Dagblaðið - 18.09.1976, Blaðsíða 3

DAGBLAÐIÐ. LAUGARDAGUR 18. SEPTEMBER 1976.
r
íslendingar myndu aldrei fá
bjórvömb, sem þessa. Eða er
það?
Leyfum
bjór!
Örn Asmundsson skrifar:
„Það er kunnara en frá þurfi
að segja að erlendir ferðamenn
reka upp stór augu er þeir
frétta að barir hérlendis eru
lokaðir á miðvikudögum. Augu
þeirra stækka enn frekar og
verða eins og undirskálar er
þeir frétta að engum má hleypa
inn í veitingahús eftir kl. 11.30
— og öll veitingahús verða að
loka kl. 1 á föstudögum og
sunnudögum en 2 á laugar-
dögum.
Þó verða augu þeirra stærst,
rétt eins og myndarlegir matar-
diskar, er þeir frétta að hér á
landi má ekki selja bjór. Það
finnst þeim stórfurðulegt að
þennan eðla drykk skuli ekki
leyft að selja, þó ekki væri
nema í vínbúðum. Já, margt
finnst útlendingum undarlegt í
fari okkar Islendinga, þó ef til
vill bjórbannið og lokun
sjónvarps í heilan mánuð veki
mesta furðu þeirra.
Það er bjargföst sannfæring
mín að bjór ætti að selja í
vínbúðum hér á landi. Þá fyrst
minnkaði drykkja hér á landi
enda samdóma álit erlendra
aðila að svo færi.
Það er ekki minnsta vafa
undirorpið að ef bjórdrykkja
væri leyfð hér á landi mytidi
neyzla sterkra drykkja minnka
stórlega. Þar með breyttust
drykkjuvenjur Islendinga og ég
held flestir hljóti að vera sam-
mála mér um að þar er ekki
vanþörf á. Jafnframt því myndi
afbrotum vegna ofdrykkju
fækka.
Því hefur oft verið haldið
fram af andstæðingum bjórsins
að fljótlega yrði bjórvömb
orðin einkenni íslendinga ef
bjórinn yrði leyfður.
tslendingar kunni sér ekki hóf
og myndu þamba bjór í tíma og
ótíma.
Þarna er ég á öndverðum
meiði því ég tel að aðstæður hér
á landi komi einmitt í veg fyrir
slíkt. Erlendis er mjög vinsælt
að sitja úti í sólinni og drekka
bjór. Veðurfarið hér á landi
leyfir ekki slíkt og því fellur sú
kenning um sjálfa sig.
Nei, það væri íslendingum til
góðs að leyfa bjórdrykkju hér á
landi. Við framleiðum þegar
einhvern bezta bjór í heimi og
er synd að íslendingum skuli
ekki leyft að njóta hans. Boð og
bönn er ganga gegn réttlætis-
vitund almennings leiða aldrei
gott af sér. Það vita menn af
reynslunni. Bjórbann á íslandi
stríðir gegn réttlætisvitund al-
mennings. Því ætti löggjafinn
að sjá að sér og leyfa bjórinn.
Þá er ég aldeilis viss um að
Alþingi myndi öðlast hlut af
þeirri virðingu er það hefur
glatað undanfarin ár. Já, þarna
er tækifæri til að gera eins og
almenningsálitið vill Lög-
gjafans er ekki að segja fólkinu
hvað það vill, heldur gera eins
og fólkið vill. Það er heil-
brigður hugsunarháttur."
Þeirra er mátturinn,
dýrðin og hrokinn!
— segir lesandi, sem nú flettir blöðunum eftir sumarfriið og finnst nðg um
hvernig staðið er að útgáfu 10 þús. króna seðilsins
Akureyringur sem hefur verið
að fletta blöðum eftir sumar-
leyfið skrifar:
Hafi nokkur maður nokkurn
tímann efazt um hvers er rikið,
mátturinn og dýrðin hérlendis,
þá ætti minnsti vafi að víkja
eftir Iestur fréttar Dagblaðsins
7. ágúst sl. um tíuþúsundkall-
inn.
Björn einhver Tryggvason
hjá Seðlabankanum segir þar
frá undirbúningi að útgáfu
seðilsins. Allt virðist klappað
og klárt, utan eitt smáatriði:
Ekki er enn búið að fá leyfi
fyrir seðlinum.
Er ekki lágmark að þessir
embættismenn og nefndakóng-
ar Seðlabankans starfi eftir
settum reglum? Þeir eiga ekki
landið ennþá þótt þeir geri
tilkall til þess.
Fyrst er að fá umboð þjóðar-
innar, leyfi til að gefa seðilinn
út, síðan geta þeir pantað frum-
tillögur o.þ.h. frá Wilkinson
sjálfum i Englandi, en ekki
fyrr.
Kirkjur landsins setja mikinn svip á umhverfi sitt og Reykvíkingar myndu sjálfsagt sakna Hallgríms-
kirkju ef hún hyrfi af sjónarsviðinu.
ERUM VIÐ TRÚLAUSIR?
Efnishyggjumaður skrifar:
„íslendingar, margir ykkar
eru trúlausir en þið eruð þrátt
fyrir það í íslenzku þjóð-
kirkjunni. Það er sagt kosta
mikla fyrirhöfn að segja sig úr
henni. I raun og veru þarf
aðeins að fylla út eyðublað á
Manntalsskrifstofunni í Skúla-
túni 2. Fólk utan af lan’di getur
haft samband við Hagstofu
íslands. Sá fjöldi sem er í þjóð-
h
kirkjunni gefur alls ekki rétta
mynd af trúnni.
Drepið ykkur úr dróma og
farið á Manntalsskrifstofuna,
þá mun íslenzka þjóðkirkjan
ekki standa lengi undir nafni.“
Hrói höttur slœm fyrirmynd borna
Faðir hafði samband við DB:
,,Það er ekki ofsögum sagt
af því hve sjónvarpið hefur
mikil áhrif á börn. Myndirnar
um Hróa hött komu af stað
bogafaraldri hér í hverfinu, ef
nefna má þetta svo. Hér ruku
allir strákar upp til handa og
fóta og útveguðu sér á einhvern
hátt boga. Svo var örvadrífan i
allar áttir. Drengirnir tálga þær
þannig til að þær geta verið
stórhættulegar og það hefur
einnig sannazt. Fyrir nokkrum
dögum var 9 ára drengur á leið
heim til sín úr skólanum.
Drengirnir voru með þessi
leikföng sín og skutu í allar
áttir. Ein örin hæfði drenginn í
augað og það hafði hræðilegar
afleiðingar, hann missti augað.
Þetta er aðeins ein saga, sem
ég þekki til, og við skulum bara
vona að ekki sé til önnur sam-
bærileg. En þessir háu herrar
hjá sjónvarpinu ættu að hugsa
sig tvisvar um áður en þeir
sýna okkur alls kyns vitleysu
sem þeir eru ekki dómbærir á
hvaða afleiðingar hefur í för
með sér. Til starfa við val
mynda mega ekki veljast
óhæfir menn. Þar verður að
vanda valið og sleppa allri
frændsemi og kunningsskap.
Það getur haft alvarlegar af-
leiðingar.“
SIGURPÁLL EINARSSON
BEÐINN UM AÐ SVARA
— spurningar frá Jóni Kr. Ólsen úr Keflavik
Jón Kr. Öisen í Kelavík sendi
blaðinu eftirfarandi:
,,Ég vil koma á framfæri
nokkrum spurningum til Sigur-
páls Einarssonar skipstjóra úr
Grindavík. Tilefnið er ummæli
hans í DB þann 14. september
sl.
1. Hverjir eru „þeir" sem
sjómenn sjálfir treysta?
2. Hverjir eru „þeir“ eða
„öðrum traustum mönnum"?
3. Var þátttaka sjómanna í
síðustu atkvæðagreiðslu um
bátakjarasamningana minni nú
en verið hefur í atkvæða-
greiðslu um kjarasamninga
sjómanna t.d. síðustu 10-15 árin
eða þá yfir lengra tímabil?
4. Hvaða rök færir þú f.vrir því
að sjómönnum yrði betur
ágengt í kjaramálum með
samruna allra sjómanna í ein
heildarsamtök?
5. Hvernig á sú pólitíska stjórn
Sjómannasambandsins að vera
sem taka á við stjórn svo sam-
tökin klofni ekki?
5. Hvaða pólitísku öfl eru að
vinna ákveðnum mönnum
„fylgi" „sem sjómenn gætu
ekki sætt sig við sem leiðtoga"?
/
Spurning
dagsins
Telurðu að það sé
grundvöllur
fyrir bvltingu ó
íslandi i dag?
Hafliði Halldórsson forstjóri:
Nei, ég held varla, að Islendingar
séu svo vitlausir að hafa áhuga á
slíku.
Bjartmar Pálmason, verk-
fræðingur: Nei, ætli það. Það gæti
þó þróazt f þá átt.
Eiín Jóhannesdóttir húsmóðir:
Nei, ég reikna ekki með því svona
í nánustu framtíð.
Olöf Vilhelmsdóttir, húsmóðir:
Nei, það efast ég um. Það er bara
viss þröngur hópur sem er þannig
sinnaður, meirihlutinn er andvíg-
ur byltingu.
Þórir Dagbjartsson sjómaður: Ja,
ég held að það sé alltaf grund-
völlur fyrir byltingu á hvaða tíma
sem er.
Guðmundur J. Guðmundsson:
Alveg ábyggilega ekki, en þörfin
er brýn. Astandið er svo ferlegt
að ég hefði feginn viljað skipta
við flugræningjana sem lentu hér
um daginn á farþegunum og ríkis-
stjórninni.