Morgunblaðið - 14.12.2001, Blaðsíða 22
VIÐSKIPTI/ATHAFNALÍF
22 FÖSTUDAGUR 14. DESEMBER 2001 MORGUNBLAÐIÐ
www.lyfja.is
Hvar sem barn er að finna
Nýjung í Lyfju Smáralind
Chicco ungbarnaföt
Barninu líður vel með Chicco næst sér!
Ef keypt er tvennt úr fatalínunni fylgir
glæsilegur gjafapakki frá Chicco *
* Meðan birgðir endast.
ÞÓRARINN V. Þórarinsson mun
ekki koma til starfa að nýju hjá
Landssíma Íslands hf., samkvæmt
fréttatilkynningu frá félaginu í gær.
Þá var greint frá því að Óskar Jós-
efsson, sem gegnt hefur starfi for-
stjóra frá miðjum október, muni
gegna því starfi áfram þar til nýr for-
stjóri verður ráðinn í samráði við
væntanlegan kjölfestufjárfesti.
Friðrik Pálsson, stjórnarformaður
Símans, segir að það sé sameiginleg
niðurstaða eiganda félagsins, þ.e.
ríkisstjórnarinnar, einkavæðingar-
nefndar og PriceWaterhouseCoopers
í Lundúnum, sem sér um söluna á fyr-
irtækinu, að Þórarinn láti af störfum
nú, þrátt fyrir ákvörðun sem tekin
var fyrir tveimur mánuðum um að
hann léti af störfum tímabundið, þar
til samið hefur verið við kjölfestufjár-
festi.
Aðspurður hvort einhverjar yfir-
lýsingar Þórarins í kringum einka-
væðingarferlið hafi verið tilefni þess
að mál fóru á þann veg sem komið er
segir Friðrik, að ekkert eitt hafi ráðið
úrslitum um að niðurstaðan varð sú
sem orðin er. Nokkur atvik hafi kom-
ið upp sem hafi sett óþarfa pirring í
málin.
Friðrik segir hins vegar að aðal-
atriðið í þessu máli sé það, að ekkert
sé rangt við að eigandi félags, sem
ræður forstjóra, hafi skoðun á því
hvenær hann hættir, á sama hátt og
forstjóri getur hvenær sem er sagt
upp.
„Það er augljóst mál að það er ekki
áhugi lengur fyrir því að þetta sam-
starf eigi sér stað. Þess vegna er þessi
niðurstaða,“ segir Friðrik.
Ekki farsælt kerfi
Þórarinn V. Þórarinsson segir að
ákvörunin um að hann komi ekki aft-
ur til starfa hjá Símanum komi hon-
um á óvart. Hún sé í andstöðu við það
sem um hafi verið talað og legið hafi
til grundvallar því að hann tók
starfshlé. Hann segist hafa átt fasælt
og traust samstarf við stjórn Símans
og ráðherra símamála um allt það
sem snúið hafi að rekstri fyrirtækis-
ins á þeim tíma sem hann hafi stýrt
því og segist ánægður með þann tíma.
Tekist hafi að breyta fyrirtækinu
þannig að það sé nú sannarlega mark-
aðsdrifið þjónustufyrirtæki á há-
tæknisviði í fremstu röð.
Þórarinn segist hins vegar ekki vé-
fengja rétt eiganda Símans til að
skipta um skoðun á því hver sé heppi-
legastur til að stýra fyrirtækinu á
hverjum tíma. „Ég játa það hins veg-
ar að stjórn á fyrirtæki í eigu ríkisins
reynist vera býsna flókin. Þó að hið
formlega stjórnkerfi sé það að það sé
stjórn fyrirtækisins sem sé yfir það
sett, þá er reyndin sú að yfir stjórn-
inni er ráðuneyti og ráðherra. Þar til
viðbótar kemur að sumu leyti yfir
ráðherrann það sem kallað er sölu-
aðilar, þ.e. einkavæðingarnefnd og
hugsanlega PricewaterhouseCoop-
ers. Það gefur auga leið að þetta
stjórnkerfi, þar sem allir þessir aðilar
telja eðlilegt að þeir hafi úrslita-
ákvörðun um hvaðeina í starfsemi
fyrirtækisins, er óskaplega brot-
gjarnt og býður þeirri hættu heim að
einhvers staðar komi upp núningur
og misskilningur.
Ég veiti því athygli að haft hefur
verið eftir stjórnarformanni að það sé
sameiginleg niðurstaða aðaleiganda
og söluaðila að þessi breyting sé æski-
leg. Þessi yfirlýsing sýnir best hvað
þetta kerfi er erfitt þegar ótilgreindir
söluaðilar hafa um það að segja hver
fer með daglega stjórn á fyrirtæki á
borð við Landssímann. Ég held að
þetta sé ekki farsælt kerfi,“ segir Þór-
arinn V. Þórarinsson.
Tilkynnt var 10. október síðastlið-
inn að stjórn Símans hefði samþykkt
að Þórarinn viki tímabundið sæti sem
forstjóri fyrirtækisins á meðan útboð
til kjölfestufjárfestis stendur yfir og
þar til kynnt hefur verið hvern einka-
væðingarnefnd ákveður að semja við
á grundvelli bindandi kauptilboðs.
Þórarinn hættir sem
forstjóri Símans
● UMFRAMÁSKRIFT var í forgangs-
réttarútboði á hlutafé í Íslandssíma
hf. sem lauk í gær. Alls skráðu hlut-
hafar sig fyrir tæplega 572 millj-
ónum króna að nafnverði í hlutafjár-
útboðinu en í boði voru liðlega 410
milljónir. Útboðsgengi var nafnverð
hlutafjár. Umframáskrift var því tæp-
lega 40%.
Samkvæmt fréttatilkynningu frá
MP-verðbréfum, sem höfðu umsjón
með útboðinu, tóku alls rúmlega
600 hluthafar þátt í því.
Tilgangur hlutafjárútboðsins var
að veita þeim hluthöfum Íslands-
síma sem keyptu hlut í félaginu á
árinu 2000 eða síðar möguleika á
að jafna meðalkaupgengi eign-
arhluta sinna í félaginu. Jafnframt
mun hlutafjáraukningin styrkja eig-
infjárstöðu félagsins, samkvæmt því
sem fram kemur í fréttatilkynning-
unni.
Umframáskrift
í forgangs-
réttarútboði
Íslandssíma
ÍSLENSKAR ævintýraferðir ehf.
hafa ráðið Ársæl Harðarson sem
nýjan framkvæmdastjóra félagsins
frá 1. janúar 2002. Í tilkynningu frá
fyrirtækinu segir að í kjölfar vax-
andi umsvifa félagsins, meðal ann-
ars með kaupum þess á innanlands-
deild Samvinnuferða-Landsýnar,
hafi stjórn félagsins ákveðið að
styrkja enn frekar markaðssókn
fyrirtækisins á erlenda markaði.
Íslenskar ævintýraferðir ehf.
urðu til í janúar síðastliðnum með
sameiningu Addis ehf., Geysis vél-
sleðaferða ehf., Langjökuls ehf. og
Bátafólksins ehf. Félagið festi kaup
á innanlandsdeild Samvinnuferða-
Landsýnar 5. desember síðstliðinn.
Í tilkynningunni segir að Ársæll
hafi verið ráðinn til að stjórna sam-
einingu innanlandsdeildar
Samvinnuferða-Landsýnar svo og
að blása til nýrrar sóknar á mörk-
uðum erlendis. Fjármögnun kaup-
anna er lokið með sölu á nýju
hlutafé í félaginu og er Ársæll með-
al hinna nýju hluthafa.
Garðar K. Vilhjálmsson, sem
gegnt hefur stöðu framkvæmda-
stjóra Íslenskra ævintýraferða mun
áfram stýra framkvæmdasviði fé-
lagsins og skipuleggja ferðir og sjá
um flotastjórnun.
Ársæll er framkvæmdastjóri hjá
fjárfestingarfélaginu Nordic Vent-
ure Partner A/S í Kaupmannahöfn.
Hann var framkvæmdastjóri Flug-
leiða í Danmörku frá ársbyrjun
1997 til ársloka 2000, en þar áður
forstöðumaður markaðssamskipta
hjá Flugleiðum. Þá var Ársæll
fyrsti framkvæmdastjóri Ráð-
stefnuskrifstofu Íslands og starfaði
þar frá 1991–1995.
Ársæll Harðarson segir að Ís-
lenskar ævintýraferðir hafi með út-
sjónarsemi þróað aðgengi að snjó
og jöklum fyrir ferðamenn allt árið,
hvernig sem viðrar. Mikil verðmæti
séu fólgin í þekkingu starfsmanna
félagsins. „Sömu sögu er að segja af
Samvinnuferðum-Landsýn, sem
hefur í áratugi verið sterkt vöru-
merki á erlendum mörkuðum.
Starfsmenn þess hafa mikila
reynslu og tengsl. Ég tel mikið
sóknarfæri fyrir fyrirtæki af þeirri
gerð sem við erum að byggja upp.
Það hefði orðið mikill skaði ef
merki Samvinnuferða-Landsýnar
hefði horfið af sjónarsviðinu er-
lendis. Við munum byggja á þessum
verðmætum. Ísland þarf á því að
halda að sem flest fyrirtæki hafi afl
til að markaðssetja landið erlendis.
Félagið er vel fjármagnað en það er
veikleiki í íslenskri ferðaþjónustu
hve mörg fyrirtæki eru veikburða
fjárhagslega,“ segir Ársæll.
Morgunblaðið/Ásdís
Ársæll Harðarson, framkvæmda-
stjóri Íslenskra ævintýraferða ehf.
Íslenskar ævintýraferðir ehf.
Markaðssókn
styrkt erlendis
KRÓNAN veiktist um 1⁄2% í gær í 5
milljarða króna viðskiptum á milli-
bankamarkaði með gjaldeyri. Upp-
hafsgildi var 144,25 og lokagildi
145 stig. Krónan hefur styrkst um
1,7% undanfarinn mánuð, en tals-
verðar sveiflur hafa verið á geng-
inu eins og sjá má á meðfylgjandi
línuriti.
Styrking krónunnar
forsenda
Fram kemur í hálffimm fréttum
Búnaðarbankans Verðbréfa í gær
að greiningadeild bankans telur að
forsenda fyrir því að markmið
samnings aðila vinnumarkaðarins
frá því í gær, um að vísitala neyslu-
verð verði ekki hærri en 222,5 stig í
maí 2002, sé að gengi krónunnar
styrkist. Greiningadeildin segir að
svo virðist sem markaðsaðilar hafi
orðið fyrir nokkrum vonbrigðum
með yfirlýsingu ríkisstjórnarinnar
í tengslum við nýtt samkomulag
aðila vinnumarkaðarins. Í fljótu
bragði gæti yfirlýsingin virkað
nokkuð veik, enda komi þar ekkert
fram um að breyting í lánasam-
setningu verði á milli innlendra og
erlendra markaða. Greiningadeild
Búnaðarbankans telur hins vegar
að yfirlýsingin sé skýr sé hún lesin
samhliða þeim samningi sem aðilar
vinnumarkaðarins gerðu sín á milli.
!
"
#
$
!
%&
& &'& %&'&
(
Krónan
veiktist
um 1⁄2%
● JÓN Ólafsson, stjórnarformaður
Norðurljósa og bankaráðsmaður í Ís-
landsbanka, seldi í gær tæplega 21
milljón króna að nafnvirði í bank-
anum á verðinu 4,15. Markaðsvirði
hlutarins er rúmar 83 milljónir króna.
Eignarhlutur Jóns Ólafssonar og co
sf. eftir söluna er tæpar 107 millj-
ónir króna að nafnvirði.
Í samtali við Morgunblaðið sagði
Jón að engin sérstök ástæða væri
fyrir þessari sölu nú. Hann benti á að
hann hefði á árinu keypt mest þeirra
sem tengjast bankanum og hann
væri með þessu aðeins að breyta
eignasafni sínu. Aðspurður hvort
áform væru um frekari sölu bréfa í Ís-
landsbanka sagði hann svo ekki
vera.
Jón Ólafsson
selur hlutabréf
í Íslandsbanka
NORSKIR dómstólar hafa dæmt
Fiskeldi Eyjafjarðar til að greiða
norska fiskeldisfyrirtækinu Risør-
fisk sem svarar 11,5 milljón íslensk-
um krónum fyrir samningsrof.
Málaferli hófust í Noregi í nóvem-
ber en málið er það fyrsta af þremur
deilumálum Risørfisk og Fiskeldis
Eyjafjarðar sem munu koma fyrir
rétt í Noregi.
Risørfisk var stofnað árið 1996 um
lúðueldi en árið 1998 gerði fyrirtæk-
ið samstarfssamning við Fiskeldi
Eyjafjarðar sem starfar á sama
sviði. Fiskeldi Eyjafjarðar keypti
einnig 34% hlutafjár í Risørfisk fyrir
um 2,4 milljónir norskra króna sem
nú samsvarar um 28 milljónum ís-
lenskra króna. Lúðueldið gekk ekki
sem skyldi og fjárfestar voru beðnir
um meira fjármagn. Í fyrra hætti
Fiskeldi Eyjafjarðar að sjá Risørfisk
fyrir hrognum og fóðri. Þetta segja
forsvarsmenn Risørfisk klárt brot á
samningi fyrirtækjanna og kröfðu
þeir Fiskeldi Eyjafjarðar um sem
samsvarar 140 milljónum íslenskra
króna í skaðabætur fyrir samnings-
rof. Héraðsréttur í Noregi hefur
dæmt Risørfisk í vil í fjórum atriðum
af sex sem fyrirtækið lagði fram fyr-
ir rétti og að Fiskeldi Eyjafjarðar
skuli greiða norska fyrirtækinu um
990 þúsund norskar krónur í skaða-
bætur eða um 11,5 milljón íslenskar
krónur. Risørfisk þarf að greiða eig-
in málskostnað samkvæmt dómnum,
að því er fram kemur í norska dag-
blaðinu Agderposten.
Risørfisk hefur átt í umtalsverð-
um rekstrarerfiðleikum síðan síðast
barst hráefni frá Íslandi, þ.e. í janúar
2000. Forsvarsmenn Risørfisk saka
Fiskeldi Eyjafjarðar um skemmdar-
verk og að hafa nýtt sér bága fjár-
hagsstöðu Risørfisk.
Ólafur Halldórsson, fram-
kvæmdastjóri Fiskeldis Eyjafjarðar,
sagðist í gær ekki hafa kynnt sér
dóminn og vildi því ekki tjá sig um
hann að svo stöddu.
Fiskeldi Eyjafjarðar
dæmt fyrir samningsrof
● LANDSBANKI Íslands hefur selt
hlutabréf í Búnaðarbanka Íslands að
nafnvirði 245,7 milljónir króna sem
bankinn eignaðist í tengslum við
sölu á 40% eignarhluta sínum í Lýs-
ingu. Um er að ræða 5,3% hlut í Bún-
aðarbankanum en eignarhlutur
Landsbankans er nú 3.780 krónur
að nafnvirði.
Landsbankinn selur
í Búnaðarbanka
STUTTFRÉTTIR