Fregnir - 01.12.1994, Blaðsíða 3
FREGNIR
ekki endanlega leyst. Þegar starfi nefndarinnar lauk, var ekki talin
ástæða til að þýða Evrópustaðalinn þegar hann kemur út og fjármagn
nefndarinnar var reyndar einnig á þrotum.
Tækninefnd um þjóðlegar kröfur til upplýsingatækni
Fagráð í upplýsingatækni boðaði til stofnfundar tækninefndar um
þjóðlegar kröfur til upplýsingatækni, þann 9. nóvember 1994 og var
rúmlega 20 hagsmunaaðilum boðið að tilnefna fulltrúa sína í þá
tækninefnd, þar á meðal Félagi bókasafnsfræðinga.
Verkefni tækninefndar um þjóðlegar kröfur til upplýsingatækni er
tvíþætt. I fyrsta lagi að ná samstöðu um þjóðlegar kröfur hérlendis
til upplýsingatækni til útgáfu í íslenskum forstaðli og í öðru lagi að
kynna niðurstöður innanlands sem utan og koma þeim inn í
Evrópuskrá um þjóðarkröfur til UT, bæði á læsilegu og tölvutæku
formi. Tilgangur þessa starfs er að íslenskar sérkröfur til
upplýsingatækni séu skýrar og upplýsingar um þær aðgengilegar
framleiðendum og öðrum sem þurfa af þeim að vita. Markmiðið er
að ljúka gerð tillagna að íslenskum forstaðli um þjóðlegar kröfur
innan 6 mánaða og kynna þær á opnum fundi í fagráðinu og að fá
forstaðalinn samþykktan innan árs og skráðan inn í Evrópuskrá
samtímis.
Á stofnfundinum kom fram eftirfarandi tillaga um innihald íslenska
forstaðalsins: íslenska stafrófið, önnur algeng rittákn og notkun
þeirra, tákntöflur, eiginleikar bókstafa, röðunarreglur,
umritunarreglur, leiðbeiningar um útlit stafa í leturgerðum,
hnappaborð, ritun talna almennt, ritun peningaupphæða, ritun
dagsetninga og tíma, skammstöfun á heitum vikudaga og mánaða,
mannanafnahefð, orðskiptingar, beygingar og stafsetning og fleiri
atriði efástœða er til.
Stefanía Júlíusdóttir lektor. Fulltrúi Félags bókasafnsfræðinga í
tækninefnd um þjóðlegar kröfur til upplýsingatækni.
3