Frjáls verslun - 01.09.1998, Side 35

STJÓRNUN ■■■■■■
þróa sína stjórnunarhætti og mér er
mjög umhugað um að konur geri það;
að þær gefist ekki upp á þessum
stjórnunarstíl sem byggir á samvinnu
og sveigjanleika og haldi jafiiframt
valdi sínu sem stjórnendur.”
Þórkatla telur að kvenkyns stjórn-
andi geti vel stjórnað karlavinnustað
með stjórnunarstíl konu en það fari þó
eftir stjórnandanum. Karlmenn geti
auðveldlega lagað sig að þessum
stjórnunarstíl því að þeir viðurkenni
yfirmann sinn mun fyrr og auðveldar
en konur. Karlarnir setji auðvitað sitt
mark á störfin en stjórnandanum sé
kannski umhugaðast um að verkin
séu gerð á ásættanlegan hátt og hafi
ekki áhyggjur af því meðan ekki rísa
upp nein vandamál. Mestu skipti að
fólki líði vel í vinnunni. Flesta stjórn-
endur taki dálítinn tíma að finna sinn
stíl eftir verkefnum og starfsfólki. Þeir
þroskist svo í starfi.
ALDREIAÐ GAGNRÝNA í REIÐI
Gagnrýni er mikilvæg í stjórnun og
margir eiga erfitt með að gagnrýna,
konur þó heldur erfiðara en karlar.
Þórkatla telur að allir, bæði karlar og
konur, þurfi að læra að gagnrýna en
stjórnendur þurfi að vera færir um að
setja fram gagnrýni án þess að úr því
verði stórmál, þeir þurfi að kunna að
gera það á réttan hátt þannig að inni-
haldið fari ekki á milli mála. Stjórn-
endurnir þurfi að leiðbeina sínum
starfsmönnum og gagnrýna hegðun
eða verk, ekki persónur. Hún minnir á
að gagnrýni megi aldrei eiga sér stað
í reiði því að þá skynji starfsmennirn-
ir bara reiðina, skilaboð stjórnandans
fari fyrir ofan garð og neðan.
„Ef stjórnandinn verður reiður þarf
honum að renna reiðin fýrst. Hann
þarf að hafa stjórn á tilfinningum sín-
um þegar hann setur fram gagnrýni,
vera yfirvegaður og rólegur en ekki
hræddur við að segja hlutina eins og
honum finnst þeir vera. Hann þarf að
hlusta á svörin. Þar kemur líka inn
þessi virðing sem verður að vera í öll-
um samskiptum fólks. Það gleymist
stundum að hlusta því að við verðum
svo stressuð þegar við setjum fram
gagnrýni að við tölum í belg og biðu
og komum í veg fyrir að starfsmaður-
inn komist að. Við erum svo hrædd
um að hann sé móðgaður og viljum
ósjálfrátt ekki heyra það. Starfsmaður-
inn reikar út og hefur ekki fengið svig-
rúm til að segja frá sinni hlið á mál-
um,” segir hún.
„Það er allt í lagi að fólk réttlæti sig,
útskýri eða afsaki sig. Það er ekki þar
með sagt að stjórnandinn skipti um
skoðun á því sem hann hefur sagt. Eft-
„Konur hafa óskýrari mörk á milli einkalífs
og vinnu en karlar,” segir Þórkatla.
ir stendur að ekki er hægt að leyfa
þessa framkomu á vinnustaðnum. Síð-
an þarf stjórnandinn að spyija fólk
hvernig það vilji leysa málið. Það get-
ur vel verið að fólk sé búið að hugsa
sjálft um einhveijar lausnir og þá er
það fínt. Síðan þarf alltaf að fylgja
þessu eftir þannig að það sé hægt að
ljúka málinu,” segir Þórkatla að lok-
um. BO
h
háfea
ÁFRAM VEGINN...
Háfell er vaxandi fyrirtæki á sviði jarðvinnu, semfagnar 20 ára afmæli
um þessar mundir. Helstu verkkaupar eru ríki og sveitarfélög. Meðal
verkefna síðustu ára má nefna nýja tengingu Suðurlandsvegar,breikkun
Miklubrautar, ný hverfi í Reykjavík, Kópavogi og Hafnarfirði. Einnig nýr
vegur yfir Fljótsheiði, jarðvinna við álver á Grundartanga
35