Morgunblaðið - 18.09.2001, Blaðsíða 38
UMRÆÐAN
38 ÞRIÐJUDAGUR 18. SEPTEMBER 2001 MORGUNBLAÐIÐ
HINN 29. ágúst sl.
bar eg fram fyrirspurn
til Skipulagsstofnunar
um nokkur atriði um
mat á umhverfisáhrif-
um framkvæmda, sem
að dómi margra er afar
brýnt að fá svar við.
Enn hafa engin svör
borizt, og er vandséð,
hvað tefur málið.
Í stuttu máli var
spurt, hvort gerðar
væru ákveðnar kröfur
til þeirra, sem dæma
gildi flóru og gróðurs. Í
öðru lagi, hver ræður
því, hvort lágplöntur,
mosar og fléttur, séu teknar með við
umhverfismat eða ekki, og hvað er
lagt þar til grundvallar? Er hægt að
sækja um það fyrirfram að sleppa
mosum og fléttum? Hvernig er unnt
að dæma gildi gróðurfélaga út frá að-
eins tveimur til fjórum tegundum
háplantna í hverju gróðurfélagi? Hér
er spurt aðeins út frá
eigin sjónarhóli, en að
sjálfsögðu á fyrsta
spurning við um flesta
aðra, sem annast mat á
umhverfisáhrifum. Rétt
er að taka fram, að hér
er ekki átt við, að nauð-
synlegt sé að fram fari
nákvæmar frumrann-
sóknir við hverja úttekt,
heldur aðeins að fá þurfi
yfirlit yfir alla flóru
svæðisins og þátta-
greiningu á gróður-
félögum. Listi yfir há-
plöntur og flokkun
lands einungis í þurr-
lendi og votlendi er allsendis ófull-
nægjandi til þess að dæma um gildi
flóru og gróðurs, en það hefur verið
látið nægja í allmörgum tilvikum við
umhverfismat. Hver fær að ráða
slíku? Vonandi er það löngu orðið
ljóst, að nauðsynlegt er að hafa festu
og reglu á hlutunum, því að hætt er
við, að fólk taki lítið mark á úrskurð-
um frá Skipulagsstofnun, ef þessa er
ekki gætt. Skýrt dæmi um þetta er,
að margir þingmenn þurftu ekki að
fara nema dagsferð um virkjunar-
svæðið við Kárahnjúka til þess að
taka afstöðu í málinu. Þá má ekki
gleyma því, að þetta atriði getur skipt
miklu fjárhagslegu máli fyrir þá, sem
hyggja á framkvæmdir.
Að öðru leyti er vísað til fyrri grein-
ar og óskað svara við fyrstu hentug-
leika (sjá m.a. 7. gr. stjórnsýslulaga).
Sjái Skipulagsstofnun sér ekki fært
að svara spurningunum leyfi eg mér
að vísa þeim til æðra stjórnvalds.
Árétting
Ágúst H. Bjarnason
Skipulagsstofnun
Eru gerðar, spyr Ágúst
H. Bjarnason, ákveðnar
kröfur til þeirra, sem
dæma gildi flóru og
gróðurs?
Höfundur hefur lokið doktorsprófi
í grasafræði.
FYRIR nokkru
sóttu 25 börn úr
Allegro Suzuki-tónlist-
arskólanum ásamt for-
eldrum vinsælt og ár-
visst sumarnámskeið á
vegum London Suzuki
Group.
Þetta er öðru sinni
sem nemendur All-
egro-skólans fjöl-
menna á þetta nám-
skeið. Fyrir ári sóttu
það 20 börn ásamt for-
eldrum. Hópurinn í
fyrra var afar ánægður
með námskeiðið, sem
sést best á því að nær
allir fara nú aftur og
fleiri bætast í hópinn.
Námskeiðið rúmar um 250 börn.
Fyrst og fremst sækja það enskir
Suzuki-nemendur, en talsvert er
einnig um að erlendir nemendur
taki þátt í því. Í fyrra var til að
mynda auk íslenska hópsins ámóta
stór hópur frá Spáni og einnig hóp-
ar frá Frakklandi og Þýskalandi.
Kennararnir koma einnig víðar að
en frá Englandi, t.d. kennir Lilja
Hjaltadóttir, aðalkennari Allegro-
skólans, þarna öðru sinni og Krist-
inn Örn Kristinsson, píanókennari
skólans, mun einnig kenna á nám-
skeiðinu núna.
Þetta ágæta námskeið er að
venju haldið í Dorset í Suður-Eng-
landi, nánar tiltekið í Bryanston-
skóla (Allegro-hópurinn kallar stað-
inn Brjánstún). Þetta er rómaður
heimavistarskóli, stofnaður 1928,
upphaflega í liðlega aldargamalli
höll. Þangað er þriggja klukku-
stunda akstur frá Heathrow-flug-
velli.
Ekki væsir um gesti í Brjánstún-
um. Þátttakendur gista allir á
heimavistum og eru í fullu fæði í
mötuneytinu í hallarkjallaranum.
Gott tækifæri gefst þarna til að
kynnast fólki af ýmsu þjóðerni í
gegnum þetta sameiginlega áhuga-
mál sem tónlistin og tónlistarupp-
eldið er. Þarna finnst glöggt að tón-
listin er algjörlega án landamæra.
Skipulagning námskeiðsins er til
fyrirmyndar. Hver nemandi fær
sína eigin stundaskrá, sem sniðin er
að hans þörfum og getu. Í fimm
daga mæta nemendur í fjóra tíma á
dag: einkatíma, hóptíma, kammer
og hljómsveit. Í þessum tímum er
unnið með fyrirfram ákveðna hluti.
Samspilsnótur eru sendar út 5–6
vikum fyrir námskeiðið, og síðan
lögð áhersla á að fínpússa flutning-
inn á námskeiðinu. Nemendur sem
óska eftir að fá að leika einleik
sækja um það fyrirfram. Þeir koma
ekki fram nema þeir hafi náð góðum
tökum á stykkinu. Daglega eru
haldnir einleikstón-
leikar í stórum 600
sæta hljómleikasal.
Skyldumæting er á
þessa tónleika sem eru
með mjög formlegum
blæ, þannig að þarna
fá allir einleikararnir
að spreyta sig á stóru
sviði með sviðslýsingu
og fyrir fullu húsi
áheyrenda. Kammer-
sveitir og einar þrjár
hljómsveitir, skipt eftir
aldri nemenda, fá einn-
ig sína hljómleika þeg-
ar líða tekur á vikuna.
Á kvöldin er boðið upp
á fjölbreytta einleiks-
og kammertónleika sem kennararn-
ir standa fyrir. Lokahátíðin er svo
með viðamikilli dagskrá, þar sem
blandast saman alvara og glens.
Námskeiðinu er valinn þessi árs-
tími beinlínis með það í huga að
koma nemendum í gott form áður
en vetrarstarfið hefst að nýju í tón-
listarskólunum. Sumarleyfið er al-
þekkt vandamál í öllu tónlistarnámi
barna og unglinga. Flestir slá þá
slöku við æfingar og það getur tekið
heilan mánuð á haustin að ná upp
þeirri færni sem nemendur höfðu
náð um vorið. Af þessum sökum er
svona krefjandi námskeið rétt fyrir
skólaupphaf ómetanlegt átak í tón-
listarnáminu, ekki síst þar sem und-
irbúningurinn hefst heima alllöngu
fyrr.
Nemendur Allegro-skólans hafa
átt því láni að fagna að þessi
„dauði“ tími á sumrin er styttur eft-
ir föngum. Kennararnir hafa jafnan
gefið nemendum kost á nokkrum
einkatímum um sumarið. Lilja
Hjaltadóttir hefur á hverju sumri
staðið fyrir námskeiði austur í Skál-
holti fyrir nemendur skólans. Í
sumar voru þar einnig tveir gesta-
kennarar frá New York sem dáðust
að þeirri miklu grósku sem einkenn-
ir starf skólans. Þátttaka þeirra
opnaði nýja vídd í námi barnanna.
Síðustu helgi dvöldu Brjánstúna-
farar við æfingar á Hvassafelli í
Borgarfirði. Þannig var það einnig í
fyrrasumar. Má því segja að þessir
nemendur hafi vart sleppt hljóðfær-
um sínum árið um kring.
Allegro Suzuki-tónlistarskólinn
hefur nú starfað í þrjú ár. Kennt
hefur verið á fiðlu og píanó auk tón-
fræði og nú í haust bætist selló-
kennsla við. Síðasta vetur stunduðu
80 börn nám í skólanum og kenn-
arar voru 5. Að skólanum standa
grasrótarsamtök foreldra. Starfið
hefur einkennst af miklum eldmóði
og vex skólanum stöðugt fiskur um
hrygg, þótt enn hafi ekki tekist að
fá fastan rekstrarstyrk frá borginni
og þrátt fyrir að hann sé stöðugt
upp á náð velviljaðra aðila kominn
með aðstöðu. Tvo síðastliðna vetur
hefur kennslan farið fram í húsa-
kynnum Réttarholtsskóla og hóp-
tímarnir í húsnæði KFUM&K. Þótt
virk þátttaka foreldranna sé ein af
grundvallarforsendum í Suzuki-tón-
listarkennslunni er náminu best
borgið í höndum formlegrar skóla-
stofnunar. Öðrum kosti er naumast
unnt að tryggja nægilega festu og
vissu um eðlilega framvindu í náms-
ferlinu. Grasrótarsamtök, hversu
áhugasöm sem þau annars eru, geta
heldur ekki boðið kennurunum við-
unandi atvinnuöryggi. Foreldrarnir
eru því uggandi um að allur þessi
mikli áhugi samtakanna sé tíma-
bundinn og telja brýnt að búa starf-
inu formlegan búning. Slíkt er þó
varla hægt án þátttöku hins opin-
bera.
Í raun sætir það furðu hve
fræðsluyfirvöld eru sinnulaus gagn-
vart tónlistarkennslu. Fyrir nokkr-
um árum markaði fræðsluráð þá
stefnu að styðja ekki fjölgun tónlist-
arskóla í borginni, heldur stuðla að
samþættingu tónlistarnáms og al-
menns skólastarfs. Þeir tónlistar-
skólar sem þá voru til staðar njóta
enn fastra rekstrarstyrkja, en lítið
bólar á nefndri samþættingu. Að-
standendum Allegro-skólans þykir
fræðsluráð tregt til að veita þessu
þróttmikla og einstæða starfi verð-
skuldaða athygli. Þeim þykir það
skjóta skökku við, þegar litið er til
þess að 21 m.kr. afgangur varð á
síðasta ári af því fé sem borgar-
stjórn hafði áætlað til að styrkja
tónlistarkennslu í borginni (sbr.
ársreikning Reykjavíkurborgar
2000). Þetta var annað árið í röð
sem verulegur afgangur var á þess-
um lið. Vonandi er það ekki vís-
bending um að fræðsluráð vilji enga
frekari þróun í tónlistarnámi barna
og unglinga; að það telji að nóg hafi
verið gert og að ekki sé þörf fyrir
meira.
Allegro-skólinn öðru sinni
til Brjánstúna á Englandi
Bjarni Frímann
Karlsson
Tónlistarkennsla
Í raun sætir það furðu,
segir Bjarni Frímann
Karlsson, hve fræðslu-
yfirvöld eru sinnu-
laus gagnvart
tónlistarkennslu.
Höfundur starfar hjá Íbúðalánasjóði
og er faðir tveggja drengja á
námskeiðinu.
KIRKJUSTARF
VETRARSTARF Hjallakirkju er
framundan og er margt á döfinni.
Messur eða guðsþjónustur eru
hvern sunnudag kl. 11 með fjöl-
breyttu tónlistarlífi kórs kirkjunnar
og barnakóra í sókninni. Einu sinni í
mánuði eru svo kvöldvökur þar sem
hljómsveit leikur undir léttum og
fjörugum söng. Á þriðjudögum kl. 18
eru bæna- og kyrrðarstundir í kirkj-
unni sem miða fyrst og fremst að því
að efla bæna- og trúarlíf einstaklings-
ins.
Barna- og æskulýðsstarf Hjalla-
kirkju fór í gang nú um síðustu helgi.
Barnaguðsþjónustur eru á sunnu-
dögum á tveimur stöðum í sókninni,
kl. 13 í Hjallakirkju og kl. 11 í Linda-
skóla. Kirkjuprakkarar, 7–9 ára
starf, eru í kirkjunni á fimmtudögum
kl. 16.30–17.30 og tíu til tólf ára börn-
in, TTT-hópurinn, hittast á miðviku-
dögum kl. 17–18. Þá er að hefjast nýtt
starf í Lindaskóla fyrir 8–10 ára börn
sem nefnist Litlir lærisveinar í
Lindaskóla, eða LLL, en þau hittast
á miðvikudögum kl. 17.
Unglingastarf. Unglingarnir fá
einnig tækifæri til að gera slíkt hið
sama en fundir í Æskulýðsfélagi
Hjallakirkju eru mánudagskvöld kl.
20.30–22 fyrir 13–15 ára unglinga.
Fjölskyldumorgnar hófust nú í
september og verða á miðvikudögum
kl. 10–12. Þar gefst foreldrum kostur
á að koma með börnin sín til þátttöku
í helgihaldi.
Kór Hjallakirkju mun starfa af
krafti í vetur og nýir félagar eru ætíð
velkomnir.
Öldrunarstarfið í söfnuðinum er
unnið í samvinnu við Digranessöfnuð
og fer fram á þriðjudögum í Digra-
neskirkju. Þá mun í október hefjast
svokallað Opið hús í kirkjunni á mið-
vikudögum kl. 12–14. Þessar sam-
verustundir eru einkum fyrir fólk
sem er heima við á daginn, snæddur
er léttur hádegisverður og svo ým-
islegt gert sér til yndis og ánægju.
Nánar auglýst síðar.
Hjallakirkja stendur öllum opin og
er fólk hvatt til að koma og kynnast
kirkjulegu starfi innan hennar.
Barna- og unglinga-
starf í Fella- og
Hólakirkju
BARNASTARF í Fella- og Hóla-
kirkju hefst fyrr á þessu hausti en
undanfarin ár og stafar breytingin af
lengingu skólaársins. Starfið verður á
eftirfarandi tímum: Sunnudagar:
Sunnudagaskóli kl. 11. Rúta ekur
börnunum heim á leið að lokinni sam-
verustund. Mánudagar: Samveru-
stundir fyrir drengi á aldrinum 9–10
ára klukkan 17–18. Á sama tíma eru
samverurstudnir fyrir 11–12 ára
stúlkur. Mánudagskvöld kl. 20: Sam-
verustundir ætlaðar unglingum.
Þriðjudagar: Samverustundir ætlað-
ar 11–12 ára drengjum. Fimmtudag-
ar: Samverustundir fyrir 9–10 ára
stúlkur. Geymið tilkynninguna.
Alfa kynnt í
Digraneskirkju
Í KVÖLD kl. 20 verður kynning á
hinu vinsæla Alfanámskeiði í Safnað-
arsal Digraneskirkju í Kópavogi.
Námskeiðin verða á þriðjudagskvöld-
um og hefjast með kvöldverði kl. 19,
en þar á eftir er fræðsla og umræður.
Afar mikil ánægja var með nám-
skeiðið sem haldið var sl. vor í Digra-
neskirkju og fékk fræðslan, sam-
félagið og ekki síst kvöldverðurinn
háa einkunn. Við í Digraneskirkju lít-
um því með gleði til komandi nám-
skeiðs. Kennari verður séra Magnús
Björn Björnsson, en góður hópur
fólks er honum við hlið.
Námskeiðið er tíu kvöld, hið fyrsta
hinn 25. september og hið síðasta 27.
nóvember. Eina helgi verður dvalið í
búðum við fræðslu og gott samfélag.
Námskeiðsgjald er í lágmarki, 5.000
kr. Innifalið í því er bæði fæði og
vinnubók.
Safnaðarstarf
Áskirkja. Opið hús fyrir alla aldurs-
hópa kl. 10–14 í neðri safnaðarsal.
Umsjón Þóranna Þórarinsdóttir.
Bæna-og fyrirbænastund kl. 12 í
kirkjunni. Umsjón Guðrún K. Þórs-
dóttir. Samvera foreldra ungra barna
kl.14–16 í neðri safnaðarsal. 12 spora
starf kl. 19 í neðri safnaðarsal.
Grensáskirkja. Kyrrðarstund í há-
degi kl. 12.10. Orgelleikur, ritningar-
lestur, altarisganga, fyrirbænir.
Léttur hádegisverður í safnaðar-
heimili eftir stundina.
Hallgrímskirkja. Fyrirbænaguð-
sþjónusta í dag kl. 10.30. Beðið fyrir
sjúkum.
Háteigskirkja. Ævintýraklúbburinn
kl. 17. Fjölbreytt og skemmtilegt
starf fyrir börn úr 1.–3. bekk í umsjón
Guðrúnar Helgu, Sigrúnar, Völu og
Jóhönnu. Öll börn velkomin og alltaf
hægt að bætast í hópinn. Unglinga-
klúbburinn MeMe kl. 19.30. Kröftugt
starf fyrir unglinga í umsjón Gunn-
fríðar og Jóhönnu.
Langholtskirkja. Endurminninga-
fundur karla í Langholtskirkju kl.
14–15.30.
Laugarneskirkja. Morgunbænir kl.
6.45–7.05. TTT-fundur kl. 16 fyrir
krakka í 5.–7. bekk. Fullorðins-
fræðsla kl. 20. Sóknarprestur fjallar
um ofbeldi í ljósi Jesú frá Nasaret.
Þriðjudagur með Þorvaldi kl. 21. Lof-
gjörðarstund þar sem Þorvaldur
Halldórsson leiðir lofgjörð við undir-
leik Gunnars Gunnarssonar. Sr.
Bjarni Karlsson flytur guðs orð og
bæn. Fyrirbænaþjónusta kl. 21.30 í
umsjá bænahóps kirkjunnar undir
stjórn Margrétar Scheving sálgæslu-
þjóns.
Neskirkja. Litli kórinn, kór eldri
borgara, kl. 16.30. Stjórnandi Inga J.
Backman. Nýir félagar velkomnir.
Foreldramorgunn miðvikudag kl. 10–
12. Kaffi og spjall. Umsjón Elínborg
Lárusdóttir.
Breiðholtskirkja: Bænaguðsþjón-
usta með altarisgöngu kl.18.30.
Bænaefnum má koma til sóknar-
prests í viðtalstímum hans. Æsku-
lýðsstarf á vegum KFUM & K og
kirkjunnar kl. 20. „Bach í Breiðholts-
kirkju“ kl. 20.30. Þetta eru 16. tón-
leikarnir í tónleikaröðinni. Þýski org-
anistinn Jörg E. Sondermann leikur
orgelverk eftir J.S. Bach. Aðgangs-
eyrir rennur til Hjálparstarfs kirkj-
unnar.
Digraneskirkja: Leikfimi ÍAK.
Kirkjustarf aldraðra. Fyrsta sam-
vera vetrarstarfs. Hefst með leikfimi
kl. 11.15. Léttur málsverður. Helgi-
stund, samvera og kaffi. Starf fyrir
10–12 ára börn á vegum KFUM&K
og Digraneskirkju. Húsið opnar kl.
16.30. Fótboltaspil, borðtennis og
annað. Samvera hefst kl. 17 og stend-
ur til 18.15.
Fella- og Hólakirkja: Bæna- og
kyrrðarstund í kirkjunni. Organisti
leikur frá kl. 12. Kl. 12.10 hefst stund-
in og að henni lokinni kl. 12.25 er
framreiddur léttur hádegisverður í
safnaðarheimilinu gegn vægu gjaldi.
Fyrirbænaefnum má koma til presta
og djákna. Þeir sem óska eftir akstri
láti vita fyrir kl. 10 á þriðjudags-
morgni í s. 557 3280.
Grafarvgoskirkja: Kirkjukrakkar í
Engjaskóla fyrir börn 7–9 ára, kl. 18–
19.
Hjallakirkja: Bæna- og kyrrðarstund
kl. 18 á neðri hæð kirkjunnar.
Kópavogskirkja: Foreldramorgunn í
dag, í safnaðarheimilinu Borgum kl.
10–12.
Seljakirkja: Mömmumorgunn. Opið
hús milli kl. 10 og 12. Kaffi og spjall.
Vídalínskirkja. Opið hús fyrir eldri
borgara kl. 13–16 í Kirkjuhvoli. Spil-
að og spjallað.
Fríkirkjan í Hafnarfirði. Opið hús kl.
17–18.30 fyrir 7–9 ára. Kl. 20–22
æskulýðsfélag yngri félaga.
Víðistaðakirkja. Barnastarf fyrir 8–9
ára börn í dag kl. 17. Kyrrðar- og fyr-
irbænastund með Taizé-söngvum í
dag kl. 18. Hægt er að koma fyrir-
bænaefnum til sóknarprests eða
kirkjuvarðar.
Grindavíkurkirkja. Foreldramorg-
unn kl. 10–12.
Borgarneskirkja. TTT tíu–tólf ára
starf alla þriðjudaga kl. 17–18. Helgi-
stund í kirkjunni sömu daga kl.
18.15–19.
Þorlákskirkja. Mömmumorgnar á
þriðjudögum kl. 10–12.
Krossinn. Almenn samkoma kl. 20.30
í Hlíðasmára 5. Allir velkomnir.
Frelsið, kristileg miðstöð. Biblíu-
skóli í kvöld kl. 20.
Glatt á hjalla í
Hjallakirkju