Lesbók Morgunblaðsins - 18.10.1959, Blaðsíða 14
470
LESBÖK MORGUNBLAÐSINS
HEILBRIGÐISTÍÐIN Dl
mennskan. Eitt kvöld tapaði hann 300ð
sterlingspundum og hann tapaði altat
fjrrir þeim, sem hann fekk til að spila
við sig. En nú var hann farinn að græða
á búskapnum ,og gat því greitt skuldir
sínar sjálfur að nokkru leyti, en jafn-
an varð frúin þó að hlaupa undir
bagga. Hún álasaði ekki manni sinum
og þótti jafn vænt um hann eftir sem
áður.
Svo hófst stríðið 1914 og þá var
barúninn kvaddur heim. Honum var
þá veitt uppreist og svo var hann
sendur á vestri vígstöðvarnar. Þar fsll
hann í orustu í september 1915. Gröf
hans er í þýzkum grafreit í Luxem-
burg.
Konan hvarf ekki aftur til hallar
sinnar í Afríku. Og enginn veit nú
hvað orðið hefir um alla þá dýr-
gripi, sem þar voru saman komnir.
Viti einhver það, þá vill hann ekki
segja frá því. Sagt er að vísu, að
brezku hersveitirnar, sem sendar voru
til Suðvestur-Afríku, hefði rænt höll-
ina. Nú er þar ekki annað eftir en
nokkur þunglámaleg húsgögn, allt
annað er horfið. Höllin er nú lokuð,
og sagt er að stjórnin hafi tekið hana
undir vernd sína. En fyrir hvern?
Sennilega barúnsfrúna, en til hennar
hefir ekkert spurzt, þrátt fyrir miklar
eftirgrenslanir.
Ef frúin er lifandi, þá mundi hún
geta sagt frá því hvers vegna þau
reistu þessa höll. Sagt er að hún hafi
verið mikill aðdáandi Freuds. Má þvi
vera, að hún hafi hugsað sem svo, að
eina ráðið til þess að barúninn lækn-
aðist af drykkjusýkinni og hugarvílina,
væri það að hann settist að á þeim
stað, þar sem hann beið ósigur sinn,
og gæti rifjað það allt upp fyrir sér
daglega. Það væri svo sem samkvæmt
kenningum Freuds.
Kastalinn stendur enn, en það er
ekki hann, heldur brotnu flöskurnar í
knæpunni í Maltahohe, sem urðu
minnismerki barúnsins.
(John Laffin).
______
Dótturdóttur Macmillans forsætisráð-
herra var lofað að sjá vaxmyndasafn
Madame Tussauds. Þar var auðvitað
mynd af Macmillan. Þá hrópaði telpan:
— Enginn hefir sagt mér frá þvi
að afi sé dauður. Enginn segir mér
neitt
NÝTT DEIFILYF
Heilsuverndarstöð Bandaríkj-
anna í Bethesda lætur nú framleiða
nýtt deifilyf, sem er 10 sinnum
kröftugra en morfín og 50 sinnum
kröftugra en „codein“. Annan höf-
uðkost hefir þetta nýa lyf einnig
að lítil hætta er á að menn verði
sólgnir í það.
Lyfið nefnist „NIH 7519“ og er
búið til úr nokkrum efnum, sem
einu nafni kallast „benzomorp-
hans“. Það er nú notað á fæðingar-
stofnunum og við meiri háttar
uppskurði.
OF MIKILL SVEFN
Svefninn er manni nauðsynleg-
ur, en það getur verið óhollt að
sofa of mikið, segir dr. Herbert
O. Sieker við Duke-háskólann í
Durham. í svefni er andardráttur
manna hægari en í vöku, og það
leiðir til þess að kolsýra fer að
myndast í blóðinu. Og ef einhver
sefur 14—16 stundir á sólarhring,
þá eykst jafnt og þétt kolsýru-
magnið í blóðinu. Af því verða
menn sljóir og niðurdregnir og
langar til að sofa lengur.
Annar læknir segir, að það geti
verið hættulegt fyrir aldrað fólk
að fá sér blund í stól. Stellingin
er óeðlileg og truflar blóðrásina til
heilans.
FORBOÐI KRABBAMEINS
Rauðhært fólk eða ljóshært og
bjart á hörund, á vanda til þess
að fá dökkva bletti á hörundið, ef
það dvelst langdvölum í miklu sól-
skini. Þessir blettir segja læknar
að sé forboði þess að krabbamein
sé að myndast. En nú hefir verið
fundið ráð til þess að eyða þessum
blettum. Þeir eru frystir og síðan
skafnir af með þar til gerðu verk-
færi. Verður þá eftir fleiður, líkt
og menn fá stundum á hnén, ef þeir
detta hastarlega. Aðgerðin stendur
ekki nema 15—30 mínútur. Fleiðrið
grær mjög fljótt og hættan er lið-
in hjá.
MATARÆÐI
Hjá sumum er það venja að eta
þrímælt á dag, hjá öðrum tvímælt.
Og mikið hefir verið talað um hve
nauðsynlegt það sé heilsunnar
vegna, að máltíðir séu reglulegar.
En nú kemur annað hljóð í strokk-
inn. Og sú rödd kemur frá merki-
legri vísindastofnun, Michael Reese
Medical Center í Chicago.
Formaður líffræðideildar þess-
arar stofnunar, dr Clarence Cohn
að nafni, hefir nýlega skýrt frá
því, að þeir hafi gert fóðrunartil-
raunir á hvítum músum, þannig,
að sumar fengu að grípa í mat
hvenær sem þær lysti, en aðrar
voru látnar eta þrímælt. Ekki þarf
að taka það fram, að fæðan
var nákvæmlega hin sama hjá báð-
um og allt hnitmiðað við hve mikið
var í henni af eggjahvítuefnum,
kolvetni og fitu. Mýsnar, sem látn-
ar voru sjálfráðar, fitnuðu ekki af
fæðunni, en hinar hlupu í spik.
Ekki vita menn ástæðuna til þessa,
en talið er líklegt, að þegar mikið
er etið í einu, komist líkaminn ekki
yfir að brenna það allt, en safni
nokkru af því sem fitu.
Nú er það vitað að mönnum er
það eðlilegt að grípa oft í mat. Börn
þrífast t. d. bezt á því að fá mat
oft á dag. Ættu menn þá að hætta
hinum reglubundnu máltíðum?
Ekki ráðleggur dr. Cohn það. Hann
er hræddur um, að ef menn eru
að grípa í mat allan daginn, muni
ýmislegt slæðast ofan í þá, sem
ekki er heilsusamlegt. Það sé nokk-
urt öryggi í því að margir menn
eti saman á vissum tímum.
V