Alþýðublaðið - 10.09.1988, Blaðsíða 3
3
Laugardagur 10, september 1988 '______________
FRÉTTIR
50% VEROBÓLGA HJÁ VAL
Verölagsstofnun hefur nú
til athugunar hækkun á salar
leigu iþróttafélaganna, sem
gildi tók 1. september siðast-
liöinn. Kvörtun barst um
mikla hækkun á teigunni og
hvort hún stangist ekki á við
verðstöðvunarákvæði frá 15.
ágúst.
Samkvæmt upplýsingum
Verðlagsstofnunar skiptir
öllu máli hvenær viðskipta-
mönnum — leigjendum sal-
anna — var tilkynnt um
hækkun leigunnar. Ábending
barst um mikla hækkun á
salarleigu í nýja iþróttahús-
inu hjá Val að Hlíðarenda og
fyrirspurn um hvort hún
stæðist ákvæði verðstöðvun-
arlaga. Hjá Val fengust þær
upplýsingar að leiga sam-
kvæmt nýrri gjaldskrá hefði
hafist í júlí og væri því fylli-
lega lögleg. A hinn bóginn
eru tímar á sumrin lausa-
tímar og leigan frá sept-
ember til maí umsamin í ein-
um pakka.
Á skrifstofu Vals fékkst
staðfest að lágmarksleiga
fyrir siðasta vetrartímabil
hefði verið 1.800 krónur á
tímann en flestir tímar leigðir
á 3.200 krónur. Nú er lág-
marksverðið á timann 3.000
krónur en betri tímarnir
leigðir á 4.800 krónur. í fyrra
tilvikinu er um 67% hækkun
að ræða milli ára en 50% í
síðara tilvikinu. Ekki er Ijóst
á þessari stundu hvort hækk-
unin er innan eða utan
ramma verðstöðvunarlaga
eða hvort tilvikið nær til fleiri
aðila en Vals, en í öllu falli
virðist Ijóst að hækkunin hjá
Val er langt umfram almenna
verðlagsþróun í landinu og
•spilar þar sjálfsagt inn í mikil
eftirspurn eftir leigu á
íþróttasölum, en takmarkað
framboð.
Þaö voru mikil viðbrigdi fyrir grunnskólakrakkana aö koma úr hrörlegu skólahúsnæðinu viö Öldugötuna i nýja Vesturbæjarskólann viö Framnesveg
sem tók til starfa fyrir helgina. A-mynd/Magnús Reynir
Aðalstrœti 8
BREYTINGARNAR NÁ OF SKAMMT
Ljóst er að lykilmenn Sjálf-
stæðisflokksins hafa þrýst á
um samþykkt á byggingar-
leyfi fyrir Aðalstræti 8 og
reynt að stýra málinu í gegn-
um þykkt og þunnt, jafnvel í
blóra við skipulagslög.
Ganga málsins í gegnum
kerfið hefur verið þyrnum
stráð og klofnuðu bæði
skipulagsstjórn rikisins og
Byggingarnefnd Reykjavíkur
við afgreiðsluna.
í skipulagsstjórn voru
deildar meiningar um málið.
Umsögn skipulagsstjóra lá til
grundvallar við samþykkt
þeirra Sigurgeirs Sigurðs-
sonar, formanns Sambands
sveitarfélaga (og bæjarstjóra
sjálfstæðismanna á Sel-
tjarnarnesi), formannsins
Hermanns Guðjónssonar,
vita- og hafnarmálastjóra og
Garðars Halldórssonar, húsa-
meistara ríkisins — þar sem
miðað var við nú ógilta
minnispunkta forstöðumanns
Borgarskipulags. Á móti var
Guðrún Jónsdóttir, arkitekt,
en Helgi Hallgrímsson verk-
fræðingur og varamaður
vegamálastjóra sat hjá.
I Bygginganefnd Reykja-
víkur hlaut málið að lokum
samþykkt með þremur
atkvæðum gegn tveimur: full-
trúar sjálfstæðismanna
greiddu atkvæði með leyfis-
veitingunni, þeir Hilmar Guð-
laugsson, Gunnar Hannes-
son og Haraldur Sumarliða-
son, en á móti voru Gissur
Símonarson og Gunnar H.
Gunnarsson.
Guörún Jónsdóttir sagði (
samtali við blaðið að meiri-
hlutinn í skipulagsstjórn
hefði staðfest aö breytingar
hefðu orðið en ekki það
miklar að það útilokaði sam-
þykki, en að hún hefði látið
bóka að minnispunktar for-
stöðumanns Borgarskipulags
gætu ekki breytt neinu. „Það
er skýrt hvaö þarna var stað-
fest með landnotkunina í
deiliskipulaginu og ég taldi
að frávikin væru það mikil, að
það væri fullkomlega eðlilegt
að afturkalla leyfið. Afstaða
mín í grundvallaratriðum er
sú, að það hafi komið skýrt
fram á staðfestum uppdrætti
deiliskipulags til hvers var
ætlast og ég taldi óverjandi
að fara strax út fyrir ramma
glænýs skipulags — nema
því yrði þá breytt. Ef þetta
yrði með þessum óbreytta
hætti yrði grundvellinum
kippt undan Kvosarskipulag-
inu. Rétta röðin er að gera
fyrst aðalskipulag, sem er
gróf áætlun, síðan deiliskipu-
lag, sem er nákvæmara, og
eftir það er ekki hægt að
vitna i aðalskipulag," sagði
Guðrún.
Gunnar H. Gunnarsson
sagði að hann og Gissur
Símonarson hefðu bókað
meö mótatkvæðum sínum í
Bygginganefnd, að í fyrsta
lagi væri augljóst að nýtingin
væri of mikil á lóöinni. „í
öðru lagi er hvað landnotkun-
ina varðar fyrirskipað í deili-
skipulagi, hæð fyrir hæð, í
hverju húsi, hvað eigi að vera.
Það var gert ráð fyrir mjög
háu hlutfalli íbúða. Það er
vikið hróplega frá því í þessu
máli, þannig að hlutfall ibúða
fór úr nálægt 80% niður!
2%. Forstöðumaður Borgar-
skipulags ritaði bréf í nafni
borgarinnar um að einungis
hefði verið farið fram á stað-
festingu á landnotkun Kvos-
Happdrætti
Háskólans á
teikniborðinu
á ný
Afturköllun félagsmálaráð-
herra á byggingarleyfinu að
Aðalstræti 8 er þegar farin að
hafa áhrif á önnur mál. Á
miðvikudag kom til af-
greiðslu i Byggingarnefnd
Reykjavíkur umsókn Happ-
drættis Háskólans um leyfi
fyrir fimm hæða skrifstofu-
húsnæði á horni Vonarstræt-
is og Suðurgötu. Málinu var
frestað — vegna þess að það
vantaði ibúðir i húsið.
Þegar málið kom til af-
greiðslu kom fram fyrirspurn
fráGunnari H. Gunnarssyni
um hvort gert væri ráð fyrir
íbúðum í byggingunni í sam-
ræmi við deiliskipulag — þar
sem kveðið er á um íbúðir á
tveimur hæðum af fimm. Svc
reyndist ekki vera — íbúðirn-
ar höfðu alveg gleymst. í Ijósi
þróunar mála meö Aðalstræti
8 var umsvifalaust samþykkt
samhljóða að fresta málinu.
Það liggur þvi fyrir Happ-
drætti Háskólans að innrétta
í byggingunni viðunandi
magn af íbúðum eins og
samþykkt deiliskipulag kveð-
ur á um.
Nýr Vesturbœjarskóli
opnaður
HANNADUR
FYRIR
HÁLFOPIÐ
SKÓLASTARF
Nýbyggður Vesturbæjar-
skóli á horni Framnesvegar
og Sólvallagötu var formlega
afhentur og opnaður til
skólahalds s.l. fimmtudag.
Vesturbæjarskólinn, sem
er hannaður, og verður starf-
ræktur, sem hálfopinn skóli
er 2629 fermetrar að stærð á
þremur hæðum. Skólinn var
byggður fyrir tilstuðlan skóla
málaráðs og skv. ákvörðun
þess og borgarráðs. Hönnun
hans hófst af krafti á miðju
ári 1986 og skólabyggingin
var boðin út í apríl 1987.
Heildarkostnaður Vestur-
bæjarskóla með lóð og bún-
aði er áætlaður 150 milljónir
kr. miðað við verðlag í sept.
1988.
arinnar i heild, en ekki land-
notkun einstakra húsa. Við
Gissur vorum ósammála um
að hann hefði heimild til að
tala í nafni borgarinnar og
vildum aö staðið yrði viö
landnotkunina samkvæmt
Kvosarskipulaginu, enda
stæði varla steinn yfir steini í
skipulaginu ef þetta yrði
leyft. í þriðja lagi lá fyrir að á
uppdrætti var gert ráð fyrir
tveimur byggingum á líkani
sömuleiðis, sem nú er orðið
að einni byggingu — sem er
augljóst brot á skipulaginu.
Þær breytingar sem nú hafa
komið til kasta Bygginga-
nefndar ganga einfaldlega of
skammt og þá gat nefndin
ekki afgreitt málið, því þá
mátti búast við nýrri kæru og
nýjum úrskurði úr sömu átt,“
sagði Gunnar.