Alþýðublaðið - 21.01.1986, Side 3

Þriðjudagur 21. janúar 1986
3
Lesendabréf:
Hafa endan-
lega kyngt
peningaokrinu
Ekki verður annað séð en að rit-
stjórar íhaldspressunnar hafi nú
endanlega kyngt peninga-okrinu.
Leiðari Morgunblaðsins 16/1 vitn-
ar í óljósar tölur Seðlabankans um
innlán og lofsyngur síðan raun-
vaxtastefnuna. I leiðara blaðsins sl.
haust (6/9) var gagnstæð afstaða
tekin og lagt til, að verðtrygging-
unni væri hætt. E.t.v. hefir sami rit-
stjóri ekki skrifað báða leiðarana.
Um hitt eru ritstjórarnirsammála,
að kaupgjald má ekki hækka sam-
kvæmt vísitölu, bara peningarnir.
Með öðrum orðum: raunvextir pen-
ingamanna eru æskilegir, en raun-
tekjur launamanna eru hættulegar.
Ég er hræddur um, að menn með
heilbrigða dómgreind eigi erfitt
með að koma þessu heim og saman.
Það gegnir þó enn meiri furðu,
að ritstjórarnir tengja þessa svo-
kölluðu innlánsaukningu við aukn-
ingu sparnaðar. Vita mennirnir
ekki, að stórfelldar lántökur við-
skiptabankanna hafa átt sér stað
bæði frá útlöndum og frá Seðla-
bankanum. Þetta fé hlýtur að lenda
á innlánsreikningum bankanna, og
svo bætast ránvextirnir víð allar
innstæður, hvort sem þær eru til
orðnar við lántöku eða bein spari-
innlegg viðskiptamanna. Hve mik-
ið hafa bein spari-innlegg aukizt sl.
4 ár og hver á þau, stétt launþega
eða stóreignamanna? Vilja ritstjór-
ar Morgunblaðsins ekki spyrja vini
sína í Seðlabankanum um þetta?
Ritstjóri DV, Jónas Kristjánsson,
sýnir öllu meiri karlmennsku en rit-
stjórar Morgunblaðsins, því að
hann ritar fullt nafn undir leiðara
sinn. Leiðarar Morgunblaðsins,
einnig Reykjavíkurbréfin og Stak-
steinar, eru nafnlausir, enda þótt
þar sé að finna óviðurkvæmileg orð
um einstaka menn og málefni. Jón-
as Kristjánsson gefur í Ieiðara 14/1
óhugnanleg dæmi um okurvexti, en
segir siðan, að allt tal um lægri vexti
sé „ekkert nema rugl“. Hann sér
ekki sambandið milli okurvaxta og
verðbólgu, skilur ekki, að verð-
bólga getur ekki þokast niður fyrr
en vaxtafárið hefir verið stöðvað.
Jónasi lætur vel að ganga milli veit-
ingastaða, éta og skrifa um mat.
Þar er hann á réttri hillu og þar
vinnur hann lesendum DV gagn.
G.J.
Og þantiig 4
Þannig var a.m.k. hin „smekklega“
túlkun Morgunblaðsins á málinu.
— Margir telja því, að það hafi
raunverulega verið Morgunblaðið,
sem úrslitum hafi ráðið með áróðri
sínum síðustu daga fyrir kosningar.
150 þúsund lesendur
Hvort sem fyrrgreind útskýring
er rétt eða röng, er það engu að síð-
ur staðreynd, að Morgunblaðið er
nú einn voldugasti fjölmiðill þessa
lands, ef ekki sá allra voldugasti.
Ætla má, samkvæmt upplagstölum
Morgunblaðsins sjálfs, að um 150
þúsund íslendingar, um 2/3 hlutar
þjóðarinnar, lesi Morgunblaðið á
hverjum einasta degi, og sjaldan
eða aldrei hefur útbreiðsla, stærð
og auglýsingamagn blaðsins verið
meira en nú.
Sterkar líkur benda til þess, að
Morgunblaðið sé áhrifameiri fjöl-
miðill en útvarp og sjónvarp.
Ástæðan er sú, sem sérfræðingar í
fjölmiðlun eru sammála um, að
betur komist til skila það sem menn
lesa svart á hvítu, en það sem þeir
sjá (mynd) og heyra (útvarp) í fjöl-
miðlum.
Saklaust og óháð
Morgunblaðinu stjórna dug-
miklir menn, sem eru á góðri leið
með að telja landslýð trú um að
blað þeirra sé hverjum rnanni lífs-
nauðsyn, enda sé það tiltölulega
saklaust og óháð frétta- og fræðslu-
blað. Slagorðið um að Morgun-
blaðið sé blað allra landsmanna
hefur brennt sig inn í hug furðu
margra. Til þess að renna enn betri
stoðum undir þessa staðhæfingu
hefur Morgunblaðið að undan-
förnu birt í sjónvarpi auglýsingar,
sem koma eiga mönnum í skilning
um að Morgunblaðið sé ómissandi
á hverju heimili, og að yfir því sé sá
létti og þægilegi blær (eða morgun-
andvari) að vart þurfi að óttast að
það hafi nokkur skoðanamyndandi
áhrif. Þetta er þekkt sálfræðileg að-
ferð úr fjölmiðlaheiminum og til
þess beitt að hylma yfir hinn eigin-
lega tilgang með útgáfu blaðsins,
þ.e. að vera purkunarlaust áróðurs-
málgagn Sjálfstæðisflokksins. — í
einni auglýsingunni er notað hana-
gal, og væri vert að athuga hvort
haninn galar þrisvar!
Þegar sú skoðun er orðin almenn
að óhætt sé að lesa Morgunblaðið
nær gagnrýnislaust, er hægt að
koma áróðrinum á framfæri eins og
væri hann hinn eini stóri sannleik-
ur. Þetta hefur Morgunblaðinu að
mörgu leyti tekist og er óhætt að
fullyrða að jafnvægi i eðlilegri
skoðanamyndun í landinu er mjög
tekið að raskast.
Slíkir eru yfirburðir Morgun-
blaðsins að þeir sem ekki aðhyllast
skoðanir þess eða Sjálfstæðis-
flokksins þurfa að grípa til alvar-
legra gagnráðstafana til að fletta of-
an af hinum eiginlega tilgangi
blaðsins, sem hefur brugðið yfir sig
huliðshjálmi og tekist að móta það
álit, að allt sem í því blaði standi sé
satt og rétt.
Það er sýnu alvarlegast ef Morg-
unblaðinu tekst að telja þjóðinni
trú um að Sjálfstæðisflokkurinn
beri enga ábyrgð á þeirri óstjórn,
sem hefur leitt af forystu flokks-
manna hans í ríkisstjórn og á þingi.
Sem dæmi um mátt Morgunblaðs-
ins má geta þess að því tókst á liðn-
um vetri að telja landsmönnum trú
um að Sjálfstæðismenn væru hinir
eiginlegu stjórnarandstæðingar á
Alþingi. Þó er það mat allra kunn-
ugra manna að hinn eiginlegi
stjórnarandstöðuflokkur var Al-
þýðuflokkurinn, enda Sjálfstæðis-
flokkurinn í molum og stóð tvístr-
aður í þingsölum. En þar sannaðist
að blaðið prentar eingöngu þær
fréttir, sem koma sér vel fyrir Sjálf-
stæðisflokkinn út á við.
Morgunblaðið er Alþýðuflokkn-
um sérstaklega hættulegt. Það hef-
ur um langt árabil rekið þann áróð-
ur að Alþýðuflokkurinn lifi ekki
sjálfstæðu lífi, heldur þurfi hann
að sækja fylgi sitt ýmist til hægri
eða vinstri. Blaðið hefur gengið svo
langt að hafa uppi barnalegar hót-
anir um það, að ef Alþýðufiokkur-
inn halli sér of mikið til vinstri, eins
og Morgunblaðið orðar það, þá
rnuni Mogginn sjá til þess að hann
fái ekkert fylgi frá Sjálfstæðis-
flokknum. Slíkt tal er auðvitað sið-
iaust og engum viti bornurn mönn-
um sæmandi. Meðal annars af
þessum sökum þurfa Aiþýðu-
flokksmenn að vera mjög á varð-
bergi gagnvart Morgunblaðinu.
Það er ekki hlutverk Alþýðuflokks-
ins að vera hækja íhaldsins né
nokkurs annars stjórnmálaflokks,
heldur sjálfstæður og róttækur
sósíaldemókratískur flokkur.
Hættan sem að steðjar
í þessum orðum felst ekki krafa
um það að reynt verði að draga úr
völdum Morgunblaðsins með ein-
hverjum annarlegum ráðum. í þess-
um orðum felst sú krafa, að aðrir
stjórnmálaflokkar í landinu geri
ráðstafanir til að mæta þeirri
hættu, sem þeim stafar af Morgun-
blaðinu, sem eðlilegum skoðana-
skiptum stafar af Morgunblaðinu
og jafnvel lýðræðinu vegna þeirrar
einokunar sem blaðinu hefur tekist
að skapa með fjármagni stórkaup-
manna og fleiri. Menn skyldu aldrei
gleyma því að það er núverandi for-
maður Sjálfstæðisflokksins sem er
aðaleigandi Morgunblaðsins.
Það er orðið fyllilega tímabært
að kanna þann möguleika, hvort
jafnaðar- og samvinnumenn á Is-
landi geti ekki sameinast um blaða-
útgáfu. Með því móti yrði unnt að
andæfa verulega gegn þeim póli-
tísku brotsjóum sem Morgunblaðið
kemur af stað og best lýsir sér í
þeirri kenningu að Morgunblaðið
hafi verið hinn eiginlegi sigurvegari
i síðustu sveitarstjórnarkosningum.
Tæknilega er ekkert því til fyrir-
stöðu að hinir flokkarnir gætu sam-
einast um eitt blað sem þegar myndi
ná svipaðri útbreiðslu og Morgun
blaðið.
Það má ekki láta það líðast að
einn stjórnmálaflokkur vinni stór-
an kosningasigur nær eingöngu
fyrir áhrif málgagns síns, stjórn-
málaflokkur sem ber ábyrgð á ein-
hverri verstu ríkisstjórn sem á ís-
landi hefur ríkt, og hafði engan
þann málefnalegan tilbúnað er rétt-
lætti hið mikla fylgi sem hann
hlaut. Þetta er þeim mun umhugs-
unarverðara þegar þess er gætt að
nær allir aðstandendur næst
stærsta blaðs landsins, Dagblaðsins
og Vísis, eru Sjálfstæðismenn og að
blaðið studdi í leiðurum Sjálfstæð-
isflokkinn í síðustu kosningum.
Vonandi hafa ofstækisfull skrif
Morgunblaðsins síðustu misseri
fært almenningi heim sanninn um,
að tilgangurinn með útgáfu Morg-
unblaðsins er svipaður, ef ekki hinn
sami, og lesa má í bók Vilhjálms
Finsen, þ.e., að gera stórkaupmenn
og fjármálavaldið að ríkjandi afli í
þjóðfélaginu. —ÁG—
Listahátíð:
Samkeppni
á sýningu
Stjórn Kjarvalsstaða hefur
ákveðið að efna til myndlistasýn-
ingar á Kjarvalsstöðum á Listahá-
tíð í vor, sem nefnist REYKJAVÍK
í MYNDLIST. Öllum starfandi
myndlistarmönnum er hér með
boðið að senda verk á sýninguna,
og mun dómnefnd síðan velja úr
verkunum. Dómnefndina skipa
myndlistarmennirnir Ragna
Róbertsdóttir og Eyjólfur Einars-
son skipaðir af Sambandi íslenskra
myndlistarmanna, og Hulda Val-
týsdóttir borgarfulltrúi, skipuð af
stjórn Kjarvalsstaða.
Verkum á sýninguna þarf að
skila til Kjarvalsstaða fyrir 20. apríl
nk. ásamt ítarlegum upplýsingum
um verkin og höfunda.
FÉLAG$STARF
ALÞÝÐUFLOKKSINS
Bæjarmálaráðsfundur
í Hafnarfirði
Bæjarmálaráð Alþýðuflokksins í Hafnarfirði heldur
fund I Alþýðuhúsinu, Strandgötu I kvöld þriðjudag kl.
20.30.
Fundarefni: Fjárhagsáætlun Hafnarfjarðar.bæjarfyrir
1986.
Vænst er þess að allir trúnaðarmenn flokksins mæti.
Bæjarfulltrúar.
Prófkjör
Ákveðið hefur verið að fram fari prófkjör til undir-
búnings framboði Alþýðuflokksins við Borgar-
stjórnarkosningarnar 1986. Kosið verður um 2
efstu sæti framboðslista Alþýðuflokksins.
Hér með er auglýst eftir framboðum vegna ofan-
greinds prófkjörs.
Kjörgengir eru Aiþýðuflokksmenn búsettir í
Reykjavík, 20 ára og el'dri. Frambjóðendur skulu
tilgreina í hvaða sæti þeir þjóða sig fram. Fram--
boð skulu send skrifstofu Alþýðuflokksins, Hverf-'
isgötu 8—10, eigi síðar en 21. jan. nk. Skal hvert
framboð stutt meðmælendum 20 flokksbundn-
um Alþýðufiokksins í Reykjavík.
Vakin erathygli áað framboðsfresturertil 21. jan.
nk.
Fulltrúaráð Alþýðuflokksins
í Reykjavik.
Prófkjör í Kópavogi
Ákveðið hefur verið að fram fari prófkjör um 5 efstu
sætin á lista Alþýðuflokksins í Kópavogi, til bæjar-
stjórnar.
Kjörgengir eru Alþýðuflokksfélagar búsettir I Kópa-
vogi, 20 ára og eldri.
Frambjóðendur skulu bjóðasig fram I öll fimm sætin.
Framboö skulu hafa borist skrifstofu Alþýðuflokksins
í Kópavogi fyrir kl. 20.30 föstudaginn 7. febrúar 1986.
Skal hvert framboð stutt 10 meðmælendum, flokks-
bundnum í Alþýðuflokksfélögum Kópavogs.
Stjórnir Alþýðuflokksfélaganna
í Kópavogi.
Kennslustörf
í Ghana
Þróunaraðstoð —
menningarsamskipti
AFS lönd í Evrópu (EFIL) hafatekiö aö sér
aö útvega 25 kennara til starfa í GHANA
skólaárið 1986—1987 í samvinnu við AFS
International/lntercultural Programs og
AFS í Ghana.
AFS á íslandi stefnir aö því aö gefa tveim
íslenskum kennurum kost á aö taka þátt
í þessu starfi skólaárið 1986—87.
Tveir íslenskir kennarar eru nú starfandi í
Ghanaávegum AFS á íslandi meö stuön-
ingi Menntamálaráðuneytisins og Þróun-
arsamvinnustofnunar íslands.
Einkum vantar kennara til kennslu í raun-
greinum s.s. stæröfr. efnafr. eðlisfr. og á
sviöi jarö- og búfjárræktar (agricultural
science). Væntanlegir kennarar starfa á
framhaldsskólastigi, (þ.e. viö mennta-
skóla, landbúnaðarskóla og kennara-
þjálfunarskóla) aldur nemenda er 12—25
ára. Eingöngu koma til greina einhleypir
kennarar eöa barnlaus hjón sem bæöi
kenna.
Umsækjendur þurfaað uppfyllaeftirtalin
skilyrði:
• Aldurslágmark 25 ára
• Minnst 3 ára kennslureynsla
• Góð enskukunnátta
Umsóknareyðublöð og frekari upplýsing-
ar fást á skrifstofu AFS milli kl. 15—17
virka daga, eöa í síma 25450.
Umsóknarfrestur er til föstudagsins 7.
febrúar.
HVERFISGATA 39
P. O. BOX 753
IS - 121 reVkjavIk
- alþjóðleg fræðsla og samskipti -