Alþýðublaðið - 31.12.1986, Blaðsíða 4

4
Miðvikudagur 31. desember 1986
Helgi Olafsson sigraði
á jólahraðskákmóti ÚI
Jólahraðskákmót Útvegsbanka
íslands var háð í salarkynnum
bankans við Austurstræti og Lækj-
artorg, sunnudaginn 28. desember
síðastliðinn.
Adolf Björnsson setti mótið og
bauð þátttakendur og gesti vel-
komna, en meðal þeirra var forseti
Skáksambands Islands, Þráinn
Guðmundsson. Skákstjóri var Ol-
afur Ásgrímsson.
Keppnin hófst klukkan 14.00 og
lauk laust fyrir klukkan 19.00. Þátt-
takendur voru 18, allt þekktir og
snjallir skákmenn.
Úrslit keppninnar urðu þessi:
Nr. 1 Helgi Ólafsson 15 Zi vinn-
inga, nr. 2 Karl Þorsteins 14 v., nr. 3
Hannes H. Stefánsson 13 Vi v., nr. 4
Jóhann Hjartarson 13 v., nr. 5—6.
Björn Þorsteinsson 10‘/2 v., nr. 5—6
Friðrik Ólafsson 10‘/2 v., nr. 7—8
Benedikt Jónasson 10 v., nr. 7—8
Guðmundur Sigurjónsson 10 v., nr.
9 Ásgeir Þór Árnason 8/2 v., nr.
10—11 Dan Hansson 7v., Þröstur
Árnason 7v., nr. 12 Bragi Kristjáns-
son 6V2 v., nr. 13 Ingvar Ásmunds-
son 6 v., nr. 14 Gunnar Gunnarsson
5 Vi v., nr. 15 Áskell Örn Kárason 5
v., nr. 16 Leifur Jósteinsson 4'/2 v.,
nr. 17 Lárus Jóhannesson 3 '/2 v., nr.
18 Árni Ármann Árnason 2/2 v.
Greiðslur almennings
fyrir læknishjálp og lyf
(skv. reglugerð útg. 19. desember 1986)
1. Greiðslur hjá heimilislækni og heilsugæslulækni
110 kr. — Fyrir viötal á stofu læknis. Innifalin er ritun lyfseöils.
200 kr. — Fyrir vitjun læknis til sjúklings.
Ofangreindar greiðslur eru hámarksfjárhæðir, og má læknir ekki krefja sjúkling um
viöbótargjald, nema vegna lyfja eöa umbúða, sem sjúklingur kynni að þurfa að fara
meö burt með sér.
2. Greiðslur fyrir sérfræðilæknishjálp, rannsóknir og
röntgengreiningu_______________
360 kr. — Fyrir hverja komu til sérfræöings.
140 kr. — Elli- og örorkulífeyrisþegar, fyrstu 12 skiptin hjá sérfræöingi á hverju
almanaksári, síðan ekkert. (Sjá nánar hér aö neðan).
Aldrei má krefja sjúkling um nema eina greiöslu fyrir hverja komu ásamt rannsókn/
röntgengreiningu í framhaldi af henni. Til nánari skýringar er eftirfarandi tafla:
Greiðslur almennings fyrir sérfræðilæknishjálp, nokkur dæmi.
TAFLA Heimilis- læknir Sérfræð- ingur Ranns./ Röntggr. Sérfræð- ingur Aðgerð hjá Svæfing/deyfing sérfræðingi hjá sérfræðingi
Dæmi 1 110 360
Dæmi 2 110 250
Dæmi 3 110 360 360
Dæmi 4 110 360 0
Dæmi 5 110 360 0 360
Dæmi 6 110 360 0 360 0 360
Skýringar: Taflan lesist frá vinstri til hægri og sýnir samskipti viö a.m.k. tvo lækna.
Dæmi 4: Sjúklingur leitar til heimilislæknis og greiöir þar 110 kr. Heimilislæknir
vísar síöan sjúklingi til sérfræöings, og þar greiðir sjúklingur360 kr. Þessi sérfræö-
ingur sendir sjúkling í röntgengreiningu, og þarf sjúklingur ekki að greiða sérstaklega
fyrir hana, þar sem hún er í beinu framhaldi af komu til sérfræöings.
Ofangreindar greiðslur eru hámarksfjárhæöir, og má læknir ekki krefja sjúkling um
viðbótargjald, nema vegna lyfja eða umbúða, sem sjúklingur kynni aö þurfa aö fara
meö burt meö sér.
Allir eiga aö fá kvittanir fyrir greiðslum sínum hjá sérfræðingum.
Elli- og örorkulífeyrisþegar, sem leggja fram hjá sjúkrasamlagi sínu kvittun fyrir 12
greiðslum á sérfræðilæknishjálp á sama ári, fá skírteini, sem veitir þeim rétt á þessari
þjónustu ókeypis þaö sem eftir er ársins.
3. Greiðsiur fyrir lyf
200 kr. — Fyrir lyf í lyfjaverðskrá I og innlent sérlyf.
350 kr. — Fyrir lyf í lyfjaverðskrá II.
80 kr. — Elli- og örorkulífeyrisþegar, fyrir lyf í lyfjaveröskrá I og innlent sérlyf.
120 kr. — Elli- og örorkulífeyrisþegar, fyrir lyf í lyfjaverðskrá II.
Eitt gjald greiöist fyrir hvern 120 daga lyfjaskammt, eöa brot úr honum.
Gegn framvísun sérstaks lyfjaskírteinis í lyfjabúð fást ákveðin lyf, viö tilteknum lang-
varandi sjúkdómum, ókeypis. Læknar gefa vottorð til sjúkrasamlags í þeim tilvikum,
sem réttur á skírteini kann að vera fyrir hendi. Greiöslur þessar gilda frá og með
1. jan. 1987.
pj| TRYGGINGASTOFNUN
liJ RÍKISINS
Geta kosningar - til dæmis
þær sem fram fara í vor,
haft raunveruleg áhrif á
framtíð okkar?
Já, alþingiskosingar ákvarða hvaða grundvallarsjónarmið verða
látin ráða í þjóðfélaginu.
Það ákvarðast af kosningaúrslitum með hvaða hætti verður stjórn-
að og hvaða sjónarmið verða látin ráða við úrlausnir vandamála.
Bæði á þingi og í sveitastjórnum er verið að fjalla um mál sem
skipta miklu og hafa áhrif á daglegt iif hvers og eins. Kosningar nú i
vor eru sérstaklega mikilvægar. Þá stendur val okkar um það hvort
við viljum áfram feta braut markaðshyggju, eða hvort við veljum leið
jafnaðarmanna.
I markaðshyggjunni hafa leiðarljósin verið þau, að skammta launa-
fólki úr hnefa, en lyfta undirfjármagnseigendurtil aukins gróða.
Jafnaðarmenn berjast fyrir þeim grundvallarmannréttindum að fólk
geti lifað mannsæmandi lífi af dagvinnutekjum. Þeir krefjast þess að
launafólki verði gert kleift að koma þaki yfir höfuðið án þess að taþa
líkamlegri og andlegri heilsu. Þeirviljaað þjóðarauði verði réttlátlegar
skipt og að íslenskt þjóðfélag gmndvallist á jafnrétti,
frelsi og bræðralagi.
Samband ungra jafnaðarmanna
Myndarlegur
bæklingur SUJ
Samband ungra jafnaðarmanna
hefur gefið út fræðslubækling um
jafnaðarstefnuna. Hann nefnist:
„ . . . að velja framtíð". Á forsíðu
er spurt: „Geta kosningar — til
dæmis þær sem fram fara í vor, haft
raunveruleg áhrif á framtíð okk-
ar?“ Síðan segir:
Já, alþingiskosningar ákvarða
hvaða grundvallarsjónarmið
verða látin ráða í þjóðfélaginu.
Það ákvarðast af kosningaúr-
slitum með hvaða hætti verður
stjórnað og hvaða sjónarmið
verða látin ráða við úrlausnir
vandamála.
Bæði á þingi og í sveitar-
stjórnum er verið að fjalla um
mál sem skipta miklu og hafa
áhrif á daglegt Iíf hvers og eins.
Kosningar nú í vor eru sérstak-
lega mikilvægar. Þá stendur val
okkar um það hvort við viljum
áfram feta braut markaðs-
hyggju, eða hvort við veljum
leið jafnaðarmanna.
I markaðshyggjunni hafa
leiðarljósin verið þau, að
skammta launafólki úr hnefa,
en lyfta undir fjármagnseigend-
ur til aukins gróða.
Jafnaðarmenn berjast fyrir
þeim grundvallarmannréttind-
um að fólk geti lifað mannsæm-
andi lífi af dagvinnutekjum.
Þeir krefjast þess að launafólki
verði gert kleift að koma þaki
yfir höfuðið án þess að tapa
líkamlegri og andlegri heilsu..
Þeir vilja að þjóðarauði verði
réttlátlegar skipt og að íslenskt
þjóðfélag grundvallist á jafn-
rétti, frelsi og bræðralagi.
Myndin er af forsíðu bæklings-
ins, en í honum eru eftirtaldir kafl-
ar: „Jafnaðarstefnan — valkostur
unga fólksins“ — „Ungt fólk og
velferðarkerfið“ — „Ungt fólk —
atvinnu- og launamál“ — „Ungt
fólk og húsnæðismál" — „Ungt
fólk og verkalýðsmál“ — „Ungt
fólk og menntamál“ — „Ungt fólk
— frelsi og friður".
Ætlunin er að dreifa þessum
bæklingi meðal ungs fólks um land
allt.
Prestskosning:
Gunnlaugur
sækir um
Heydali
Efnt verða til prestskosninga í
hinum tveimur sóknum Heydala-
prestakalls, Stöðvarfjarðarsókn og
Heydalasókn, á sunnudaginn 4.
janúar 1987. Þar hefur ekki farið
fram prestskosning í tæp 40 ár, eða
síðan sr. Kristinn Hóseasson var
kjörinn þar sóknarprestur. Hefur
hann þjónað þar æ síðan, verið
prófastur síðustu árin en hefur nú
fengið lausn frá embætti vegna ald-
urs.
Umsækjandi um prestakallið er
einn: Gunnlaugur Stefánsson
cand.theol. Gunnlaugur er Hafn-
firðingur, 34 ára að aldri. Hann
lauk guðfræðiprófi frá Háskóla ís-
lands vorið 1982 og gerðist sama ár
starfsmaður Hjálparstofnunar
kirkjunnar og hefur unnið þar síð-
an.
Kona hans er Sjöfn Jóhannes-
dóttir sem lýkur guðfræðiprófi í
vor. Eiga þau einn son, Stefán Má.