Alþýðublaðið - 12.10.1988, Blaðsíða 7
Miðvikudagur 12. október 1988
7
UTLÖND
Umsjón:
Ingibjörg '
Árnadóttir 1
Karlmennirnir í Hallbergs-fjölskyldunni, faöir, synir og tengdasonur.
BURT MEÐ PUTTANA
Karlmennirnir i fjölskyldu
Anne Hallberg, fara háðug-
legum orðum um þau áform,
að byggja skuli nýtt fangelsi í
Little Falls. Þeir segja gamla
fangelsið með sínum rimla-
klefum sannarlega nógu gott
fyrir afbrotamenn. Þeim er
vel kunnugt um fæðið sem
fangarnir fá, þvi Anne Hall-
berg vinnur þar fjóra daga i
viku. Lögreglustjórinn Paul
Tschida, leggur mikla áherslu
á, að fangarnir fái góðan og
vel útilátinn mat, sem sára-
bót fyrir hina lélegu aðstöðu,
sem fangarnir, 18 að tölu búa
við.
Hallbergmennirnir hafa
ekki áhuga á þurrkahjálp
Reagan, en allt í kringum þá
eru bændur að bíða eftir
þeirri hjálp. Reagan forseti
ætlar að skipta fjórum
milljörðum dollara á milli
þeirra bænda, sem tapað
hafa yfir 35 prósent af upp-
skeru sinni, vegna þurrkanna
sem eru þeir mestu frá því ár-
ið 1936.
„Ríkisstjórnin mun ekki
reka búskap okkar,“ segir
John Hallberg elsti sonurinn
í fjölskyldunni, 31 árs.
„Við viljum ekki lenda í
sömu súpunni og þeir bænd-
ur sem tekið hafa ríkisstyrkt
lán. Þá á maður á hættu að
eftirlitsmenn komi til að vera
með nefið ofan í reiknings-
haldi okkar og fari að skipta
sér af áætlunum okkar.“
Næst elsti sonurinn á
bænum, Carl 28 ára, telur rík-
isstyrktu lánin óréttlát.
„Vegna þess að við viijum
komast fram úr okkar vanda-
málum sjálfir, neyðumst við
til að taka dýr lán í bönkum."
ELSKA KÝR
Búgarður Hallbergfjöl-
skyldunnar var grunnlagður í
Minnesota, í sex mílna fjar-
lægö frá Little Falls, árið
1906 af föður Morris Hall-
berg, núverandi eiganda.
Sænska fjölskyldubiblían
liggurá borði í stofunni. Þeg-
ar Hallberg bræðurnir byrj-
uðu á að koma haustupp-
skerunni í hús, fór yngsti
meðlimur fjölskyldunnar í
biblíuskóla, það er dóttirin
Janelle, sem fjölskyldan von-
ar að verði prestur.
Þegar John hafði lokið her-
þjónustu árið 1978, ákváðu
hann, og Carl bróðir hans að
reka búgarðinn með Morris
föður þeirra. Þeir rækta mais
og fleira, eiga 80 mjólkurkýr
og naut og kalla samyrkjubú-
skap sinn Pearl Valley Enter-
prises.
Morris Hallberg, sem er 70
ára, elskar kýrnar sínar. Hon-
um finnst mjög notalegt að
sitja í eldhúsinu, drekka kaffi
og lesa blöðin. Synirnir hafa
tekið við stjórninni, svo nú
getur hann látið það eftir sér.
Synirnir hafa lært af föður
sínum að tala hver til annars
af fyllstu kurteisi, tala út um
hlutina og staðgreiða helst
allt. Vegna þessa, kaupa þeir
ekki nýjan Pick-up á þessu
ári og taka sér ekkert frí.
Þegar synirnir tóku við bú-
skapnum tóku Morris og
Anne Hallberg sér frí, í fyrsta
skipti á ævinni. Þau fóru til
Hawaii og þótti það dýrt en
eiga dýrmætar minningar úr
ferðinni, svo hún var þess
verð. Þau skoða myndir frá
Hawaii oft og segjast þá upp-
lifa ferðina i annað sinn.
STÓR BÚGARÐUR
Pearl Valley Enterprises
biða í ofvæni eftir úrslitum í
forsetakosningunum, sem
fram fara í nóvember.
„Alltaf þegar nýr forseti
sest við stjórnvölinn, breytist
landbúnaðarpólitíkin. Reagan
blandaði sér mikið í hana
sérstaklega í sambandi við
ódýru lánin. Nú hefur hann
nóg að gera við að draga rik-
ið út úr þessum afskiptum
og tilhneigingin virðist vera,
að sá sterkasti vinni eða lifi
af. Þegar við stækkuðum
kúabúið upp í 80 kýr, árið
1979, þótti bú okkar stórt, en
nú er það svipað að stærð og
annarra bænda hér um slóð-
ir,“ segir John.
„Ég vona að Michael
Dukakis sigri í kosningunum.
Ég reikna með að hann muni
koma á kvótakerfi á mjólk og
korn, og það væri miklu
sanngjarnara," segir John.
Á siðastliðnum tveimur ár-
um, veitti bandariska þingið
tíu milljarða dollara til styrkt-
ar bændum. Á þessu ári
veitti þingið 4 milljarða í
þurrkahjálp eins og áður
sagði.
Hvað sem republikanar
gera, er það ekki á þessa fjöl-
skyldu sem þeir sækja
atkvæði sín!
Fjölskyldan hlær hressi-
lega, þegar Gerry tengdason-
urinn segir eftirfarandi sögu:
Þrír bandarískir læknar
Bandarískir
bœndur hafa á
undanförnum ár-
um orðiö fyrir
miklum efnahags-
legum skakkaföll-
um, ná síðast af
völdum langvar-
andi þurrka.
Bœndurnir vilja
samt ráða fram úr
sínum vandamál-
um sjálfir án af-
skipta ríkisstjórn-
arinnar.
hittast á læknaþingi og fara
að ræða um erfiðustu upp-
skurði og aðgerðir sem þeir
hafa fengist við. Sá fyrsti
hafði gert ákaflega flókinn og
vandasaman heilaskurð.
„Sjúklingur minn er í dag
auðugur fjölskyIdufaöir í
góðri vinnu,“ segir hann.
„Þetta er nú ekki neitt til að
monta sig af,“ segir sá
næsti. „Eg þurfti að gera
aðgerð á fórnarlambi umferð-
arslyss, og varð að leita að
öðrum fætinum í skurði og
öðrum handleggnum annars-
staðar. í dag er þessi sjúkl-
ingur minn spretthlaupari og
er í Ólympíuliðinu." Þriðja
lækninum finnst nú ekki mik-
ið til þessa koma. Hann segir
sögu af kúreka með Stetson
hatt á höfði sér, sem ríður á
múlasna út í eyðimörkina.
Hann er með sprengiefni í
vasanum. Það springur þegar
múlasninn hrasar ofan í
skurð.
„Þegar ég kom út í eyði-
mörkina var aðeins kúreka-
hatturinn og rassinn á múl-
asnanum sjáanlegt. Ég lapp-
aöi nú samt þessu saman og
kúrekinn er í dag forseti ..
forseti Bandarikjanna!"
Það eru svona sögur, sem
gott er að hlýja sér við á svöl-
um haustdögum. Það er svo
sem ekki allt í lagi á bænum,
maísinn eyðilagöur vegna
þurrkannaog Hallbergfjöl-
skyldan er ekki viss um að
eiga nægilegt fóður handa
öllum skepnunum.
Eitt er þó vist, ríkisstjórnin
blandar sér ekki í málefni
Pearl Valley Enterprises!
(Det fri Aktuelt.)