Morgunblaðið - 31.05.2001, Qupperneq 62

62 FIMMTUDAGUR 31. MAÍ 2001 MORGUNBLAÐIÐ






 
 

 
   

 
 



 



  

 
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Jaebes hrópaði til Guðs Ísraels og
sagði:
,,Ó, að þú vildir blessa mig
og stækka lönd mín,
og að hönd þín geti verið með mér,
og að þú vildir halda frá mér böli
svo að það fái ekki skaðað mig.“
Revised Standard Version.
Nokkurn veginn þannig hljóðar
bæn Jaebes í lauslegri þýðingu. Lít-
il bók um þessa litlu bæn hefir nú
selst í Bandaríkjunum í 4,1 milljón
eintaka á þremur mánuðum. Höf-
undur bókarinnar er prestur í Atl-
anta. Reykjavíkurbréf Morgun-
blaðsins 13. maí sl. hefst með
umfjöllun um bókina og síðan bæn-
ina en er að öðru leyti lærð grein
um skoðanir þekktra fræðimanna í
heimspeki, hagfræði, sagnfræði og
félagsfræði. Fróðleg grein og
áhugaverð þar sem höfundur áætlar
að stjórnmálamenn og stjórnendur
fyrirtækja ættu að grípa það fegins-
hendi þegar hugmyndir á borð við
þær, sem felast í bæn Jaebes, skjóta
upp kollinum.
En spurningar vakna um það
hvort hugmyndirnar í bæn Jaebes
séu eins góðar og þær virðast við
fyrstu sýn? Eru þær t.d. fullgildar í
kristnu þjóðfélagi? Liggur ekki rót
þeirra í hugmyndafræði Móse og
minnir markmið hennar ekki ill-
þyrmilega á átökin við Miðjarðar-
hafið þar sem stöðugt geisa stríð og
manndráp vegna baráttu um land
þar sem engir gefa eftir? Bæn Jaeb-
es er af allt annarri ætt en bænir
Krists. Hún er beiðni um jarðnesk
verðmæti: stærra land, velgengni í
áhættutöku og vörn gegn óvinum.
Einkenni hennar er eigingirni og
sjálfselska. Samviska Jaebes virðist
ekki truflast af þeirri hugsun að
fengi hann bænasvar þá hlyti það að
vera á kostnað annarra. Það er, aðr-
ir yrðu fyrir missi, tjóni. En þannig
á bæn kristins manns ekki að vera.
Henni er ætlað að minnast annarra,
stöðugt. Því er bæn Jaebes verðugt
íhugunarefni fyrir fólk sem vill leit-
ast við að vera kristið og rækta með
sér anda meistarans frá Nasaret.
Svo mannelskandi sem andi hans
var og líknandi fyrir samfélag
manna.
Í bylmingi tíðarandans getur ver-
ið erfitt að komast hjá sterkum
áhrifum hagvaxtarhugtaka sem
smita frá sér og leiða út í hvern
krók og kima samfélagsins í einni
eða annarri mynd. Og því er vonlegt
að mörgum mistakist í bæn og
gleymi að spyrja Guð, í Jesú nafni,
hver hans vilji sé. En flestir vita,
þrátt fyrir allt, í hjarta sínu, hvaða
veg Kristur lagði. Að það var til-
tölulega mjór vegur og snauður af
hagfræði eigingirninnar. Vegur,
sem samt sem áður einkenndist af
vilja Guðs og uppfyllti lögmálið.
Þessi orð eru skrifuð til þess að
minna á að flest mál hafa fleiri en
eina hlið. Og ef á að velja milli hliða
þá ættu kristnir veljendur að
staldra við og íhuga hvort ekki sé
hægt að koma viðhorfi kristinnar
trúar að, áður en kosið er. Megi svo
verða.
Er svo við hæfi að enda þessa fá-
tæklegu hugrenningu um bæn Jae-
bes með bæn Jesú Krists í Getsem-
ane: ,,Faðir! Allt megnar þú. Tak
þennan kaleik frá mér. Þó ekki sem
ég vil, heldur sem þú vilt.“
ÓLI ÁGÚSTSSON
Háaleitisbraut 109, Rvk.
Bæn Jaebes
– Kristin bæn?
Frá Óla Ágústssyni:
VEGNA þess að nú eru rétt 30 ár
frá því að frumvarp mitt um að
banna áróður fyrir tóbaki eða
reykingum varð að lögum, sendi ég
hvað kom inn í verslun með tóbak
og fl.
„Allar auglýsingar á tóbaki í
blöðum, útvarpi, sjónvarpi, kvik-
myndahúsum og utan dyra skulu
bannaðar. Þó er Áfengis- og tób-
aksverslun ríkisins heimilt að aug-
lýsa verð á tóbaksvörum“.
Um þetta urðu miklar umræður í
báðum deildum. Það fór í gegn og
varð að lögum 18. apríl 1971 og
með eins atkvæðis meirihluta, eða
lög nr. 59, 18. apríl. Þetta var upp-
hafið að hamla á móti tóbakinu og
mér var sagt að þetta væri einstakt
í Vestur-Evrópu. Blöðin, útvarpið
og sjónvarp, ásamt kvimyndahús-
unum misstu, að þeirra sögn, væn-
an spón ( sem innskot fékk ég ekki
„flóafrið“ lengi á eftir, hringingar
og fleira). Mikið vatn hefur runnið
til sjávar frá því þessi breyting
varð. Þetta er sent einnig vegna
„reyklausa dagsins“ nú, 31. maí.
JÓN ÁRMANN HÉÐINSSON,
fyrrv. alþm.
Reyklaus dagur
Frá Jóni Ármanni Héðinssyni:
ÉG leita ættingja sem ég gæti haft
samband við þegar ég heimsæki
Reykjavík og Norðurland síðari hluta
júní nk. Afi minn og amma eru Páll
Pálsson og Sigrún Jónsdóttir frá N-
Múlasýslu og Þistilfirði. Þau fluttust
til Kanada árið 1888. Foreldrar Páls
voru Páll Pálsson og Helga Friðfinns-
dóttir en foreldrar Sigrúnar voru Jón
Eiríksson og Guðný Benjamínsdóttir.
Það myndi gleðja mig að fá að hitta af-
komendur þessa fólks.
Með kæru þakklæti,
DOROTHY SMITH,
458 Sandmere Pl.
Oakville Ont. Canada
smith_dj@sympatico.ca
Ættingja leitað
Frá Dorothy Smith: