Alþýðublaðið - 20.05.1988, Blaðsíða 7

Föstudagur 20. maí 1988
7
UTLOND
Umsjón:
Ingibjörg
Arnadóttir
Skemmtileg augnabliksmynd af
meistara Bergman og Erland
Josephson, sem lék gyðinginn
Isak í „Fanny og AlexandeF*
STARFSBRÆÐUR
HYLLA BERGMAN SJÖTUGAN
Pann 14. júlí verður hinn heimsfrœgi sœnski kvikmyndajöfur Ingmar Bergman sjötugur,
og það á ekki að gleymast! Kvikmyndablaðið Chaplin, er nú þegar farið að taka viðtöl
við starfsbrœður meistarans.
Meðal starfsbræðra
Bergman sem hylla hann í
blaðinu eru topp-nöfn eins
og Kurosawa, Ray, Taviani-
bræðurnir, Wajda, Fellini,
Woody Allen, Wenders,
Scola, Attenborough og
Godard — ásamt gömlu sam-
starfsmönnunum úr leikara-
stétt t.d. Erland Josephson,
Max Von Sydow, Gunnel
Lindblom og Eva Dalbeck.
Fjögur siðastnefndu segja
skondnar sögur af samskipt-
unum.
Vegna kvikmyndarinnar
Ein af hlýlegustu kveðjun-
um sem Bergman fær I kvik-
myndablaðinu er frá Akira
Kurosawa, hinum frægajap-
anska kvikmyndaleikstjóra,
sem segir kvikmyndir Berg-
man hafa djúp áhrif á sig,
hitt sig í hjartastað, kennt sér
mikiö og verkað hvetjandi á
sig. Kurosawa segir það inni-
lega von sína að Bergman
haldi áfram að gefa okkur
„stórkostlegar yndislegar
kvikmyndir". Hann minnir
Bergman á listmálarann
Tessai Tomioka, sem gerði
sín bestu verk um áttrætt og
segir það sama gilda um
kvikmyndaleikstjóra, að list-
ræn sköpunargáfa sé einmitt
á hátindi um áttrætt.
í lok skrifa sinna til Berg-
man segir Kurosawa: „Ég er
orðinn 77 ára og er sann-
færður um, að ég á eftir að
gera mína bestu hluti. Við
skulum halda áfram, kvik-
myndarinnar vegna.“
Taviani-bræöurnir, ítölsku
senda honum skemmtilega
kveðju, þeir byrja á því að
segja frá gönguferðum sínum
með hundana sína. Á þess-
um gönguferðum ræða þeir
vanalega um það sem þeir
eru að vinna að á þeirri
stundu. í eitt skiptið fóru þeir
að ræða saman um kvik-
myndir Bergman en ekkert
um þeirra eigin vinnu. Samt
sem áður „fannst okkur við
hafa unniö vel og mikið þann
daginn“.
Pólski kvikmyndastjórinn
Andrzej Wajda, er einn af hin-
um tryggu aðdáendum Berg-
man, í stórum hópi aðdáenda
og hann segir Bergman vera
„stóra, fallega og vel klippta
kvikmyndatöku".
Hinn frægi Frederico
Fellini, segir skemmtilega
skrítlu um eina af heimsókn-
um Ingmar Bergman í
Cinecitta kvikmyndatökuverið
í Rómaborg. Bergman kom
húsbændum þar á bæ í mik-
inn bobba, þegar hann ósk-
aði eftir að skreppa á salern-
ið. Salernismál höfðu nefni-
lega verið svartur blettur á
kvikmyndaverinu, salerni fyr-
irfannst alls ekki!
Indverski meistarinn
Satyajit Ray, fékk einu sinni
nytsamt ráð fyrir þá sem gera
kvikmyndir, frá Ingmar Berg-
man.
„Hafðu aldrei dýr í kvik-
myndum, það er heilt helvíti
að eiga við þau.“ Ray lítur á
Bergman sem töframann í
kvikmyndagerð og vonar inni-
lega að hætti ekki í faginu.
Vesturþjóðverjinn Wim
Wenders, viðurkennir að
hann hafi um tíma verið and-
snúinn kvikmyndum Berg-
man af ýmsum ástæðum. Á
þessu tímabili var Wenders
hrifnastur af bandariskum
kvikmyndum, og þótti sem
allt þaö áhugaverðasta og
kröftuga á kvikmyndatjaldinu
kæmi fram i bandarískum
kvikmyndum. Hann skipti
heldur betur um skoðun og
varð yfir sig hrifinn þegar
hann sá kvikmyndina „Hvisl
og hróp“, árið 1970.
Aðdáun Woody Allen
Bandaríkjamaðurinn
Woody Allen, nálgast það að
vera öfgafullur aðdáandi Ing-
mar Bergman. Það hefur ber-
lega komið í Ijós í viðtölum
og ekki hvað síst í einni af
kvikmyndum Allen, þeirri nýj-
ustu „September". Oður hans
til Bergman í tímaritinu
„Chaplin“ er kristaltær:
„Á einu þrepi eru þessir
venjulegu kvikmyndagerðar-
menn, sem ár eftir ár gæða
áhorfendur á góðum, traust-
um afþreyingarmyndum. Á
næsta þrepi fyrir ofan eru
sannkallaðir listamenn. Þeir
senda frá sér kvikmyndir sem
rista djúpt, eru persónulegar,
eru frumlegar og spennandi.
Fyrir ofan þessa, efst á
pallinum er Ingmar Bergman.
Hann er yfir alla hafinn í kvik-
myndagerð, að mínu viti og
sjálfsagt flestra, er Ingmar
Bergman trúlega mesti lista-
maður i kvikmyndagerð, síð-
an kvikmyndatökuvélin var
fundin upp. Þegar allt kemur
til alls, er varla um annan að
ræða þegar talað er um
mesta listamann í kvik-
myndagerð."
(Arbeiderbladet.)