Alþýðublaðið - 01.12.1993, Blaðsíða 8
ÍS A • M T tt tcl
UM APSKILWAP RÍKIS OG KIRKJU
upplýsingar og skráning stofnenda
JBjórgvin s: 95-22710 (kl. 17-19) J
S A M T Ö IC
UM ADSKILNflP BÍKIS OG KIRKJU
upplýsingar og skráning stofnenda
^Bjorgvin s: 95-22710 (kl, 17-19) J
Miðvikudagur 1. desember 1993
183. TOLUBLAÐ - 74. ARGANGUR
Jóhanna beint á toppinn
Allt bendir til að bók Jóhönnu Kristjónsdóttur,
blaðamann.s og rithöfundar, steðji beint í forystusætiö
meðal íslenskra bóka nú fyrir jólin. Bókin Perlur og
steinar-árin með Jiikli hefur selst með eindæmum vel.
Að sögn þeirra hyÁAlmenna bókafélaginu seldist bókin
upp í mörgum bókabúðutn um helgina, þrátt fyriróvenju
stórt upplag t fyrstu pöntun. Fyrsta dreifing frá upplag-
inu er uppseld á örfáum dögum. Alþýðublaðið mun á
næstunni birta ritdórn sinn um bókina.
JÓHANNA - steíhir á mctsölu á bók liennar um árin með
JökJi Jaknbssyni.
Finnlandsvinir fagna
Á mánudaginn keniur verður 76 ára afmælis sjálf-
stæðis Finnlands fagnað hjá SUOMI-félaginu nieð
samkomu í Norræna húsinu og hefst hún kl. 20.30. Ný-
skipaður sendiherra Finnlands, Tom Söderman heldur
hátíðaræðu, en tveir Finnar, þau Carita Holmström og
Jaukko llves, koma og flytja tónlist frá Finnlandi í til-
efni dagsins, Skemmtidagskrá verður síðan í höndum
ftnnska skólans hér á landi. Að lokinni dagskrá verður
sest að borðum og barinn opnaður. Miðar kosta 1800
krónur og fást við innganginn. Ailir hjartanlega vel-
komnir.
íslenskir vinir Lithaugalands
Aðalfúndur Vináttufélags íslands og Litháens eða
Uthaugalands eins og kennt var í eina tið, var haldinn á
dögunum. Formaður er Gestur Ólafsson, arkitekt,
Guðmar Magnússon, verslunarmaður, er varaformað-
ur, Arnór HannibaLsson, prófessor, ritari, Sveinn Að-
alsteinsson, viðskiptafræðingur, gjaldkeri, og Hall-
grímur Jónasson, forstjóri, er meðstjómandi. Upplýs-
ingar um félagið gefur Gestur Ólafsson í síma 616577,
faxið hans er 616571.
Tvær hafnargöngur í dag
Hafnargönguhópurinn gerir það ekki endasieppt og er
þessi vikulega ganga að öðlast miklar vinsældir. í dag
eru tvær göngur. Sú fyrri er klukkan 14 og gengið um
Hljómskálagarð og útjaðar byggðar árið 1918, þegar
landið l'ékk fullveidi þennan dag fyrir 75 árum, - síðan
verður haldið að Laugavegi 162 og sýningin Fram til
fullveldis skoðuð. Seinni ferðin er klukkan 20 í kvöld,
haldið eins og ævinlega ífá Hafnarhúsinu, gengið að
Miðbakka og upp Stcinbryggjustæðið, Pósthússtræti og
Austurvöll, á Lækjartorg og að Stjómarráðshúsinu.
Lýður Björasson sagnfræðingur, fjallar á leiðinni um
þann atburð sem varð þegar ísland varð fullvalda ríki.
Síðan er gengið suður f Vatnsmýri og Háskólahverfi en
um klukkan 21.30 er slegið á lctta strengi í skjólgarði
Hafnarhússins í tiiefni dagsins. Aliir velkomnir- ekkert
þátttökugjald.
Fundur um kynferóisglæpi
Haldinn verður fúndur utn meðferð kynferðisafbrota-
mála og réttarstöðu þolenda kynferðislegs ofbeldis, í
kvöld klukkan 20.30 í Komhlöðunni við Bankastræti.
Það er SUS, Samband ungra sjálfstæðismanna sem
heldur fúndinn. Framsögu hafa Sólveig Pétursdóttir,
alþingismaður. Ari Edwald aðstoðarmaður dómsmála-
ráðherra, og Dr. Guðrún Jónsdóttlr, forstöðukona
Stígamóta. Fundarstjóri er Ásta Þórarinsdóttir.
Ókeypis aðgangur.
ÚTLÁN HAFA AUKIST UM 12 MILUARÐA
— á fyrstu 10 mánuðum ársins — Raunvextir eru enn háir í alþjóðlegum samanhurði
Útlán innlánsstofnana hafa aukist heldur meira
en innlán á þessu ári. Útlán hafa aukist um 12
milljarða fyrstu 10 mánuði ársins. Fyrirtæki hafa
aukið skuldir sínar við innlánsstofnanir um tæpa
sex milljarða en afgangurinn skiptist nokkuð
jafnt á heimilin og hið opinbera. Raunvextir hér á
landi eru enn háir í alþjóðlegum samanburði en
góð skilyrði fyrir varanlegri lækkun raunvaxta.
Þetta kemur fram í Hagvísi Þjóðhagsstofnunar. Þar
segir að raunávöxtun spariskírteina á eftirmarkaði sé
nú 5,3% og hafi lækkað um 1,5 prósent frá meðaltali
októbermánaðar. Engu að síður séu raunvextir hér á
landi háir í alþjóðlegum samanburði. I flestum ríkj-
um OECD liggi raunvextir á bilinu 3—4,5% en eru
enn lægri í Þýskalandi og Japan. Á síðustu misserum
hafi raunvextir lækkað um 2-3% í nær öllum ríkjum
OECD og hafi stjómvöld beitt markvissum aðgerð-
um í því skyni.
Hagvísir segir að hér á landi séu skilyrði góð fyrir
varanlegri lækkun raunvaxta vegna lágrar verðbólgu,
lágs raungengis og lægðar í þjóðarbúskapnum. For-
senda þess að vaxtalækkunin geti staðist til lengdar
sé þó sú að hallanum á búskap hins opinbera verði
haldið í skefjum.
Skuldir heimila og hins opinbera við lánakerfið
jukust stig af stigi á níunda áratugnum og í byrjun
þess tíunda á meðan skuldir fyrirtækja hafa verið
sveiflukenndari. Skuldir heimila voru litlar í byijun
níunda áratugsins í samanburði við önnur iðnríki en
eru nú með því hæsta sem gerist. Aukningu útlána til
heimila má meðal annars rekja til skipulagsbreytinga
á peningamarkaði og hárra vaxta á sama tíma og
stöðnun hefur ríkt í þjóðarbúskapnum, segir
Hagvísir.
Jarðarberjasulta.
Góð mcð sunnudagssteikinni.
Tytteberjasulta.
Góð með svínasteikinni.
Appelsínumarmelaði. Aprikósumarmelaði.
Gott með morgunkaffinu. Gott með hafrakexi.
Rabarbarasulta.
Góð á súkkulaðikökuna.
Rifsberjahlaup.
Gott með osti og út í sósu.
Drottningarsulta.
Góð á vöfflur með rjóma.
Blábcrjasulta.
Góð með villibráð.
Sólberjasulta.
Góð með lambakjöti.
w/tmjmM
sultur eru ljúffengar
og henta við öll tækifæri
Veljum íslenskt
þegar gæðin eru meiri.
Ástríðusulta.
Góð mcð osti.
BÚBÓT hf. sultugerð
Skemmuvegur 24m • 200 Kópavogur
Sími 79977 • Fax 671215
Gráfíkjusulta.
Góð í jólabaksturinn.
Ananasmamielaði.
Gott með heilhveitikexi.
Gulrótarmannelaði.
Gott með öllu kexi og brauði.
Blönduð ávaxtasulta.
Góð í bakstur.
Mindberjasulta.
Góð með kjúklingi.
Sveskjusulta.
Góð í hálfmánana.
AUGLÝSINGASTOFA REYKJAVÍKUR