Morgunblaðið - 29.12.2001, Blaðsíða 26
VIÐSKIPTI/ATHAFNALÍF
26 LAUGARDAGUR 29. DESEMBER 2001 MORGUNBLAÐIÐ
AFLAVERÐMÆTI fjölveiðiskips
Samherja hf., Vilhelms Þorsteins-
sonar EA, nam á árinu sem nú er að
líða um 1.340 milljónum króna. Það
er án efa verðmætasti afli sem ís-
lenskt fiskiskip hefur nokkru sinni
borið að landi á einu ári.
Alls báru ellefu skip Samherja um
148 þúsund tonna afla á land á árinu
og nam verðmæti aflans ríflega 6,5
milljörðum króna. Þar af nam afla-
verðmæti sex vinnsluskipa félagsins,
umreiknað í Cif-verðmæti, um 5.240
milljónum króna en afli þeirra var
samtals 77.700 tonn. Vilhelm Þor-
steinsson EA veiddi þar af um 54.300
tonn af uppsjávarfiski en aflinn er að
mestu leyti unninn um borð. Nam
verðmæti aflans eins og áður segir
um 1.340 milljónum króna. Uppi-
staða aflans var síld en einnig kol-
munni og loðna. Þetta er fyrsta heila
árið sem skipið er að veiðum en það
kom nýtt til landsins í fyrra.
Frystitogarinn Baldvin Þorsteins-
son EA veiddi alls 6.400 tonn á árinu
og var aflaverðmæti hans um 970
milljónir króna en skipið var með
mesta aflaverðmætið á árinu 2000,
þá um 993 milljónir króna. Nóta- og
togveiðiskipið Þorsteinn EA veiddi
alls 38.600 tonn, að verðmæti 360
milljónir króna, og nótaskipið Odd-
eyrin EA veiddi um 23.700 tonn fyrir
um 170 milljónir króna. Afli ísfisk-
skipanna Kambarastar SU, Björg-
úlfs EA og Hjalteyrar EA varð sam-
tals um 8.100 tonn og nam verðmæti
aflans um 780 milljónum króna.
Ótal möguleikar framundan
Kristján Vilhelmsson, fram-
kvæmdastjóri útgerðarsviðs Sam-
herja, segir hið háa aflaverðmæti
Vilhelms Þorsteinssonar EA í takt
við ýtrustu væntingar sem gerðar
voru til skipsins og koma því ekki
beinlínis á óvart. Hann segir ótal
möguleika fyrir hendi fyrir skip af
þessu tagi. „Þessi árangur er þrátt
fyrir það mjög ánægjulegur, sér-
staklega í ljósi þess að um borð er
verið að vinna ákveðið brautryðj-
andastarf við sjóvinnslu á uppsjáv-
artegundum. Við höfum reyndar áð-
ur reynt slíkt með skipi sem heitir
Garðar en það var aðeins til skamms
tíma. Þetta hefur hinsvegar gengið
mjög vel og fer saman við hækkandi
verð á sjávarafurðum, sérstaklega
síldarafurðum. Eins eru næg verk-
efni framundan, til dæmis varðandi
vinnslu á kolmunna. Hann hefur
hinsvegar verið fremur smár á þessu
ári og hentar því ekki eins vel til
vinnslu af þessu tagi,“ segir Krist-
ján.
Aflaverðmæti Vilhelms Þorsteins-
sonar EA á árinu er næstum jafn-
mikið og framleiðsluverðmæti frysti-
húss félagsins á Dalvík en það var
um 1.600 milljónir króna á árinu.
Framleiðsluverðmæti landvinnslu
Samherja nam alls á árinu um 5.560
milljónum króna. Þar af nam fram-
leiðsluverðmæti rækjuvinnslu fé-
lagsins á Akureyri um 1.800 millj-
ónum króna.
Vilhelm Þorsteinsson EA með metaflaverðmæti á árinu
Í takt við ýtr-
ustu væntingar
Ljósmynd/Þorgeir Baldursson
Fjölveiðiskip Samherja, Vilhelm Þorsteinsson EA, við síldveiðar í Víkurál.
ÍSLENSKI fjársjóðurinn heitir nú
Afl fjárfestingarfélag hf. Í gær var
haldinn hluthafafundur í félaginu þar
sem nafnbreyting var m.a. samþykkt.
Einnig var samþykkt að gefa út nýtt
hlutafé allt að 2.000 milljónir króna
en heimildin gildir til ársloka 2006, að
því er fram kemur í fréttatilkynningu
frá Landsbankanum Landsbréfum.
Íslenski fjársjóðurinn, nú Afl fjár-
festingarfélag, hefur selt eigin bréf
að nafnverði 240 milljónir króna á
genginu 1,42. Eignarhlutur félagsins,
eftir söluna er nú 6,49% en var áður
40,65%. Kaupendur eru Þorsteinn
Vilhelmsson og Landsbankinn fjár-
festing en hvor aðili um sig keypti
hlutabréf fyrir 120 milljónir og á nú
17,08% hlut, að því er fram kemur í
tilkynningu til Verðbréfaþings Ís-
lands. Ný stjórn Afls fjárfestingar-
félags var kjörin á hluthafafundinum
í gær og verður Þorsteinn Vilhelms-
son stjórnarformaður.
Stjórnir Landsbankans fjárfest-
ingar hf. og eignarhaldsfélagsins
Örva ehf., sem er að fullu í eigu Þor-
steins Vilhelmssonar, hafa undirritað
samrunaáætlun í tengslum við þessar
breytingar, að því er fram kemur í til-
kynningu til VÞÍ. Samruninn miðast
við 1. október sl. Fram kemur að
markmið fjárfestingarinnar sé að efla
íslenska fjársjóðinn hf. verulega á
sviði áhrifafjárfestinga tengdum
sjávarútvegi.
Í fréttatilkynningunni frá Lands-
bankanum kemur fram að áður út-
gefinni fjárfestingarstefnu verður
breytt nokkuð. Félagið mun einbeita
sér frekar að fjárfestingum í hluta-
félögum með umbreytingu þeirra í
huga. „Ekki síst telur félagið mikil
tækifæri liggja í fjárfestingum í sjáv-
arútvegi með framangreind atriði að
leiðarljósi. Rekstrarfélag sjóðsins
telur brýnt að nýjum áherslum fylgi
aukin stjórnunarleg þátttaka í þeim
félögum sem sjóðurinn fjárfestir í,“
segir í fréttatilkynningunni.
Tap sjóðsins sjöfaldast
Íslenski fjársjóðurinn tapaði 286,1
milljón króna á tímabilinu 1. maí til
31. október sl. Tapið skýrist af erf-
iðum markaðsaðstæðum, að því er
fram kemur í tilkynningu til Verð-
bréfaþings Íslands en Landsbankinn
Landsbréf sér um daglegan rekstur
sjóðsins. Tapið á sama tímabili í fyrra
nam 40 milljónum króna.
Íslenski fjársjóðurinn hf. var stofn-
aður árið 1995 með það að markmiði
að fjárfesta í íslenskum sjávarútvegi
og er fjöldi hluthafa um fjögur þús-
und.
Íslenski fjársjóð-
urinn verður Afl
fjárfestingarfélag
HEILDARKOSTNAÐUR Sam-
herja vegna skipaskipta félagsins
við DFFU í Þýzkalandi er áætlaður
um 665 milljónir króna. 265 millj-
ónir króna þarf félagið að greiða
vegna skiptanna á Baldvini Þor-
steinssyni og Hannover, áður Guð-
björgu ÍS.
Þá er kostnaður vegna breytinga
Hannover í fjölveiðiskip áætlaður
um 400 milljónir króna.
Hannover er tveimur árum yngra
skip en Baldvin. Það er lengra,
breiðara, dýpra og búið betri tog-
búnaði en Baldvin. Vél Hannover er
mun aflmeiri en vél Baldvins og
loks er frystikerfi Hannover stærra.
„Að þessum þáttum þáttum öllum
athuguðum finnst okkur Samherja-
mönnum ekkert óeðlilegt að borga
265 milljónir króna á milli við skipa-
skiptin,“ segir Þorsteinn Már Bald-
vinsson, forstjóri Samherja, í sam-
tali við Morgunblaðið. „Hannover
hentar markmiðum okkar vel, að
breytingunum loknum. Þá verður
Hannover geysilega öflugt skip,
sem mun gefa okkur aukin tækifæri
í starfsemi okkar, sérstaklega veið-
um á uppsjávarfiski, sem skila mikl-
um tekjum um þessar mundir,“ seg-
ir Þorsteinn Már.
Kostnað-
ur alls
665
milljónir
Skipaskipti Samherja
NÝSKÖPUNARSJÓÐUR atvinnu-
lífsins og Íslenski hugbúnaðarsjóð-
urinn hafa gert samning um að fyrr-
nefndi sjóðurinn fjárfesti í þeim
síðarnefnda fyrir 420 milljónir
króna. Samningur-
inn er háður sam-
þykki stjórnar
beggja félaga.
Sigurður Smári
Gylfason, fram-
kvæmdastjóri Íslenska hugbúnaðar-
sjóðsins, segir þetta efla Íslenska
hugbúnaðarsjóðinn verulega og
styrkja hann í sessi sem stærsta fjár-
festinn á sviði upplýsingatækni. „Við
erum mjög ánægð með að fá þennan
sterka bakhjarl sem Nýsköpunar-
sjóðurinn er og einnig að fjárfesting-
um þessara aðila verði beint í gegn-
um Íslenska hugbúnaðarsjóðinn þar
sem byggð hefur verið upp þekking á
þessu sviði. Staða
okkar er þannig í
dag að við erum að
fjármagna okkur
með skuldum og
þetta leysir úr
þeim aðstæðum að sinni.“
Nýsköpunarsjóður atvinnulífsins
verður stærsti hluthafi í Íshug með
um 30% hlut. Aðrir stórir hluthafar í
Íslenska hugbúnaðarsjóðnum eru
Landsbanki Íslands með um fjórð-
ungshlut og Búnaðarbanki Íslands
með um 20%. Nýsköpunarsjóður at-
vinnulífsins greiddi annars vegar
fyrir bréfin í Íshugmeð reiðufé og
hins vegar með óskráðum hlutabréf-
um úr sinni eigu.
Lykilatriði að komast
út úr fjárfestingum
Úlfar Steindórsson, framkvæmda-
stjóri Nýsköpunarsjóðs atvinnulífs-
ins, segir í samtali við Morgunblaðið
að með fjárfestingunni sé Nýsköp-
unarsjóðurinn að koma óskráðum
bréfum í sinni eigu inn í skráðan sjóð.
„Hugsunin er einnig sú að við teljum
mjög skynsanlegt að efla einn fjár-
festingarsjóð sem sérhæfir sig í upp-
lýsingatæknigeiranum. Í þeim tilvik-
um þar sem fjárfestingarmöguleikar
eru á þessu sviði munum við vinna
náið með Íslenska hugbúnaðarsjóðn-
um.“
Úlfar segir að með þessum hætti
sé stigið fyrsta skrefið í að Nýsköp-
unarsjóður atvinnulífsins komist út
úr fjárfestingum sem hann er nú
þegar kominn inn í. „Það er grund-
vallaratriði til að sjóðurinn geti
gegnt hlutverki sínu á markaði fyrir
áhættufjárfestingar. Það er lykilat-
riði að komast út því ef það er ekki
hægt, verður mjög erfitt að fjárfesta
áfram í nýjum félögum.“
Nýsköpunarsjóður atvinnu-
lífsins stærsti hluthafi í Íshug
GENGI íslensku krónunnar hefur
lækkað um 17,6% frá 29. desember í
fyrra en krónan veiktist um 0,7% í
gær. Opið verður á millibankamark-
aði til hádegis á gamlársdag.
Gengisvísitalan 29. desember í
fyrra var 120,84. Gengisvísitala
krónunnar fór úr 141,30 í 142,30 í
gær og samsvarar það 0,7% veikingu
yfir daginn. Velta á millibankamark-
aði með gjaldeyri var um níu millj-
arðar í gær og gengi bandaríkjadals
var 103,8 krónur.
Nokkuð hefur verið um að fyrir-
tæki hafi verið að greiða upp erlend
skammtímalán fyrir áramótin og
hefur það átt sinn þátt í veikingu síð-
ustu tveggja daga, að mati sérfræð-
inga Íslandsbanka.
Krónan hef-
ur veikst um
17,6% á árinu
VÁTRYGGINGARFÉLAG Ís-
lands hf. hefur aukið hlut sinn
í Olíufélaginu hf. úr 13,29% í
20,72%. VÍS keypti hlutabréf í
Olíufélaginu að nafnverði um
72,2 milljónir króna, að því er
fram kemur í tilkynningu til
Verðbréfaþings. Miðað við
gengi bréfa Olíufélagsins í
gær, sem var 12,2, er mark-
aðsvirði þessara bréfa um 881
milljón króna.
Í annarri tilkynningu til
VÞÍ kom fram að Traustfang
hf., félag í eigu VÍS, Sam-
vinnulífeyrissjóðsins, Olíufé-
lagsins og Mundils, hefur selt
19,02% hlut sinn í Olíufélaginu
sem er um 188,3 milljónir að
nafnverði. Markaðsverðmæti
hlutarins miðað við lokagengi í
gær er um 2,3 milljarðar
króna.
VÍS með
rúm 20%
í Olíufé-
laginu
GREIÐSLUKORTANOTKUN
Íslendinga jókst fyrir jólin í ár
frá jólaversluninni í fyrra. Við-
miðunartímabil
eru ekki þau
sömu hjá
greiðslukorta-
fyrirtækjunum
Europay og Visa
Ísland og tölur
því ekki fullkom-
lega sambæri-
legar.
Korthafar hjá
Europay notuðu
greiðslukort til
að greiða fyrir
andvirði 5,3
milljarða króna
á tímabilinu 18.
nóvember til 17.
desember sl. en
á sama tímabili í
fyrra nam veltan 3,7 milljörðum
króna. Kreditkort Europay veltu
2.027 milljónum á tímabilinu sem
er 15,2% aukning frá í fyrra.
Debetkortin veltu 3,3 milljörðum
miðað við 1,9 milljarða í fyrra og
er það 74% aukning.
Korthafar
Visa Ísland not-
uðu kreditkort
til að kaupa and-
virði 9,3 millj-
arða króna á
tímabilinu 1.–24.
desember sl. og
er það aukning
um 11,4% frá
sama tímabili í
fyrra. Debet-
kortanotkun hjá
Visa jókst um
10% frá í fyrra
en einungis
liggja fyrir tölur
fyrir tímabilið
1.–17. desember
og notkunin
nam fimm milljörðum á því tíma-
bili í ár. Alls var veltan um
greiðslukort Visa fyrir jólin því
um 14,3 milljarðar króna.
Aukin greiðslu-
kortanotkun
fyrir jólin
74% aukning í notkun
debetkorta Europay