Morgunblaðið - 26.06.2001, Síða 31

MORGUNBLAÐIÐ ÞRIÐJUDAGUR 26. JÚNÍ 2001 31
okist um
g eru lík-
eru á að
kist, en
u á lokun
ík og í
ann sér-
gvellirnir
ma tíma.
gos hefur
allir vell-
66 dögum
sem skoðaðir voru eða í 3,6% til-
vika.
Matthías hefur kynnt niðurstöð-
ur sínar fyrir íslenskum flugmála-
yfirvöldum og til stendur að hann
kynni þær einnig á næstunni fyrir
Bretum þar sem ljóst er að íslensk
og bresk flugmálayfirvöld þurfa að
eiga náið samstarf vegna hugsan-
legra áhrifa Kötlugoss.
rð við Ísland
0% flug-
smekki
sem fór inn í íslenska úthafsflugstjórnar-
ðið þann 20. ágúst 2000.
ökkurinn hefur dreifst suður fyrir land eftir
sem tíminn líður frá gosi.
nnar þegar búið er að beina henni norður eða
uður fyrir gosmökkinn.
joto@mbl.is
SAMSKIPTI Írlands og Ís-lands eru prýðileg, deilu-mál eru engin og við von-um að hægt verði að auka
viðskiptin á ákveðnum sviðum,“
sagði Bertie Ahern, forsætisráð-
herra Írlands á blaðamannafundi
með Davíð Oddssyni forsætisráð-
herra í Reykjavík í gær. Leiðtog-
arnir tveir ræddu meðal annars um
stöðuna í málum Evrópusam-
bandsins og evruna á fundi í gær-
morgun, einnig stöðu mála á Norð-
ur-Írlandi, Kyoto-samninginn og
fleiri mál. Davíð Oddsson fagnaði
því að forsætisráðherra Írlands
sækti Íslendinga heim í fyrsta sinn,
þjóðirnar væru tengdar tilfinninga-
legum böndum vegna sögu og upp-
runa. Hann sagði Íslendinga
hlynnta stækkun sambandsins til
austurs, fyrir ESB væri það væri
hið besta mál að tekinn yrði upp
sameiginlegur gjaldmiðill og væri
það einnig gott fyrir hagsmuni Ís-
lendinga að sambandið færi þá leið.
Bertie Ahern sagði efnahags-
ástandið á Írlandi með ágætum,
hann þakkaði það einkum aðildinni
að ESB en einnig langtímastefnu
sem hefði verið mörkuð fyrir
nokkrum áratugum. Sagði hann að
Írum hefði á síðari árum tekist að
laða til landsins mikið af erlendri
fjárfestingu.
Ahern kom til landsins á sunnu-
dagskvöld í stutta opinbera heim-
sókn ásamt fylgdarliði og hélt heim
á leið síðdegis í gær.
Ráðherrann ræddi um þjóðarat-
kvæðagreiðsluna í Írlandi um Nice-
sáttmálann fyrir skemmstu en sem
kunnugt er höfnuðu Írar sáttmál-
anum. Hann sagði úslitin vissulega
vonbrigði og einnig hve kjörsóknin,
um 33%, hefði verið lítil. „Næstu
mánuði þurfum við mjög að íhuga
okkar gang. Við getum ekki hunsað
lýðræðislega ákvörðun írsku þjóð-
arinnar. En engin merki eru um að
þjóðin sé á móti stækkun Evrópu-
sambandsins,“ sagði Ahern og
benti á að önnur mál en stækkun-
aráformin hefðu verið nefnd sem
ástæður til að segja nei.
Hann var spurður hvaða breyt-
ingar þyrfti að gera á Nice-sátt-
málanum til að fá meirihluta-
stuðning við hann í nýrri
þjóðaratkvæðagreiðslu sem margir
telja að verði efnt til strax á næsta
á ári.
„Ég tel að það hafi verið gert
ljóst að ekki er hægt að breyta
sjálfum sáttmálanum og við biðjum
ekki um breytingar. En í kosninga-
baráttunni var mikið fjallað um
Atlantshafsbandalagið og hlutleysi,
einnig um valdið sem færst hefði til
ráðamanna ESB í Brussel. Þetta
voru grundvallaratriði í baráttunni.
En enginn leiðtogi í kosningabar-
áttunni sagðist vera á móti stækk-
un sambandsins. Við þurfum nú að
líta á þessi málefni og kanna hvers
vegna almenningur hafði áhyggjur.
Ég tel að félagar okkar í röðum
annarra ráðamanna aðildarríkj-
anna og ráðherraráðið viðurkenni
hver vandinn sé hjá okkur. Við er-
um nú að rannsaka hvað olli því að
niðurstaðan varð með þessum
hætti og ætlum að finna leið til að
leysa málið. Við Írar getum ekki
frestað öllu stækkunarferli Evr-
ópusambandsins og ætlum ekki að
gera það.“
Ahern var spurður hvers vegna
svo mikið fát hefði komið á ráða-
menn í jafnt Brussel sem Dublin.
Hafði enginn búið sig undir að
svarið gæti orðið nei?
„Ég hygg að þetta sé í fimmta
sinn sem við greiðum atkvæði um
málefni ESB og tillögurnar hafa
ávallt verið samþykktar með mikl-
um meirihluta. Síðast var hlutfallið
62 gegn 38. Skoðanakannanir sem
gerðar voru viku fyrir þjóðarat-
kvæðagreiðsluna sýndu traustan
meirihluta fyrir sáttmálanum.
Meirihlutinn hvarf á viku og enginn
gat verið viðbúinn þessu. Og þegar
svona gerist hneigjast menn til að
ræða málin af miklum ákafa eftir á
sem hefði verið gagnlegt að gera
fyrir atkvæðagreiðsluna en ekki
nokkrum dögum eftir hana. Okkur
fannst einnig sem mun auðveldara
hefði verið að fá fjölmiðla til að
sýna málinu áhuga eftir atkvæða-
greiðsluna en fyrir hana.“
ESB-aðildin mikilvæg
Ráðherrann var spurður hvaða
áhrif aðildin að ESB hefði haft á
efnahag Írlands. „Aðildin hefur
verið geysilega mikilvæg fyrir okk-
ur,“ sagði hann. „Við gengum í
ESB 1973, þá voru þjóðartekjur á
mann rúmlega 60% af meðaltalinu í
sambandinu en þær eru nú komnar
upp í meðallag. Þátttaka okkar í
Evrópusamstarfinu hefur valdið
þessu. Margt af því sem við náðum
fram með aðildinni eru að sjálf-
sögðu hlutir sem þið náðuð fram í
samningunum sem þið gerðuð
1993. Okkur hefur tekist að laða til
okkar miklar, beinar fjárfestingar.
En ég legg áherslu á að þetta gerð-
ist ekki á einni nóttu, þetta voru af-
leiðingar árangursríkrar stefnu
sem lagður var grunnur að fyrir
allt að 40 árum. Við lögðum okkur
meðal annars fram um að bæta
menntun, starfsþjálfun og ýmiss
konar færni.“
Með Ahern í för var kona hans,
Celia Larkin, og fleira fólk. Ahern
var gestur á morgunverðarfundi
Verslunarráðs Íslands á Grand
hóteli en eftir fundinn með Davíð
Oddssyni var farið í heimsókn til
forseta Íslands, Ólafs Ragnars
Grímssonar, á Bessastöðum. Síðan
var farið í þyrlu á Þingvelli, litið á
Gullfoss og Geysi og endað í Bláa
lóninu. Ráðherrann og fylgdarlið
hans hélt af landi brott um sexleyt-
ið frá Keflavíkurflugvelli.
Forsætisráðherra Írlands um höfnun á Nice-sáttmálanum
Morgunblaðið/Golli
Bertie Ahern forsætisráðherra Írlands og Davíð Oddsson ræddu við fjölmiðla eftir viðræður sínar í gærmorgun.
Morgunblaðið/Golli
Bertie Ahern, forsætisráðherra Írlands og kona hans, Celia Larkin,
hlýða á frásögn leiðsögumanns í Almannagjá í gær. Lengst til vinstri
er Þorsteinn Pálsson, sendiherra á Írlandi með aðsetur í London.
Getum ekki hunsað
ákvörðun kjósenda
Bertie Ahern, forsætisráðherra Írlands,
segir að enginn af leiðtogum andstöð-
unnar við Nice-sáttmálann hafi andmælt
stækkunaráformum Evrópusambandsins.
Hins vegar hafi varnar- og öryggismál
valdið andstöðu við stefnu sambandsins
og því hafi kjósendur sagt nei.
kjon@mbl.is