og skýra frá tilvikum af
þessu tagi ef þeir telja sig hafa orðið fyrir
þrýstingi eða ritskoðun frá eigendum fjöl-
miðla og þá á ég ekki bara við Stöð 2. Sumar
fréttir fara aldrei í loftið þótt þær séu tilbún-
ar. Ég vona að þetta upphlaup hafi ekki skað-
að fréttastofuna."
- Sé það rétt að uppsögn Árna og „upp-
hlaupið" á fréttastofimni séu óskyldir at-
burðir, hefði þá ekki verið skynsamlegt að
bíða með uppsögn hans til að varðveita trú-
verðugleika fréttastofunnar?
„Það verður að hafa verkefni fyrir alla
starfsmenn. Árni er enn í vinnu hjá okkur og
vinnuréttarsamband hans við okkur er enn í
gildi. Sá trúnaður sem kveðið er á um í ráðn-
ingarsamningi fellur síðan aldrei úr gildi."
Ást við fyrstu sýn
- Að lokum berst talið að málverkaeign Sig-
urðar en sérstætt málverk eftir Hallgrím
Helgason af Davíð Oddssyni forsætisráð-
herra, í hlutverki teiknimyndapersónunnar
Grim, vakti athygli sjónvarpsáhorfenda þar
sem það hékk á skrifstofu Sigurðar. Þegar
Hallgrfmur opnaði sýningu sína í Gerðarsafni
í Kópavogi fyrr á þessu ári vakti það athygli
gesta að þetta var eina myndin sem var þegar
seld. Langaði þig svona mikið í mynd af Dav-
íð, Sigurður?
„Ég keypti þessa mynd ekki af Hallgrími
heldur Friðriki Weisshappel sem var fyrsti
eigandi hennar. Mér finnst þetta góð mynd
og á fleiri myndir eftir Hallgrím. Mér finnst
þetta góðjnynd."
- Sigurður segist ekki kaupa málverk sem
fjárfestingu heldur vilji hann aðeins eiga
myndir sem honum fmnast góðar. Það eru
fyrstu áhrifin sem heilla hann og hann segist
hafa keypt fyrstu myndina sfna árið 1976, á
sýningu í Norræna húsinu, þegar hann var
lögfræðistúdent. Það var mynd eftir norskan
málara, Viktor Sparre. Næsta mynd sem ,
hann eignaðist var lítil klippimynd eftir Þor-
vald Skúlason. En hvaða listamenn er að
finna í safni Sigurðar:
„Hallgrím Helgason, Birgi Andrésson, Sig-
urð Örlygsson, Sigurð Árna Sigurðsson, Krist-
ján Davíðsson, Karl Kvaran, Önnu Jóelsdótt-
ur, Gabríellu Friðriksdóttur, Karólfnu Lárus-
dóttur, Vigni Jóhannsson og Jónas Viðar."
- Ertu hrifnari af yngri listamönnum en
eldri?
„Ég kaupi bara af lifandi listamönnum."
- Er þetta fjárfesting eða ástríða?
„Ég hef aldrei hugsað um þetta sem fjár-
festingu. Ég fer eftir þeim áhrifum sem
myndin hefur á mig í fyrsta sinn. Það má
segja að það verði að vera ást við fýrstu sýn."
polli@dv.is
MYNDIN AF DAVÍÐ: Sigurður segist kaupa myndir
sem hann hrífst af við fyrstu sýn. Þessa mynd af teikni-
myndapersónunni Grim í líki Davíðs Oddssonar mál-
aði Hallgrímur Helgason.
„Við höfum veríð menn til að
takast á um hlutina, án þess að
bera það á torg, þegar við erum
ekki sammála. En við virðum
skoðanir hvor annars og allar
sögur um trúnaðarbrest okkar í
milli eru þvættingur."
Aldrei verið sagt upp
Við förum að tala um fólk og þá 70 starfs-
menn sem hafa hætt hjá Norðurljósum og
Sigurður segir að fæstar þeirra uppsagna hafi
verið fjölmiðlamál en
segir að uppsagnir séu
ótvírætt það erfiðasta
sem nokkur stjórnandi
gerir. En er til einhver
aðferðafræði til þess
að gera uppsagnir létt-
bærari fyrir fólk?
„Nei. Það er engin
leið fram hjá því. Þetta
er hörmulegt starf að
þurfa að segja upp
fólki sem maður hefur unnið með lengi.
Flestir halda andlitinu meðan á þessu stend-
ur en viðbrögðin eru yfirleitt þau sömu sem
eru reiði og höfnunartilfinning."
- Hefur þú staðið í þessum sporum?
„Nei, það hef ég ekki. Ég hef yfirleitt unnið
hjá sjálfum mér þangað til núna."
- Hver segir þér upp ef til þess kemur?
„Það kemur væntanlega í hlut stjórnarfor-
manns, Jóns Ólafssonar."
- Er samstarf ykkar alltaf jafn gott?
„Samstarf okkar hefur alltaf verið gott þótt
við séum ekki alltaf sammála."
- Nú ganga sögur um það í viðskiptalífmu
að milli ykkar hafi orðið trúnaðarbrestur
vegna fjárhagsskuldbindinga sem ekki hafi
verið staðið við. Er eitthvað hæft í því?
„Við höfum verið menn til að takast á um
hlutina án þess að bera það á torg þegar við
erum ekki sammála. En við virðum skoðanir
hvor annars og allar sögur um trúnaðarbrest
okkar í milli eru þvættingur."
- Hefur þú einhvern tímann séð eftir því að
hafa skipt á Iögfræðinni og forstjórastólnum?
„Ekki eina mínútu."