Tíminn - 07.08.1968, Blaðsíða 9
MIÐVIKUDAGUR 7. ágúst 1968.
9
TIMINN
'tMÍ
Útgefandi: FRAMSÓKNARFLOKKURINN
Framikvæmdastjóri; Kristján Benediktsson. Ritstjórar: Þórarinn
Þórarinsson (áb), Andrés Kristjánsson, Jón Helgason og Indriði
G. Þorsteinsson. Fulltrúi ritstjómar: Tómas Karlsson. Aug-
lýsingastjóri: Stemgrímur Gíslason. Ritstj.skrifstofur í Eddu-
húsinu, símar 18300—18305. Skrifstofur: Bankastræti 7. Af-
greiðslusími: 12823. Auglýsingasími: 19523. Aðrar skrifstofur,
simi 18300. Áskriftargjalid kr. 120.00 á mián. innanlands — f
iaiusasölu kr. 7.00 eint. — Prentsmiðjan EDDA h. f.
EGIL STEINMETZ:
Það þarf nýja stefnu
og ný vinnubrögð
Því neitar enginn, að veðurfar, aflabrögð og verðlag
hefur verið atvinnuvegum þjóðarinnar óhagstætt á ýms-
an hátt, allra seinustu misserin. Þess vegna væri það
fjarri öllu lagi að kenna stjórnarvöldunum og stjórnar-
stefnunni um allt það, sem miður fer um þessar mundir.
En jafn fjarstætt er það líka að ætla að rekja alla
erfiðleika okkar til framangreindra orsaka.
Við getum t.d. ekki kennt veðurfari, aflabrögðum
eða verðlagi um það, að síðan 1958 hefur útflutningur
okkar á frystum fiskflökum minnkað um 37,1% á
sama tíma og útflutningur Norðmanna á sömu vöru
hefur aukizt um 285%.
Við getum ekki heldur kennt veðurfari, aflabrögð-
um eða verðlagi um það, að síðan 1958 hefur togara-
floti okkar mi*inkað um meira en helming á sama
tíma og samkeppnisþjóðir okkar hafa stóraukið tog-
araflota sinn.
Við getum ekki heldur kennt veðurfari, aflabrögð-
um eða verðlagi um það, að verzlunarfloti okkar hefur
minnkað verulega síðan 1958 á sama tíma og nær
allar aðrar siglingaþjóðir hafa stóraukið verzlunar-
flota sinn.
Við getum ekki heldur kennt veðurfari, aflabrögð-
um og verðlagi um það, að margar iðngreinar hér
hafa ýmist lagst niður eða dregist stórlega saman
síðan 1958, sökum hömlulauss innflutnings og láns-
fjárhaíta.
Þannig má rekja þetta áfram. Allt stafar þetta, sem
hér hefur verið rakið, einfaldlega af því, að hér hefur
stjórnin verið öðru vísi og lakari en annars staðar. Það
hefur ekki verið hirt um að halda verðbólgunni í skefj-
um, lánapólitíkin hefur verið röng, og handahóf og spá-
kaupmennska hefur stjórnað fjárfestingunni 1 stað
nauðsynlegra áætlana og skipulags.
Þess vegna er þjóðin illa undir það búin að mæta
erfiðleikum, sem að steðja, þrátt fyrir allt góðæri undan-
farinna ára.
En af þessu ber að læra. Við sigrum ekki erfið-
leikana með því að fylgja óheillastefnu undanfarinna
ára, sem hefur búið að frystihúsunum, togurunum,
verzlunarflotanum og iðnaðinum, eins og raun ber vitni.
Það þarf nýja stefnu, ný úrræði og ný vinnubrögð, eins
og Framsóknarmenn hafa bent á undanfarin ár. Verði
ekki breytt algerlega um stefnu, munu erfiðleikarnir
halda áfram að aukast.
Utanrikisþjónustan
Á seinasta þingi var samþykkt tillaga frá þeim Ólafi
Jóhanpessyni og Þórarni Þórarinssyni um að fela ríkis-
stjórninni að láta endurskoða loggjöfina um utanríkis-
þjónustuna með það fyrir augum, að gera hana hag-
kvæmari og ódýrari en hún er nú. Endurskoðun þessari
skyldi lokið fyiúr næsta þing.
Þess ber að vænta að ríkisstjórnin framfylgi áður-
greindum vilja Alþingis, og breytingar verði gerðar á
utanríkisþjónustunni á næsta þingi. Það er margra álit,
að utanríkisþjónustan eigi að sinna viðskipta- og markaðs
málum mun meira en hún gerir nú, og það eigi að geta
gerzt, þótt dregið verði úr kostnaði við hana.
Kommúnismi Ho Chi Minhs er
byggður á þjóðernisstefnu
Hann fór ungur út í heim, dvaldi 25 ár f|arri ættjörð sinni,
kynntist kenningum byltingarmanna í Frakklandi og sat þing
kommúnista þar árið 1921.
„HO CHI MINH var óvenju-
lega indæll maður. Hvert sinn,
sem ég minnist gamla manns-
ins, er hann sat á litlum hól
úti í frumskóginum, verður
mér hugsað til þess, hve ein-
staklega aðlaðandi hann var.“
Þetta eru ummæli Banda-
ríkjamannsins Roberts Shap-
leen, en hann starfaði í banda-
rísku njósna og skemmdar-
verkasamtökunum OSS (Office
of Strategic Services) í síðari
heimsstyrjöldinni, átti ýmislegt
saman við Ho að sælda og út-
vegaði honum og skæruher-
mönnum hans vopn gegn Ja-
pönum. Þetta samstarf Banda-
ríkjamanna og Ho Chi Minh fyr
ir 23 árum ei eitt af því, sem
nú virðist gleymt. Þegar her-
sveitir Ho Chi Minhs frá Norð-
ur-Vietnam og hersveitir Banda
ríkjanna heyja blóðuga, að því
er virðist óendanlega og að
margra áliti tílgangslausa styrj-
öld, en fulltrúar beggja sitja á
rökstólum í París og eiga þar
í endalausum og — enn sem
komið er — árangurslausum
samningaumleitunum um að
ljúka styrjöldinni.
Sagan geymir sínar fjarstæð-
ur og sínar fjarstæðukenndu
aðalpersónur. Ho Chi Minh er
ein þeirra, en um hann vitum
við lítið og höfum gleymt allt
of miklu af því, sem okkur hef-
ir orðið kunnugt um hann.
Hann er 78 ára að aldri. mót-
aði kommúnisma Vietnama og
hefur háð tvær styrjaldir til
þess að reyna að gera æsku-
drauma sína að veruleika, fyrri
styrjöldina gegn Frökkum og
hjna síðari gegn ofurveldinu
Bandaríkjunum.
HANN hefir gengið undir
mörgum nöfnum. Fyrst hét
hann Cung litli, þvi næst Nguy-
en Tat Thanh, þá Ba, Ai Quoc,
Vuong, Chin, Lin, Tran og loks
Ho Chi Minh. og er nú heims-
kunnur undir því nafni. Hann
var þegar virkur byltingarmað-
ur árið 1917, löngu áður en
heiminum var kunnugt um Len
in og Stalín. hvað þá Tito og
Mao. Ho Chi Minh byggði fyrst
og fremst á hugmyndum
franskra byltingarmanna og
frelsishugsjónum Bandaríkja-
manna.
Baráttu Lenins lauk árið
1924, Trotzky hafði runnið sitt
skeið 1940 og Dimitrov 1948.
Mao varð fyrst nafnkunnur ár-
ið 1921 og Títo ekki fyrri en
1942. Ho var þegar orðinn fé-
lagi í Kommúnistaflokki Frakk
lands fyrir tveimur mannsöldr
um, gekk síðan í flokk komm-
únista i Sovétríkjunum og Kína
og stofnaði kommúnistaflokk
Indokína, sem fyrst varð að
Vietnam og siðar að Tao Dong.
Hann var búinn að stofna ríki
löngu áður en Mao hóf baráttu
sína og hefir síðan veitt forustu
í tveimur stórstyrjöldum. Hin
fyrri var háð gegn Frakklandi
og batt endi á franska heims-
veldið. en hin síðari gegn
Ho Chi Minh meðal bandan'skra vopnabræðra sinna og vina árið 1945
Bandaríkjamönnum, sem nú
hafa komizt að raun um tak-
mörk tæknimáttarins. Ho fer
enn í dag með það aðalhlutverk,
sem hann tók að sér í byrjun
aldarinnar, löngu eftir að öll
önnur stórmenni kommúnism
ans eru ýmist horfin af sjónar-
sviðinu eða sem óðast að gleym-
ast.
HO CHI MINH er mjög ó-
venjulegur maður og það viður
kenna andstæðingar hans, hvort
sem þeir eru franskir eða banda
Fyrri grein
rískir. Hann er gæddur mjög
óvenjulegu seiðmagni og aðlöð-
unarmætti og marghverfur og
mótsagnakenndur á alla lund.
Innblástur sínn fékk hann með-
an hann dvaldist í óvinaland
inu Frakklandi og er stöðugt
háður áhrifamætti annars óvina
lands, Bandarikjanna, semhann
elskar og hatar í senn, dáir
Bandaríkjamenn hugsjónalega
séð og er enn fús að bera fram
þessa játnin.gu: „Mér þykir
vænt um bandarísku þjóðina og
rauður dregill verður lagður að
fótum fulltrúa hennar þegar
okkur tekst að útkljá þessa
styrjöld“.
Þannig birtist Ho Ohi Minh
í bók franska blaða- og stjórn-
málamannsins Jean Lacouture,
en hún er nýkomiu á markað-
inn. 3ókin er blátt áfram, vel
studd gögnum og mjög aðdáun-
ar verð þrátt fyrir allt.
Höfundurinn hefii þurft að
leggja á sig mjög mikla vinnu
við að afla efnis í bókina, en
hefir pó orðið að notfæra sér
minningar vina söguhetjunnar
og , þær fáu lögregluskýrslur,
sem völ er á. Bernska og æska
Ho Chi Minh er að mestu
myrkri hulin. Ekki er emu sinni
vitað með vissu, hvenær hann
fæddist, en það var einhveri,
tíma á árunum 1890 til 1894
í Amman norðanverðu. Talið er.
að fátæktin hafi sett mark sitt
á æsku Ho‘s er, ýmislegt gef-
ur þó til kynna. að hann hafi
hlotið ágæta menntun, meðal
annars ljóðagerð hans í forn-
um, tcínverskum stíl. Vitað er
með vissu, að hann stundaði
framhaldsnáin við menntastofn
un þá, sem hinn látni faðir Ngo
Dien Diems atofnaði
HO réðst sem’ þjónn á far-
þegaskip árið 1911 í þeim til-
gangi að skoða heiminn, þá ung
ur að árum, ug upp frá því er
ferill hans 'að mestu kunnur.
Hann gekk á land í bandarísk-
um og frönskum hafnarbæjum
og skoðaði sig um, og á þann
hátt öðlaðist nann vitneskju um
heiminn utan heimalands síns
og sú vitneskja veitir honum al-
gera sérstöðu meðal leiðtoga
heimskommúnismans Hann
dvaldi mörg ár í París. átti
heima * Moskvu og ferðaðist
um Kína. Alls dvaldi hann 25
ár eriendis og á þeim árum
mótaSist hann sjálfur og stefna
hans • stjórnmálum
Kommúnismi Ho Chi Minhs
varð til í Frakklandi og mótað-
ist síðar í Sovétríkjunum og
Kína, en frelsishugsjónir sínar
öðlaðist hann í Bandaríkjunum.
Af þessum sökum er kommún-
ismi hans enn þann dag í dag
fyrst og fremst grundvallaður
á vietnamskn þjóðernisstefnu.
Hvert er svo markmið hans
með styrjöldinni? Hvort lýtur
hann heldur forustu Sovét-
manna eða Kinverja? Sé slíkum
spurningum Deint til hans svar
ar hann ævimega: „Vietnömum
er gjálfstæði sitt og metnaður
mikilvægara en allt annað “
Framhald á bls. 5.