Ársrit Ræktunarfélags Norðurlands - 01.01.1962, Blaðsíða 26
20
Um 40 (38—45) sog- og þrýstitímabil á mínútu er hæfi-
legt, en það svarar til þess, að skiptirinn slái 80 (76—90) ein-
föld slög á mínútu. Hraðari skipting eykur ekki mjalta-
hraðann, gefur aðeins styttri boga og ófullnægjandi tæm-
ingu spenanna í hvert sinn. Hægari slagskipting gerir sog-
tímabilin of löng, lengri en þarf tii þess að tæma spenana
og úr því verður tómmjöltun á hluta af tímabilinu. Hreyf-
ingum sogskiptisins stjórnar lágþrýstingurinn í mjaltakerf-
inu eða rafsegull, er stendur í sambandi við smá rafal með
straumrofa, sem er tengdur dælunni.
Rafsegulsogskiptirinn er ekki hægt að stilla. Hann stjórn-
ast af straumrofa, sem helur fastákveðinn hraða. Allar vél-
ar á sama kerfi hafa því sama hraða á sogskiptir frá upp-
hafi. Hana og skiptira í kerfinu á að hirða vel en þá má
ekki smyrja.
Lágþrýstisogskiptarnir eru knúðir af bullum eða þynn-
um og þá er venjulega hægt að stilla.
Bulluslagskiptana á að smyrja með sérstakri slagskipta-
olíu, en þeim má ekki dýfa í vatn. Hægt er að hreinsa þá
með steinolíu. Olían, sem þessir skiptar eru smurðir með,
þykknar í kulda og því á helzt að geyrna þá í fjóshita, ann-
ars er hætt við að þeir hægi á sér meðan þeir eru að hlýna.
Þynnuslagskiptana má ekki smyrja. Þeir eru ekki við-
kvæmir fyrir hitabreytingum og þá má hreinsa með vatni
og spritti.
Alla sogskipta þarf að hirða vandlega. Stíflist síur og
leiðslur raskast gangur þeirra. Ekki má nota málmhluti við
að hreinsa loftleiðslurnar, því ef þessir fíngerðu gangar
víkka, breytist gangur sogskiptisins. Bezt er að hreinsa þá
með þrýstilofti (hjólhestadælu).
Gangi sogskiptir óreglulega fara mjaltirnar úr lagi. Hver
smá röskun á sogskiptir getur verið skaðleg og því er ástæða
til að gefa þessu góðan gaum. Bilunin orsakast oftast af
stíflum, sliti eða lélegri smurningu.