Helgarpósturinn - 05.12.1994, Blaðsíða 18
Sendu jóíapakkana og
jólapóstinn með DHL
Við erum ódýrari en Pósturinn
Það er ódýrara að senda jólakortin til útlanda með
sendibréfaþjónustu DHL en með hefðbundnum
flugpósti.
Ef þú ert með 20 jólakort eða fleiri sækjum við þau
heim til þín endurgjaldslaust.
ATH Skilið bréfunum ófrímerktum.
MIKILVÆCAR DACSETNINCAR
Síðasti dagur til að senda jólakort til einstakra
landa er:
► / 6. des. Til Norðurlandanna.
► / 5. des. Til Evrópu.
► 12. des. Til USA, Kanada og annarra landa.
Jólapakkar
Við gefum þér 2 auka vikur!
Það er engin ástæða til að láta
jólapakkana og jólamatinn velkjast
um í pósti í nokkrar vikur. DHL kemur
jólapökkunum hratt og örugglega heim til viðtakenda.
Síðasti skiladagur er 19. des
EINFALT ÞÆCILECT ODYRT
Jólatilboð ódýrara en þig grunar!
WORLDW/DE EXPRESS
DHL HRAÐFLUTNINGAR HF, Faxafen 9 108 Reykjavík
Sími 568 9822
DHL - fljótari en jólasveinninn
Ritstjórar Suðurnesjablaðanna
Víkurfrétta oq Beztablaðsins í stríði
Páll Ketilsson „Hann er ósáttur við að hafa þurft
að fara úr þessu fyrirtæki.“
Emil Páll Jónsson „Þótt ég hafi átt síðasta leik
gerði ég það af illri nauðsyn."
Saka hvor
annan um
dylgjurog
skrtkast
„Það sem mér finnst helst
vera að brjótast um í Emil
Páli er að hann er ósáttur
við að hafa þurft að fara úr
þessu fyrirtæki og notar
núna hvert tækifæri sem
hann fær til að sverta mann-
orð mitt. Kannski er þetta
einhver öfund í honum yfir
því að mér hefur gengið
vél,“ segir Páll Ketilsson,
ritstjóri Suðurnesjablaðsins
Víkurfrétta en hann og fyrr-
verandi samstarfsmaður
hans, Emil Páll Jónsson, sem
nú er ritstjóri Beztablaðsins,
hafa undanfarnar vikur háð
harðvítugt stríð á síðum
blaða sinna. Þeir félagar hafa
verið ósparir á stóru orðin í
skrifúm sínum og saka hvor
annan um dylgjur og skít-
kast. Mjög köldu andar aug-
sýnilega milli Emils og Páls
sem áttu Víkurfréttir til
helminga í tólf ár, eða þar til
í fyrrahaust þegar slitnaði
upp úr samstarfinu og Páll
eignaðist blaðið að fullu.
Emil Páll setti þá á fót Bezta-
blaðið og koma bæði blöð út
vikulega.
Upphaf stríðsins er grein
sem Emil Páll birti í blaði
sínu 16. nóvember þar sem
kemur fram hörð gagnrýni á
Víkurfréttir vegn'a dráttar
sem hefur orðið á skilum
handbókar, sem útgáfufélag
blaðsins tók að sér að vinna
fyrir Keflavíkurbæ. f sama
tölublaði sendir Emil Páll
kollega sínum Páli ýmis
önnur skeyti. f smáfrétta-
dálki blaðsins vitnar hann til
dæmis í „ýmsa menn“ um
að þeim hafi fundist sem
fréttaritari Stöðvar 2 hafi
„skotið sig í löppina“ þegar
hann hafi fjallað um inn-
kaupaferðir fslendinga til
útlanda því sá hinn sami fari
sjálfur í skemmtiferðir til út-
landa 3 til 4 sinnum á ári, en Páll
Ketilsson og fréttaritari Stöðvar 2 á
Suðurnesjum eru einmitt einn og
sami maðurinn. Ekki stóð á svörum
í Víkurfréttum daginn eftir. Ellert
Eríksson, fyrrverandi bæjarstjóri
Keflavíkurbæjar og núverandi bæj-
arstjóri sameinaðra sveitarfélaga, er
kallaður til vitnis um að hann hafi
sjálfur óskað eftir því að útgáfunni
yrði frestað því hann hafi ekki séð
ástæðu til þess að gefa út handbók
um Keffavíkurbæ þegar fyrir lá að
sveitarfélagið yrði sameinað ná-
grannasveitarfélögunum innan
nokkurra mánaða. f ffétt blaðsins er
einnig bent á að Emil Páll hafi sjálf-
ur haft umsjón með gerð handbók-
arinnar þar til hann hætti störfúm
hjá Víkurfréttum og ætti því að vera
vel kunnugt um ýmis vandamál
sem hafi komið upp við vinnslu
hennar.
Emil lét þetta hins vegar ekki slá
sig út af laginu. f næsta Beztablaði
lætur hann að því liggja að ekki sé
að öllu leyti rétt haft eftir bæjar-
stjóra í frétt Víkurfrétta og ítrekar
þá gagnrýni að ekki sé eðlilega að
gerð handbókarinnar staðið. Og
áfram hélt hasarinn. í Víkurfréttum
daginn eftir birtist yfirlýsing frá Ell-
erti bæjarstjóra þar sem fyrri ástæð-
ur fyrir seinkuninni eru ítrekaðar.
Einnig sendir Páll frá sér yfirlýsingu
þar sem hann gagnrýnir harðlega
fréttaflutning Beztablaðsins af
handbókarmálinu og heldur því
fram að hvatinn að baki skrifum
Emils sé ekki áhugi hans á hags-
munum bæjarins heldur megi rekja
skrifin til samstarfsslita þeirra.
„Emill Páll Jónsson fór út úr fyrir-
tækinu, ekki að eigin ósk. Það gefur
því augaleið hvers vegna dylgjur og
soraskrif hafa verið allsráðandi um
Víkurfréttir í Beztablaðinu að und-
anförnu. f þessu máli hefur ritstjór-
inn reynt að ata auri í allar áttir og
með ýmsu móti eins og honum er
einum er lagið,“ segir í yfirlýsing-
unni. Og eins og til að undirstrika
orð sín birtir Páll í sama tölublaði
dóm siðanefndar Blaðamannafélags
íslands yfir Emil Páli vegna greina
um óskyld mál sem birtust í Bezta-
blaðinu síðasta vor. Þetta virðist
hafa farið eitthvað fyrir brjóstið á
Emil og í Beztablaðinu síðasta mið-
vikudag gerir hann gys að Páli fyrir
að birta fimm mánaða gamla frétt
um dóm siðanefndarinnar og lætur
að því liggja að hann ætli sjálfur að
kæra Pál fyrir skrif um sig þar sem
hann telji þau mjög alvarlegt brot á
siðareglum blaðamanna. Emil lætur
sér þetta hinns vegar ekki nægja því
á fimmtudag birtist grein eftir hann
í Suðurnesjafréttum, þriðja héraðs-
blaði Suðurnesjamanna, þar sem
hann sendir Páli kaldar kveðjur og
sakar hann um dylgjur og ósmekk-
leg skrif. Einnig segir hann að öll
þau ár sem þeir voru saman með
Víkurfréttir hafi Páll vart mátt vera
að því að vinna vegna golfmennsku,
handbolta og utanlandsferða.
Þetta er nýjasta innleggið í málið
en Páll segir í samtali við MORG-
UNPÓSTINN að nú sé umræðan
komin á það stig að hann geti ekki
tekið þátt í henni lengur.
„Þetta er ekki svaravert. Það hef-
ur fullt af fólki talað við mig og beð-
ið mig um að láta þetta eiga sig því
þessi skrif hans í Suðurnesjafréttum
dæmi sig sjálf.“
Og nú virðast þeir félagar loks
verða orðnir sammála því Emil Páll
segist einnig ætla að láta staðar
numið.
„Þetta er bara smáborgaraháttur í
okkur báðum og ég held að við ætt-
um að láta frekari umfjöllun vera.
Það þroskast enginn eða græðir á
svona skrifúm. Menn eiga að hafa
þroska til að vera ekki með per-
sónulegt níð þrátt fyrir að þeir verði
fýrir gagnrýni og það á einnig við
um okkur háða. Þótt ég hafi átt síð-
asta leik gerði ég það af illri nauðsyn
vegna þess að hann gaf til kynna að
ég hefði ekki hætt sjálfviljugur á
Víkurfréttum. En nú hef ég sett
punkt.“
-jk