Lesbók Morgunblaðsins - 06.11.1982, Blaðsíða 2
Um þessar mundir er
sýning í forsal Háskóla-
bíós á vefmynd Sigrúnar
Jónsdóttur, sem hún
nefnir Líf og starf Snorra
Sturlusonar. Eins og sést
á myndinni er þetta stórt
verk, 233x130 cm. Til-
drögin má rekja aftur til
ársins 1975, að Sigrúnu
var ásamt fleirum boðið
að halda sýningu í Luleo í
Svíþjóð og hélt hún þang-
að með verk sín. Þar
kynntist hún konu, sem
var að vinna að ritgerð
um Snorra Sturluson, og
leitaðist Sigrún við að
koma konunni til hjálpar
varðandi Snorra og þýddi
fyrir hana ýmislegt, sem
að gagni kom í þessu
augnamiði. Jafnframt
„festist ég í Snorra", segir
Sigrún, „og fór að hug-
leiða að koma einhverju
um líf hans í mynd“. En
önnur verkefni, til dæmis
stór mynd frá Skaftafelli
í Öræfum, sem Sigrún
vann fyrir Enskilda bank-
en í Svíþjóð, töfðu fyrir
framkvæmdinni. Svo
gerðist það að Mennta-
málaráð auglýsti styrki
til handa listamönnum og
.Sigrún sótti þá um styrk
til að vinna að myndinni
um Snorra — og var
henni veittur styrkurinn.
Hugmyndin var þegar
mótuð og í júní 1981 hófst
Sigrún handa. Verkið
vann hún bæði hér heima
og úti í Svíþjóð. Það er ef
til vill fremur óvenjulegt,
að myndin er í heild
óhlutlæg, abstrakt, en
samt koma þar fyrir at-
riði, sem hafa táknræna
merkingu. Það sem gefið
er í skyn með mjög stíl-
færðum formum er stefni
víkingaskips með „gap-
andi höfuð og gínandi
trjónu" og nær höfuðið
uppá gyllta kringlu —
sjálfa heimskringluna.
Á bakborð skipsins er
ofið stuðlaberg og tákna
stuðlarnir Eddu Snorra
og hið friðsama tímabil í
lífi hans. Á stjórnborða
eru hinsvegar óveðursský,
sem hrannast upp og
varpa skugga á hafið
framan við skipið. Þetta
eru tákn fyrir óáran og
storma í lífi Snorra. En
yfir þessu öllu svífur
heimskringlanán þess að
stormarnir hafi nokkur
áhrif á hana. Að gera
mynd af Snorra sjálfum,
kom hinsvegar aldrei til
greina, segir Sigrún.
Efnið í þessari vef-
mynd er fyrst og fremst
íslenzk ull, spunnin og
óspunnin. Auk þess hefur
Sigrún notað kaðla, bæði
úr hampi og nylon — en
uppistaðan er mjög gróft
hörgarn. Myndin var
fyrst sýnd í Stokkhólmi,
þegar forseti íslands,
Vigdís Finnbogadóttir,
var þar í opinberri heim-
sókn í fyrra og vísast til
myndar, sem hér fylgir
með og sýnir sænsku kon-
ungshjónin, forsetann og
listakonuna við það tæki-
færi. Síðan hefur myndin
verið sýnd í Gallery Cel-
ektum í Stokkhólmi og í
Falun í Dölum í Svíþjóð.
Myndin er í eigu listakon-
unnar.
VEFMYND SIGRÚNAR
JÓNSDÓTTUR:
Líf
og starf
Snorra
Sturlusonar
Vefmyndin var sýnd í fyrsta sinn opinberlega í
fyrrahaust í Stokkhólmi, þegar Vigdís Finnboga-
dóttir, forseti íslands, var þar í opinberri heimsókn.
Hér er listakonan ásamt Vigdísi og sænsku kon-
ungshjónunum vió það tækifæri.
2