Morgunblaðið - 01.05.2001, Blaðsíða 15
HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 1. MAÍ 2001 15
BÆJARYFIRVÖLD í Kópavogi
eru jákvæð gagnvart því að hægt
verði að setja upp aðstöðu fyrir
hjólabrettamenn í bænum og hefur
bæjarstjóri falið tæknideild bæj-
arins að finna stað þar sem hægt
væri að koma aðstöðunni fyrir.
Í Morgunblaðinu á laugardag
var sagt frá erindi Daníels Berg-
manns Sigtryggssonar, tólf ára
hjólabrettastráks í Kópavogi sem
hefur farið fram á það við bæj-
arstjórn að komið verði upp að-
stöðu fyrir hjólabretti í bænum.
Sigurður Geirdal bæjarstjóri segir
að vel hafi verið tekið í erindi
Daníels, ekki síst þar sem fyrri að-
staða í Smáranum var rifin niður
vegna sjávarútvegssýningar sem
haldin var í bænum fyrir tveimur
árum.
„Það er slæmt að þetta hafi verið
fjarlægt og brettafólk þarf að fá
eitthvað í staðinn. Því fól ég tækni-
deild að finna heppilegan stað í
bænum og áætla kostnað við upp-
setningu pallanna. Þannig að þó að
það sé ekki hægt að segja að við
höfum fundið lausn í snarheitum er
vilji fyrir því að gera það.“
Snælandsskóli
lausnin?
Hann segir að í raun hafi bretta-
fólk verið á hrakhólum með að-
stöðu, því eftir að pallarnir í Smár-
anum voru fjarlægðir var talað um
að aðstöðunni yrði jafnvel komið
fyrir sunnan við sandgrasvöllinn í
Smáranum. Nú hefur hins vegar
verið ákveðið að reisa þar fjölnota
íþróttahús.
Í bréfi sínu til bæjarstjórnar
stakk Daníel upp á grassvæðinu
við gömlu brúna yfir lækinn milli
Hlíðarhjalla og Dalvegar en Sig-
urður segir þann stað ekki koma til
greina. „Það er staður sem við höf-
um reynt að halda aðeins í friði og
menn sjá í framtíðinni fyrir sér
sem einhvers konar útivistarsvæði.
En við finnum handa þeim pláss,
til dæmis kemur til greina að setja
þetta upp við Snælandsskóla.“
Þetta er ekki í fyrsta sinn sem
hjólabrettastrákar í Kópavogi snúa
sér beint til Sigurðar því fyrir
mörgum árum kom hópur þeirra á
fund hans og óskaði eftir pöllum.
Sú umleitan leiddi til uppsetningar
aðstöðunnar í Smáranum sem síðar
var tekin niður.
„Þeir eru svo brattir þessir
krakkar að þegar þeir komu síðast
bentu þeir mér á að ég vissi ekkert
hvernig þetta ætti að vera og
fengu því send blöð frá Danmörku
um málið.
Eins hafði pilturinn varann á að
þessu sinni og var búinn að fá upp-
lýsingar héðan og þaðan á Netinu,“
segir Sigurður.
Leita að hentugu svæði
fyrir hjólabrettakappa
Kópavogur
SKÚTAN Kaskelot kom til
Hafnarfjarðarhafnar í vik-
unni en á næstu vikum
verður hún vettvangur töku
á breskri sjónvarpsmynd
um leiðangur Shackleton
pólfara. Aðalhlutverk
myndarinnar verður í hönd-
um breska leikarans Ken-
neths Brannagh.
Framleiðandi mynd-
arinnar er First Sight Films
en leikstjóri er Charles
Sturridge sem meðal ann-
ars er þekktur fyrir sjón-
varpsmyndina Brideshead
Revisited. Myndin sem nú
er verið að undirbúa tökur
á er gerð fyrir Channel
Four og verður í fjórum
hlutum. Tökur á myndinni
fara fram í Hafnarfjarð-
arhöfn og í ísnum utan við
Grænland en of kostn-
aðarsamt hefði verið að
fara alla leið á suðurskautið
til að taka upp myndina.
„Þetta er nú merkileg
saga af því að þetta er
sennilega einn af þessum
fáu hrakfallaleiðöngrum
þar sem allir björguðust,“
segir Úlfur Hróbjartsson
hjá Pegasus kvikmynda-
gerð en fyrirtækið sér um
framleiðsluþjónustu við
bresku kvikmyndagerða-
mennina. Shackleton, sem
var Breti, hugðist fara á
suðurpólinn en tókst ekki
ætlunarverk sitt þar sem
skip hans festist í ís.
Tölvugrafík skapar
rétta andrúmsloftið
Sá hluti myndarinnar
sem tekinn verður í Hafn-
arfjarðarhöfn á að gerast í
Buenos Aires og verður
tölvutæknin meðal annars
nýtt til að skapa rétta and-
rúmsloftið fyrir tökurnar.
Þessa dagana eru smiðir að
vinna að breytingum á
skútunni og þurfa meðal
annars að smíða á hana
stromp svo að hún líkist
skútu Shackleton, Endur-
ance, nægilega. Aðalleik-
arinn Kenneth Brannagh er
svo væntanlegur hingað til
lands um miðjan mánuðinn.
Úlfur býst ekki við mikl-
um viðbúnaði vegna komu
hans. „Við verðum ekki
með marga lífverði en hann
vill ekki láta trufla sig
heldur fá að vera í friði
eins og hver annar útlend-
ingur,“ segir hann.
Að sögn Úlfs verður aðal-
verkefni Pegasus kvik-
myndaþjónustu að sjá um
skipulagningu hér á landi
og ráða það starfsfólk sem
þörf verður á meðan á tök-
um stendur á Íslandi. Hann
segir aðdragandann hafa
verið nokkuð langan.
„Þetta hefur verið í und-
irbúningi í langan tíma með
mismunandi fólki. Enda er
það stórt verkefni í sjálfu
sér að ætla að mynda á haf-
ís við Grænland,“ segir Úlf-
ur að lokum.
Buenos Aires og pól-
farar í Hafnarfirði
Hafnarfjörður
Morgunblaðið/Þorkell
Ævintýri Shackletons verða mynduð í þessari skútu sem nú liggur í Hafnarfjarðarhöfn.
Kenneth Branagh leikur
aðalhlutverkið.
LÖGÐ hefur verið fyrir bygg-
ingafulltrúann í Reykjavík
fyrirspurn vegna nýbygging-
ar við Laugaveg 21. Bygg-
ingaverktakinn BTS Bygg-
ingar hefur fengið
arkitektana Guðrúnu Fann-
eyju Sigurðardóttur og Laur-
ent Bonthonneau til að setja
fram hugmyndir um allt að
fjögurra hæða hús sem hýsa
myndu íbúðir og verslanir eða
þjónustufyrirtæki.
Hugmyndin gerir annars
vegar ráð fyrir að við bygg-
ingu húss á lóðinni, sem teng-
ist bæði Laugavegi og Klapp-
arstíg, verði tekið mið af hæð
bygginga við þessar götur þar
sem má finna allt að 6 hæða
byggingar. Vísað er í hug-
myndunum til þess að stefnt
sé að þéttingu byggðar í mið-
borginni á næstu árum og er
bent á að tekið sé mið af götu-
mynd og götulífi við Lauga-
veg í tillögunum. Gert er ráð
fyrir að á neðstu tveimur hæð-
unum verði verslanir eða önn-
ur þjónusta en á þeirri þriðju
og fjórðu hótel-leiguíbúðir.
Báðar hugmyndir gera ráð
fyrir torgi við Laugaveginn
sem tengt yrði verslunar- og
þjónustustarfsemi á annarri
hæð hússins. Þá segir í tillög-
unum að með því að hafa
bygginguna í stöllum, þ.e. að
þriðja og/eða fjórða hæðin
yrðu inndregnar, megi koma í
veg fyrir of skarpan hæðar-
mismun við nálægar bygging-
ar.
Önnur tillagan gerir ráð
fyrir 1.079 fermetra byggingu
en hin 974 fermetra án kjall-
ara. Stærð lóðarinnar er 535
fermetrar.
Jóhannes Kjarval, arkitekt
hjá borgarskipulagi, tjáði
Morgunblaðinu að hugmynd
arkitektanna hefði verið lögð
fyrir byggingafulltrúa og
borgarskipulag beðið um að
meta hana. Hann sagði nú
unnið að deiliskipulagi á þess-
um reit, eins og reyndar á um
40 reitum í borginni, og með-
an því væri ólokið væri ekki
hægt að gefa ákveðin svör.
Sagði hann sett fram nokkuð
hátt nýtingarhlutfall á bygg-
ingunni en taldi hugmyndina
áhugaverða. Eftir að umsögn
liggur fyrir sagði hann arki-
tektana geta haldið áfram
frekari hönnunarvinnu út frá
henni.
Hugmyndir um nýtt
hús við Laugaveg 21
Miðborgin
Tillögur arkitektanna að nýrri
byggingu við Laugaveg 21 eru
tvær og er stærð efstu hæða
hússins mismunandi.