Morgunblaðið - 03.03.2001, Blaðsíða 64
HESTAR
64 LAUGARDAGUR 3. MARS 2001 MORGUNBLAÐIÐ
Í FRÉTTATILKYNNINGU frá Ís-
lenska reiðskólanum frá 22. febrúar
sl. kemur fram að greiðsluörðugleika
skólans megi rekja að hluta til þess
að yfirvöld búfræðslumála hafa neit-
að að taka framlagða námskrá skól-
ans til skoðunar og veita honum leyfi
til að taka þátt í hinu opinbera
menntakerfi hestamennskunnar.
Guðni Ágústsson landbúnaðarráð-
herrra segir hins vegar að frá því við-
ræður við Íslenska reiðskólann hóf-
ust hafi ætíð verið bent á að eina færa
leið skólans til að bjóða upp á mennt-
un í hestamennsku á framhaldsskóla-
stigi innan íslenska menntakerfisins
væri að vera í samstarfi við fram-
haldsskóla. Samkvæmt lögum væri
ekki hægt að fara þá leið sem Örn
Karlsson, stjórnarformaður Íslenska
reiðskólans, vildi fara, þ.e. að skólinn
yrði einkaskóli.
Jafngildir höfnun á starfsleyfi
Í frétt Íslenska reiðskólans segir
m.a. að með því að yfirvöld bú-
fræðslumála hafi neitað að veita hon-
um leyfi til að taka þátt í hinu op-
inbera menntakerfi hestamennsk-
unnar jafngildi það höfnun á starfs-
leyfi skólans því skólinn hafi ætlað
sér að bjóða upp á nám á því skóla-
stigi sem lög um búnaðarfræðslu ná
yfir. Þessi höfnun hafi einnig valdið
því að fjárfestar sem höfðu gefið lof-
orð fyrir nýju hlutafé sem nemur 15
milljónum króna hafi að mestu haldið
að sér höndum á meðan þessi óvissa
ríkir.
Að sögn Guðna Ágútssonar land-
búnaðarráðherra hefur hann frá upp-
hafi bent Erni Karlssyni á að ganga
til samninga við framhaldsskóla og
þá Fjölbrautaskóla Suðurlands og
boðið honum alla þá aðstoð sem hann
hafi getað látið af hendi. „Lögin eru
skýr í þessu efni,“ sagði Guðni, „og
þau hafa verið ljós frá upphafi. Sam-
kvæmt þeim getur hann ekki stofnað
einkaframhaldsskóla. Ég hef því
bent honum á að vera ekki að tefja
sig á þessu og ganga beint til samn-
inga við FS.“
Möguleiki á starfsleyfi
Í lok greinargerðar sem Íslenski
reiðskólinn sendi frá sér 26. febrúar
sl. þar sem rakin eru samskipti skól-
ans við búfræðsluráð og landbúnað-
arráðherra segir m.a. að landbúnað-
arráðherra hafi í janúar sl. bent á að
til að geta stofnað til búnaðarnáms-
brautar þurfi Íslenski reiðskólinn að
fá viðurkenningu menntamálaráðu-
neytisins á grundvelli laga um einka-
skólaviðurkenningu.
Sagt er að þetta séu nýjar leiðbein-
ingar frá landbúnaðaryfirvöldum og
hafi þessi leið reynst fær við skoðun í
menntamálaráðuneytinu að upp-
fylltum þeim skilyrðum að skólinn
aðlagi námskrá sína að aðalnámskrá
framhaldsskóla. Í fréttatilkynning-
unni kemur fram um þetta atriði að
þar sem það virðist loks vera í höfn að
skólinn hafi möguleika á að fá
starfsleyfi til að starfa í menntakerfi
hestamennskunnar og þar með
starfsgrundvöll muni aðstandendur
tryggja þann fjárhagsgrundvöll sem
þurfi til að skólinn fái bú sitt að nýju
og starfi áfram.
Gagnrýnt er í greinargerðinni að
vegna þess að ekki hafi fyrr verið
bent á þessa leið hafi starfsleyfi skól-
ans tafist um eitt og hálft ár og talað
er um ómælt tjón af þessum sökum
fyrir skólann og aðstandendur upp-
byggingarinnar á Ingólfshvoli og
sunnlenska bændur.
Samstarf við 700 nemenda
skóla góður kostur
„Ég hef alltaf bundið miklar vonir
við þessa starfsemi í Ölfusinu,“ sagði
Guðni Ágústsson landbúnaðarráð-
herra. „Ég hef alltaf trúað því að það
næðust samningar um samstarf skól-
ans og Fjölbrautaskóla Suðurlands.
Ég hef rætt við skólameistara hans
og hann er áhugasamur um samstarf
við reiðskólann. En þetta hefur ekki
gengið upp hingað til. Ég hef samúð
með forsvarsmönnum Íslenska reið-
skólans. Ég taldi Íslenska reiðskól-
ann eiga mjög góða möguleika með
því að fara í samstarf við 700 nem-
enda skóla. Með því væri hægt að ná
glæsilegum árangri. Ég hef ennþá þá
trú að þetta sé sú leið sem Íslenski
reiðskólinn eigi að fara.“
Sagt er í greinargerðinni að á
sama tíma og stjórnvöld hafi tafið
starfsemina á Ingólfshvoli hafi þau
lagt óhemju fé í uppbyggingu líkrar
starfsemi í Skagafirði, þ.e. Hestamið-
stöðvar Íslands. Þegar aðstandendur
skólans hafi leitað leiðbeininga land-
búnaðarráðuneytisins hafi stundum
orðið fyrir svörum aðstoðarmaður
ráðherra sem jafnframt er stjórnar-
formaður Hestamiðstöðvar Íslands.
Hvað varðar gagnrýni á Hestamið-
stöð Íslands í Skagafirði sagði land-
búnaðarráðherra að starfsemi henn-
ar kæmi þessu máli ekkert við.
Þorsteinn Broddason, forstöðumað-
ur Hestamiðstöðvarinnar, hefur
einnig sent frá sér yfirlýsingu. Þar
kemur fram að Hestamiðstöðin hafi
fulla samúð með aðstandendum Ís-
lenska reiðskólans og þykir leitt
hvernig farið hefur fyrir rekstrinum.
Einnig er tekið fram að Hestamið-
stöð Íslands sé ekki tengd neinum
rekstri sem kann að vera í samkeppni
við skólann.
Fréttatilkynningu og greinargerð
frá Íslenska reiðskólanum og frétta-
tilkynningu frá Hestamiðstöð Ís-
lands má lesa í heild sinni á hestavef
mbl.is /sport/hestar.
Íslenski reiðskólinn á Ingólfs-
hvoli tekinn til gjaldþrotaskipta
Uppbygging var mikil á Ingólfshvoli í Ölfusi
en ekki gekk vel að koma upp reiðskóla til
langframa. Á rústum Hestaskólans var
reistur Íslenski reiðskólinn en hann er nú
gjaldþrota. Ásdís Haraldsdóttir skoðaði
fréttatilkynningar og greinargerðir um
málið og ræddi við landbúnaðarráðherra.
ALLTAF fleygir tækninni fram og
teygja þessar framfarir af og til
anga sína inn í hestamennskuna.
Eitt það nýjasta sem hestamönnum
stendur nú til boða er svokölluð
hreyfigreining þar gerðar eru
tímamælingar á hreyfingum með
sérstöku forriti sem fyrirtækið
Kine hefur hannað og það meðal
annars verið notað af sjúkraþjálf-
urum og við kennslu í Háskóla Ís-
lands.
Greiningin fer þannig fram að
tekin er mynd með myndbands-
upptökuvél og hún yfirfærð á tölvu-
tækt form. Sett eru merki á þá lík-
amshluta sem greina á hreyfingu á.
Sé um hesta að ræða væru það
væntanlega fætur hestsins eða liðir
í afturhluta eða í bógnum.
Eftir því sem best er vitað hafa
ekki farið fram miklar rannsóknir á
hreyfingafræði íslenska hestsins og
því mörgum spurningum ósvarað.
Með myndbandstækninni hafa
hestamenn öðlast aukna þekkingu á
breytilegu hreyfingamynstri ein-
stakra hrossa. Ýmsar liðskekkjur í
fótum hrossa geta valdið vanda-
málum við þjálfun eða hamlað ár-
angri á einstökum gangtegundum
og má þar nefna þegar hross grípa
fram á sig á skeiði eða tölti með
hornstæðum afturfæti. Þá hættir
sumum hrossum til að strjúka sig,
þ.e. þegar til dæmis framfótur í
framgripi strýkst utan í hinn fram-
fótinn og svo hliðstætt á afturfæti.
Annað sem nefna mætti er að
munur getur verið á hreyfingaferli
hliðstæðna, þ.e. fram- og afturfóta
á einum og sama hestinum. Með
myndbandstækninni hafa menn
greint að mjög algengt er að hross
lyfti fótum hærra á annarri hliðinni
og liggur þá orsökin að því er talið
er oft í afturparti hestsins. Þar get-
ur verið um að ræða misstyrk eða
þá að hesturinn kreppir ýmsa liði
betur á annarri hlið. Af þessu leiðir
að hross geta verið á breytilegum
takti, til dæmis nær skeiðtakti á
annarri hliðstæðunni. Þá er einnig
vel þekkt að skeiðhestar geta sömu-
leiðis verið fjórtaktaðir á annarri
hliðstæðunni en í prýðilegum skeið-
takti á hinni. Allur slíkur breytileiki
getur valdið vandræðum og töfum á
þjálfun og uppbyggingu hrossa og á
það sérstaklega við um þegar verið
er að þjálfa þau til stórra afreka.
Með aukinni þekkingu á eðli og
orsökum þessa mismunar í hreyf-
ingum hrossa mætti ætla að gera
megi þjálfun þeirra skilvirkari og
jafnvel stuðla að framförum í þjálf-
unaraðferðum. Knapinn gæti verið
betur í stakk búinn að finna lausn á
ýmsum vandamálum sem koma upp
á þjálfunarferlinu. Með þessari
tækni telja þeir Baldur Þorgilsson
og Karl hjá Kine að hestamenn geti
fengið mjög glöggar upplýsingar
með bæði hraða- og lengdarmæl-
ingum skrefa. Hægt er að mæla
mjög nákvæmlega hreyfiferil og
skreflengdir, hversu hátt hrossin
lyfta fótum og síðan það sem er lík-
lega áhugaverðast sem væri sam-
anburður á hliðstæðum hvers hests.
Einnig gæti verið áhugavert að sjá
útkomu á mælingum, hversu vel
hrossin kreppa afturpartinn og er
þá verið að tala um hornið sem
mjaðmarbein og lærleggur mynda
og þar fyrir neðan hornið sem lær-
leggur og langleggur mynda og að
síðustu hornið sem langleggur og
leggur neðan hækils mynda. Þá er
sömuleiðis hægt að gera tímamæl-
ingar milli niðurkomu fóta.
Einnig þykir áhugavert að sjá
hvort þessi tækni gæti hjálpað við
að leysa ágripavandamál sem eru
algengari hjá keppnishrossum.
Með tilkomu þessarar tækni
vakna spurningar hvort ekki sé full
ástæða fyrir hestamenn að reyna
hana og sjá hvort hún henti við
rannsóknir á hreyfingum íslenskra
hrossa. Væri þetta ekki tilvalið
verkefni fyrir til dæmis Hólaskóla
að hafa frumkvæði að slíkum rann-
sóknum, þar eru glöggir og snjallir
reiðmenn ásamt dýralækni sem
gætu framkvæmt slíka rannsókn.
Kinemenn hafa tækniþekkinguna,
tölvubúnað og forritið sem til þarf
og eru þess fullvissir að þetta eigi
ekki síður erindi til hestamanna en
til dæmis sjúkraþjálfara sem nota
tæknina með góðum árangri við
hreyfigreiningu á fólki. Boltinn er
því hjá hestamönnum.
Hreyfi-
greining
fyrir
hesta
Morgunblaðið/Valdimar
Jafnvægi hesta á gangi byggist mikið á að samræmi sé í hreyfingum og
spyrnan jöfn milli hliða. Ekki er annað að sjá en skeiðspretturinn hjá
Reyk frá Hoftúni og Sveini Ragnarssyni sé því sem næst fullkominn,
gott snið með góðu svifi.
TILKOMA reiðhallarinnar Arnargerðis
á Blönduósi hefur hleypt miklu lífi í
hestamennskuna í Austur-Húna-
vatnssýslu. Í vetur verður boðið upp á
fjölbreytta dagskrá sem ýmist er á
vegum Hestamannafélagsins Neista
eða Arnargerðis ehf. sem er hluta-
félag sem stofnað hefur verið um höll-
ina. Stofnaður hefur verið unglinga-
klúbbur Neista og skráðu sig þegar í
hann um 20 krakkar. Er þar gert ráð
fyrir öflugu starfi undir leiðsögn Helga
H. Jónssonar. Ætlunin er að yfir vet-
urinn hittist klúbbsfélagar hálfsmán-
aðarlega í reiðhöllinni og verður þá
margt skemmtilegt gert auk reið-
kennslu, s.s. farið í leiki á hestum, út-
reiðar um nágrennið og ýmislegt
fleira. Helgina 23. til 25. febrúar er
fyrirhugað námskeið með Sigrúnu
Sigurðardóttur og fer hver að verða
síðastur að skrá sig á það. Ágætis
þátttaka er á námskeiðinu en örfá
pláss eru þó enn laus. Hinn 9. mars
verður annað töltmót vetrarins og
verða þá helstu gæðingar svæðisins
farnir að sýna áhugaverða takta ef
þeir á annað borð geta eitthvað eins
og það er orðað í fréttatilkynningu.
Hinn 24. mars verður stórsýning vetr-
arins, í sama anda og vígsluhátíð
reiðhallarinnar í fyrra, þar sem fram
komu margir af fremstu gæðingum
landsins. Ekki verður minna lagt í sýn-
ingu þessa árs og hafa borist fréttir af
því að á meðal hesta verði nokkrar
stjörnur frá LM 2000 úr röðum stóð-
hesta auk þess sem nýjar stjörnur
munu stíga sín fyrstu spor. Þá verða
bestu ræktunarbú svæðisins með
fulltrúa á sýningunni. Grín og glens
verður í bland við úrvals gæðinga og
frábærar merar.
Gróska í hesta-
mennskunni
FJÓRIR einstaklingar hafa sótt um
að halda Íslandsmótið í hestaíþrótt-
um fyrir fullorðna og ungmenni á
þessu ári. Það eru þeir Tómas Ragn-
arsson, Hinrik Bragason, Vilhjálmur
Skúlason og Einar Ragnarsson. Þeir
hafa tekið félagssvæði Harðar í Mos-
fellsbæ á leigu með það fyrir augum
að halda mótið þar.
Stjórn Landssambands hesta-
mannafélaga hefur enn ekki fjallað
um umsóknina. Að sögn Jóns Al-
berts Sigurbjörnssonar, formanns
landssambandsins, þykir honum vel
koma til greina að einstaklingar haldi
Íslandsmót. Ljóst sé að ekkert
hestamannafélag á landinu hafi
lengur áhuga á að halda slíkt mót.
Búið er að ákveða að mótið verði
haldið 22.–24. júní nk. og er gert ráð
fyrir að sú dagsetning standi. Jón Al-
bert sagði að þrátt fyrir að ein-
staklingar héldu mótið og gætu
bryddað upp á ýmsum nýjungum yrði
að fara eftir lögum og reglum um Ís-
landsmót hvað varðar keppnis-
greinar og dóma. Því yrði að ganga út
frá því að sjálf keppnin yrði með
hefðbundnu sniði.
Ný umsókn um
Íslandsmótið
EKKI hefur verið ákveðið hver verður
þjálfari íslenska landsliðsins í hesta-
íþróttum, en helsta verkefni ársins
er Heimsmeistaramót íslenskra
hesta í Austurríki í ágúst.
Sigurður Sæmundsson, sem verið
hefur landsliðseinvaldur í mörg ár, ef
frá er talið síðasta ár, hefur verið að
íhuga að keppa sjálfur um sæti í ís-
lenska landsliðinu. Að sögn Þrastar
Karlssonar, formanns landsliðs-
nefndar Landssambands hesta-
mannafélaga, hefur nefndin mikinn
áhuga á að ráða Sigurð, en hann er
enn að hugsa sig um og hefur ekki
gefið afdráttarlaus svör. Þröstur
sagði að nú væri verið að skoða
stöðuna en ákvörðun um nýjan
landsliðsþjálfara myndi liggja fyrir
upp úr miðjum þessum mánuði.
Landsliðsþjálf-
ari ráðinn í
þessum mánuði
FUNDARFERÐ forystusveitar hesta-
manna hefur gengið vel og verður
síðasti fundurinn haldinn í Ölfushöll-
inni á Ingólfshvoli í kvöld.
Mæting hefur yfirleitt verið góð á
fundunum og umræður fjörugar. Jón
Albert Sigurbjörnsson, formaður LH,
sagðist vera ánægður með fundina í
heild. Þó hafi það vissulega valdið
vonbrigðum að mæting var slökust á
höfuðborgarsvæðinu, þ.e. á fund-
inum sem haldinn var í Harðarbóli í
Mosfellsbæ, einmitt þar sem hesta-
menn væru fjölmennastir og skiptu
þúsundum.
Léleg mæting
á höfuðborgar-
svæðinu
UNDIRRITAÐUR hefur verið kaup-
samningur vegna sölu á næstsíð-
asta hesthúsinu í eigu Hestamanna-
félagsins Fáks á svæði félagsins í
Víðidal. Nemur kaupverðið 18 millj-
ónum króna. Aðeins eitt hesthús,
svokallað stóðhestahús, er eftir í
eigu félagsins.
Nýir eigendur hesthússins eru þau
Ragnar Tómasson og Edda Hinriks-
dóttir og fá þau húsið afhent 1. júlí
næstkomandi.
Snorri Ingason, formaður Fáks,
sagði að félagið fengi lokagreiðsluna
við afhendingu hússins. Hann sagði
að þessi sala myndi bæta skulda-
stöðu félagsins verulega, en sam-
kvæmt síðasta ársreikningi námu
skuldir Fáks 22 milljónum króna.
Ekki er fyrirhugað að selja stóð-
hestahúsið.
Fákur selur
hesthús
ÁKVEÐIÐ hefur verið að framlengja
frest til að skrá þátttöku í fimimóti
Morgunblaðsins og Gusts til kl. 16 á
sunnudaginn. Skráning fer fram í
síma 896 6753 eða á vakr@mbl.is.
Skráning til
sunnudags