Lesbók Morgunblaðsins - 29.08.1992, Qupperneq 6
Ljósmyndir: Lmar í'alur.
Milan Kunc í vinnustofu sinni í Kópavogi, þar sem hann var um tíma
í sumar.
- segir Milan Kunc, kunnur tékkneskur
listmálari sem sýnt hefur myndir sínar í Gallerí Ganginum
að Rekagranda 8 í sumar
Rætt við tékkneska
listmálarann MILAN
KUNC (framborið
Kúns), sem býr í
Þýzkalandi og dvaldi og
starfaði um tíma á
íslandi í sumar.
Ég er á móti
framúrstefnunni
Úr íslandsferðinni. Myndin var á sýningu Milans Kunc í Galleríi Ganginum.
Milan Kunc er tékkneskur listamaður búsettur
í Þýskalandi og á Ítalíu þar sem hann hefur
getið sér orðstír sem einn af helstu frum-
kvöðlum þeirrar listastefnu sem kennd hefur
verið við transavantgarde eða það sem býr
handan við framúrstefnuna. Kunc og sam-
heijar hans hafa viljað hefja hið hefð-
bundna málverk til vegs á ný í nýju sam-
hengi.
Milan Kunc var um tíma í sumar hér á
landi til þess að kenna og vinna að mál-
verki sínu, auk þess sem hann hefur haft
verk sín til sýnis í Gallerí Ganginum, sem
er á heimili Helga Þorgils Friðjónssonar
málara að Rekagranda 8.
í eftirfarandi viðtali segir Milan Kunc
frá myndum sínum og hvers vegna hið
eftir ÓLAF
GÍSLASON
Alls konar blómskrúð í mynd Milan Kunc sem Helgi þorgils Friðjónsson listmál-
ari á.
hefðbundna olíumálverk eigi ennþá erindi
við samtímann eftir að framúrstefnan hafði
dæmt það úr leik.
Milan Kunc er fæddur í Prag í Tékkó-
slóvakíu, þar sem hann gekk í skóla og
lærði málaralist í anda þess sósíalrealisma
sem þá var boðaður af þarlendum stjóm-
völdum. Þegar hann yfirgaf heimaland sitt
eftir valdarán Varsjárbandalagsríkjanna
1968, átti hann ekki afturkvæmt af póli-
tískum ástæðum, og hélt því áfram námi
í málaralist í Þýskalandi, þar sem hann
hafði meðal annars sem kennara þá Joseph
Beuys og Gerhard Richter. Þegar ég hitti
Kunc að máli á vinnustofu hans í gamalli
yfirgefinni sjúkrahúsbyggingu við Kópa-
vogshæli byijaði ég á að spyija hann,
hvernig reynsla það hefði verið að koma
úr akademísku námi í anda sósíalrealis-
mans yfir til hins kunna kennara og fram-
úrstefnulistamanns Joseph Beuys?
„Þetta var reynsla sem kom mér fullkom-
lega í opna skjöldu, og sú tegund skóla sem
ég fann í Þýskalandi hefði verið algjörlega
óhugsandi í Tékkóslóvakíu á þessum tíma.
Joseph Beuys var áhugaverður kennari í
hagnýtum efnum, en hann var enginn vin-
ur málverksins. Hann átti það sameiginlegt
með framúrstefnumönnum að hafa vantrú
á málverkinu og líta á það sem úrelt fyrir-
bæri. Þetta varð hins vegar til þess að
áhugi minn gekk í þveröfuga átt og ég fór
að leggja æ meiri rækt við hefðbundið
málverk. Ég þóttist sjá fyrir enda framúr-
stefnunnar þegar á námsárum mínum, og
einbeitti mér því að hinu hefðbundna hlut-
verki málarans. Þannig myndaðist fljótt
gjá á milli mín og kennara minna. Þeir
höfðu enga trú á því að málverkið gæti
lengur gegnt hlutverki í því að segja okkur
■
Málv
4